عاشگ وحب الدمعه
توگع بجف البضعه
وهنيالي لو توصل دمعتي الشفته
ذك الوكع عالشاطي كافل اخته
-----------------------------
احمد الخفاجي

مرت عليه سنين داير عنك
ما اسمع اونين الزجيه اونك
مديت اديه النجواك
كل عمري خليني اوياك
**********
احمد الخفاجي

فاگدين
جلمه مايفهمها عبد المجرمين
ماكو دمعه اتسيل منه
ابلا بواجي انودع اهلنه
عالهزل نعبر عليهم
ندري كل شي ما بديهم
همه فوگ الغبره واحنه مجتفين
فاگدين
*****
ورود ضعن الغيره ليش مذبلين
لان عطشن من سقاهن
جف ذبح گلب الرعاهن
ضاکن المر من سباهن
وكل شي دون الهم جفاهن
ضلن يندبن دليل الحايرين
*****
فاگدين
وانه وحدي ومالي غير الون معين
بلايه حس ونت جروحي
عفه مو عالهزل روحي
اتهون بس شيكف نضرته
الشامت وحدت جلمته
البيها ما راحم يتامه المضعنين
فاگدين**
*****
فاگدين**
وما اضن اتضل شمس للمغربين
الحيلهن كف من بدرهن
حروف الموادع كتبهن
عالشريعه بدم ادينه
ابلا وداع تفارگينه

هاي چلمت كافل الخدر المبين
***************
الشاعر احمد الخفاجي

خان الماي

من راد العذب يشرب ترك ثغره اوعطش
وده
جان ابنيته ثغره ايشوف ومن الجربه
يتبده
نزع ثوب الطهاره وطاح من دله السهم
گصده
اذن صار الترب اعذب لأن لم العذب
خده
اسئل عقلك اوشيگول منهو الاعذب
ايعده
للعاف الجمر بحشاك لو للشالك
ابوده
كون الترب موش الماي شريان الحيا
سده

✍احمد الخفاجي

اجيت وبالدمع بللت ردناي
وگلتلك من توالي الليل ردناي
ومن انعيت يمك اه رد ناي
المصايب والالم يعزف رزيه

✍احمد الخفاجي

ردت جواب منك يوم ياريت
عليه الدنيه بالاحزان ياريت
دگوم الزينبك ياحيد ياريت
بس اسكوت منك والمنيه

✍احمد الخفاجي

طفت نار المخيم من يطفلي
نار افراگ عبد الله يطفلي
بعمر ست شهر وباگه يطفلي
الاخذ كل الاعزهم من اديه

✍احمد الخفاجي

اي بعدهي احبال حبك
مني ما حلت**
حنينك شادهه-
هواي افتحت بوب الضياع*
وماضعت بوجودك*
ووجودك*
لو مافياي ارويحتك
جا ما نطق وحي العشگ
بحروفك *
يا من حروفه الهن اثر
كل خطوه لسنين العمر *
لو من قبل ما انولد
عشگك زرعته بروحي*
وهيج انه مو من كيفي
گتلك**
ياجروحي وهاك روحي
لن حياتي بكيف سيد بكربلاء
هوا يفعل مايشاء
هوا يفعل مايشاء
***************
✍احمد الخفاجي

غربت بس هيه الشمس من تغرب اترد تالي
ليلالي من الله يضل دووم بسماه ايلالي
تمشي بوهم اهل الجور
ماينهدم بيت النور
*************
اشما عصفت ارياح الضلم ماتنطفي شمعته
وشما خريف اذبل ورگ تذبل وهم وركته
نوره شمس تضوي الصبح والعتم بي گمرته
شما هدموا يعني الگبر ماتنهدم عضمته

والصار في سر من راى ما شاء ربك فعل
بطيح المنارات  ارتفع حي على خير العمل

الكون الارض بيها ايدور
****************
بيوم انتصار الدم عجب ماتتعض زمرهم
شگد حاولو يمحون اثر ذكر الله من ارضهم
بس اليريده الله بقى وجفهم ذبح اثرهم
ذولي اهل بيت النبي ذكر الله من ذكرهم

يعني يزول شما عتم طالت اديه واستفحل
وكل امر بالاخر يضل امر الله هوه الاول

حروف الله مو عمر اشهور
**************
مو نجمه ويعوف السمه حروف اللضه عقابه
بس هوه تفسير الهدم جرح بجرح مصابه
راد يهدم گبره الجسم دم وترب خضابه
يعني جرح خاطب جرح وناتج هدم جوابه

