يالگلت عطشان گطره انطوني
كون ياخذهه البياض اعيوني
الما يخلن دمعه بيد ام الحسن
والله يامولاي لازم بنعمن
وخلهن يضوگن خريف اجفوني

#دخيلك ابا عبد الله
-------------
✍احمد الخفاجي

الترك لفراگ مثل البدر يحنيني
اريد ابجي وانوحن وچفي اسنيني
واگله البعد باگ النور البعيني
وصارت حياتي ابدونك ابحضن السراب

جروح الفراق❣❣
#احمد الخفاجي

اصفنت بين السوالف كلش اهواي
وگفن وگفه لمن فات طاريك

كون اسمك عبر وتخطا لكوان
غير الي يوصفك كون قازيك

السوالف عند اهلها بعين ميزان
مو قصة خيال وأكتب عليك

واذا امر الخيالي وانسج ابيات
اگلك هاي من نضرات باريك

لان مصدر النور يفسر النور
دعيت الله وكلي شلون احجيك

خل عينك بعين العين واللام
وعين الياء من انفاسي تطيك

على جروفك نخت ورفعت الجفوف
علي الوداني شخصك خاطر انخيك

نزلت الغيوم الحلگ الفطور
التمن ورزقتهن جمله تبريك

حيدر لحتوا بيت الله مرفوض
غير الله واهل البيت تحويك

وبعيده ابعد ذيج السبعه عالگاع
ما يجري القلم وصف المعانيك

*******************
✍🏻الشاعر احمد الخفاجي

عندما دنت منها المنيه فخر المخدرات زينب ع تقول….
الوعد حان***احس اخر مسيه
الوعد حان.***.تسولفني المنيه
الوعد حان**اموتن يم رقيه
****************
اشعر بروحي.طفت گلبهه وسطرت حروف الوصيه وقررت ساعة مماتي
اشعر بروحي ماتشعر بطعم الهوه عافت عيون الضوه بعالم حياتي
المسه جنه الرحيل گربت ساعاتي
حضرت جروحي خليل وحضرت لوعاتي
ماعندي واحد ينتهض اهلي كلهم موته
من بعد ذيج المذبحه ياهو اسمع صوته
الوعد حان…وانه الاسبل اديه
*****************
اخر انفاسي..اطبگ جفوني وتنفتح لوقرن ذاك الجرح محد اجالي
اخر انفاسي..لمن تيبس ورگتي ومااشوفن اخوتي..وكل الغوالي
لشوگه يطفح بالگلب ومايلاگي العاشگه
من يموت بلا جدل چفنه لاماغالگه
حالت فراگي بغربتي سولفتهه بروحي
ماجان واحد يستمع غير كل جروحي
الوعد حان ولا واحد اليه
*****************
التفت موتي..من بعد مالم الاهل بديرة الغربه نزل ديرة عدونه
التفت موتي وانه الحضنته برغبتي ويا نهاية قصتي يم بت اخونه
واعدت من وادعت حسين اخوي الضامي
گتله ليتامك يخوي فدوه كل ايامي
وبنيته الماتت الم فوگ راسه وراحت
يمهه اندفن واجب وضل ونهضم لوناحت
الوعد حان وشوفن يارزيه
***************
اعتنيتلهه لمن تنفسني الاجل تروي خطواتي العجل صوب الخرابه
اعتنيتلهه وعيوني غرگهه الدمع صوت مكسور استمع بابه يبابه
بروحهه تنوح الجروح تلحن بدلالهه
عاينتهه وگمت الوج من شفت احوالهه
انت رقيه الغاليه انت المفجوعه
وگليبي من گد الألم شرعته الوعه
الوعد حان..انه وبنتك سويه
****************
✍🏻الشاعر احمد الخفاجي
@Marjk

دخيلك ياصاحب القلب الكبير
مولاي( ابا صالح)

اعترف ما اعرف احب
اعترف وين اجفوفك
دليني ما ارجع بعد
عفت اليريد ايعوفك
لا ترد گطرات المطر
سدت عيون الغيمه
والمن يروح المنجرح
لو همه هد الهيمه
هواي غفرتلي وسامحت
وجروح گلبك ترفه
وبلا شعور احضن عتم
والببره يرجع نزفه
هالمره ما عندي حجي
دمعاتي بحچن حالي
مفضوح گلب الينكسر
مثل الهلال ايلالي
كل شي اخلتف ضدي وكف
حته اليحضنه اشراعي
وجروحي ما الهن ارض
وحتارن اباوجاعي
****************
#الشاعر احمد الخفاجي

ارد اشم ذاك العطر من گلبي
ومن صدگ دربك اگلك دربي
اخذ بيدي الحضرتك
خل اعيشن غربتك
------------
#احمد الخفاجي

