*حوار بين فاطمة العليلة واختها وسكينة تسألها عن رقية ع*
أنشدك يختي عن العزيزه رقيه~
ما إجت وْياكم من الغاضريه~
ما شفتها وهاجت احزاني عليّه~
عفتوها المدلّـله رقيه في وين~~~
〰️〰️〰️〰️
*جواب سكينة*
تگلها اختنا هناك عفناها يالحبيبه~
لا تنشدي عنها واستعدي للمصيبه~
رقية ماتت هناك ودفنّها غريبه~
خمدت انفاسها على راس الحسين~~~
〰️〰️〰️〰️〰️
طفلتنا ماتت بونّه عا راس الشهيد
من شافت ابوها محزوز ويلي الوريد
لن راسه بحجرها وتحضنه بالإيد
خمدت الانفاس وتنادي يا حسين ~
خادمة آل محمد ✍🏻

*رأس الامام الحسين ع يعاين جنازة رقية ع*
ذاك الرأس الذي افتقدته زينب ع في الشام لأن اللعين يزيد كان يضعه في طشت من الذهب ولم تره زينب الى يعني فارقها يومان اليوم الثالث من صفر ادخلوا قافلة السبايا الى الشام وحين أدخلوا السبايا على مجلس يزيد لعنه… ولم تره الى يوم شهادة رقية ع في الخامس من شهر صفر حيث ماتت الطفلة على الرأس الشريف وهنا زينب بحيرة…
اَلسَّلامُ عَلَيْكِ أَيَّتُهَا الْبَعِيدَةُ الْمُتَحَيِّزَةُ فِي خَرابَةِ الشّامِ~
راحت تخاطب الرأس /لحن يلي عالنهر نايم الشيخ حسن العالي ~
تگله بدمعه تجريها
بحيرة اختك تخلّيها
فتّح عينك عليها
محتارة يا حسين²
--------------------
بأيتامك تحيّرني
يا ليت وياها تدفني
رقية عنها تسألني
وين القبر وين²
-------------------
جنازتها نواريها
وتقرا الفاتحة عليها
بخرابه هنا نخليها
والجرح جرحين²
جواب الرأس الشريف/ لحن زينب إجت لحسينها الشيخ الحسناوي♪
نادها يا أم الحزن
يا حورا لفيها بكفن
جرح وعلامة عالمتن
بهيده على جروح الجسد
----------------
ايديها گومي سبّلي
ولا تراوي دمعاتچ إلي
بهيده بگبرها نزّلي
جسد السبيه باللحد
----------------
يا محنة هالمدمع ذروف
لْدفنة رضيعي بالطفوف
لو دفنة الطفلة اشوف
ولادي مثل غصن الورد
-------------------
خادمة آل محمد ✍🏻

*حضور الزهراء ع عند موت رقية*
الزهره حِضْرت وي رقية بالنياح وبالأنين
سايله العبره جريه وتنظر لراس الحسين
تگلها جيتك يالغريبه
ٱشيله نعشچ باليدين
وشايله اكفان لرقيه ولازمه الضلع الكسير
✹✹✹✹✹✹✹✹
تگلها يا رقية… گومي ليّه واحضنيني
يا رقية… وعن احوالچ دخبريني
يا رقية… لْمحنتچ تبچيها عيني
(يلا رقية قومي واشكي لجدتك وشبيهتك في المصائب ما جرى عليك يا طفلة الحسين ~~~)تگلها
آيا زهره… شوفي مضروبة متوني
آيا زهره… جده يا زهره سبوني
آيا زهره… وانظري اللطمه بعيوني
روعوّني… وسلّبو مني التراچي
روعوني… وعيني ما شبعت بواچي
روعوني… وراس ابويه گمت احاچي
يلا نسمع المصيبة من رقية تروي لجدتها مأساتها وتفصل المصيبة حين ضروبها واسروها وشتموها وروعوها وراس الحسين امام عينيها~ لحن الجفيري♪
مثلچ اجونه بالحطب
وحرگوا خيمنا باللهب
وگلبي يفرفر بالرعب
وفرّينا من سوط النذل
✹✹✹✹✹✹✹✹
ما عدنا كافل لا حمه
مثلچ يا يمه فاطمه
بقيد وسلاسل مؤلمه
شدو ايدينا بالحبل
✹✹✹✹✹✹✹✹
يا جدّه روّعني الشمر
بسوطه ضربني عالظهر
مشّونا بدروب اليسر
ويسبونا من فوق الهزل
خادمة آل محمد ✍🏻

