السلام عليكم ورحمة الله وبركاته

سيتم نشر قصائد الشاعر احمد الخفاجي
في ايام محرم الحرام

ونسال الله القبول منا ومنكم

✍️احمد الخفاجي
@aldma11

لا تفل حبل المدد. .رد يا رداد الشدد
لا يا امان اهل البيت..نضرة بعُد ما لميت
¯¯-¯¯-¯¯-¯¯-¯¯-¯¯-¯¯
رحت عني وما رحت گال الشعور
دمي بعده بروح شرياني يدور
الكون بعده محجب بنضرة غيور
وريتي ما تشتم عطب تشتم بخور
ولسه ما هدني الضمه
فارش بروحي السمه
ونسمة غرب ما شميت
***
ماهجست بدورت عيونك وداع
ولا سمعت بطاري موتك تحچي گاع
ليش رد حسين مكسور الشراع
وثغره صار يرتل ايات الضياع
وكل ملامح وجه آ
وراد يحچي وگتله لا
تلفض رحل وانه بقيت
-----------------
مد وصالك يا نفس جلمة خدر
نشف دمعي وضل هوا انفاسي اليدر
لا تگول هلال عمرك حد بدر
تره الما عدهم رحم تبعد شبر
وحنه مو برض الوطن
يا من بضعني ضعن
مو هايه منك تانيت
**
ليش نار الفركه بدروبك تشب
عيني تانت عينك ونضرت عذب
والرياح شما درتها الهب تهب
خويه فك شراعك ورد الرچب
رد يبو فاضل هوا
دمع اخيك دم هوى
يالي بوديعه توصيت
-----------------
ودعوني اهلي بيمينك بالعنان
ومارضيت كفيل غيرك بالزمان
شفت گلبك فايض بنهر الحنان
وروحي بچفوفك لگت طعم الامان
ولان موتك خويه شاع
جاي اصد نوگ الضياع
وچني عليهن حنيت
*****
الشاعر احمد الخفاجي
https://www.tg-me.com/

ماجنت اعرف وداعك جان للفرگه
طفح دم من ناضري
كسر گلبي وخاطري
وجن ضوه بسرداب ادور هيجي عالملگه
جان للفرگه
*****************
ها يروحي وكل جروحي
لا ياساگي الگلب فطر من تركته
ما كلتلي من حضنتك
كلبك اخر مره هاي اسمع نبضته

وشعجب گلبي اعله كلبك مادره
روحي روحك  بويه عنها مسافره

ليش اخفيت المشاعر ساعة الشبگه
يا دموعي اتناثري
***************
ومن عفتني عيوني طاحت
نص نضرتك وانقبض گلبي باثرها

نضره صارت روحي بيها
وفرفحت لمن نطت عينك ضهرها

فارگتني واحتضن گلبي الضياع
ابحر هجرك قررت فك الشراع

ياهواي الفرگه تكتل والله مختنگه
شگد اگولن صابري
**************
عيني طبگت وانته بيهه
وفتحت لكن على امفارگ فجرها

الدنيه غبره وانته ماكوا
وعمتي اول مره يتبلل نضرها

بين الخيام انضرت للغربه عين
صحت ياعمه ابالم وين الحسين

ماحجت لكنها ضلت تبجي ومدنگه
بحسرة گالت ناطري
****************
بويه وينك ياحبيبي
لو تباوع حالي ترجع من سفرتك
نار هجرك بيه لكن
نار وصلت من المعطش وردتك

نار هجرك كلت گلبي وهايه نار
وصلت كل الخيم للأحتضار

القلوب البيها گلبك كلها محترگه
جروح تدي بحاضري
****************
بويه تدري بگيد حبك
لجن ما تدري بحبل كيد اديه

اي خذوني من دلالك
من رقيه الهاشميه للسبيه

يا ضوه بسرداب اثرك ما لگيت
غير هجرك والى الله اشتكيت

اخذ روحي يلي مثلك روحي ماتلگه
گلي مثلك سافري



احمد الخفاجي

اخو زينب اخو زينب
اخو زينب والنعم
****************************
عطش سيف الگمر للدم  بعد ما شاهد سكينه
سولف للگمر كلمات طگ عرگه وقره جبينه
الگطع درب النهر والما گطع نگطعله ايدينه
خلص يومه الخذا جفه بجنهم بس يفك عينه
ويل سيفه لو عطش
ليل عالصبح انفرش

