#وامحمداه
هالليلة غابت الشمس المضية
هاللـيلة ناحت الزهره الزچيه
هالليلة المدامع يا ويلي جريه
مات طه النبي والزهره بـ عـزاء
〰️〰️〰️〰️〰️
صوت آذان بالسمه ميت نبينه
وكتاب الله بحزنه يرتل أنينه
وجبريل محزون ودموعه رهينه
نصبت الزهره بيت احزان البكاء
〰️〰️〰️〰️〰️〰️
والكون اسود اعلن آه حداده
وجبريل محزون من غير عاده
بيت الزهره هالليله لابس سواده
لمصابه ها تبكي ملائكة السماء
خادمة آل محمد✍🏻

#وامحمداه~ وافاطمتاه
فاطمة ع تفتقد ابيها ص والدار خالية~ لحن اسمع عتابي~
داري خليّه~ وموحش عليّه
ساعة رحيلك ~ اعطم رزيّه

من يتّمتني~ رحت وعفتني
صعبه المصيبه~ من فارگتني

اگعد يغالي~ عزي ودلالي
ومن البواچي ~مفحوعه حالي

الدنيا بأمانك~ انحرمنا حنانك
خالي يبويه~ والله مكانك

دار الزمن دار~ ومحزونه هالدار
وانه اقضي بعدك~ ودموعي مدرار

خادمة آل محمد✍🏻

*للزيارة /لطم شعبي تراثي ~ جينا نزورك♪ لحن. ما ننساكم…*
جينا نزورك جينا نزورك يابن الزهره جينا نزورك

جينا نزورك يا مولانا
يا سيدنا ويا رجوانا
يا صراط الله وقرآنا
بالمحشر

يا رحمة الله الوسيعة
بحبك فازت كل الشيعة
بالمحشر امك شفيعة
تشفع الـ كل من يزورك

يا كعبة احزان محرم
نبكي لك كل دمعة ونلطم
وتحرقنا نيران مخيّم
نحيي المجالس بحضورك

تشفع إلنا بيوم المحشر
وتسقينا من نهر الكوثر
كلمن زارك يابو الأكبر
تآنس وحشة قبره بنورك

باسمك نهتف يابن الزهره
كل خادم يفديك بنحره
نلبي باسمك يابو العتره
نلطم ونلبي ونزورك
خادمة آل محمد✍🏻

ورود السبايا الى المدينة
شيخ العشيرة حسين بارض الغاضريه
گوموا يهل المدينة ننصب له عزيه
راسه عالرمح منشال جسمه عالوطيه
وردّت العيله هاليوم ما بيها والينه
〰️〰️〰️〰️〰️〰️
اجينا لوحدنا للدار وما ردوا الحبايب
ظلّت صورهم تذكار وناموا بالترايب
بالغربه النا شبّان وعنّا البدر غايب
راحت روحي وياهم مجروحه وحزينه
فراق~
راحوا عني~ وفارگوني للأبد
راحوا عني~ ونانوا بتراب ولحد
راحوا عني~ اختهم انه بلا سند

فارگوني~ والفراق شگد صعب
فارگوني ~ النومه صارت عالترب
فارگوني ~ وانه مفجوعه الگلب
خادمة آل محمد✍🏻

#وازينباه
راح الأخو مني راح
من يداويِ اْلْجراح
يا داري ظلمه ليش
بس اسمع نياح

دار الأهل خراب
وحشه بعد الغياب
تشتت لينه الشمل
واخوتي تحت التراب

ما اسمع من مجيب
ولا صوت الى الحبيب
ما انسه اخوتي
حسين انذبح غريب

راح لكان السند
وضمّاهم اللحد
ظلت الي الصور
للغالي اصعب فقد
لحن اسمع عتابي~
ذكرياتي حزن~ ودمعاتي بالجفن~ لحظة غربة ومحن ~ تفجعني بـ اخوتي

