للحشد المقدس اوكف انا اجلال
وكفوا عالسواتر ذوله والله ابطال
ابحكهم من تسولف كلشي خل ينكال
(سباع ابحدهم وكفوا ردوا كل عيله)
خالد الحلفي

كوم يبن الحسن واعلن ثورتك
والله من الجور ذلــــــت شيعتك
** ** **
كوم يبن الحسن شنهي اتاني
ماكو غيرك امل عدنــــه وثاني
بينه شوف اشكثر ناس اتعاني
كرب الميـــــعاد والحك امتـــك
** ** **
سيفك البتار يمتــــــه اتجرده
اليوم يومك كوم وانـــزل للعده
ايفور كلب حسين كوم وهوده
باقي ثار الطفل بــــعده ابذمتك
** ** **
كوم سل السيف واجبر خاطرك
على صدر حسين طفله ايناطرك
انته سيف الله شنهو امأخرك
جرد الفقــــــار واشهر صرختك
** ** **
كوم سل اســـــــيوفك البتاره
عمك العــــباس رايد ثـــــــــاره
شما يمر عاشور تلهب ناره
جفوفه لجل الثار صاحن نادتك
** ** **
كوم خلي اعداك تسبح بالدمه
بعده ينزف جرح امك فاطمــــه
لسه كسر الضلع حيدر يلمه
جرح محســن مايطيب وداعتك
********
كوم خن جدد حسين امصــابه
جرح زينب مايطيــب اصوابه
ناره تبقى بكل كلب لهابـــــه
تطفى يـــامولاي هيه ابطلعتك
** ** **

انته يامولاي ادره بقصــــــته
المن المظــــــلوم يشكي حالته
ماكو غيرك كوم نشف دمعته
الشيعي والله اليوم رايد فزعتك
** ** **
افزع لنه وشوف شنهي المسأله
اليجرم بهاليـــــوم محد يسأله
والله يامولاي واحدنــــــه ابتله
يصرخ المظــلوم رايد نصرتك
************
خادم أهل البيت
خالد الحلفي

السلام على جبل الصبر زينب

ابخيالي الصورتتراد ف منلها
زينب بت علي عنج منلها
جم واحدرجه العليه منلها
وزينب باصبرحصلت هويه
خالد الحلفي

صوتي من هموم الوكت بح بح
ولاعني المصايب يوم بح بح
كظيت العمر بس حسرات بح بح
عله يوم الكلب يطفربديه
خالد الحلفي

هل تعلم

معلومات عامة عن أهل البيت (عليهم السلام)

🌟هل تعلم :
بأن أصغر إمام توفي هو الإمام محمد الجواد عليه السلام فقد مات وهوإبن 25 سنة.. وقد مات مسموماً من زوجته أم الفضل وبقى مرمياً على سطح داره ثلاثة أيام!

🌟هل تعلم :
بأن الإمام بقية الله في أرضه أصغر إمام قد تسلم الإمامة وكان عمره آنذاك 5 سنوات عندما أستشهد أبوه الإمام الحسن العسكري.

🌟هل تعلم :
بأن الإمام الباقر هو هاشمي من الأب والأم فهو ابن فاطمة بنت الإمام الحسن وأبوه علي بن الحسين وهو من جمع النسل الحسني والحسيني.

🌟هل تعلم :
بأن الإمام الحسن هو جد الإمام محمد الباقر وجعفر الصادق وموسى الكاظم وعلي ابن موسى الرضا ومحمد الجواد وعلي الهادي والحسن العسكري والحجةالمنتظر القائم مثله مثل أخيه الحسين.

🌟هل تعلم :
بأن الخضر هو تاليا بن ملكان بن عابر بن أرفخشد بن سام بن نوح عليه السلام وإنه من عباد الله الصالحين ومن المقربين لصاحب الزمان وهو من أنصاره.

🌟هل تعلم :
بأن الخضر سمي بهذا الإسم لأنه لا يجلس على خشبة يابسة ولا أرض بيضاءإلا وأزهرت خضراء لذا سمي بهذا الإسم.

🌟هل تعلم :
بأن مدة حمل يحيى بن زكريا في بطن أمه هي نفس ما للإمام الحسين عليه السلام من الحمل وهو ستة أشهر وقُتلَ الإمام الحسين عليه السلام كما قُتِل يحيى وهذا هو حلم النبي زكريا عندما دعا ربه بأن يرزقه غلام وأن يُقتلَ هذا الغلام كمايُقتل الإمام الحسين لِيٌفجَع النبي زكريا في ولده كما يفجع النبي محمد صلى الله عليه وآله.