راد بهدم گبره ايحضن جرح اليعانگ عمته
جده عدل فوگ الارض والخيل اجت سحگته
جرح بنبض گلبه ايفور
**************
حتى بعد ما يندفن راد القبر مواسي
ويه الزحيه وعمته بحزن والم يماسي
هدم ضريحه وگبته وهيج انبنه بحواسي
فيض الحزن من كل كتر  خله الالم رواسي

الگضه مضلوم ورحل بالگبر حزنه اتعاله
طاحن مناراته دمع والگبه تشرح حاله

بيها الحزن جمر ايثور
***********
الشاعر احمد الخفاجي

ما تضل امجتفات*** دموعي للطف مضعنات

      عدهه سفرة الجود عباس الكفيل
********************************
الموت ما يكتل حنين اليحضنه
ولا يكف دمع العيون المحزنه
الجرح لو ما يبره شيدل مسكنه
وناره لسيول المواجع مضعنه

الجرحه نار ودله موت
روحه تبقه تبدي صوت
صوت جرحه الما هجع ينزف دليل
*****************
وهوه ياموت اليطفي الماطفه
وعندي سهم بعين ابوفاضل غفه
وخيم كلهه جروح ماتقبل شفه
وصدر بي جم حافر وحافر دفه

جروح كلهن عاطشات
بنهر عيني مسافرات
يردن يدلن ورد بيد الخليل
****************
الموت مرني وما يهم لو رد نزل
البدر ما يهتم  يغيب لو كمل
انه قصه جرحي ولدت من اجل
مات ابوفاضل ومت وجرحي ضل

الجرح لو فايض ممات
عدل ميت بي حياة
الورد من ارض المنايا ايضل يسيل
******************
كل شي من يتالم ايهل طارفه
عيوني مو مدمع مواجع ذارفه
جروح گلبي امن النواضر نازفه
 روحي اكبر الم بطف غارفه

جروحي حد اخر سمه
الهذا عيني تصب دمه
حيل گلبيي امن الجروح اصبح عليل
*************

الشاعر احمد الخفاجي

للاستفسار عن قصائد الشاعر
@aldma1

السلام على المعذب في قعر السجون وضلمات طواميرها😭،،

ياجرح معگود بدليل الدهر
يمر ذكرة الم بضفاف النضر
الماخذ گلوب وفكر بغيابه
ذكرته تخلي المقل سجابه
************************
عادة الغالي اذا فارگ احبته
موت بگلوب التصد تگعد نضرته
جمره بعيون الهوه تخلد ذكرته
شحال لعيون العرش ناحت فرگته

يلي تارك عبره بعيون العرش
امك الزهره حمر منهه الرمش
الجرح كل ليليه فاتح بابه
-------------------------------
جروحكم جف الزمن من يعتنيهه
ماتدور عاليضمهه ويحتويهه
هناك صوت امن البقيع يصيح بيهه
ياجروح الزهره ما گطعت بجيهه

عرفت ثوب الدهر من يوم الغريب
بعد ما يترك جرح واحد يطيب
لان احبابي بحضن لترابه
.....................................
 ياسجين الغربه لجروحك وطن
خنگت الطاموره وقيودك صفن
معبد الدمعات شوف ام الحسن
انته مثل حسين بس عندك چفن

لان جنت اترتل اباذن الجروح
لا نزيف الا النحر بالطف ينوح
موقفك گلب الزجيه ذابه
...................................
الثلم صبرك  مو كيود ولا الم
هد كيانك عمتك التطفي الخيم
وسهم حزنك كبر من شفت السهم
ذبح گمرة زينب وزاد العتم

النوايب هاي قربت موتتك
سهام من وجه وگفه من حضنتك
موسى جان الطف حديث مصابه
..................................
✍احمد الخفاجي

أّمَنِيِّتّّ أّلَهِوِهِ وِأّمَنِ جِلَمَتّګ
مَنِ َّسبِلَ حٌيِّلَګ وِصٌفِّرتّ وِرگتّګِ

هِوِهِ أّنِفِّأَّّسګ مَأّ طّلَعٌ لَوِمَأّ أّمَأّنِ
يبِقِهَِ عٌأّيِّشٍ مَنِ يِّفِّأّرګ ريِّتّګ