ما يرتاح الحزين~ ولا يهدا هالونين
عمري لاجل الحسين ~ وترخص دمعتي

طلعت انه مدلّـله~ بالهيبه مجلّـله
مسبيه العايله~ ردّيت بلوعتي

بايتامي محيّره ~ خذوني ميسّره ~ باحزاني صابره
من يطفي حسرتي
خادمة آل محمد✍🏻

#وامحمداه
*حال فاطمة ع عندما شيلت جنازة رسول الله ص* /لحن. اسمع عتابي

لا تشيّعوها ~ ولا تطلّعوها
لا تدفنوها ~ جنازة الوالي

يالحاملينه ~ خلوِ نبينه
بنته حزينه~ منزلي خالي

بحزني والدمعه~ خلوني اودعه
ودّع البضعة ~ وارحم لحالي

بعدك يتامه~ يبو العمامه
مع السلامه ~ سوريِ العالي
خادمة آل محمد✍🏻

بعونه تعالى وببركة مدد مولاتي فاطمة ع سيتم سيتم نشر قصائد ومراثي جديدة لمصيبة الصديقة الشهيدة فاطمة ع في قناتي أنين الضلوع / وكل ما يتم نشره بنية تعجيل الفرج وعن ارواح الشهداء السعداء وعن ارواح المؤمنين ولا سيما عن ارحامي وارحام المشتركين في قناتي…
https://www.tg-me.com/aninaldouloua

*وداع الامام الحسين ع*
يلا ارفع ايدك ايها الموالي وودع مولاك الحسين ع
وواداعا~
*وداع الزائر للامام الحسين ع* لحن الجفيري
اجيت الوداعك يالحنون
ودمعاتي فاضت مالعيون
وداعك عليّ لا ما يهون
صعبه ابعوفك بو علي
〰️〰️〰️〰️〰️
لو عنك ابعد يا ذبيح
روح تِلِزمه للضريح
خليها يمك يا تستريح
سفينة نجاتي وموئلي
〰️〰️〰️〰️〰️
العودة اكتبلنا يالحبيب
نزورك نيابة يا غريب
يا صاحب الشيب الخضيب
كل شدّة فرّجها إلي
〰️〰️〰️〰️〰️
واوداعا~ يا حبيبي يا حسين
خادمة آل محمد✍🏻
*نخوة وتوسل بالإمام الحسين ع / لحن والله حيرة حيرتي♪*

اجيتك آنه بطلبتي
بحسرتي وبدمعتي
زاير الليله عا بابك
وانت تسمع ندبتي

حسين مولاي حسين حسين مولايْ

اجيت ازورك بالنيابة عن شباب مثل الورد
يا حسين احضر جنايز اندفنت بوسط اللحد
احضرهم ونوّر دربهم كل قمر مثل الشهد
مثل لاكبر دمه يرخص رايح وما لينا يرِد

احضر الهم بالگبر
واشفع الهم بالحشر
نوّر الهم كل مكان
بالجنان الهم أجر
حسين مولاي حسين حسين مولايْ
〰️〰️〰️〰️〰️
النية زاير بالنيابة عن جميع الشهداء
للحسين احمل امانة والسلام لكربلاء
لكل شهيد النا نزور روحه فاضت للسماء
واسى الحسين الذبيح وروحها قدّمها فداء

لبوا باسمه بالدمه
ترضى عنهم فاطمه
تشفع الهم. بالحشر
والمدامع ساجمه

حسين مولاي حسين حسين مولايْ

خادمة آل محمد✍🏻
حال الزائر يودع الإمام الحسين ~ سيدي أبا عبد الله ها نحن اليوم نفارقك وتخنقنا والعبرة لفراقك ولا ندري سيمتد بنا العمر كي نعود لزيارتك
[ما أقدر اترك حسين وامشي عن مزاره]
[ما أقدر أترك حسين واترك الزيارة]
[ما أقدر اترك حسين وعيني ما اشوف المناره]

مودّعينك~ ورحي خلها بحضرتك
مودعينك~ عليه عود زيارتك
نودعينك~ سجلني زاير روضتك
(سيدي ابا عبدالله هذا حال المفارق لزيارتك)

مودعينك… والگلب اخذه برحباك
مودعينك… وكلنا خدام على بابك
مودعينك… سجل اسمي في كتابك