🌟هل تعلم :
بأن كهيعص معناها كـ : كربلاء , هـ : هلاك العترة , ي : يزيد وهو قاتل الإمام الحسين، ع : عطش الحسين , ص: صبر الحسين عليه السلام.

🌟هل تعلم :
بأن معنى آية : ( والراسخون في العلم يقولون آمنا به كلٌ من عند ربنا) ,, المقصود بالراسخون في العلم هم محمد وآل محمد .

🌟هل تعلم :
بأن الإمام الهادي عليه السلام عندما تسلم الإمامة كان عمره 7 سنوات.

🌟هل تعلم :
بان الإمام الحسن المجتبى عندما توفي خرج أخوه الحسين بجنازته فرشقواجنازة الإمام الحسن بالسهام وهو مقتول بسم جعدة ومنعوا أخيه الحسين من أن يجدد العهد بجنازة أخيه عندجده المصطفى .

🌟هل تعلم :
بأن مولاي أبا الفضل العباس لقب بساقي العطاشى لأنه كان منذ حداثة عمره وصغر سنه يسقي الحسن والحسين الماءويحضره لهما حتى لو طلبا ذلك من مولى لهما.

🌟هل تعلم :
بأن أبا الفضل العباس كان عابداً زاهداً ومن عباد الله الصالحين المقربين ولكن الجميع تطرقوا لشجاعته فقط دون الاشارة لعبادته وزهده وتقواه.

🌟هل تعلم :
بأن أول من نصب مأتماً على أبي الفضل العباس هو أمير المؤمنين علي عليه السلام عندما وُلِدَ ,, فقد أمسك الإمام علي يديه وأجهش بالبكاء وقال بأن يداه تقطعا فداءاً لأخيه الحسين.

🌟هل تعلم :
بأنه بعد واقعة كربلاء قام المختار بن يوسف الثقفي بقتل جميع قتلة الإمام الحسين عليه السلام وقتل أيضاً عبيدالله بن زياد عليه لعائن الله وقام بإرسال رأسه إلى الإمام علي إبن الحسين زين العابدين وقت الغداء فلما أدخل الرأس سجد الإمام زين العابدين شكراً لله وقال الحمد لله الذي أدرك ثاره.

🌟هل تعلم :
بأن الإمام زين العابدين لم يرى ضاحكاً بعد مقتل أبيه إلا يوم أدخل عليه رأس عبيد الله بن زياد ورأس عمر بن سعد .
🌟هل تعلم :
بإن الإمام زين العابدين قضى 35 سنة بعد أبيه باكياً لا يهنأ في رقاد ولا مأكل .

🌟هل تعلم :
بأنه عندما أدركت السيدةزينب عليها السلام المنية وهي في الشام رفض نساء الشام تغسيلها ظناً منهم بأنهامريضة وذلك لما حل بجسمها من نحول فنزلت فاطمة الزهراء وخديجة الكبرى وغسلوها .

🌟هل تعلم :
بأن فاطمة الزهراء عليهاالسلام تأتي يوم القيامه وفي يديها كفي أبي الفضل العباس وهي تبكي وتطلب من رب العباد أن ينتقم ممن قطع هذين الكفين.

🌟هل تعلم :
بان الإمام علي عليه السلام هو مؤسس علم النحو عندما مرعلى جماعة وسمع قرائتهم للقرآن بطريقة خاطئة فقام بوضع قواعد وأعطاها لأبي الأسودالدؤلي وقال له أنحو هذا المنحى فسمي بالنحو.

🌟هل تعلم :
بأن فاطمة الزهراء أخفي قبرها لتبقى ظلامتها إلى قيام الساعة.

🌟هل تعلم :
بأن الصلاة المفروضة على العباد كانت ركعتان ولكن عندما رزق الله النبي محمد صلى الله عليه وآله فاطمة زادت ركعة في صلاة المغرب كشكر لله وعندما رزق النبي بالحسن والحسين عليهم السلام زادت ركعتين في العصرين والعشاء وأيضاً كشكر لله على هذه النعمة .