وبحضنتك ذيج الف موته متت
گلت اريدك عدل مو راس ابطشت
تدري انته بخاطري هواي اكسرت
ما گلت وردك يذبل من رحت
**************
ولها عتابا ادمى قلب الحسين
دخيلج مولاتي يارقيه
***************
✍🏼احمد الخفاجي

#قصيدة_التجمع_الثقافي_لخدمة_الحسين_المشتركة

▪️السلام على زينب الحوراء▪️


نِسِاءُ الجـَنَّةِ الارْبَــعْ
وآيـــاتِ الــكِـتــَابْ
ذَرَفْنَ الدَمَ والمَدْمَعْ
عَلى نَعْشِ الحِجَابْ

🔹🔹🔹🔹🔹🔹

العفاف الليله يم زيـنب نصـب مـأتم
وگعـدن عـد نعـشها اســيه ومـريم
خديجة وفاطمه من الخد يصبن دم
لـكن يـم زينـب جـروح وحـزن ملتم

لَطَمْنَ الخــَدَ بالـكَفِ
فَيا عُـضْمَ المُـصَابُ
ذَرَفْنَ الدَمَ والمَدْمَعْ
عَلى نَعْشِ الحِجَابْ

1✍🏻 #الشاعر_مهند_الحسناوي

🔹🔹🔹🔹🔹🔹

وحده تگول متن الحره بعده ازرگ
تـگلها الثانـيه هـاذ اثر ســوط ودگ
چف رجـليها احمـر ليـش ومـشگـّگ
تجاوب فاطمه بحرگ الخيم طگـّگ

دُخْان الخيمةِ الاسودْ
لهـا اضـحى خـِضـَابْ
ذَرَفْنَ الـدَمَ والمـَدْمَعْ
عَلى نَعـْشِ الحِـجَابْ

2✍🏻 #الشاعر_سجاد_الأسدي

🔹🔹🔹🔹🔹🔹

تكلـهه لـيش يـمه الشـيله مـشـگوگه
العبايه امن المتن يا روحي محروگه
حـادي اليـسر يحـدي بلشــمس نوگه
وعبيجن من سبوچن كلـهه مـبيوگه

وجرح المتن لم يبرى
بـضرب السوط عـاب
ذرفـن الـدم والـمدمع
على نعش الحــجاب

🔹🔹🔹🔹🔹🔹

ملايكت العرش من سمـعو الزهره
تنوح اعله العقيله وتنـحب بعبـره
نـصبو ماتـم وناعـي الحـزن يـقره
برض الشام ماتت بت علي الحره

للحـوراء ايا لــهـفي
أنـيــن وكـتـئــاب
ذرفن الدم والمدمع
على نعش الحجاب

🔹🔹🔹🔹🔹🔹

بعـد عنـدي سـؤال مـحير افـكـاري
سلب نومي وشغلني بليلي ونهاري
علي بزيـنب دره لوبـيهه ما ماداري
اريـد جـواب خـاطـر تنـطـفي ناري

أما غَسـلت سـلـمان
على جنح السـحاب
ذرفن الدم والمدمع
على نعش الحجاب

5-4-3 ✍🏻 #الشاعرة_ام_محمد_الحجاج_العبادي

🔹🔹🔹🔹🔹🔹

خلصت من حـزنها لو خيـال الـروح
يـعني الـمـوت مايذبح بـعد لـجروح
غـير اليـندفن يـگـطع دمـوع النـوح
ليش الحرة مذبوحه وجرحها اينوح

لما لم ينتهي الحزن
وذاك الجـرح شـاب
ذرفن الدم والمدمع
على نعش الحجاب

6✍🏻 #الشاعر_أحمد_الخفاجي

🔹🔹🔹🔹🔹🔹🔹🔹🔹
https://www.tg-me.com/jzlaf

#قصيدة_التجمع_الثقافي_لخدمة_الحسين_المشتركة🤝🤝

#القصيدة_الكاظمية

▪️السلام على حليف السجدة الطويلة▪️


دوله وسجون وشده
وأنت بشموخ السجده
راحو بني العباس وأنته الضليت
قبرك صبح لهل السمه كعبه وبيت
وانته بشموخ السجده
وانته بشموخ السجده

~~~~~~~~~~~~~~

يا موسى بن جعفر إلك تشهد معاجز كثره
يا حجة الله على الخلك وأية وجوده الكبره
هل الزمره عن حقد وحسد خالفت ربها وامره
زجت الكاظم بالسجن وعن حاله محد ادره

بكل الوسائل عادت
يخضع الكاظم رادت
ذلو الجدمك سيدي وما ذليت
قبرك صبح لهل السمه كعبه وبيت
وانته بشموخ السجده

~~~~~~~~~~~~~~

ليل ونهارك متصل بالسجده وي معبودك
يم قيد بصبرك سجن قيدت انته قيودك
ماشغلتك جند وحرس شاغلهم انته بجودك
هاي الملائك سيدي ما دروا كلها جنودك

