السلام وعليك مولاي امير
في ولادتك الميمونه مباركين
**********************
* وحك الطلكت ويا بت بيابيت

* بيت الله وعلي اتنخت بيابيت

*لون تسئل عليه ساكن بيابيت

*بتوت الكب كلهن حيدريه

* بمرالله الجليل الواحــد القهار

* بس لمك يحيدرأمروفك الجدار

* وجبريل المعزب يـخدم الخطار

( بيت الخالق وامه وياه هناك تشرف حيدر) **********************************
الشاعر خالد مسلم الحلفي

السلام على جبل
الصبر زينيب
@#$**#$***
ابخيالي الصور تترادف منلها

زينب بنت علي عنجج منلها

جم واحد رجه العليه منلها

وزينب بالصبر حصلت هويه

زينب بالصبر حصلت هويتين

بكسر الضلع وحده ويوم طاح حسين

ياهو المثل زينب كصه وياها البين

المثلج ياهو المثلج ذبحوا بالطف خونه

خالدالحلفي /ليلة وفاة السيدة زينب

خالدالحلفي

عالجـسر مطروح خل انشـيّـعه
موسى ابن جعفر اليوم انودعه
**
عالجســر مطروح ماعنــده اهل
بالسجن مســــموم وافاه الاجــل
يــــــاذنب سواه كلــــولي وعمل
بالسجن مظلـوم اصبح مصرعه
**
اربعه امن الـسجن شـالوا جثته
قيود كصت والســـــلاسل ركبته
بالسجن وينـوح صــارت موتته
خله يبجي المحب ويـهل مدمعه
**
خله يبجـــي المحب ويهل دمعته
على ابن جعفر حكه يرفع صرخته
كضــه نحبه ولا درت بي شيعته
وحده من ينــــوح محد يســـمعه

**
بشـــر ابن سويد كلهم طلعتـــك
اجت عالمـــوعد الشيعه وتانتك
كلهه مشتاكه يموسـى الشوفتك
مادروك اتمـــوت هـاي الفاجعه

**
عالجــسر ذبوك ياوسفه الطغاة
مادروا بيك ابن ســيد الكــائنات
كاظم الغيظ الصـــبر حد الممات
سجدته امن اتطول يقره الواقعه

**
بالســــجن مولاي كظـــيت العمر
ماتميز الصبــح كمت من الظهر
والله من صبرك جزع حته الصبر
والعصى المخــلوق انته ترجعه

**
كضى عمره بشكر مالحظه يـمل
ســـــاجد الربـه يطـــيع ومبتـهل
رغم بيده القيــد ثــــابت والرجل
طايع المعبـــــود والجـف رافعه

خادم اهل البيت // خالد الحلفي

علي ابضيج الكبر ماشوف غيراك

ونته عالخصم مشهود غيراك

يحيدر بل وصف معروف غيراك

حضرني ابحفرتي وذيج المسيه

علي والماتحضره هناك طاح ويظكل احسابه

منكرمايرحمه هناك كون مخربط اكتابه

ثكيل الذنب كلي شلون لوسد الكبر بابه

(موكل واحد اجورنا دخيلك يل كرار دخيلك )

خالدالحلفي

يحسين عل حبك هايم انا

ومثل عابس صطرني هايم انا

استارثنه من اهلنه هايم انا

الماحبك ابد ماهو ابن أبيه

للله نطيت كلشي وكلشي الله انطاك

جاه ومنزله وكل بشر يتعناك

هنياله تقبله وصدك كون وياك

( هنياله يحسين الحبك هنياله )

