.
يا دار يما مضالي فيك من سجه
يوم اول العمر والدنيا على اولها

واليوم مافيك غير الوقت والعجه
ورسوم بـــــدوٍ(ن) خلياتن منازلها
.

ياللي تبي تزعل من الحق مسكين
‏تزعل وترضى والعــرب مادروبـــك

‏الناس ماهم عنك لوقلت داريـــن
‏قبل تعيب الناس صــحــح عيوبك

‏يامعدل المايل ترى الناس صعبين
‏يالــيـــت تفكيرك بشــيٍ يصوبك

‏عامل جميع الناس بالمنطق الزين
‏واطلب عسى مولاك يغفر ذنوبـــك
.

يالله بغيثٍ يسقي الأرض برفوق
‏لين إنها تطلـع ويطلع ورقـــهـــا

‏من مزنةٍ غطت على كل شاهوق
‏البرق فيــها والرعد في شنـــقها
.

الحياء .. ســـتر الوجيه من المذلّه والمهونه
‏لنقشع ( ذل العزاز ) و نــــزّل اقيام الاكابـــر
‏.
‏لابغى الله يطلع المؤمن على عيـنٍ تـــخونـه
‏حصلّت مافي الصدور وبعثرت مافي المقابر
‏.
‏ولابغى الله يكشف الخاين بـــناسٍ يآمنــونه
‏حط له في كل ريـع مـن عيون الــناس سابـر
.
‏⁧ #سعد_بن_جدلان⁩ رحمه الله

كثر ما حن صـــــدري للونيس وكثر مادرهمت​
‏فجر صدري حنيني وأتعب الأقـــــدام درهامي​
‏,
‏عيون الصد وعيون التجافي حول مهما اكرمت
‏تشوف المجتهد ( كسلان ) والبنّاي هدّامــــي
‏,
‏مصيبه..! لاتردّت قيمتك في عيـن مــن قيمت​
‏يشوفك بالسهل وأنته تشوفه بالسما الســامي​

.
‏الشاعر ⁧ #سعد_بن_جدلان⁩ رحمه الله
.