ياخو زينب      ياخو زينب
ياخو زينب والنعم

**********************
العرف والما عرف عباس خايف من رعيد اسمه
رفت عينهم للموت من رفرف جنح علمه
الكلام الصارمه وكل شي الخصم واضح ولاكلمه
وياهو الي سمع لوشاف ابو فاضل افل نجمه
ما يهم لاكبر عدد
حرزه يا علي مدد

**********************
لايمكن ولاممكن يخضع للعطش ضعنه
غير الكون والبل كون والما منخلق يفنه
يتنعه ويجيله الماي مو عباس يتعنه
ذاك الحل شمس لغروب هذا المنوصف ابنه

بي كلافه حيدرة
بين اعله الگنطره

*********************
اليفعل ما اراد الله والله يفعل الراده
اضن الطف شرف عالموت بيدينه ورجع عاده
لان ما راد موت الماي غير مجمع اوراده
من ذيج الخيم عباس بي صوت العطش ناده

وتنفض راعي الشيم
نهر مابين الخيم

اليوم ارض الطف نكحل اعيونهه
***********
اليوم ارض الطف نطب ميدانهه
والسفينه اتريد بس ربانهه
اليوم نكتب بالدمه ابعنانهه
اهل غيره وبالحسين اجنونهه
***************
بسم ابو الاحرار كلشي انديره
والصعب لا مو صعب تغييره
احنه كدهه اشما تصير اجبيره
فزعه نمحي كربله من كونهه
************
هدل متن الجيش من كربونه
والعدد سبعين من حسبونه
نسو واحدنه بالف وشلونه
اوصارت الما جانوا يحسبونهه
**********
الكاع مالت واحنه عدلناهه
والصوارم والله تعبناهه
وبعددنه الوف كابلناهه
جا گضت وارض الدمه ايسمونهه
*************
توسطينه المعركه والرايه
شلون توكع واحنه عدنه حجايه
ويزل بس لبكصته ناشف مايه
واحنه اهل البيت نهوه ابدونهه
*************
احمد الخفاجي

اليوم ارض الطف نكحل اعيونها
***********
اليوم ارض الطف نطب ميدانهه
والسفينه اتريد بس ربانهه
اليوم نكتب بالدمه ابعنانهه
اهل غيره وبالحسين اجنونهه
***************
بسم ابو الاحرار كلشي انديره
والصعب لا مو صعب تغييره
احنه كدهه اشما تصير اجبيره
فزعه نمحي كربله من كونهه
************
هدل متن الجيش من كربونه
والعدد سبعين من حسبونه
نسو واحدنه بالف وشلونه
اوصارت الما جانوا يحسبونهه
**********
الكاع مالت واحنه عدلناهه
والصوارم والله تعبناهه
وبعددنه الوف كابلناهه
جا گضت وارض الدمه ايسمونهه
*************
توسطينه المعركه والرايه
شلون توكع واحنه عدنه حجايه
ويزل بس لبكصته ناشف مايه
واحنه ال البيت ابد منخونهه
*************
احمد الخفاجي

عباس عباس عباس عباس

اجت اول علامه
عطش موت بحسامه
على الجيش السلامه
اذا هد من سكونه

اذا خزرة نضرته
جفت بالحومه سكته
اضن نگضي بحملته
فماذا تصنعونه
 
يا فارس نوديه
يرد حدر الترابب
يا هو الي يواجه
بطل كل الحرايب
يا طبعه المنعرف بالحومه
واعدائه ميته لو مهزمه
ما عنده واحد نازله وما ضمه للموته
كل الاشاوس ترتجف من ينسمع صوته