صلوعالمختار وي حامي الحمه
نبارك ابهل يوم فرحت فاطمه
—------------------------
الشيعه تهتف ياعلي فرحانه
اليوم ميلاد الحسن عنوانه
كوموا صلوا عالنبي ويانه
ارض بالمولود تباهه وسمه
—------------------------
اليوم للكرار مولد نولد
بفضله رب الكون للعالم شهد
بلغ المختار جبريل وصعد
بسم هل مولد كله وعلمه
—-------------------------
علينه بالمولود هل ربك نعم
ابومحمد والله عنون الكرام
شنهي يكتب والله محتارالقلم
والده الكرار ومه فاطمه
—----------------------
خلها تفرح شيعته وساده
اليله فرحتنه الحسن ميلاده
خله يطلب وليريد المراده
الحسن باب الكرم ومه عالمه
—-------------------------------
هنو حجت الله اليمام اليله
المهدي ابن الحسن كلنه ادخيله
ابعالي صوت وبالفرح ندعيله
الروح مشتاكه وتريد اتكلمه
—-------------------------------
الشاعرخالدالحلفي

وكف عباس وكفة حيدر بيومه
خلاهــه الزلم طشار بالحومـــة
ــــــــــــــــــــــــــــــــــــــــــــــــــــــــــــــــــــــــــــــــــــ
* ما همه السهم يوم الشلع عينــــــــــه
همه الماي لازم يوصل سكينــــــــــــه
صاح بصوت وينه اليعترض وينــــــه
خله الروس عمله والجثث جومـــــــه

* ثبت ساس الاخوه وانته دكيتــــــــــه
كفو ونعمين منك يلي عليتـــــــــــــــه
ويه حسين ثابت عهد وفيتـــــــــــــــه
زحت الكرب عنه وزالت همومــــــــه

* تشهدله المراجل من وكف بيهـــــــه
وحده والشريعة صيطر عليـــــــــــــه
الجبدته الماي حرم مايطب ليهــــــــه
عله طفل حسين ظلت روحه مندومـه

* يوم انتخت زينب رادت أميــــــــــــــه
كلله علهونج صبري اشويـــــــــــــــه
شنوه الماي ضنج يصعب عليــــــــــه
عد عيناج ماخليج مهضومــــــــــــــة

* مثل ليث الكون يوم الي طلـــــــــــــع
شبه حيدر يوم باب الشر قلـــــــــــــع
ما تميز الرأس جم رأس انكطــــــــــع
سوه عمله ونحجي دوم علومــــــــــه

* سمع يوم الصوت زينب نــادتـــــــــه
اهتزت الغيرة يويلي وشالتــــــــــــــه
وصل يم النهر وامله جربتـــــــــــــــه
صاح لجلج خويه هاي الكومـــــــــــة

* ارتد الجيش منه وزادت الخوفـــــــه
بصدره السيف ضمه وطاحت جفوفه
صاح اليوم أسوي عمله بالكوفــــــة
أذكركم بحيدر ذاك جيدومـــــــــــــــه
الشاعر خالد الحلفي

(نشيد العراق)

يعــــــراق اظل راعـي الــغـيره
مـطــوعـيـن ونحمي الديره
عدعينك كــونـــك تــنــخـــانــه
عالساتر لــجــلك تلــكــانــه
بيدينه اليصعب تجبيره
****************************
*ركـــضــنه وللــمــيدان افزعنه
اهل الغيره وياهــــويردنه
كل واحـــد بــالــفــين اتـعــدنـه
واحدنه يجاهــد تــعبيــره
********************
*بعـــون الـله وحــيدر هـديـنه
عالــمــوت احنــه وماردينه
والكون رتــج مــن طـــبيـــنه
كل طاغــي انحــاول تدميره
*********************
*ركــــضــه عـــالساتر هلهلنه
مطــوع يـهـتـف واحـدنــه
والله عالــمـــوت مــن اذبـــنـه
وفــايه ومانعـــرف حـيــره
**********************
*لـــجل الحــرمه بيوم ا نزلنه
مانرضه يهـــودي ايدنسنه
مانرجع يوم الي افــزعـــنــه
والعـــايـــل نثــبت تقصيره
************************
*من حشمنه وصاح المرجع
فــتــنه عالمــوت ومانرجع
صحنه عالناصب خل يرجع
عراقي انه ومعروف السيره
***********************
*مـــن تهلهل امنه وتـنخانه
فــــوك عـــالســاتـــر تلكانه
غــيــرتنه الهــــدت ويـانــه
مـــكـواري مبيـن بـــي جيره
***********************
الشاعرخالدالحلفي