*نعي مفجعي بين رقية ورأس العباس* هذا موقف مع رأس الحسين وهناك موقف آخر مع رأس العباس ع وباقي الرؤوس كأني برقية هذه الطفلة اليتيمة رأت في الشام الرؤوس ركضت نحو رأس عمها العباس تشتكيله
تشتكي للعباس كيف سبوها كيف سلبوها كيف ضربوها وحرموها من اهلها واخوتها وحرموها من عائلتها حرماوها من كل ما تحبه كأني بها تمد يديهاوتكشف عن عضديها الصغيرتين باكية عماه انظر ليدي انظر متني من ضرب سياط بني أمية وارقيتاه~
تگله عمي… فتح عيونك عليه
تگله عمي… آنه المدلـّله رقيه
تگله عمي… بعد عيناك مسبيه
تگله يا ابو فاضل عدوانك يضربوني
انظر متنيِ الأسود يتلوى على متوني
منكم ليش يا عمي ومن حسين حرموني
مشتاگه ٱگعد بحضنك وتمسح بيدك على الراس
*❊❊❊❊❊❊❊❊❊*
تگله فتّح عيونك وشوف اللي جرى عليّه
شوف من المشي ٱچدامي (شبيها) بألم مورّمه هيّه
أثر اشواك بالبيدا بعد مشّوني مسبيه( واويلاه)
وشوف من البچي عيوني حمره عمي يا عباس
*❊❊❊❊❊❊❊❊❊*
جواب العباس~
فتح عينه ابو فاضل وگلها يا دمع عيناي
دكفِّي النوح والعبره انا مگطّعه يمناي
كسرتي گلبي والدلال روحي ظلّت على الماي
چفوفي عالشريعه هناك وسهم بعين ابو النوماس
*❊❊❊❊❊❊❊❊❊*
*كأني برقية تمددت جنب الرؤوس وصاحت ~*
مشتاگه ارجع لداري وانام بحجر ابو اليمه
مشتاگه اگعد وْيا حسين اشمّه بنحره واضمه
مشتاگه ينور العين اسمع منّه بس كلمه
عزيزتكم يضربوها ويشتموها بين الناس
واويلاه واويلاه واويلاه
خادمة آل محمد✍🏻

*رأس الحسين ع والطفلة الشهيدة رقية ع*

واويلاه واحسينا ه مشهد رأس الامام الحسين ع واسنانه المكسورة والضربة على جبينه واثر الحجر… واثر السهم في حلقه ..وأثر الدم تحت عيونه وشفتاه مشققة من العطش والظمأ والنحر يقطر من دماه ~وأثر الحافر مطبوع على خديه وايلاه واحسيناه … .ساعد الله قلب رقية الصغير كيف رأته بهذه الحالة وكيف توقف نبض قلبها لرؤيته وصاحت ~~~~
أي واحسينا واحسين
يالمنذبح يالمنذبح~ راسك يشيلونه برمح²
طور يا كربله ~ يا كربله
〰〰〰〰〰
راسك يبويه لْبِـالطشت ~ لو نجمة من عالي السمه
ليش العيون مذبّله ~ وليش الجروح معلّمه
براسك أثر كم من جرح ~ شافتها أمي فاطمة
ليش السنان مكسّرة ونحرك اشوفه منذبح
يالمنذبح يالمنذبح~ راسك يشيلونه برمح²
〰〰〰〰〰
تگله علامة هالسكوت جاوبني يا نور البصر
منهو اليتمني وأنا يرافقني يُتمي من الزّغر
بجبينك الجرح لْنِزف
يظهر جرح أثر الحجر
والشيبه مخضوبه بدِمه
ونحرك اشوفه منذبح
راسك يشيلونه برمح
〰〰〰〰〰
يبويه ٱخذني بالحضن
ما ٱريده بعدك هالعمر
وين العمامة والكفن
وين الجسد وين الگبر
ادفني بلحدك يالأبو
وخلي الوسادة عالصدر
وخليني احط خدي على خدك ونحر المنذبح
وراسك يشيلونه برمح
〰〰〰〰〰
*وكاني بسكينة سمعت اختها رقيها بلسان حالها تخاطبها اخية انت تودّعي راس والدنا الحسين ع وانا ودّعت جسده في كربله…*
صاحت سكينة اتمهلّي
جسد الحسين بمصرعه
شفته على الغبره طريح
وجراحه كثره مبضّعه
سهم المثلث بالگلب
واوصاله كلها مگطّعه
دمه يسيل من النحر
وراسك يشيلونه برمح
〰〰〰〰〰
شفته جسد فوق الترب
واضلاعه كلها مكسّره
خيول بحوافرها تجول وآنه بعيوني انظره
انصبغت حوافرها بدمه
ممزق قميص بحافره
والزهره يمه حاضره
وراسه يشيلونه برمح