لَأّنِ ضّلَګ َّسيِّدِيِّ نِفَِّّس أّلَوِجِوِدِ
يِّعٌنِيِّ مَأّ ګأّنِ وِيِّګوِنِ بِيِّمَنِتّګ

مَأّ يِّحٌد عٌمَرګ أّلَمَوِتّ شٍبِيِّ أّجِأّګ
هِأّ أّجِأّګ يِّريِّدِ يِّحٌيِّهِ بِحٌٌضّرتّګ

أّلََّسَّبِعٌهِ يّضّلَمَنِِ أّذّأّ فِّگدِنِ ضّوِأّګ
تّوِهِمَتّ ذّيِّجِ أّلَمَتّوِنِ أّلَشٍيِّعٌتّګ

مَأّ مَتّت مَوِلَأّيِّ وِأّلَرأّيِّدِ دِلَيِّلَ
بِعٌدِهِ هِذّأّ أّلَګوِنِ حٌيِّ بِنِضّرتّګ

أّيِّ نِعٌمَ مَيِّتّ بِگلَبِ أّلَمَأّ هِوِأّګ
وِلَوِ هِوِه أّلَحٌجِر عٌأّشٍگ َّسيِّرتّګ

أّنِتّهِ مَوِ ذّرعٌأّنِ فِّګيِّتّ أّلَعٌيِّوِنِ
لَلَگلَوِبِ أّلَروِتّ گدِ مَأّ ضّلَمَتّګ

حٌتّمَأّ مَغٌطّيِّ بِرحٌمَتّګ هِأّلَوِجِوِدِ
وِأّلَذّيِّ ََّّسمَوِګ نِزِّعٌوِ رحٌمَتّګ
***************
أّلَشٍأّعٌر أّحٌمَدِ أّلَخَفِّأّجِيّ

الفاتحه الأم البنين
جان يقراهه السجين
من يتمها يشوف گدامه الوفاء
المن سماه ابدور اخذت كربلاء
*********************
جان من تترادف اعليه الهموم الذابحه
وتحضن جروحه وتصبح جنها ويل ولافحه
ينخي ذيج المن سماها ابدور اربع طايحه
ويسجد الرحمة اسمها والهه يقره الفاتحه

ويه اخر ايه
للوفه ايصد رايه
تفيي فوگه وتدفع جفوف البلاء
**************************
مايجف نبع الوفاء وما يحد بصوره
هوا صح طف النوايب اخذ كل ابدوره
ومابقت بس المدامع عالارض منثوره
رد يروي الروحه ذبلت الم بطاموه

الكاظم امن انخاهه
نطت ضي عيناهه
وصارت بحضن السجن شمس السماء
*************************
هاي ام المارضاهه يشوف اخته تعوفه
وخله مثل البده مايه يبدي كمرة شوفه
هاي صوره امن الوفاء بكربلا معروفه
موسى ابن جعفر نخاها ودمعته مذروفه

ينخي وتهل عينه
الجامعه ابيدينه
ومن اثر گيد الحديد يصب دماء
********************
 لحد اخر يوم جانت ابد ما عافته
لحد ماسما عدوه وبالگلب دفنته
وجان راد يوافي الها مثل ماوافته
گلهه اريد جروح كلبج بعد ما داوته

ومات بس اجروحه
عايشات ابروحه
وجان اكبر جرح جده ابلا رداء
*********************
✍احمد الخفاجي

تبده جود الگلب لمن سمموك
ونزفت جروحك لجن ما تقره سم

جروح لاكن  تختلف عن الجروح
 موش دم يدن طوارفهن خيم

هان جرحك من عشت ذاك المصاب
وسجد همك من گلتله الطف اهم

قلم همك خلص من الموت اجاك
وبعده بالطف مانشف ذاك القلم

اولى من اجروحك اجروح الغريب
وهيج جرحك صوره من الطف رسم

 نثلم گلبك من وضع ذيج السجون
بس نوايب كربلا بيها انجسم

ياحليف السجده بجروح الغريب
گلبك شگم مره طاح اويه العلم

وعبر كم يوم اهدعش موحش عليك
كثر ما عيناك غطاهه العتم

وجم فرض تمت على ايديك القيود
لو لحد يوم الفراگ اتگول اتم

شلون جنت تكابر اعله النايبات
اضن گلبك حاضن من الطف سهم
*******************
✍احمد الخفاجي

لاح اليورث لمني دمعه ابنضرتك
بعيوني ماتت صحره تعطش خيمتك
الدمع لو كله اندار
النار اشيطفيها بنار
بعيني ماتت صحره تعطش خيمتك
................ـ
نار الخيم ماتنحمل. من تنطفي اتخلف جمر.