كوم ياحيدر وغسل فاطمة
ولاتمس الضلع منه وتلجمة
ــــــــــــــــــــــــــــــــــــــــــــــــــــــــــــــــــــــــــ
• كوم غسل ام الحسن ياابو الحسن
هذا حد ايامه وياك انتهن
ولو صعب إفراكهن ماينسن
اصبر وامرك لربك سلمة

• من تمد ايدك بهيده على الضلع
مرضرض وخافن يحيدر ينشلع
ولو ادري بهاي كلبك ينصدع
يعينك الله شلون من شفت الدمة

• عن صدره حسين بلكي تشيله
والحسن مفجوع منهد حيلة
حنت وكامت دمعه تسيلة
بجت أهل الارض كله والسمه

• من تصب الماي بلكي براضة
لاتلجمة الجرح ياذي صوابة
عسه كون انشلت ايدة الصابة
هاي أم الحسن قدوة وعالمة

• كوم شوف شلون زينب من بجت
طاحت اعله أمه ياحيدر ونحنت
تكله يمه شلون عينج غمضت
ياهو انه خلافج يصير الحمة

• موش تنسه شوصتك يابو الطهر
بليل كلتلك شيعني الكبر
خلاف نعشي تسير ماريد الكفر
ذول زمرة حقد تدري وظالمة

• خلصت العشرة ياحيدر وانتهت
اليوم ام الحسن شخصك ودعت
لامر ربه طاعت وبيه ارتضت
العشرة خلصت هاي هي الخاتمة



الشاعر// خالد الحلفي

اجت زينب تصيح بصوات وينك
يلبلكون مــحـــد لـــــو يـــمـيـنـك
طايح يبويــــه وقمضت عــيــنـك
شكـــله انوب ضــيـف اليعتنيـلك
اصيحن غـاب بــدر الــهـــاشميه

(هوسات امير الامومنين)
*ياهواليدنه يمــك حيــدر اصنـــديد
واسفه بقدر صـــارات طيحتـك ياحيد
بشهر الصوم ترحل وحنه جانه العيد
(شلون نعيد حيدرونته مجافينه)
**********************
*ساجــــد للالــه بيوم قــدرو بيك
مكابل منهويدنه وياهو يوصل ليك
توهم يوم مرحب طاح بيـــن اديـك
(نصين اصبح من هز روحه)
********************
الشاعر خالد الحلفي

ألليله شيعتنــا حزينة
تصيح حيدر يا ولينه
************
عليك ونت ياعلي / تبجي لفراك الولي
اليوم وسفه امفركينه
***************
أصيح شيعتنا ياحيدر / على فراكك ياهو يكدر
حكنه نبجي الله واكبر / طـــــاح ياوسفه علينه
***************
ظلمت الدنيــــا بغيابك / كلف ما ينسي مصابك
ابـن ملجم غدر صابك / عصا ربــه وغدر بينه
***************
الليله حيدرنه ينــازع / نايـــــــم ولله راكــع
أبصبر وبتقوى يوادع / يسبـــح بلهجة ونينه
***************
حسين يندب ياولينه / ظلمت الدنيــــــــا علينه
شلون بعدك لوبقينه / يتامه يا حامي الضعينه
**************
أعتنه للمحراب همــه / يدري بيه يسيل دمه
ناذر الروح أبو أليمه / فدوه للباري ودينــه
**************
بالسمه جبريل ناده / طــاح صنديد العبادة
حيدر ونال الشهادة / اليوم وسفه مفاركينه
**************
اليوم فوك الراس حكنه / نلطم وعالصدر دكنــــه
موش دمك سال دمنـــه / أنطبر كل شيعي وبجينه
**************
اليله كلها عليك ونـــت / الك يــــابوحسيـــن حنت
الناس والله عليك جنت / واسفه يل رحت من يدينه
**************
أبـــن ملجم والله غثنه / بيــــــك ياحيدر فجعنه
عليك ما يبطـل حزنه / حكنـــــه نلطم يا ولينه
**************
الشاعر
خالدمسلم الحلفي