خالدالحلفي

يابا الفضل عباس
**&^^&*
يموفي لحسين من عندك كفو ونعم

لحسين لاماكلت ممنون كله ونعم

دكيت ساس الوفه ربك علينه نعم

عباس دومن تظل للخوه وفه وكفه

صابر ولاهام يوم الي اكطعوله كفه

ونته اللجل هاي جازاك الاله وكفه

بالجنه والحور ياعباس فوز ونعم

خالدالحلفي

صلوا عالمختار هذاحله خبر
ليلى ميلاده المهدي المنتظر
*******************
*بغرتك شعبان والحجه نولد
وفرح كل شيعي بجيتك ونسعد
اله رب الكون هل مولد شهد
المايئمن بيه مردوده بصقر
*******************
*ضوت الدنيه اليوم نورت
ابعطر مهدينه الحجه اتعطرت
رحمت الباري علينه اتفضلت
ابمولد ابن الحسن والدين انتصر
***********************
*حيوا ببن العسكري هادينه
اليوم حجة الله نولد مهدينه
اهلال هل وعالرض يضوينه
بي كل الكون نور وبتشر
********************
*اليله ميلاده اليمليه عدل
بعد ذاك الظلم وجوروقتل
يظهرالموعود وعلينه يهل
الف هنياله التانه وصبر
********************
*اليوم بالمولد فرحانه السمه
تهني اهل الرض بسمج فاطمه
بمولد الحجه ابن حامي الحمه
المايئمن بيه والكعبه كفر

خالد الحلفي

ابوذيات حزينه

صحت والصوت عالي مايردلي

وعرفت الراح وبعد مايردلي

جفاكم عصركلبي مايردلي

اجلاي ومن طحت طيحه قويه
************
مشه وبعد ظعنهم ماسلوني

موته احباب كلبي ماسلوني

بعدهم شرد اكلك ماسلوني

مقبر والحزن محتاط بيه

خالد الحلفي

السلام وعليك مولاي كريم اهل
البيت الامام الحسن المجتبى

***************

انا اخجل من اسولف بالــــكرم وحـــجي

لان تاريخ الحسن يعرض من اسولف بي

تلكه الذهب وي الزاد ياهو الـــمثله يخليه

خطاره يطلع متونس

***********************

دكيــــت الاســــاس وظـــل الك تــــذكــر

امس شفنه ابمـــــضيفك كــاعده الخطار

الك بارض الحجاز وتشــــهد الــــــزوار

والحجاج اسولف بي مظيفك يابومحمد

*************


خالد مسلم الحلفي

كل حجي يمر سولف بيه

اليوم حزنت شيعته علي انصاب بهاهته
كلها تبجي اعالولي الناس تصرخ ياعلي
طاح وسفه ابسجدته
**********************
الكون محزن والـــخلك كله ينوح
صعبه ياحيدر علينه من تروح
ياهوعكبك ياعلي ايطيب الجروح

لاتظن جـــــــرحـــك يــــطيب
بــــــلكلــب خلــــف لهـــيب

ابــــــن ملــــــجم بينــــــه صـــارت طكته
*************************************
تبجي اهل الارض كامت و السمه
لجلك اتعزي يحيـــــدر فاطمه
والله وسفه عليك ياحامي الحمه

اليــــــوم طايــــح يافحـــل
غــــدر وافــــاك الاجـــــــل

انته منهو عـــــليك يــــــرفــــع هــــامته
*************************************
استعد لله ياحيدر يصيح
ولاتهم بالموت يوم الي تطيح
حتى تلقا الله في دمك جريح

اصبرلـــهاذا الـــمصاب
ياعلي اجــــــر وثواب

لجل هاذ الدين فضــــــل مــــوتـــته
*************************************






ببن ملجم كام ينده حيدره
و لويريد بنيته جان أخبره
الله عالموعود كام يصبره

جان يــــدري بنيته
لجل جانت جيته

ويـــدري بلمحراب حيـــــــــدرطيحته
*************************************
ساجد وكظه ابعباده ليلته
حيدر بهاي اليله يعلم موته
يلاكي ربه الكون صايم نيته

شاكـــــــر بكل المور
ساجد وطايع صبور

بخـــالص الاعمــــــال قدم مهجته
*************************************
صاح وين اولادي حسين وحسن
ودو الماي الاسيري والبن
هاي رحمت حيدر بيوم المحن

ياهو مثلـــــه بهج حــــال
با لعـــــــدو يوصي العيـال

لــــبن ملجـــم كـــــام ينطي حصتــه
*************************************
الشاعر خالدمسبم الحلفي
هاتف(07703107769)

