#استشهاد_الامام_الكاظم عليه السلام
.......
.....
...
.


سجني الخرابـــه والفـــــرق
ما گاعد بشمس الفله
حزني ومصابي اعله السبي
ياخذني سجني لكربله
######
يالواگف اباب السجن
مثلك وگف يم الخيم
يحرس بنات المصطفى
موقف عليه گلبي انلچم
يتآمـــــر وهنه الحــــرم
مـــــا بين ابوجهه النــــدم
يستاحشن مــــن الضوه
عماتـــــي لاذن بالعلــــم

معذوره عيني لو طفت
هاي المصيبه اكبر جرح
جانت أميره بس صفت
......... بين الغرب والهازلـــــه
######
انه بسلاسل مو حبل
ومصاب السبي ما ينحمل
ياخذني حالي للسبي
وگبالي نجمه أعله الهزل
كلما يصيحن عمتي
يخوفهن الحادي بنبل
وكلما يصدن عل الرمح
مجبوره زينب تنسأل

عمه الرمح ليش التفت
ودمعه عله خده نزل
يمكن رقيه وتيهت
........ طاحت اضن ما نازله
#######
ارض الخرابه مو ترب
دموع العيون ويه الدمه
كلهن جروح أمن السبي
وسگف الخرابه بالسمه
كاظم حزن كاظم جرح
اجروح الغريبه المؤلمه
متحمله درب وذبـــــح
وتبدي جروحي بــالضمه

شافت خيول اعله الصدر
وشافت چفوف أعله النهر
هـــــذا الصبر اكبـــــر صبر
......... ويتماشه يمها حرمله
#######
تستاحش الضلمه أذا
ما شافت أخيوط الضوه
ذيج الخرابه بلا سگف
ومـــــا بيهـــا فيّ ولا دوه
والوحشة حيطان السجن
ما مـــــرها نسمه ولا هوه
يچوي الجلد لو مر هوه
شمس المصيبه بنينـــــوه

انه وعشــــت بين الغرب
واعرف عذاب المنسبي
دخلوني سجني وبغصب
........... سمعوني چلمه لا هله
#####
لو تغفه عيني واركدت
ما يغفه البگلبه جرح
لو نامت العين وهِدت
صورة خيالي بس ذبح
وبعيني نغزه من سهم
نحري احس وسطه رمح
تبدي النوايب والبچي
من الصبح وابدي الصبح

من مرني سمي بالجسد
انه الضمه شفته صعب
وبعيني يتراوه الضعن
.......... لاخر خرابه واصله
.......
#عمار_التميمي

.
أَطِعْ رَسولَكَ لَوْ أَسْلَمْتَ يَا عُمَرُ
فَليسَ أَحْمَدُ مَنْ يَنْتَابُهُ الْهَذَرُ

وَلَيْسَ يَهْجُرُ خَيْرُ الْمُرْسَلينَ وَمَنْ
لأَمْرِهِ كُلُّ مَا فِي الكَوْنِ يَأْتَمِرُ

لَوْ كُنْتَ تُؤْمِنُ أَنَّ اللهَ يَأْمُرُهُ
لَمَا فَعَلْتَ الَّذِي حَارَتْ بِهِ الفِكَرُ

وَقُلْتَ: حَسْبُ كِتاب اللهِ يُنْقِذُنا
مِنَ الضَّلالِ فَلَا خَوْفٌ وَلاَ خَطَرُ

يوْمَ الْخَمِيسِ لَقَدْ أَدْمَتْ مَحَاجِرَنَا
رَزِيَّةٌ فِيكَ لاَ تُبْقِي وَلاَ تَذَرُ

- عَادلُ الكاظميّ، هَاجِيًا الثّانِي.