راحل انه… وخلها يمك بس طلبتب
راحل آنه... ومني اقبل بس خدمتي
راحل آنه… فرج همومي وكربتي
خادمة آل محمد✍
الوداع الوداع سيدي يا حسين / لحن الجفيري♪
واگف ببابك لي طلب
مفارگ ومهموم الگلب
مولايَ و وداعك صعب
ودعتك الله يا حسين
〰〰〰〰〰〰
راحل لداري ونفترق
وبگلبي ناري ومختنق
بنيرانه گلبي محترق
ارجع ازورك يا حسين
〰〰〰〰〰〰
باچر نسافر بالزمن
وگلب المحب يمّك رهن
بس كربلاء هي الوطن
يم بابك المأوى حسين
〰〰〰〰〰〰
خادم ينسبوني إليك
امش بدربك واعتنيك
من عالم البرزخ أجيك
لو حان موتي يا حسين
خادمة آل محمد✍🏻

ندبة لصاحب الزمان عج *آيمهدي~ آيمهدي²* الشيخ حسين الدبيني♪

الجمعة مرّت بالحزن
واحنا الحيارى بلا وطن
المهدي وينه ابن الحسن

بكفّك تظَلّلنه~ برحمتك يشملنه
*آيمهدي~ آيمهدي²*

اذكرنا يا مهدي بدعاء
لو. انت زاير كربلاء
خل نعينك عالعزاء

من تزور حسين ~ وتجري دمع من العين
*آيمهدي~ آيمهدي²*

لو تطوفن بالصحن
وتبكي مسلوب الكفن
جنازة ظل بلا كفن

والجسد مطروح~ من النحر مذبوح
*آيمهدي~ آيمهدي²*

تزوره گلبك منكسر
تبكي حافر عالصدر
تبكي محزوز النحر

راسهِ المرفوع ~ وخنصره المگطوع
*آيمهدي~ آيمهدي²*

بلغه عني السلام
من تصلي بالمقام
واقرا ندبة عالخيام

عمتك يسبوها~ وسوط بمتن ضربوها
*آيمهدي~ آيمهدي²*

تطوف گبره بمدمعك
والحوافر بمسمعك
تزوره وانت بموضعك

ذبيح الغاضريه~ يردلك تحيّة
*آيمهدي~ آيمهدي²*
خادمة آل محمد✍🏻

https://youtube.com/shorts/312j0dBSY9Y?si=9Ino2mIpQyXyEDQW

#واعسكرياه
*امامنا صاحب الزمان عج وحزنه على رحيل والده الحسن العسكري ع* لحن اسمع عتابي للشيخ البيابي~
بحزنه ومصابه~ ودمعه وعذابه يهل المدامع~ لزهرة شبابه

بدمعه جريه ~ ناصب عزيه
المهدي بحزنه~ يبچي الرزيه

بدمعي ودّعته ~ بلحده وسّدته. محلا جماله~ بيدي دفنته

وحشه وخليه ~ داره المسيه
ظلمه سامره ~ وتنصب عزيه
خادمة آل محمد✍🏻

#واعسكرياه~ لحن الجفيري♪
الله يعينك عالمحن
يالمهدي بمصاب الحسن
تنصب مآتم للحزن
بسامره وتهل الدمع
〰️〰️〰️〰️〰️
شيّعتَه بيدك للگبر
ودْفَنته باحزان وقهر
يعينه الله گلبك بالصبر
يتوارث احزان الضلع
〰️〰️〰️〰️〰️
مشيّع أبوك بدمعتك
صعبه يا مهدي محنتك
نقدم تعازي لحضرتك
ونواسي گلبك بالجزع
〰️〰️〰️〰️〰️
يعين الله فاگد كل محب
من ينثروا عليه الترب
فراگ الأحبه شگد صعب
بجمرة غيابه منفجع
خادمة آل محمد✍🏻