الشاعرة خادمة آل محمد✍🏻

لطم شور ~ يا رقية~
*يا رقية يا رقية~يا رقية يا رقية~²*
طفلة صاحت بالخرابه
تنادي وينه ٱبويه وينه
مدلّــله تنادي يا بابا
بالعجل احضر إلينه
انفجعت بشوفة مصابه
شافت الراس الحزينه
صاحت ونادت حبيبي
خذنيِ لجنة عليّه
*يا رقية يا رقية~*
〰️〰️〰️〰️〰️
صاحت ومدمعها جاري
منهو يتّمني بزغري
يا حبيبي رد عليّه
فدوى لك يا غالي عمري
منهو حز يا بويه نحرك
بشوفتك مفجوعه تدري
راسك بإديّه ٱضمه
الله يا عُظم الرزيه
*يا رقية يا رقية~*
〰️〰️〰️〰️〰️
لو تشوف الي جرالي
من الضرب زرگة متوني
بالسبي ضايع دلالي
من بعد عينك سبوني
حسّبت بالشام اشوفك
تالي بيك آنه فْجعوني
واليُتم يصعب عليّه
〰️〰️〰️〰️〰️
لو تعاين بويه حالي
مسلّبه مني التراچي
والجرح ينزف دمومه
وما تمل عيني البواچي
واحد يألّم متوني
والشمر يجذب عباتي
وحرمله ذابح دليلي
عْليْ يِنادي خارجيه
〰️〰️〰️〰️〰️
خادمة آل محمد ✍🏻
اللحن
https://youtu.be/2Sowlygs22k

القصائد الزينبية🏴
مواساة زينب ع لابنة اخيها رقية بدفنتها بالشام…
(وكأني بزينب ع لما دفنوا الطفلة رقية جلست على قبرها باكية وأسرتها بوعد ...)
يا رقية… ليلة وداع ومصيبه
يا رقية… ما اعوفك يالحبيبه
يا رقية… گبري يمك يا غريبه


يا يتيمة… يمّك مدفني بالشام
يا يتيمة… اعود واختم الأيام
يا يتيمة… يمك اشتكي الألام

يا رقية… من قبرك اريد تراب
يا رقية… ارشّه يم گبر الاحباب
يا رقية… اروي محنتك ومصاب
لمن يا زينب تروي المحن… ولمن تاخذين التراب من قبر رقية؟

للغريب… ترابك احمله هديه
للغريب… اخبره بحالتك هيّه
للغريب… بغربه اندفنت رقيه
خادمة آل محمد✍🏻

#يـارقيـة
لسان حال رقية تخاطب الراس الشريف)
(لحن الخضيب♪)

فتح عيونك بالعجل يابويه وانظرني
بسوطه عدوّك عالمتن يا بويه ألّمني
ترضى سبيه ميسره امشي ويضربني
راح الابو راح الحضن وظل مدمعي مسجوم
آه يبويه ٣~~آه
〰〰〰
بعد شتشكي يا رقية?
زرگة ايديه من الضرب فك عين عليّه
من كربله بويه العدا مشّوني مسبيه
اجدامي بويه مورّمه ومكتفّه ٱيديّه
اصرخ يبويه وما تجي وتحضر اليه اليوم
〰〰〰
آه يبويه ٣~~آه
شيحمل يابويه هالگلب من فارگ الغالي
راسك يحطونه بطشت يبويهِ اگبالي
ما أگدر اعاين شيبتك مخضوبه يالوالي
افديها روحي لذبحتك وتسلملي يا مظلوم
آه يبويه ٣~~آه