چم خيمه عندك تشتعل. وبعيني مو مدمع هوه

حولني ماي اتوسلك..ورشفني فوگ مخيمك..

بضل الخيم جم طفل الك..مجروح وبعازة دوه

من غيرة الكافل ضعن..ارزقني لرض مصيبتك..

حته الطفوف يضل وطن ..روحي التباوعلك لوه

اقبلني الخاطر دموع الحشمتك
لاح اليورث لمني دمعه بنضرتك

بلبوة علي حامي الجار
النار اشيطقيها النار
………… ...........ـ
بان البياض اعله الدمع كل حيله يتبده الحزن

طبع الدمع مثل الشمع كل مايشب عوده يصب

اجمع سوالف من عمر خلص بچي ابهيمة ركض

خلص نعي ابدرب اليسر اه ياالم ذاك الدرب

سويني غيمه اعلا الخدر افرش ضلامي اعلا الحرم

وامطر دلالي وانكسر. واحمي المتن من الضرب

بچفوفي اصدنه اليطگ ابنيتك
لاح اليورث لمني دمعه بنضرتك

گلبي الحزن موطن صار
النار اشيطفيهه ابنار
-------------------
لاحن رياحين الضعن والنار موبس بالخيم

النار اول ما بدت لهمت گلوب الحايره

معناهه دورت عالفگد ستر الكوافل والشيم

ودارت حول گلب الخدر وحول المخيم دايره

من كل كتر نضرة لهب تاكل ابكل حيل ايعثر

وياحيل ما ذبل اثر ويل الاعادي الناضره

النار عطشت كلمن بضل رحمتك
لاح اليورث لمني دمعه بنضرتك

والنار تاخذ يا ثار
الناراشيطفيها النار

________________

شيسكن الامه اليحن. شوگ الحنين ابلا رحم

مايبقه حيله وينسحن. وابلا وعي ايطر مسرته

ماينوصف لونه الندم. واتعيشه روحي القصرت

واحساسه ماينگال الم. بس ينعرف من عبرته

شيب دليلي من القهر. عالتوبه ارد وارجع وارد

بيدك نقذت اشگد بشر. كون الذنوبه امغرگته


تحرگني رايد روحي شمعه الجمرتك
لاح اليورث لمني دمعه ابنضرتك

لتخلي عبدك محتار
النار اشيطفيهه ابنار

————————————

قصيده مشتركه
✍احمد الخفاجي
(والحبيب)
✍احمد الحيدري
@ah_alhedry

خطاب صاحب الزمان عج

من وين ادورلك صبر ما شفت غير المگفه
ناعور گلبي شما غرف تطلع صحاري بجرفه

اليبتعد عن ضل النضر محد يشوفه بگلبه
بس اليروح من الگلب كل الدموع تعرفه

موميت وما انذكر بس عايش بنص موته
ياگلبي بس هوا ولو لخرس يدور صوته

والما يدور يعرف بيونس ينجيه حوته
والينحت بوجه الرمل يعرف غلط منحوته

بس لشوكت اوگف ضوه وتمطر ليالي جفوفك
خيط الشمع كل مايشب تخلص حياته ويطفه

الجمره يحييها الهوه وكت الرماد ايطشها
ونهر العمر غفله يجف ما تلحگ اتلم غرفه

مثل السمه محير تضل ما تگدر اتعد نجمك
وما تعرف خيوط الفجر يمته الضلام تصرفه

ما حاسب احسابك جنت ما تحذر امن العثره
والدمع ما يرجع بعد لمن يهل من طرفه

لا تترك اوراقك صفر جف الخريف ايجرهه
الشجره كل ما تنترك للفاس تصبح ترفه

ارجع گلتله وما سمع يا گلبي وتصد بعده
كل جمعه يوسف بالبئر وجروحه يدن عفه


✍احمد الخفاجي

ضياعك من رمح شالك علمنا
وحزنه الرفرف بطيحت علمنا
موبس النضر يگطر علمنا
الگلب گوطر نبض حد المنيه

✍احمد الخفاجي