(بيت الاخره)
لاتعمــــربيتـــك بــدنيــــه وتــــزول عــيف بيــت الــدنيه وأبني الاخره
ذاك دايم عــمــر اشمــاء تــسطـــيع وبــصــلاة وصـــوم كـون اتعطره
مــوش تلهه بــدنيتــك تبني القصـور وفـــرض ربــك بالعبـــاده اتأخره
كــوم ادي الــفــرض وســـجد للألــه بصالح الاعـــمال ديــنــك تنصره
انته اول مــاصـــرت للمـوت اجيــت سنين تركض ونته طابك عالسره
اشكثرتبقى ابــدنــيتــك لازم تـــروح عنهــا تــرحل والــمصير المكبره
نــــوح كبلك عمــــر ألاف الــسنيــن ومن اجه الموت طــبــك دفــتــره
البنه جنه مالــحــك بــيــهــه يـطوف الــموت مــاخـــلاه يعــاين ليِوره
هاي هيــه الــدنيــه عـــدت للـــفنـاء دار عبــــره هنـــاك دار المغــفره
لملك مــتاع الــطـريجك مـن تــروح الماكوعنـده امتــــاع يتعـــذب تره
لاتظـــن هنــاك مــعــروف وصيــط المـــاخذاله اعـــمال مــحد ينصره
تبعــد الــديــدان عـــنــك مــن تــريد كوم صلـــــي اليــل ربـــك وشكره
واصل الــــــجيران وحـســن للـفـقير هــــاذ بــــي هنــــاك تكسب مغفره
وشيل عن النفس دوم الــكبــــــريـاء بل تواضع كـــــل تـــكـــبر تــكسره
لايفوتك فرض في وقــت الصـــــلاه وكون كلبــــك للـــعبـــاده اتحـضره
وحاسب انته النفس كل يوم اليفوت ولاتخليهــــا بــــهـــوهـــا مصيطره
هــيــه بـــالســو النـــفس تامر اكيد والتـــفـــوزهنــــاك بـــس الصـابره
واليريد الــفـــوز ويــحصــل جـنـان خله يـــامـــن بـــلولايـــه وحــيـدره
هاذ باب المقفره الينــهــي الــجـدال العلي كلها هناك تــصـــفــه الاخـره

*موهذا البنيته هناك بيتاك
تنـزل بالـــكبرويصيربيتاك
ملك الموت لازم يوم بيتاك
وتعوف شما ملكته بهل دنيه
*****************
*الــدنيه رجــوك لاتامن بيها
ومن عدهه الكلب صايربيها
جم مسكين مــتونــس بيهــا
مايدري ابجفن يطلع خطيه

الشاعرخالد مسلم الحلفي
هاتف(07703107769)

آه يـــازينب خطيـــه من الزغر شافت اذيه
انشلع ﮔلبــﭻ بالحياة من الزغر حته الممات
** ** **
آه يـــــــــازينب الـــــحره ﭼم مصــاب الصار وجره
عليـﭻ يــابضـــعة الــزهره من الــزغر حتــه المـــنيه
** ** **
ﭼم جرح اذاهـــه شـــافت اصواب امهه بيوم طاحت
انكسر ضلعي ومنه صاحت لحـﮔـــي يافضـــــه عليه
** ** **
آه يــــــازينب ســـــبوهه انــذول والله ومـــارعوهه
المجلــــس الظالم خذوهه ينظــــر علــه الهاشـــميه
** ** **
آه من شــــافت الـﭼـــافل بلهفه صاحت يابو فاضل
امشي خويه ويه العواذل اختــــك الحــــــره سبيه
** ** **
يعينــــــﭻ الله عالجــــــره حسين شـــــفتي منــحره
انـﮔطع وانتـي صـــــابره وﮔلتــــي قربــــان وهديه
** ** **
شفتي ﭼم لـوعه ومصيبه وعشتــــي يازينب غريبه
ينسبي المثلــــﭻ عجـــيبه وامـﭻ الزهـــــره الأبــيه
** ** **
عفيه صبــرﭺ ماجزعتي شفتي ﭼم غصه وحملتي
والله يازينـــب صبـــرتي يعينــــــﭺ الله ياســـبيه