حاضر يكلك قيدك
لو أشرت بس بيدك
لو ردت من هاي القيود انفكيت
قبرك صبح لهل السمه كعبه وبيت
وانته بشموخ السجده

~~~~~~~~~~~~~~

كاظم الغيظ بقصته أقره الدروس البيها
تاريخه حافل بالألم يوضح ظلم ماضيها
ما شافت عيونه الشمس لا شم هوه باريها
طاموره ظلمه بكل وقت بس جبهته اتضويها

شمس الدهر حجبوها
عن الخلك منعوها
شمس الخلود وعل العوالم ضويت
كبرك صبح لهل السمه كعبه وبيت
وانته بشموخ السجده


1⃣2⃣3⃣✍🏻 #الشاعر_مهند_الحسناوي

~~~~~~~~~~~~~~

ذاب الظلام وماكدر يمحي جمال انوارك
راد الظلام وي العده بطي صفحتك يتشارك
وين اليعرفك سيدي ياهو اليميز أسرارك
وهاي الملائك سيدي مادروا هيه انصارك

وياك السمه وما بيها
متضامنه تدريها
بيوم الشهاده تخلدت من وفيت
قبرك صبح لهل السمه كعبه وبيت
وانته بشموخ السجدة


4⃣✍🏻 #الشاعر_حسن_لعيبي_الحريشاوي

~~~~~~~~~~~~~~

سجنك يضئ ابلا شمس يالنور وجهك كافي
سجانك بنورك يصد من چان سجنك طافي
راضي بقسمتك سيدي وگلبك الربك صافي
جلاّدك بسوطه اعتنه واتگله هذا اجتافي

رغم السجن واحزانه
صرحك على ابّنيانه
زاير ردتني وآنه بأمرك لبيت
قبرك صبح لهل السمه كعبه وبيت
وانته بشموخ السجدة


5⃣✍🏻 #الشاعر_سجاد_الأسدي

~~~~~~~~~~~~~~

نور الله لا ما ينسجن يعرف عدل سجانك
قيودك يفلن مستحه لو رتلت قرأنك
ميت عدل ما يسكن ابرض السكوت السانك
موسى ابن جعفر سيدي بس الله يعرف شانك

بس الله يعرف قدرك
حـسـبو اذا تـم بـدرك
حدر الثره حال اليموت تواريت
قبرك صبح لهل السمه كعبه وبيت
وانته بشموخ السجدة