*****************
نزل برض الشريعه
گلب لون الطبيعه
الوفك مو  منيعه
عبرها ابحد مهرته

سمعنه الشگره صهلت
سمه وعالغبره نزلت
عواصف ايده حملت
سقر تنزل ضربته


من يحمل علينه
صعب تثبت كتايب
نخلص بين ادينه
ومو من العجايب

فرسانك تشرد من اخياله
حته الخيل ترفض الخياله

كسر وجمع جيشك. بدت  تختل موازينه
لا ميمنه ولا ميسره امضيع عناوينه
*****
بسم الله اكبر
نطق وعيونه تسعر
يكر وعليهه يفتر
يطشرهه العساكر

يطش بيها ويلمهه
الفرات احمر جفنها
كثر ما بي دفنها
وثبت فوك الگناطر

حيدر مدري ابنه
تحيرنه بنضرته
عباس اي واذا غار
شمرة علي بيمنته

الناتج من علي ومن ابنه
واحد في واحد من يعدنه

ناتجها واحد ما يهم عنده الاف واحد
تحجي المعارك من قبل قائد وابن قائد
************************
✍️احمد الخفاجي

شئت وشاء الله وقال
اول بدرا تموت هلال
ضاما اموت بعين النهري
وهوا يعود كسير الضهري
****************
هواي اجاني من المخيم مطلب الماي
عاينتهن ورده ورده تعنت سماي
شكوه من سكينه مردت گلبي وحشاي
عمي ما بالجربه گطرة تبلل شفاي
صوت العطاشا يدمي الفؤاد
وانا الساقي فكيف الرقاد
ما كنت اعرف ماذا سيجري
وهوا يعود كسير الضهري
*************
شلت نضرات العطاشه العين الحسين
كلها تسأل عمي درب المشرعه منين
گتله المن عندي عين وعندي جفين
واهل بيتك من ضماهه تصارع البين
هل ترفض سقياها الناس
والصمت كلام العباس
امرا يدور بهذا الفكري
*************
تلاثه وثمانين نضرة وغيرتي اتصيح
دمعة الاطفال دم اگبالك اطيح
العلگمي شلون اعله اهلك صاير اشحيح
وغير نضرات الشماته الكلها تجريح
ياسيدي قد حان الفراق
دونك اهوى بارض العراق
والحيرة تبقى للقبري
*************
الخطوة من ارض المخيم خضرت اه
وكل طفل ضنها التطفي جمرة اضماه
الحلم شلته بجربتي وموتي وياه
والي صوب عيني موت اگبالي بداه
والله نادى وانا اسمع
اول بدرا هلالا ترجع
قرب الفرات انشق القمري
******************
ماطحت لو ماتهيأت كل الاسباب
الجربه توصل للمخيم كلها نشاب
شلون دوني الحلم يوگع فوگ التراب
بعيني اجروح الضمايه ينزفن عتاب
وانا في احضان الموت
من قلب روجي جاء الصوت
احنيت ضلعي لا يابدري
وهو يعود كسير الضهري
*******†********

✍️احمد الخفاجي

لا تناقش قفل گلبي اشيفتحه
عشك ابو فاضل بروحي اشيمسحه

الله يرزق من يشاء بضل حبيب
ورزق گلبي الگمر يكدر يذبحه

ما يعجبك روح دورلك حبيب
وعوف گلبي وعود گلبك صفحه

انه گعدات السمر مجلس عزاء
من بتوالي الليل دلالي اجرحه

روحي تعطش بالملاگه وباالفراك
فطور شفة الكمر كلشي موضحه

انه معشوقي جربته تريد ماي
وعيني بيهه ولحد ما دم تشرحه

الكل عشق سر يتضح وي السنين
وانه سري الدمعه والمجلس وحه

كل عشق يخلص لان من غفلة جاي
وما رضخ عشقي وطحن گلب الرحه

هو مو من عالم الدنيا ويموت
العشقي ابكل العوالم اضرحه

وسلمت امري الحبيبي وما اريد
غير راسي وگلبي لجروحه  افتحه



✍️احمد الخفاجي

وداع دمعه وجفن ومكاسر الخاطر
وداع بنت وابوهه ابليلة العاشر
لو راح ما يرجع بعد
والموت يكسر كل وعد
🔅🔅🔅🔅🔅🔅🔅🔅🔅🔅🔅🔅🔅🔅
الوداع الليلة يعني الفرگه باجر
يا حضن گلبي اليبوگنه الحوافر
هذا ابن امي البده ابجبر الخواطر
ثاني اكبر جرح ما اكدر اكابر