ام شهيد ذهبت يوم العيد كي تعايد ابنهافي
قبره وبيدها ورده ومصحف فوقفت قائلتن0


عفت العيد لأهله وجيتلك بالعيد

تعيف المكبره وترجع اريد وياي

ثلث تيام اريداً بس يخلص العيد

طلبت ام ردتها وماريد اهواي

عفت ربعك ييمه مجابلين الدار

اسود لابسه ومختلف عدها الراي

عاشوربسلفنه صايراهوالعيد

شباب وللمكابر ودعينه هواي

الشاعر خالد الحلفي

هوسات بمناسبة هدم
قبور ائمة البقيع
*********************

*ملينه الصبرمولاي يالمهدي ونتانيكم

بهمه وللبقيع نروح نبني اكبور اهاليكم

انته الغيب الموعود علي كال اليدليكم

(وبكبر الزهره ادلينه)


********************************

لابد لبقيع اروح يوم وتعله رايتنه

وماتبقه علهذا الحال نبني اكبور ايمتنه

يم كبر الحسن ونريد تبدي هناك وكفتنه

(وكبور الطاحت نبنيها)

********************************

الشاعرخالد الحلفي

الخامس عشر من شوال ذكرى
رجوع الشمس الى امير المؤمنين
ابوالحسنين علي عليه السلام
*************************
يبــوحــسين التبقضك من يردها

يوم الحــوض اشوفن من يردها

بشاره الشمس غيرك من يردها

مــباشــر كلــمت رب الــبـريـــــه

مـباشــر ردها ربك ياعلي وصليت

يــدري ابنيتك الله ومخلص اتعليت

مــنك تــتعــتزر وصـيح الك رديـت

(وانه الممنونه تكلك كمل فرضك)

خالد الحلفي

قصيده موشح بحق مولاي
اليمام الصادق عليه السلام
******************
اليـــوم آل الـــمصطـــفى نــواسيهه
علبــو الكاظــــــم جـــينـة ونعازيهه
*************
يبجي عالصــــادق الــشيعي بـدمعته
اليوم من الصـــدر تنـــــزل عبرتــه
ابد ما مرتـــاح يــــوم بدنيتـــــــــــه
كلها بهمــــوم وحـــزن كاضيهـــــه
*************
اليوم جافة الدنيا سيـــــد المتـــــقين
جده المختار سيد المرسلـــــيـــــــن
أتميز ومعروف بالصــــادق أميــن
عترة المختار وسفـــــه اعليهــــــه
*************
اليوم نرفع صوتنــــه وخل ينسمع
أتنوح كلها أعليــــــك وتهل الدمع
حكه يبجي المحـب لجلك منفجــــع
أبن حيدر دنيته مجافيهــــــــــــــــه
************
ابلوعه وبحسرات كظيت العمـــــر
خلصت دنياك من عسر العســــــر
اليدرس أبنهجك تعلم للصبـــــــــر
نهجك الآيات تحكم بيهـــــــــــــــه
************
أعليك يبجي الكلب زاد اهمومــه
مذهب الشيعه انفجعنه بيومــــــه
أتطيح وسفه ومهجتك مسمومــه
أعليك تبجي الشيعه وامخليهــه
***********

تبقى مدرستك نهج طول الحيــات
بيهه ندرس معرفة وكل الصفـــات
أبنهجك المعروف نحيي الذكريات
أنته مدرسة العلــــــــــــــــم بانيهه
***************
نواسي حجت الله يامهدي ونصيــح
ابسيفك الموعود كل ظالم يطيـــــح
كـوم يا مولاي هدموا جم ضريـــح
نريد نمشــــي وبالدمــــع نبنيهــــه
**************** الشاعرخالدمسلم الحلفي