خادم اهل البيت // خالد الحلفي

عظــــــم الله اجورج فـــــاطمه
اعلى ابنج المذبوح غــارك بالدمه
** ** **
كومي شوفي حسين كطعوله النحر
وكلبه من الــعطش يازهره انفطر
من المثلث طاح والضـــــلع انكسر
عليه كامت تبجــي املاك السـمه
** ** **
كومي الحيدر يــــــازهره اعتنيه
وبالجره عالحســين بلكي اتخبريه
طـــــــــايح عالثره وكليـــله يجيه
هاي مو صعبه اعلى حماي الحمه
** ** **
كصدي صوب المشرعه وشوفي الجفوف
وشوفي ياهو عالنهر بارض الطفوف
هذا ابو فاضل يازهره العطوف
طاح لجل حســــين سابح بالدمه
** ** **
كومي شوفي شلون زينب حشمت
بصوت صوب الغري يابويه انتخت
تعال طفي النار وخيمنه اسعرت
وشوف كلب حــسين بسهام انرمه
** ** **
كومي الاكبر شوفي يازهره البتول
ســـــابح ابدمه الي شابه للرسول
وليلى يمه تنوح ياولــــيدي وتكول
ليش بالغربــــه عفتني امندمـــــه
** ** **
والله ماجوره يازهره بهالمصــاب
مخظب ابدمه ويون سيد الشباب
ونايم العباس يمه اعلـــــى التراب
حتى صبعه انكطع واخذوا خاتمه
** ** **
طاح عطشـــــــــان ولا واحد اله
يصيح ويــه جداه في طف كربله
والله نكروا هذا ابن عقد الولـــــه
فزعت اعليــــــه ال اميه الظالمه
** ** **
جيبي لبنج مــــــــاي بلكت تعتنين
بخي جبده وبلكت ايخــف الونين
طاح بديــــــــار الغرب محد يعين
اعليه من الـــعطش يازهره انغمه

خادم أهل البيت
خالد الحلفي

يافرات اعتاب عدنه انعـــاتبك ليش مايك عالســــــبط شحيته
** ** **
جان جبت الماي بيدك واعتنيت يوم طـاح حسين والجبده رويت
انته تدري بهاي كلش قصريت شلون جبد حســـــــين مارويته
** ** **
كصدت العباس زينب ماشفت انته موش بــعيد ليش اتعذرت
منه رادت ماي وانته اتأخرت ليش الها المــــاي ماوديـــــته
** ** **
جاب طفله امن العطش يبجي اعتناك ماعرفت حسين يوم الي اجاك
تعتنيه بالماي كل ظنه ارتجاك مادراك ويه الشــــمر خاويته
** ** **
كطعت الجفين بيهه انته السبب ماعنت عبـاس وحملت الجرب
من رجعلك ماي ماكلت اشعجب هاذ من الجــــــــربه ماحسيته
** ** **
كون عندك معرفه وذرة وفه من شفت عبـاس والماي انجفه
جان يم الخيم وصلت الضـفه يرتوي العطشــــان جـا خليته
** ** **
جا حظنت الماي بيدك ورجعت من شفت عباس طايح واركضت
كون عندك غيره لسكينه اوصلت جان هذا افضـــل عمل سويته
** ** **
خلص مايك لو غدر بيك الدليل عرفت ياهو بالطفل كاصد يشيل
هذا جده الوصل يم عرش الجليل مهر امه المــــــــاي ماعرفيته
** ** **
ماعليك اعتاب باطل كل عتاب شنهي عذرك لو وصل يوم الحساب
من تجيك الزهره وتريد الجواب مايفيد الـــعذر لــــــو حظريته
خادم أهل البيت
خالد الحلفي

حد المجالع وصيحن ياحسين مـــــــا ابطل لمن يدفنـــوني
** * **
الــــحمد لله البيـــــك انه اتــــعرفت بخدمتك يحســــين والله اتشـــرفت
انتــــه نــــور الله بيـــــك اتيقنــــت من اتيــــهن حبـــــــك يدلـــــــيني
** * **
انه لـــمن تنسلب روحي واطــيح والله بسمك دوم يحسين انه اصيح
انته حبــك بالـﮕلب يـــاهو اليزيح ثابت وخلـــــهم تره ايســــمعوني
** * **
ﮔبــل لا مـــوتن ووصــي اوصيتي ديــن اﮔلهم للحســـــين ابرﮔبـــتي
لا تـــخلونـــــه يظـــــــل ابذمتـــي احيو ذكــره وخاطر اتخلصـــوني
** * **
حسين روحي وثابت بوسط الجسد بـﮕلبي ثـــابت لاتظن يـــوم ابتعد
بسمه اهـتــف لمــن يحين الوعد ﭼني اشوفه بيـــومن ايغــسلوني
** * **
لو الف وصله يـﮔطعوني واصـير ياحسـين تصيح كل وذره التطــير
لأن حـــبك دوم يهتــف بالضميــر مااعوفك كلشــــي لــو ينطـــوني
** * **
شلون ﮔلي انســـاك وامـك فاطمه النزل جبريل ابأسـمه مـن السمه
هاي بت سيد الـــرسل والعــالمه هناك ابوهه وحيــدر يحظرونــي
** * **
روحي متعلـﮔـه ابمحبتك ياحسين من اذكـرك دمـع تتنـــــاثر العيـن
اهواي صار برﮔبتي شـﮔد لك دين خاف امــــوت وماوفـــي ديونـي