الشاعرة الحسينية
خادمة آل محمد✍🏻

لحن امانة هالوصية♪يا رقية
يا محنة هالخرابه
رقيه تنادي بابا
تگله يا حبيبي
يا بويه رد عليّه

راح الغالي الغالي الغالي
الراس ٱگبالي ٱگبالي ٱگبالي
〰〰〰
يبو الشيبه الخضيبه
يبو العمة السليبه
من الي حز وريدك
منهو يتّم رقيه

نحر دامي دامي دامي
الگلب ظامي ظامي ظامي
〰〰〰
يمحلاها تضمني
وبحضنك تلمني
وتمسح يا بويه راسي
ودمعاتي الجريه

الروح فاضت فاضت فاضت
يَمّه ماتت ماتت ماتت
خادمة آل محمد✍🏻

قلم الولاء الحسيني ~ خادمة آل محمد ص ~:
رقية تخاطب راس ابيها الحسين ع
تگله
فتّح عيونك صد إلي
آنه العزيزة مدللّي
جاوبني يا ريحة هلي
ليش تركتنه بالسبي
〰〰〰〰
مشّونا للشام البعيد
ما ندري هالقوم شتريد
جابونا لِديرة يزيد
واحنا حرم بيت النبي
〰〰〰〰
ما راعوا حرمه للخدر
مشّونا في درب اليسر
وحادي الظعن زجر وشمر
ولوّعنا سوط الناصبي
〰〰〰〰
ارد اشكي بويه غربتي
صعبه اي والله محنتي
راسك أغسله بدمعتي
من دمه بطراف العبي
〰〰〰〰
اشتاگت عيوني لبسمتك
ليش العدو حز رقبتك
ويتمني انه رقيتك
وامشي غريب بالسبي
خادمة آل محمد ✍🏻

زينب ع تودع قبر رقية ع

زينب تنادي بمدمع العين
بوداعة الله يا بنت الحسين

تحله هالنومة باللحد
رقية يا غصن الورد
بوداعة الله²
〰〰〰〰
تمنتك عاقبري تونّي وتنوحي
وتنصبي العزيه يا بعد روحي

رقية شمعة وانطفت
رقية بسمة واختفت
بوداعة الله²
〰〰〰〰
گومي وْيّايه نروح الكربله
واحفرلك گبرك بين العايله

ونجبلك كافور وسدر
يم عبدالله هناك الگبر
بوداعة الله²
〰〰〰〰
خادمة آل محمد ✍🏻

https://youtu.be/Cxotqjb0NJw

*سؤال المغسّلة لمولاتنا زينب ع حين ارادت ان تغسّل رقية؟*;/لحن الجفيري`~
تگلها علامة هالأثر
أسود متنها شالخبر
طفلتكم بحال الخطر
ومن المرض زرگه المتن
〰〰〰〰
*جواب زينب ع*
يمغسّلة لا تعجبي
هذا أثر درب السبي
لوّع متنها الناصبي
لا ما رمحنا هالزمن
〰〰〰〰
طفلة وما تتحمّل ضرب
تون وتنوح عْلى الدرب
مسبية ما بين الغرب
وشافت ياويلي هالمحن
〰〰〰〰
يكفيها في مجلس يزيد
تشوف بطشت راس الشهيد
يا ويلي محزوز الوريد
ماتت وغُمْضت هالجفن
واويلاه وارقيتاه واسبيتاه😭
خادمة آل محمد✍🏻