قصائد لشهر محرم الحرام

شـوكـت يـايـوسـف الـزهـره طلعتك
اولله مـشــتـاكــيــن كلنه اشوفتك
---------------------------------
عليك نقسم وانته ابن حامي الحمه
تـنـهـض انا بـجــاه امـك فـــاطـمــه
اكـلـوبـنـه مــن الـقـهـرتـنـزف دمـه
بـعـــد مــانــــرتــــاح اله بــجــيــتك
****************************
شـوكـت يــايــوسف الزهره تنتفض
وبـيدك الـفـقـاريـحـلى مـن تــكــض
العـمـريـامـولاي شـوخـلـص ركض
خـاف امـوت ومـااشــوفـن هـلـتــك
****************************
كـوم بــرد كـلـوبـنـه الـتـلهـب جـمر
والله عـسـره ايــامـنـا الـبيـهـه نـمر
كــلـه بــل اهــات كــظـيـنـه الـعـمـر
عـلـينـه مـامـر الـفـرح مـن غـيـبتك


ابـمـسـجـد الـسهـلـه تـصـلي ياوكت
وتـاخــذ الـمظلـوم حـكـه لـوصــلـت
نريـد فــزعـــه ويـاك كـلنه لوصحت
والله ملهوفـيـن تــدري الـصــولـتـك
****************************
الك جــم ثــار الـي تــطلـب مـاكـظن
يـمـته تـنـصـب مـحـكـمـه ويـتحققن
منهن ضلوع الـحـسيـن اترضرضن
وثار طفله يتاني يـمـتـه صـرخـتــك
****************************
وبـعـد ثـارالـمـحـسن وضـلـع نكسر
وخـد لك عـالـبـاب يـامهدي انسطر
وزيـنـب الـمسـبـيـه عـاشور وصفر
عـلـمـتـن جـم سوط حـمـلت عـمتك
الشاعرخالد مسلم الحلفي




انفتحت ابواب السماء / للحسين ابكربلاء
نضروا يصحابي يكلهم ذيج جنة الخالدين
الكم الباري فتحها انتوا نعم الصابرين
----------------------------------------
على اصحابه احسين نادى ياكرام
صبراً اعل الموات من شاف ازدحام
فرغت من اصحابه ينظرها الخيام
نادى يصحابي صبركم//بعدماحصل مثلكم
ونعم منكم وفيتوا ومخلصين
***********************************
فتح ربك باب جنته وشاهدوها
واضحه ومثل الشمس من عاينوها
مانريد الدنيه صاحوا طلكوها
مانريد احنه الحياة//اليوم فضلنا الممات
الك نفدي روحنا ومطوعين
*********************************
يوم شك الثوب عابس وعتنه
تدري حب حسين هوه الجننه
ركض للموت بسرعته وماتنه
يمنه يكلبها ويسار//أعلن أعليهم حصار
جني حب أحسين نادى الكافرين
**********************************
شاد عالحاجب عصابه من نزل
انا ابن ظاهر يصيح من أرتجل
الروس عنأجسادها ابسيفه عزل
انا ابن ظاهر حبيب//داعي لحسين ومجيب
جيت اوفي عترة الباري الامين




برز جون ايصيح ماريد الحياة
والله لجل حسين فضلت الممات
انا ريد اليوم اسجل ذكريات
دمي الاسود كون افرطه//ويه دم حسين اخلطه
يختلط دمي ريدن وي دماء الصبرين
************************************
نزلوا أخوان ابوفاضل للحرب
دويه صارت تسمع اصوات الضرب
بيها خلوا عالعدى زاد الكرب
تراب غطاها وعجاج//بالأرض صار ارتجاج
وفه لجل حسين ضحوا أجمعين
*************************************
نضرللأطفال تبجي والحرم
غضب عباس ابوالغيره ونهضم
اهسه وكت الموت يحسين وحكم
اعذرني ياخويه يصيح// فدوه لجلك من اطيح
الك فادي العمر يبن الطاهرين
**************************************
أبكربله معنى الأصاله اتجسدت
وفه وأخلاص وأخوه أتعددت
بوكفه أحسين الشريفه أتخلدت
وكفة حسين وعضيدة // رفعة أوسام العقيده
حيوا دين الله حقاً ويقين

الشاعرخالد مسلم الحلفي


يامسلم هزيت الكوفه
ابصولاتك ذيج المعروفه
--------------------------
تشهدلك ياحيد الثايه
انته من ابطال الوفايه
ضحيت ولحسين القايه
للموت ومرضيت اتعوفه
***********************
الميدان ارتج من طبيته
والجيش ابوحدك رديته
يشرد جدامك خليته
بضرباتك والله الموصوفه
************************
طوعه من تهلهل كامتلك
يومك يامسلم صاحتك
وبحيدر عمك ذكرتك
ذاك المحد لاوه اجفوفه