خادم اهل البيت // خالد الحلفي

صحوة الشعوب

يالله ياشــعبي انتفض اليوم ضد الظــالمين
إصرخ وهـز الضمــير مـــانريد الحـــاقدين
لا وحق العاديات مانسلم للطغــاة
****************
*يــالله يــــاغيـــرة اهلنــــه مايعيـــش الــــي يذلنـــه
ﮔـــوموا خنحــرر وطنــــه الـــعرب أهلـــﭻ ثــائرين

*صــافي منهجنـه ونــريده احنه من نحـﭼـي بعـقيده
الماضي والحاضــر نعيده نمشـــي ويه الثــــائرين

*اليوم ثـــوره وخنصــــيح نريد كل ظـــالم يطيـــــح
الشيعه والســنه ومســيح وحده ضـــد النـــــاصبين

*اليوم بــــالغيره نطــــالب مانريد احنه النواصــــب
هذا يوم البي نحــــاسب الغصب حقنــه ويستهين

*اليوم صـــحوه وننـتفض عالـــظلم نبـدي الــرفض
انــريد حقنــــه ونحــتفظ بينــــه مانرضـــه اليهين

*قسمـاً باللاهــــــي واحد نبقــــى احـرار ونجـــاهد
بهمه وانشــد الســـواعد عرب احنــــه ومســلمين

*يالله حيـــــوا عالـــجهـاد خنــــحرر هــــل البـــلاد
نصـرخ ونعلــــن حـــداد فــي وجـوه المبغـــضين


خادم أهل البيت
خالد الحلفي

* يادمعي سيل بحزن وبجي بعبـــــرمـــنتهـــل
طفيلي نار الــــكَب خايــــف عـــليه منتهـــل
اذتني الـــــــهمــوم كل جسمي صبح منتهــل
ولفاكــــــد احبـــاب من يبجي بسبب مــوهـم
مانــــــايم اليـــــــل حسباتي اشكثرهن وهــم
ارد اسكــــن البيـــد يم ارض الصحاري وهم
يـــاشهــــرالفـــراح بيك اجلي الـحزن منتهل

* صار الون قذه روحي وهيمن
وريدن بلبراري اشرد وهيمـن
جفه احبابي علي اثر وهيمــن
عزاز ومن اهج قــصبن عليـه
خالد مسلم الحلفي

علينه رد اليوم شمروحرمله
ماكفتهم ذيــج عــمــلة كربله
**************************
*ولد اميه علينه ردوه من جديد
بقوا نفس النهج قائدهم يـزيد
رجع ذاك الوكت وعلينه يـعيد
اليوم أخـذ الثار من عدكم حله
*********************
*مـاتـرد ايـــامـكم لامـستـحـيـل
احـنـه محد يكـدرعـليـنه يـعـيــل
لوتنخينه وحك حامي الد خيل
انخلي والله الكون يهتـز بـاكـمله
**********************
*هاي ضدك ياعلـي الناس الاجت
عليك يابوحسين كلها حشـدت
تالي كلشي وداعتك مـا حـصلـت
غصبن اعليهم تظل سيد المله
**********************
*حسين خط احـمـرولاتكـرب عـليـه
الكون والله ينكلب من تدنه ليه
حسين كل الدنيه تسجد بين ايديه
اشحدك امن تفوت لوتكرب اله
**********************

*يوم افته السيد واعــلــن جهاد
افزعنه فزعة موت من اجل البلاد
ذيج وكفت شرف وعلنيه الحداد
كمنه وي صوت المراجع من عله
***********************
*ماكفاهم كطعة اجفوف الكـفـيل
ولاحـركـهـم للـخـيـم بـيهـن عـليل
ذوله مينضفون ابداً مـستحـيل
المهدي وياهـم يـنـهـي الـمـسأله
***********************
الشاعر
خالد مسلم الحلفي