#واعسكرياه
*حضور الزهراء عليها السلام جنازة العسكري ع* لحن قلب امم يبني مفتت للشيخ الجفيري~♪
حضرت يَمّه تونِّ الزهره
تلطم خدها وجري العبره
تگله يبني سمّوا چبدك
وخلو گلبي مثل الجمره
يبني يبني يبني يبني²
〰️〰️〰️〰️〰️〰️
مصابك يبني يفجع روحي
جنازة بغربه ولاجلك نوحي
نعشك شفته انشال اگبالي
المهدي ينحب وزاد جروحي
يبني يبني يبني يبني²
〰️〰️〰️〰️〰️〰️
خادمة آل محمد✍🏻

#واعسكرياه
الامام العسكري ع وولده المهدي عج ~لحن الخضيب ~ ♪
هالليلة ظلمة وموحشه وغربة وحزن وهموم
هالليلة مات العسكري ويلي قضى مسموم
شحال ابنه ويلي ودّعه وسال الدمع مسجوم
وبيده يشيل جنازته وحطه تحت التراب
يا امامي يا امامي يا امامي آه~
〰️〰️〰️〰️〰️
الله يعينه ودّعه والمهدي باحزانه
يجذب ونينه عالقضى وعيونه غدرانه
صاح بأمان الله بعد وگلبه بنيرانه
رحت وعفتني للحزن لا عمري بعدك طاب
آيبويه آيبويه آيبويه آه~
لحن الفراق الحسناوي
آيبويه … صعبه ساعة ودعتني
آيبويه … يتيمك وانت عفتني
آيبويه … صعبه بويه فارگتني
الله وياك… يا جرح كل العمر
الله وياك… بعدك يطول الصبر
الله وياك… وبيدي ادفنك بالگبر
خادمة آل محمد✍🏻

#واعسكرياه
*حزن الامام صاحب الزمان عج على مصاب ابيه العسكري ع*
جفيري ~
يگله يا نايم بالگبر
من بعدك جروح وقهر
اسمع شكاتي من الدهر
وامسح دموع ابن الحسن
〰️〰️〰️〰️〰️
اجيت ابكي بدموع المصاب
ابكي الي نايم بالتراب
من بعدك سنيني عذاب
وجاير عليّه هالزمن
〰️〰️〰️〰️〰️
راح اشكي همي وغربتي
للزهره امي ومحنتي
تحضر وتمسح دمعتي
تخفف عليه هالمحن
〰️〰️〰️〰️〰️
من ساعة وعني غبت
روحي بحزنها تأّلمت
هالدنيا بعدي ظلّمت
عمري قضيته بالحزن
〰️〰️〰️〰️〰️
يبويه يالعسكري مصابك احنى ظهري
وفجع گلبي برحيلك وانت بحالي تدري
البيت اظلم يغالي وقصر ليته عمري
ولا اشوفك بالگبر نايم يا نور العيون
〰️〰️〰️〰️〰️〰️
أهيل الترب بيدي وانه معذور بونيني
دفنت اغلى الحبايب ويلي اگبالي عيني
ابكي بدم عليهم بحزن اقضي سنيني
نواحي وحزني كله عالـ باللحد مدفون
خادمة آل محمد ✍🏻

#واعسكرياه
#واعسكرياه~ لحن اسمع عتابي~
للمهدي اجينه ~ نواسي بونينه
العسكري مسموم ~ نعزي الحزينه

عد گبره ننحب… والعزاه ننصب
لسامره نبكي… والعبره نسكب

نشوف الزچيه ~ بعبره جريه
من ارض المدينه~ تنصب عزيه

تگعد عا گبره~ ودموعه عبره
تلزم ضلعها ~ وآلامه كثره

تبچي محنته ~ وسم بچبدته
الظالم الي سمّه ~ گطّع مهجته

مثل الأئمة ~ ميّت بسمّه
ما مثل الحسين ~ جروحه تِأَلْمه

راسه عا جسده ~ ونايم بلحده
لن سالمه اعضاه~ وما حزوا وِرده
حسين~
خادمة آل محمد✍🏻
https://youtu.be/RsYn1i6972g