ماهمك غدر الغداره
ظل ثابت كلبك بصراره
عدوانك ظلت محتاره
منك صارت بيهم خوفه
***********************
صاح لهم صوت يسمعونه
اطلبكم ثار اتعرفونه
ليش الكرار اتقدرونه
اطباع العدكم ومعروفه
*********************
ماكدروا والله يلاونك
من هاشم انته يعرفونك
لوما بل حفره ايقدرونك
وحدهم جا مات ابخوفه



جم فارس ذل وردية
وبسيف مسلم لاويته
ابعرشه ابن زياد وهزيته
محتار ويصفك بجفوفه
**************************
من طب للميدان وشمر
عمي انا يصيحلم حيدر
جم فارس بالحومه اتحير
واليشر منهم ميعوفه
--------------------------------

الشاعرخالد مسلم الحلفي

لـون عـباس يدري وسوالفله عل خدري
خويه مسبيه رحت بـيـن عــدوانك طحت
نفذ من القهر صبري
---------------------------------------
عكب عينك يخويه الذل سطرني
مشيت ولاشفت واحد رحمني
امشي ويه عداك شو وكتي جبرني
امشي وتعثركمت / انا كل ساع وطحت
انهدم حيلي يخويه وبان كسري
********************************
طاح خوي حسين للحومه اعتنيت
ماسمعت الصوت يمك من بجيت
خويه بجوابك عليه اتأخريت
انا ساعته عذرتك /جفوف ماعندك ذكرتك
ختنك بل عبره يخويه وضاك صدري
************************************
كون تدري شلون عل هزل مشيت
خويه ذله اخلاف عينك مادريت
والله من الضرب بسوط انتهيت
خدرمن الضرب متني/صياط خويه والمتني
على المتنين ظل الدمه يجري
**************************************
خويه جرني الشمر ياعباس جرني
ابد ماكال حرمه ولاعذرني
من صحت بسوط ياخويه شمرني
يكلي ماتظلين / كون ويانه تمشين
لازم ماتروحين ولامر يجري
*****************************************
علي مرت قصص مااكدر احجيها
منذكرها انقهر والروح تاذيها
الشمر عباس اختك يقلط اعليها
انصدع كلبي ونكسر/ كاتلني ماتدري القهر
اخلاف عينك تاه ياعباس فكري الشاعرخالدمسلم الحلفي

طاح الحسين يزينب حشمي
صيحي ياكرار خل حيدر يجي
-----------------------------
طايح عالنهر كليله الجفيل
من نحروالعين ظل دمعه يسيل
بوحده ظل حسين ياحامي الدخيل
ندهي ابوالحسنين حيدر كلمي
****************************
طاح جسام وعلي الكبر سوه
والي اذه حسين شيال الوه
كلبي عالعباس يابويه نجوه
بسهم وسط العين صبح منرمي
******************************
كومي يم الخدرصيحي حيدره
خل يجي لحسين ويشوف الجره
سابح بدمه وطيح عالثره
صيحي ياابوحسين ماظل هاشمي
***************************
حسين صاحت وين يبن امي طحت
ريت كبلك كون ياخويه متت
ولامصايب كربلاء ابعيني شفت
ريت كون النضر كبلك منعمي
****************************
خل يجي ابعينه يشوف المرتضى
صرعه كلها اليوم ال المصطفى
حسين طاح وصارذبحه من القفى
الكون والله عليه اصبح مندمي
***************************
حسين طاحوفزعوا علينه علي
خواني صرعه ومافزع واحد الي
كمت احشم كوم وينك يل ولي
فكد خوتي اليوم عاميني عمي
****************************
صيحي للكرار ماظل كل عذر
بويه كليله الخيم صارن جمر
وانه حرمه وعلي يصعب هل امر
لسبي يصيحون امرج سلمي الشاعرخالدمسلم الحلفي