اللهم صل على محمد وال محمد
ان شاء الله بلشنه نكتب منهاج محرم
نسأل الله بحق سيد الشهداء ان يمن علينا بالتوفيق لخدمتهم 🙏

لسنة 2025م

#مجالس_الزهراء

محرم العليله
×××××××××××.
شايله أدموع وقهر وانـــــه العليله
نگلت اجدامي بعــــد كلش ثجيله
نشغة أفراگي أحسها نشغة الموت
هذا باحسابي أبـــــد لا مــو قليله

شال الضعن واتغربت ما بين العيون
لوجوه أهلنه باوعت چنهم يگولــــون
تبقه وحيده فاطمه وما يرحم الشوگ
بدموعي أخر مره اشوف أهلي يلالون

كالولي الحال اذا يستقـــر
علي الاكبر يجيج ابلا عذر
×××××××××××
حَضَرت دمعي متاع لأول أجــروح
گعد يمي حسين لكن لونه مشبوح
فتح چفهه وگلـــي يبنيتي تعـــــاي
كابرت ويه الدمع بس گلبي مذبوح

كلي الضعن راح الضعن بس انتي تبقين
گام ومسح عينــي وبچه گلـــــي لتبچين
كتله بسلامه لو رحـــــت ادعيلي ويـــاك
شميته من نحره وصحت آ بويه يحسيـن

ودعته بالاه وأدري بضعنهـم
ما يرجع اوياه لــــو فاركتهم
×××××××××××
وحشة البيت الصفت كلش جبيره
البيت وأهل البيت راحو والعشيره
الغربه من يفگد هَله وما عنده راي
أنه أول وحده بضعونـــــه اسيـــــره

يعني اليسر ابلا ابو يتغـرب ابعيـــد
يتركني ما بين الجرح والامي التزيد
ما اميز أبعطر الورد چا هوه ويــــاي
ومن سافر ابضعنه ترك بيه التجاعيد

مو سهله الفراگ وابقه وحيده
مـن حلمي اگعد وأبچي اريده
×××××××××××
صدري مخنوك وعَليَ مَـــــرت مسيه
احساسي ما يخطي وشفت دم المنيه
غراب اســـــود والاثـــــر دم الحسيـن
طاحت الخيمه أذن ضاعـــــت رقـيه

ريته حلـــــم ولا كربله طاريهـــــا عابــر
ولا شايفه لون السمه بـــــدم الحوافـــر
صار الما صاير ابد ايحروگـــــن الخيــام
وضعن الشرف تحدي غرب بين النواظر

بأحبال الخيام چتفوا حَرمنه
للكوفه للشام أخــــذو ضعنه
×××××××××××
شلون لو تالي يـــــرد ضعــن الغرايب
يجي مو ذاك الضعن شايل مصايــب
أهلي بس مانــي أظن اعرف ضعنهم
أوجوه أهلي والعبـــــي كلهن ترايــب

رد الضعن وصار الحجي بدمعات العيون
أشبگها عمتي وتعتذر لو لحت المتـــــون
هذا الجره كلـــــه وبعـــــد ميته رقيـــــة
أهلي الصبر عدكم بقه أشضل وتصبـرون

بعد الجره الصار وبعدني أنتظر
موتي يمر كون تحت حر الظهر
×××××××××××
محرم / ١٤٤٥ هـ
عمار التميمي


https://www.tg-me.com/kadeemalzhraa/6677

لحگوني هَلي يا ال عدنان

●●●●●●●●●●●●●●●

ذِبوها الجفافي ولحگو بتكم
حاطوها الغرب ما هَم زلمكم
نيران العده داســـت خيمكم
...وحامينه اعله گاعه ايموت عطشان

●●●●●●●●●●●●●●●

دگو اصدوركم فزعت لصـــــدره
مو واحد فـــــرس خياله عشــره
طَلعت كل ضلع من صوب ظهره
...........وابيوت الهواشم بيها نيران

●●●●●●●●●●●●●●●

لِحگونـــي الركــــض ما لاگ لَيه
علويـه وصعب تركض العلويــــه
ترضون اعله بتكم تمشي مسبيه
.........فَزعتكم ترد كل عين جسران

●●●●●●●●●●●●●●●

يا آل هاشــم عدكــم احيـــــود
يم جرف النهر مصيوب بالجود
غيرتكم صعب علـ الكاع ممدود
........وما يرجع رفض للخيم خجلان

●●●●●●●●●●●●●●●

بتكم ما مشت بنهار بس ليل
يا وكت وتدافع هيه والخيل
خَمسين العمر ما بي أي حيل
.......لحگو اسياطهم ضربو النسوان

●●●●●●●●●●●●●●●

ضلي الما اشوفه انشاف رسمي
وحـداي الضعـــن ينده ابأسمـي
صاح اعله اخوتج يلا سلمي
....يأمرني يوسفه الچان ما جان