#واعسكرياه
*حوار بين الامام العسكري ع والامام صاحب الزمان عج وطلب الثأر*  لحن لفى عاشور او يا جبريل نترجاك الملا عبد الحي قنبر♪
وداع العسكري يصعب وْيَ المهدي بهالليله
يدير العين على وليده وبالعبرات يبچيله
يحط ايده على كفّه وبالآهات يشكيله
الغربة والزمن غدار ترسم دمعته بخده
〰️〰️〰️〰️〰️
دار العين عالمهدي ولحاله غدا اتحسّر
يوصي المهدي بالثارات ويگله عالعهد إثأر
لا تنس الذبيح حسين وضلع امنا الذي اتكسّر
ونحر الما شرب مايه وحزوا هالعزا وِرده
〰️〰️〰️〰️〰️
*حال صاحب الزمان عج!*
*سالت دمعة المهدي وصاح الثار بيه أدري*
*بضلوعي بعد مسمار والطف جمرته بصدري*
*وعبدالله وثأر محسن وسبي زينب شعل جمري*
*وخرابة شام وباب امي وثار العترة للمهدي*
〰️〰️〰️〰️〰️〰️
*جواب العسكري:*
عندك راية انشرها من بعد الغياب سنين
راية ثار للمظلوم وراية للذبيح حسين
وعندك عالشريعه هناك يبني اتگطعت چفين
صبرك عالمحن صبرك بسامرا الثأر عندي
خادمة آل محمد ✍🏻
https://www.tg-me.com/kadimatAlmouhamad

#واعسكرياه
*دفن الامام العسكري ع*
گلب مهدينه عالعسكري ذاب
ومهجته تلوّعت من بعد العذاب
ودّع أبوه وهال على جسمه التراب
واتحسّر على المسموم واويلي حسرات
〰️〰️〰️〰️〰️〰️
حطّ بلحده ودار عليه عينه~
وروحه على فگده هالليله حزينه~
راح ومن بعده ظلمه هالمدينه~
وجذب ونّه على الأبو ودموعه عبرات
〰〰〰〰〰
وصية العسكري ع عالجفيري~
أجرك على الله بهالمحن
يالجري دمعك بالجفن
الله يصبرك عالزمن
من بعدي ويطول العذاب
〰️〰️〰️〰️〰️
دفنت الأبو في هاللحد
ومن عنده سالم هالجسد
شحال الدفن ابوه العمد
ولملم اوصاله بهالمصاب
〰️〰️〰️〰️〰️
حطيته جسمي بالگبر
وجسم الذبيح من النحر
راسه برمح عالي انشهر
ودم النحر صاير خضباب
〰️〰️〰️〰️〰️
ما داست الخيل الضلع
وما عندي حافر منطبع
بس الحسين لاجله الدمع
طحنوا ضلوعه عالتراب
خادمة آل محمد✍🏻

#واعسكرياه
وصية الامام العسكري ع لولده الحجة عج
بعد بعد وصية يا اهل العزاء
انحنى على ابنه وراح يودعنه~
يگله بأمان الله ويجذب الونه ~
يحبه ويشمه وياخذه بحضنه~
صعبه الوصيه يا نور العين

اوصيك بوصايا وكلها شجيه~
لو غسلتني فوق الوطيه~
اذكر يبني ذبيح الغاضريه~
ذبيح بكربله ظامي الحسين

لو حطيت خدي فوق الغبره~
اريدك تنعى عالمگطوع نحره~
وابچيِ الظامي المهشوم صدره~
عاريِ مسلّب من دون تكفين

خل الدمع عالظاميِ المنحور~
فراشه الترب وصدرهُ المكسور~
وغسله من دمه منحره يفور~
انصب عزيه عالمگطوع الوتين
اه اه~~~
خادمة آل محمد ✍🏻