*قبر رقية ع*
وكان اعظم موقف ايها الموالون حين ارادوا الرجوع الى مدينة جدهم فقاموا مع ما بهم من الاحزان والآلام للرحيل فودّعوا قبل رقية بالدموع والآهات والأنين الوداع الوداع يا رقية الوداع يا عزيزة الحسين فكاني بصوت الطفلة رقية تناشدهم من داخل القبر ولسان حالها~~~
لحن الخضيب♪
يالراحلين لكربله وياكم اخذوني ~
اخذوني ويّا العايله وحدي تخلوني ~
طفلتكم آنه مدلّـله
چنكم نسيتوني~
ما احمل الغربه انا من گبري طلْعوني~
〰〰〰〰
شيلوني گوموا من الگبر وللطف احملوني~
شيلو بنعشي لكربله وليها دشيعوني~
يم بويه محزوز النحر ولاكبر ادفنوني ~
يم نحره اخويه المنذبح عبدالله حطوني~
〰〰〰〰〰
مشتاگه اشمن تربته واسمع يناغيني~
مشتاگه ابويه احضنه ويمسح دمع عيني~
مشتاگه لعيون الگمر وبچفوفه يسقيني ~
آنه الغريبه بغربتي
كلكم تعوفوني~
خادمة آل محمد✍🏻

*رقية مذهولة تخاطب رأس أبيها ودموعها تسيل على خديها…* تگله
صدق انت ابويه حسين ليش مغسّل بدمك
فتّح عينك عليّه إجت لِمدلـّله تضمّك
مشتاگه إلك بويه تشمني بخدي واشمّك
ما حسّبت اشوف الراس
لچن وين أحُضْنَك وين
〰️〰️〰️〰️
يبويه انظرني حاچيني
وفتّح عينك عليّه
ارحم دمعة عيوني
آنه بنيْتك رقيه
مٱگدر انظر بهالحال
واضمّك ويلي بيديّه
ضاعت بويه آمالي
لحظة شوفتك يا حسين
〰️〰️〰️〰️
تگله وين اضمك وين واشوفن كم جرح واثار
اثر سهم وأثر طعنات
بوجهك لو أثر لحجار
يبويه بيا ذنب ذبحوك
وگطعوا وتينك الكفار
يظامي فتّح عيونك
وانظرني ينور العين
خادمة آل محمد✍🏻

*1442 هـ /حوار بين رقية والامام الحسين ع*
لحن الجفيري~
شهگت على راس الحبيب
وتنادي يا بويه الغريب
ليش انظرك شيبك خضيب
ونحرك تخضّب بالدمه
〰️〰️〰️〰️
تگله يا محزوز النحر
منهو لْفِجعني يالبدر
ويتّم رقيه بالزغر
وخلانه بويه ميتّمه
〰️〰️〰️〰️
فتّح عيونه الذابله
وناداه آه يا مدلـلّـه
ليش بونينچ معوله
والصيحة توصل للسمه
〰️〰️〰️〰️
تگله
وين ليداولي هالألم
ويمسح بكفّه عاليتم
حاچيني يا حلو الشيم
ودمعتها عالخد ساجمه
〰️〰️〰️〰️
گلها
هالليله انت ضيفتي
يمي تروحي لجنتي
بحضني تنامي رويحتي
وتشوفي امچ فاطمة
〰️〰️〰️〰️
ما تحمّلت من تنظره
نحره عن الجسم انبره
وتنظر سنونه مكسّره
وتنادي يا حامي الحمه
خادمة آل محمد✍

*رأس الامام الحسين ع يعاين جنازة رقية ع*
ذاك الرأس الذي افتقدته زينب ع في الشام لأن اللعين يزيد كان يضعه في طشت من الذهب ولم تره زينب الى يعني فارقها يومان اليوم الثالث من صفر ادخلوا قافلة السبايا الى الشام وحين أدخلوا السبايا على مجلس يزيد لعنه… ولم تره الى يوم شهادة رقية ع في الخامس من شهر صفر حيث ماتت الطفلة على الرأس الشريف وهنا زينب بحيرة…
اَلسَّلامُ عَلَيْكِ أَيَّتُهَا الْبَعِيدَةُ الْمُتَحَيِّزَةُ فِي خَرابَةِ الشّامِ~
راحت تخاطب الرأس /لحن يلي عالنهر نايم الشيخ حسن العالي ~
تگله بدمعه تجريها
بحيرة اختك تخلّيها
فتّح عينك عليها
محتارة يا حسين²
--------------------
بأيتامك تحيّرني
يا ليت وياها تدفني
رقية عنها تسألني
وين القبر وين²
-------------------
جنازتها نواريها
وتقرا الفاتحة عليها
بخرابه هنا نخليها
والجرح جرحين²
جواب الرأس الشريف/ لحن زينب إجت لحسينها الشيخ الحسناوي♪
نادها يا أم الحزن
يا حورا لفيها بكفن
جرح وعلامة عالمتن
بهيده على جروح الجسد
----------------
ايديها گومي سبّلي
ولا تراوي دمعاتچ إلي
بهيده بگبرها نزّلي
جسد السبيه باللحد
----------------
يا محنة هالمدمع ذروف
لْدفنة رضيعي بالطفوف
لو دفنة الطفلة اشوف
ولادي مثل غصن الورد
-------------------
خادمة آل محمد ✍🏻

