لو خبر حين يعزا على فــقـدان حـي
‏كان يمدي من عرفني يشاركني عزاي
.

انا عاليً جاهي وقــدري مهوب صغير
‏اعرف الــدروب وكـــل منهاجٍ انهج له
‏

‏بلاي ان نفسي دايماً مثل نفس الطير
‏ولـــو للنفوس علاج لــيــش اتعالج له

.

بيت ابوها مدهل لطراقي والضيـوف
‏مير ماغيري قلط فـ الضلوع وضافها
.

الطيب مثل الصيد  نادر ومفقود
‏والمرجله سيف الرجال وقــنــاها

‏والعز والناموس والفخر والــجود
‏أربـع ترا يتعب لهـا من بـغــاهـــا
.

أجامل على الأحوال والكبد فيها جرح
‏وكبدٍ يجيها الجرح تبطي وهـي وجعه
.

‏قالوا ورا ما جيتنا قلـت ماجيت
‏احيان عن بعض المسـايير لاهي


‏مجالس اللي يأكل الحي والميت
‏واهل العيا والكركره والتباهـي


‏عنهاقصرت اقدام رجلي وصديت
‏عطيت سـكّة مبعدين المناهـي


‏ليا صار هذا حال الأمـه تعديت
‏اما كـذا والاّ عكـست اتجـاهـي
.

قد خذينا من زمـنــا و شايبنا وصــاه
‏إشتر الطيّب و مُر الردي وانت إتعدي

‏أترك اللي يقدر الطيب ويــــردّه رداه
‏تعترض له فرصة الطيب لاكــنّه ردي
.

على مفرق بدايات الجروح ودمعة المــقهــور
‏عــرفت ان الزمن لا شــان وجهه ماتت امــالي
‏ㅤㅤㅤㅤㅤ
‏اشــوف الحزن ما خلا على وجـه الّبسيطه نور
‏اجــر الصوت واغني على جرحي وتــــرحالــي
‏ㅤㅤㅤㅤㅤ
‏اوسع خاطري وادري تضيق من الهموم صدور
‏وعسى الله ما يطول ضيقة الخاطر على بالــي
.

سكوتي عن الزلات ماهو سكوت الخوف
‏وانا اقـــدر على تلجيم الافـــواه وحكاها


‏تشيمت والزله ليا جت على المكشوف
‏ليا وحيتها ســويـــت مانـــي بويــاهـــا


‏على سلمنا المتوارث الواضح المعروف
‏تعلمت اهــمـشـها كــذا واتــناســـاهــا


‏انا من كثر ماشوف كني ماعاد اشـــوف
‏تــعــرّض عـــليّ المخطيه واتــعــداهــا

.

من صد عنا دون لا يذكر أسباب
‏قولو له ان اغلى العرب فالمقابر
.

‏يالله ياعــلّام خافـــية الــصــدور
‏تفرج لمن همه بــصدره كاتـــمه

‏أعوذبك مـن شـــر نفسي والغرور
‏وآطلبك توفيقك وحسن الخاتمه
.

‏للطايـلة في وجـيـه أهـلـها معالم
‏مـاجـات مـن شوق ومـودّة وفرقا
‏
‏الــذمّ بـحـرٍ مـن بحور الـمـظـالم
‏والـمـدح بـرقٍ في نـحـر كـلّ زرقا
‏
‏يبقى الـردي لو جده الـزير سالم
‏غصنٍ عليه من الـردى عشّ ورقا
‏
‏من يصنع من كتوف غيره سلالم
‏لا طاح بكـرة ما عــرف كيف يرقا
‏
.