لحن الملا عبد الحي~
اجت ام الضلع مكسور محنيه وتجرّ الثوب
بجلباب السواد تنوح ودمعها عالوجن مصبوب
الزهره معصّبه الجبين وونّتها تفت گلوب
لسامره بعجل وصلت وصاحت آه يامسموم
〰️〰️〰️〰️〰️〰️
بيا حاله وصلت الزهره سامراء يا شيعة ؟
غطّت عينها الحمره وراحت عالغريب تدور
گلها يمه ضميني گالتله الضلع مكسور
گلها السم مرد چبدي گالتلي الگلب مفطور
راحت اويلي تشمه بخده والدمع مسجوم
〰️〰️〰️〰️〰️〰️
تگله
اسمالله على شبابك يا حلو الملامح
ليش الوجه اصفر وعالترب طايح
گلها راح الحيل وسم الچبد جارح
صاحت اويلي عالعسكري يا حلو الشبيبه~~~
〰️〰️〰️〰️〰️〰️
اضمك يبني ما أگدر لن الضلع مهشوم
ابچي يبني لمصابك والطم خديِ الملطوم
اشوفك للأجل رايح وعليك المنيه تحوم
يعين الله گلب ابنك بهاي المصيبه~~~
*حضور الزهراء عليها السلام جنازة العسكري ع* لحن قلب امم يبني مفتت للشيخ الجفيري~♪
حضرت يَمّه تونِّ الزهره
تلطم خدها وجري العبره
تگله يبني سمّوا چبدك
وخلو گلبي مثل الجمره
يبني يبني يبني يبني²
〰️〰️〰️〰️〰️〰️
مصابك يبني يفجع روحي
جنازة بغربه ولاجلك نوحي
نعشك شفته انشال اگبالي
المهدي ينحب وزاد جروحي
يبني يبني يبني يبني²
〰️〰️〰️〰️〰️〰️
خادمة آل محمد✍🏻

لحن الفراق الحسناوي ~
تگله يبني~ مصابك ظهري حنيته
تگله يبني~ عفت گبري هالساعه واجيته
تگله يبني~ وعزّيت المهدي وواسيته
آيمسموم~ راح انوحن ليلي ونهاري
آيمسموم~ والدمع من عيني جاري
آيمسموم~ والمآتم كلها داري
الشاعرة خادمة آل محمد✍🏻
*مولاتنا الزهراء ع ومصاب ولدها العسكري (ع)*
اتعنت السامره تنحب والگلب مفطور~
محني ظهره من الحزن من يوم عاشور~
معصّبه الراس وتنوحن والدمع منثور~
وتصرخ يا مسموم الچبد افجعتني سامره
جواب العسكري!!!!
گاللها كفي دمعتك يالزهره يالزچيه~
نوحي عالحسين في ارض الغاضريه~
گطعوا وتينه وجثته عالغبره رميه~
ومحّد شيّعه وشاله يا ويلي عالغبره

الشاعرة خادمة آل محمد ✍🏻

*وداعاً أيابن الهداةِ وداعا~²*
لسان حال الامام العسكري ع يودع ولده بقية الله الحجة (عج)*وداعاً أيابن الهداةِ وداعا~²* لحن وداعا ربيع اليتامى وداعا~

وداعا أيا مهديْ والقلب جمرة
بفقديَ سوف تعيشها حسرة
ألا فابكي دهرك دمعا وعبرة
لطفِ الذبيحِ بأرض فُلاةِ
*وداعاً أيابن الهداةِ وداعا~²*

سأرحل عنك وتبقى عصورا
سنين الغياب تطول دهورا
وجدك فوق الرمال عفيرا
الا فابك ظامٍ بشط الفرات
*وداعاً أيابن الهداةِ وداعا~²*

فيا صاحب الندبة السرمدية
ألا فابكي دمّا لتلك الرزية
لسيل الدماءِ وجسم رميّة
بسهمٍ مثلث قتيل العداة
*وداعاً أيابن الهداةِ وداعا~²*

ألا فابكي دمعا بلون الدماء
لرزء القتيل وكبش الفداء
لتلك الضلوع حوت كربلاء
غدت مرتعا لـ خيول الطغاة
*وداعاً أيابن الهداةِ وداعا~²*

وصاحب العصر يسلّ ذوالفقاره
ويبكي بحزنٍ ليلا نهاره
ويرفع كف الدعاء جهارا
الا رب عجّل بثأري غداةِ
خادمة آل محمد  ✍🏻