*موقف مؤلم لما المغسلة ارادت ان تغسل رقية ورات جسدها والمتون زرقاء متورمة واويلاه ~* لحن الجفيري
واويلي مسوّدة المتون
يبكوها بدموع العيون
واثر السياط من السجون
واثر السياط من الضرب
〰️〰️〰️〰️〰️
حطوها فوق المغتسل
ومغسله جابو بعجل
ومن يمها حطوها الاهل
موقف أليم شگد صعب
〰️〰️〰️〰️〰️
ومن جرّدتها من الثياب
وحطتها من فوق التراب
شافت اثر ضرب ومصاب
مذهوله وتنادي العجب
〰️〰️〰️〰️〰️
وزينب تنوحن معوله
ودمعتها عالخد سايله
شافت وضع المغسله
محتاره ما تدري السبب
〰️〰️〰️〰️〰️
نامت وِمغْمضّه الجفن
وبيها أثر سود المتن
جيبو اليها هالكفن
ومحروقة ايديها بيا سبب
خادمة آل محمد✍🏻

#وارقيتاه~لحن جاوبني يا علي للملا محمد بو جبارة♪~
(كأني برقية تطلب الحسين مشتاقة تطلبه وابتاه واحسيناه)~
وينه حامي الحِمى
بهالخربة المظلمه
خل يحضر بالعجل
بهالمحنه المؤلمه
(اي محنه يا رقية يلا نسمع ونشوف بعين البصيرة رقية تشكو لأبيها اتخيل امام عينك طفله تحمل رأس ابيها )

غربه وسبي وقهر
ومشوّنا باليسر
وحادي ظعنا ليش
يبويه هالشمر
〰〰〰〰〰〰

خربه بلا يا باب
الوسادة من تراب
نِشَدتك من تجي
وما حصّلِت جواب
(اي عتاب هذا مولاتي يا رقية~ صعبه هذه الكلمات)
عليك يطول العتب
واحنا بديرة غُرب
سبايا بلا حما
ما يحمل هالگلب
(ولكن سرعان ما جاءها الجواب لأنينها ونحيبها وإذا بها ترى رأس ابيها أمامها فتُفجع به يلا استعد للمصيبة…)
جابو ليّه الطشت
باسمك بويه صحت
يا محزوز الوريد
بويه گبلك متت

يابو الشيب الخضيب
يابو النحر التريب
منهو راسك گطع
ويتّمني يا غريب

يبو الگلب الحنين
فتّحها عليّه عين
چاوين هالجسد
يا مگطوع الوتين

خادمة آل محمد✍

*رؤية رقية (ع) في الخرابة* / لحن اسمع عتابي~ للشيخ البيابي
ليل الخرابه~ جروح وعذابه
نامت رقية ~ فوق الترابه

حبال بإديها~ رادت وليها
طفلة يتيمه ~ اويلي عليها

غمضت جفنها ~ وارسود متنها
تعبانه نامت ~ بونّة حزنها

وبالطيف اجاها ~ ويعلا بچاها
وتشكي لابوها ~ كلمن أذاها

بويه ضربوني ~ بويه اشتموني
ومثل الزچيه ~ بسوط اضربوني

اخذوني سبيه~ حبال بإديّه
بنت الخوارج~ نادوا عليّه

ما رحموا حالي~ وما عندي والي
زرگه متوني ~ انظر لحالي
بعد بعد….
حلم وإجاني ~ شفته بثواني
راسك باديّه ~ وضميته آني
واستيقظت على تلك الفجيعة ورأس رأس الحسين أمامها واويلاه واحسيناه~
خادمة آل محمد ✍🏻