اشوف دمعه وجفن مايرضه بالفرگه
اشوف والد حنين وطول الشبگه
لفراق مايرحم احد

🔆🔆🔆🔆🔆🔆🔆🔆
توادعوا بس الگلب ما شابع اوداع
وهيج من فيض المدامع خضرت الگاع
الما امفارگ للفراگ شلون ينصاع
وهاي ارض غير المواجع بيها ما شاع

يموت كلمن يوادع خله معروفه
يموت ابن امي الحافر انشوفه

لحسين للموت استعد
🔆🔆🔆🔆🔆🔆🔆🔆
يارقيه التشعر بوالدها طايح
تگله خايف گلبي مثل الگمر رايح
فسرت كلمة بنضرتك بيها لايح
مهرتك خالي ضهرها وصوت نايح

تروح ويرد عليه ملوي السرج مهرك
تروح  مني ولكن ابقه اشم عطرك

فواح عطرك ما بعد
🔆🔆🔆🔆🔆🔆🔆🔆
هيج اشوفن صورة مفارگ رقيه
عليها باب الهم يرد مثل الزجيه
مو ضلع يكسر يجيب الها المنيه
تموت بس بعينها تعيش الرزيه

اثر سطرة وجروح امعاتب الدمعه
اثر والصورة تشبه صورة البضعه

وجروح تنزف للابد
🔆🔆🔆🔆🔆🔆🔆🔆
الشجرة لمن تذبل يبين اجلها
وثمرة ثمرة ايطيح ويخلص حملها
حسين لو فارك رقيه وكل اهلها
الخيم والي بيها تخلص موت كلها

مصاب يفتح مصايب من بعد عينه
مصاب كل حي يموت بموت ابو سكينه

للخيل حضن اخر عمد

🔆🔆🔆🔆🔆🔆🔆🔆🔆
احمدالخفاجي

تقول مولاتي الزهراءع مخاطبتاً (ايام محرم)

وين ضعن اوليدي دلوني الضعن
أولى من أي گاع گلب ام الحسن
*************************
لا يا ايام الحزن حدجن بعد
يضيع ابني حسين ما بيجن بعد
الشمس كل ما تشرق وترجع تغيب
شمس ضعن اوليدي تغرب للابد
يا رحى الشايل على اوليدي الزمن
************************
اوگفن والشمس تسجد يم علي
الصلا ضل حيدر وريحه هلي
الوجود ابلا أهل هذا الضعن
ينطرد من حضرة الباري العلي
جن يكرر جلمة الضالم وإن
**********************
بگد سنيني الخلصن اهلي ثمنطعش
ما أريدن واحد يردلي بنعش
طيور اهلي والسما كلها سهام
الما يلوحه السهم يصطاده العطش
وانه كل بتوت گلبي تگطعن
*********************
وين أتاني الضعن واتحزم اله
من قبل ما يحط رحله بكربله
بعيني كوثر يوكف بوجه العطش
وما تصوب گلبي نبلة حرمله
والعيوني عيون ابو فاضل يجن
********************
خلي ضعن اوليدي للجنه يطب
بگلبي هذا العام محد عل الترب
گلو الأم جسام لا تطفي الشمع
والشمس بفياي ابو الغيره اتغرب
ال هاشم والزجيه الهم وطن

**********************
أحمد الخفاجي

تفارگينه

وطلعت انفاس المخيم من عفتنه
ومن گطع بيك الأجل كل احنه متنه
شي هوت من الهضم شي بالخريب
والهجن ذبل عليها أجمل وردنه

وأن بجينه
الدمعه سكته
تهل بدينه💔تفارگينه
💔💔💔💔💔💔
يعين الله الماله اخوه وهذا حالي
ضيعتكم ياهلي وعزي ودلالي
كلشي مات بروحي يا معضم جروحي
ودنيتي أخذت مني وين العندي غالي