6⃣✍🏻 #الشاعر_أحمد_الخفاجي

~~~~~{ 11 / 4 / 2018 }~~~~~

السلام على حليف السجدة الطويله

يامسموم ****يامسموم
***********************
اه ياموسى الغريب ومحنته
غربت ابني حسين تشبه غربته
مات والگيد بجفوفه ورگبته
يعني هم الگيد هشم عضمته©
*****************
رحت من گالو طلع من المحن
من وصلته بروحي ضل كل شي يون
ونزفن دم الگبل مني عمن
والله ذبحت گلبي( آ) ياحالته©
*****************
تگلت افكاري جروحه الكربله
مثل عمته مگيدينه بسلسله
عمته بدروب السبايه معلعله
وموسى بالزنزاته خلصت رحلته©
*****************
انتهت سيرة جروحه بموتته
تشيب انفاسي النهاية قصته
مثل جده حسين ضلت جثته
عالجسر خلتهه گوم السمته©
******************
همه كل اولادي خلصو بالذبح
كل مجان بروحي شلتلهم جرح
يعني كل طرت فجر احضن رمح
مصاب روحي ولازم اطفه بلوعته©
**********************
✍🏼احمد الخفاجي

(دخيلك مولاي ياموسى ابن جعفر)

وِأّوِيِّلَأّهِ.........وِأّوِيِّلَأّهِ
--------------------
خََلَصٌتّ وِطّأّحٌتّ وِرگتّيِّ وِصٌأّفِّحٌ أّوِشٍأّلَهِ أّلَهِوِهِ

أّلَحٌمَدِ لَلَهِ مَأّ شٍلَتّ بِعٌيِّوِنِيِّ نِضّرأّتّّ أّلَضّوِهِ

مَأّ تّنِفَِّّستّ أّلَلَبِأّعٌتّ أّغٌلَهِ مَأّ ضّلَ أّلَلَوِهِ

ِأّلَدِلَتّ عٌيِّوِنِ أّلَغٌرأّيِّبِ طّوِلَ زِّيِّنِبِ عٌمَتّيِّ
------------------------
أّلََّسجِنِهِ مَضّلَمَ حٌلَمَهِ يِّضّوِيِّ وِأّنِهِ حٌلَمَيِّ بِأّلَعٌګَّس
أّلَضّوِهِ مَنِ يِّفِّوِتّ عٌيِّنِيِّ بِيِّهِ خنَِجِر يِّنِغٌرَّس

َّسجِنِ أّبِنِ شٍأّهِګ رحٌمَنِيِّ جِأّنِ مَأّيِّقِبِلَ شٍمَّس

أّلَشٍمََّس نِضّرتّهِأّ ګَّسرتّ گلَبِ عٌأّيِّشٍ غٌربِتيِّ
-----------------------
لَيِّشٍ فِّضّلَتّ أّلَضّلَأّمَ وِمَأّردِتّ خَيِّطّ ألََفِّجِِر

لَأّنِ فِّجِر أّهِدِعٌشٍ صٌأّحٌوِ يِّأّلَلَهِ زِّيِّنِبِ لَلَيَِّّسر

لَأّنِ عٌيِّنِ أّلَغٌربِهِ ظّلَعٌتّ روحٌ خَدِر أّمَ أّلَخَدِر
َ
وِلَأّنِ جِرحٌ أّلَخَدِر بِيِّهِ شٍلَوِنِ مَأّ حٌبِ ضّلَمَتّيِّ
---------------------
ألََحٌيِّلَ مَوِ مَنِ گيِّدِيِّ وِشٍلَ صٌحٌ أّخَذّ مَنِ حٌيِّلَيِّ

لَأّجِنِ أّلَهِدِمَ ګيِّأّنِيِّ وِشٍلَعٌ بِأّبِ دِلَيِّلَيِّ

جَِّسمَ فِّوِگ أّلَذّريِّ عٌأّريِّ مَنِ أّلَنِحٌر يِّبِجِيِّلَيِّ

أّهِ يِّأّجِدِيِّ أّلَغٌريِّبِ شٍلَوِنِ يِّبِجِيِّ أّلَضّلَمَتّيِّ..
ِ
*****************
✍🏼الشاعر احمد الخفاجي

هبي ينسمات الهوه
وخذي گليبي النينوه
عاشگ ابو الاكبر ----حسين
--------------------
المحبوبي شراع الگلب فكيته
ليشم نسيم الحضره كل امنيته
هبن ينسمات العشگ وخذنه
ريشه الگلب وحضانج يشيلنه
من البعد حيله خوه
-----------
دفتر الدلال انملت ورقاته
منقوش اسم العاشگه ابصفحاته
ماعندي غيره ولا اريدن غيره
وحق الكفل زينب حروف الغيره
اي والحمل ذاك الوه
-------------
عندي كلام امن العشگ ما گلته
ضميته من اوصل وشاهد گبته
من ثغري يطفح كل غرامي بجلمه
اقبلني عاشگ يا سبب كل نعمه
ميت الما شافك ضوه
--------------
يالضامي وجفوفك نهر ممدوده
لو ما نضرتك گلبي ميت عوده
وشما اقدملك عدم گدامك
بس انته فاتح گلبك الخدامك
لجروحهم جرحك دوه
****************
الشاعر احمد الخغاجي

شگلك وانته اعرف مني بالحال
وانه الگلبي زلف بجفوفك اودل

رحمتك ثمرت عود الذبل موت
نضرتك حلت اليرفض وجه حل

عفت ضلك عليه مواسي ودليل
اخاف الوحشه تكبر والگماري نشل

وگلتلي منين ما تندار موجود
بدروب الدنيه اتبع ضللك بضل

گلتلك والصبر گتلي الورد ذاگ
اروه وما تضيگ ولا ضوه يقل

يلوگ الورد بيدك وانه عاگول
عطفك شال جرحي ومني ما مل

گلنلك ورد اگلك خايف بيوم
يكف جيبني منك خجل يبتل
***************
#احمد الخفاجي

صح گمر هاشم گصد نهر الفرات
بس نوه اعله الجيش حد اخر فرد
حسين يعلم ما بنفس المؤمنين
وگله ياعباس عن نيتك اعد

#احمد الخفاجي

الى مولاي علي الاكبر ع
**
وخذت دور الساعه مجبوره الارض
علي الاكبر قر قيام الساعه

جده حيدر شمس جرهه امن الغروب
وهوه كون الارض بطف طاعه

كلهه صفرت ورگ وشتمت خريف
منين ما تندار موت بگاعه

تخرس الشجعان من تسمعله صوت
ابن هاشم ياهو يلوي ذراعه

وارث الكرار حيدر والرسول
وابو فاضل يا شمس اطباعه

بدر كامل ليلى ولدت مو هلال
فحل من المهد عود شراعه

من برز بطف رجع گل للحسين
التبع ابن زياد حان اضياعه

سيعة الاف وسبع درك الجحيم
وعلى حصة الف تگضي اتباعه

#احمد الخفاجي