●●●●●●●●●●●●●●●

خجلانه واضل ابهاي مخنوگـه
للشــام الضعــن أسبگ أبنوگــه
زينبكــم تطـــب يا هَلي سوگه
........يا وسفه ونطب تاليها ديوان
●●●●●●●●●●●●●●●

عمار جاسم

اتمدد طول ابطول اوليده
ويشهگ صار ابصدره الموت
( عباس الحك مات الأكبر )
حسين ايصيح ابعالي الصوت

أبنه. الأكبـر
شافه أموذر

∆∆∆∆∆∆∆∆∆∆∆∆∆∆∆

صعبــه اليفگد روح اوليده
أگبال ايموت ايغسله أبيده
وتالـي ايوسده أعله التربان

بس حسين أيشوف الأكبــر
جسمه أگبالــــه صار أموذر
وأبنه يدريّ بي عطشان

يمشي والدمع كفه ابردانه
يعثر ما گدر طاح أبمچانه

يمشي ويعثر باصعب منظر
وهذا الاكبر بس مو الاكبـــر
صـاح لعباس الحگ خويـــه
يا كاشف همي ألحگ أحضر

أحضـــر يمي
اتواسي همي

∆∆∆∆∆∆∆∆∆∆∆∆∆∆∆

ايحاجي الاكبــر يگصر عمــره
وضل مخنوگ ابغصة صدره
كلساع ابنحره يشتم

أخر نظره وأخـــر شمه
لعند الباري يرفع دمـــه
ويمسح عن وجه كل دم

هاذ أخر أمل حي ويشوفه
گاعد يستمع لأخر حروفه

يبنــــي العفا كــــل العفا
ماكو ضوه ابعيني وطفا
طبرة راسك راح أتصيـر
أثنعش طبــره من الگفــا

أمغير حالي
يبني الغالي

∆∆∆∆∆∆∆∆∆∆∆∆∆∆∆

مَــــد أچفوفه ايلامس گلبــه
ورجفة ايـــــد الفاگــد صعبه
ميت ويسولفله أجروح

يهمس بأذنه وتسمع روحـــــه
حسينك مخنوگ ابنص نوحه
لفگدك يبني ايلوگ النوح

حسينك منكسر ظهره ودلاله
ويا أصعب ألم مَــر أعله حاله

عباس أبني ريته گاعــد
اشلون الوالد يفگد والد؟
ريحه جدي وحيـدر هاذ
يعني لأهلي كلهم فــاگد

كاسر حيلي
شمعة ليـلي

∆∆∆∆∆∆∆∆∆∆∆∆∆∆∆

غطه اعيونه ابدمعه وينحب
اشلون ابموتـــــه يقنَع زينـب
وهو أعله فگده محتار

أبوسط الخيمـه أمـــه وعمته
كلها اتريد الاكبـــــر. جيته
أبنار افراگه اتشب النار

الحيل الما يضل بحسين وعمه
الزلمه الينكسر يكســـــرله زلمه

بجيتي أيگله أمضيع دربـــي
وضل يتراجف جدمي وگلبي
مــــن الخيمـه لحــد هنـــا
كلشي يگلي بضيعت تعبـــي

لحالــه ينعه
ورايد فزعه

∆∆∆∆∆∆∆∆∆∆∆∆∆∆

محني ويمشي ويضعف حيله
وصـــــاح أبغصه لحــــگي ليلى
سهر العمر منج راح

هذا الاكبـــر اتغييـــــر وضعه
اسهام ابظهره اسهام أبضلعه
جسمه اتغطه بس جراح

ماتت مهجت أگليبي وحياتي
مــــا ردت النفس رايد مماتي

عباس الحگ صيح الخِدر
خي يواسن ليلى بهالمنظر
يشبعن منه شوف ونـــوح
ساعه ويگطعـــون المنحر

هاي الهيمه
نار ابخيمه

∆∆∆∆∆∆∆∆∆∆∆∆∆∆∆
عمار التميمي

👇👇 اللحن (الرادود علي الغالي )

قصيده : أبنه الأكبر
لحن ملا علي الغالي

السلام عليكم
اخوتي خدام الإمام الحسين
إليكم ثمرة السنين السابقة
تطبيق أوزان الشعر الشعبي
يمكنكم مشاهدة الفيديو وتحميله

https://www.tg-me.com/yahassuiny


جهود مباركه لمة سيد الشهداء ع

تنفع الشعراء

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tg-me.com/ahmed_alziwar1