هو من راح الگمر
احنه انسبينه
تفارگبنه💔
💔💔💔💔💔💔💔
السهم طب عين ابو الغيره وطلعنه
من الخيام ومن نفس حجب خدرنه
رأيه ماكو وينولي الما عنده رأيه
وعل هزل مركبته من بعد الكفلنه

والحده يريد ايهضم
أهله الضعينه
تفارگبنه
💔💔💔💔💔💔💔
تفارگينه
مو على ضهور الهجن لهنا اجينه
فوگهن وين الغرايب ما خذينه
يرضه لو ما يرضه كفال الضعينه
جرت العبره بمحاجيها سكينه
والدمع ليهل ترس
ضهر الهجينه
تفارگينه

💔💔💔💔💔💔💔

احمد الخفاجي

درت ضهرك واحس بالفرگه خنگتك
حجي بصدرك ارجع ياكفيل اختك
يخو زينب يخو زينب

یا خوه الوفت مثلك اوينه اليشبه احساسك
درت للفركه مو كلك عفت بالخيمه انفاسك
کمر وشما درت وجهك يضل يعاين الناسك
يمعضم غيرتك عباس من الرمح وعلي راسك

على جروحك تعاين روحي يا بدري
وانه بروحك وروحك حجبت خدري

درت عني وشفت دمعك نهر يتفايض بخدك
وباوع يا أثر ممشاك يبعد بس شنو يردك
كسر گلب وضهر لحسين من يشتم عطرزندك
يبو الغيره اشفت بعدك يذبل بالخيم وردك

وعطش كلبك لجفوفك عطش ضعنك
وكلت دربك يضيعني واضيعنك

رحت وعيوني ماعادت تشوف الرايه لبجفك
ومن عدها وبديت اشتاك نهر وبنفسي اشم جرفك
بدت كاع الخيم ترجف اضن جودك ترك جتفك
وشعرت بالموت اجه ومني يعذب رويحتي يغرفك


وصده الخويه اسمعتها بضيعه الخوه
وصحت بویه اذبحتني الما لها مروه

رحت بس ما رحت عباس عايش كلك بكلي
گلتلك جرحي هسه انته الاريده بجرحك تگلي
انه ادري المستحه مو موت يمنعك تحجي وتصدلي
العطش بعدك رضخ من شاف جودك بالوفه مملي

وفه ونوماس مو دم يجري من شوفك
يبو الغيره وغيره الطيحت جفوفك

جروحك كلهن يشهدن لحد اخر نفس وافي
وضعنك ما رضيت يروح وانته اعله الرمل غافي
رافگت الركب بس راس گمره بليلنه الطافي
ودم عينك يهل عباس عنك ماكو شي خافي

لان تسمع دموعي تنادي جا وينك
عن جروحي ما غمض جرح عينك

****

✍🏻احمد الخفاجي
****

https://www.tg-me.com/jzlaf

شيل يا حادي الدمع بعيوني شيل
اليوم ما يگطع دمع عيني اليسيل

بالدموع توادعينه
وسبل گلبي وي ادينه

يا جبل فگد الابو وحملة الثگيل
••••••••••••••••
✍أحمد الخفاجي

يا المنه
اليحجي عن ديرة حزنه
وعن شملنه
الراح من طاحت خيمنه
وعن گمرنه
الماي لتبده وعطشنه
ومن عطشنه
جابو الحبل الادينه
ونسبينه
وضلت العبرة بحجينه
تفارگينه
وين اهل هاشم تجبنه
ما تجينه
شدو رحال المنايه
وين ما ندري النهايه
نستمع جلمة سبايه
والهزل تبجي البجينه



✍احمد الخفاجي

متانيه
الجف اليضمد جروحي متانيه
متانيه
والهضم ماخذلي روحي متانيه

ياحزن برويحتي يفك بابه كل سنه
وانه باللهم عجل جرحي اسكنه

متانيه متانيه


✍🏻احمد الخفاجي