يارب اني تايهه لتعوفني..

كلما اكول راح اتغير وارجع اقوة واحسن وابدي من جديد
اصير للاسوء

اريد اتغير

ارجع التزم بصلاتي
ارجع اصلي صلاة الليل
ارجع علاقتي بالله وصاحب الزمان والامام الحُسين،
ارجع اقرة دعاء العهد وزيارة عاشوراء
ارجع افرغ نفسي المحاضرات الشيخ علي المياحي
ارجع اكعد ويه اهلي واتونس وياهم
ارجع من اطلع ماكو شي يضوجني واعيش كل لحظة براحة واطمئنان
ارجع انام من وقت
ارجع ابتعد عن كل شخص سلبي بحياتي
ارجع اهتم بنفسي وافكر بيها
ارجع اثق بنفسي واشوفني احلى بنية بالدنيا
ارجع اترك الجهاز وافرغ الدراستي والاهلي والنفسي

وهواي امور اتغيرت بحياتي ارجعهن

افتقدت هالشي بسبب ذنوبي واغلاطي والناس الي دخلتها بحياتي

اني ماعرف الانسان الي موزين وحياته متخربطة شلون يتظاهر هو بخير شكد حاولت ماكدر
كلشي يبين بعيوني وبوجهي وبنفسيتي وهالشي راح يأثر ع الناس الي يحبوني

اني اسفة يمكن جاي انطي طاقة سلبية الكم😔

وين جنت وين صرت !

ماتوقعت راح اوصل لهيج مرحلة
ياربي رجع ذيج بنين القديمة

اني متأكدة راح ارجع وحتى لو اوكع الف مرة راح اكوم بكل حيلي واتغير
ميخالف كلشي راح يهون

تخلص قوتنا
قوة ربّنا تبلش بينا 💚

المهم راح يجي يوم واجي اكتبلكم هنا رجعت بنين من جديد واتغيرت ،
اتمنى هيج من تدعون النفسكم لو للناس الي تحبوهم اجي ببالكم وتدعولي 💚.

عجبني هالتعليق واني اكلب بالتعليقات، احس جنت محتاجة هيج كلام 😔💚.

حاولتُ ألا أبكي
‏لكنّني بَكيت
‏بكيتُ مِنَ الوحدة
‏و ثُقل الأيّام،
‏و مِن الكَتفُ الّذي لم يستَطع تحمُّلي..

أريد بنين ☹️💔

إلهِي الحنون
بَعد أنّ يمُر كُل ما قَدرته لي
هبني شَيئاً حقِيقيًا، شيئاً واحدًا فقط
ألمِسه بِيدي هاتين دُون فَزع أو خَيبة .

أخبرني بأنه يحبني مرات عديدة
لكن كل ما كان يفعله
يجعلني في حالة شك مستمر
أتساءل كيف بأمكانك أن تحب أحدهم
بينما تلقي به في الجحيم ولا تبالي؟