الضعن صوب المصارع خويه من دار
الدمع نزّل جبود العين من در
عكب فيّك كعدت ابدار من دار
خرابه ولا سكف للهاشمه

✍️#كرار_الغزي
2023/2/7

https://www.tg-me.com/joinchat-AAAAAEZD_z23D9jCiKVOBA

الم ضيم السبي ياهو يسكنه
وسنان البلرمح راسه يسكنه
عمه منالبجي كافي يسكته
بواجيج صنع طف ثاني بيه

✍️#كرار_الغزي
2023/1/19

https://www.tg-me.com/joinchat-AAAAAEZD_z23D9jCiKVOBA

(هوسات بمناسبة ولادة الامام المنتظر عجل الله فرجه)

من حديث الصادق ابدي واسمع اشكال الامام
يضهر القائم يشيعه ويشلع اعروج الضلام
ويصلب الجبتين عالشجره وتشوفه هالانام
وياخذ ابثار الضلع واللنسبت بين العوام

ليوم الفصل امربع ..... عدنه المهدي الشيخ
___

مرت جم سنه وجم عام وحنه الشوفتك ننطر
وعهد مولاي كل جيل اليجي عن قصتك ايخبر
اعلن صيحتك مولاي وخليها السمه اتكبر

ننتضرك تضهر والينه
__
هلا وكل الهلا ابميلاد ابو صالح
يالجيتك تسكت جم وجه طالح
بعد مصخت تره وبس حجيك المالح

يالطالب ثار اكصد لينه
___

سطع نور الجلاله ابمولد المهدي
ورسوم الفرح وي جيتك تبدي
حكي انثر ورد جا غيرك اشعدي

والباشط طر من اكرابه
__

يابدر البريه يبن حامي الجار
انهض علّي راية جدك المختار
مالت واليردها سيفك البتار

اليوم الراية اترفرف .... بيد ابن الكرار

✍️#كرار_الغزي
2023/3/8

https://www.tg-me.com/joinchat-AAAAAEZD_z23D9jCiKVOBA

التفكدك بالدمع يرون شفاهه
وتطر وسط الفله وعسكر شفاهه
طيبت جرحي يم كبرك شفاهه
اجودر لحد ما تلفي المنيه

#كرار_الغزي
2023/6/3
https://www.tg-me.com/joinchat-AAAAAEZD_z23D9jCiKVOBA

كل عام انتضر ضعنك
ونوح اباب احزانك
بلكت من تمر مولاي اشوفك

وكحل عيني بعيونك
عذاب العيشه من دونك
ماتنفع حياتي بلا طفوفك

جم عام اليمر وانتضرك اتعود
وانه ودمعتي يم بابك انوح
اذا جرح ابجرح جرحك يمولاي
كلي ابيا ضماد اشفيها الجروح

خادم وجيتك خلني بحماك
بلكت دمعتي تروي ضماك
انه وخدمتي مابين اديك
جيتك واريدن رحمة رضاك
حسين آه
----------------------------------
سجد قلبي بعرش حبك
وحلاته العاشك ابكربك
ماتم خدمتك ينعد مدارس

من فيك جروح الحب
بدموع العزاء اتصب
هنياله اليحب بجنون عابس

محلاته النذرها ادموعه لحسين
محسوبه الدموع التجري عبره
وباجر بالحشر يلكاهن اهناك
مكتوبه ابسجل فاطمه الزهره

منطيني كلشي يابو العطاء
خايف اجازيك انه ابجفاء
ارزقني دربك هوه الثبات
دربك عشكنه وبيه الولاء
حسين آه
----------------------------------
من عالم جروح الطف
شفناه الحجر اترف
من قلب اللئيم اللي يذبحك

وزينب صعدت اعله التل
سمعت حضرو الهزّل
ومن ذيج الهزل ملجوم جرحك

هناكه ابكربله كلشي بجالك
وعيون الحجر تبجيلك اخيام
واطفال ابحبل ضربوها بسياط
ومن فوك الهزل تشكيلك ايتام

ليش الخدرهه عاش ابدلال
راحت بديهه عكدة حبال
ويلي عليها ذيج الضعون
راحت اسيرة فوك الجمال
حسين آه
----------------------------------


هنياله البجه المصرع
وعله اضعونك يهل مدمع
ويخدم بالمواكب والعزائات

عين الله على الخدام
وتسجل شكو لطام
ورادود اللي ينعه عالغريبات

قران ابرمح راسك يمولاي
وايات الكهف رتلها منحر
وياوسفه الجسد ضل مرمي عالكاع
وفوكاه الجسد تمشي الحوافر

حكي امنجيلك يابو الحنان
جرحي افيايك عاش ابأمان
هوه الحبيبه ابحر الهجير
ينصب مجالس وبكل مجان
حسين آه
----------------------------------
✍️#كرار_الغزي


https://www.tg-me.com/joinchat-AAAAAEZD_z23D9jCiKVOBA

(قصيدة العليه)
السلام على عليلة الحسين

نزل وحي الوداع وشد الاعلام
وباجر كتب اخر لمه بالبيت

وعله صوت الالم وتوسد الحيل
وبدت آهات حزني وبيها ونيت

الم شوغات دمعي الضلن وياي
وحطهن عالجرح لو بويه حنيت

بحضنك خل انام الاخر الليل
بويه الليل كون ايطول ياريت

تعالن ياخواتي اليوم ميعود
ومايلتم شملنه هيج حسيت

رقيه الليله اخر ليله وياج
لو اكدر يخيتي وياكم امشيت

رحتو وروحي مذبوحه ورى الباب
واموت ابحسرة اوداعك تمنيت

بشباج الصبر شديت العلوك
ونذر اذبح حزن فركاك اذا جيت

وعلى غفله و اجه ناعي المصيبه
ينعى اضعون باتت وي طواغيت

ها ياضعن هاشم كلي بالصار
ليش ابلا ابونه اليوم رديت

اليموت احبابه حول البيت يحدوه
اشو رديت حته ابلا توابيت

طبو بس هدم وخيال بالدار
ورّماد وحرك خيمات شميت

خيامك للستر مو للحرك ليش
عله اخيام العفاف النار دنيت

اذا راعي الحميه مرمي عالكاع
وجفوفه رميه ليش ناديت

برمح وضعونك ابهزل يماشوك
وجسمك عالرمل يابويه ضليت

موتدري ابناتك بين الضلوع
عله ضلوعك حوافر ليش دليت

✍️#كرار_الغزي

https://www.tg-me.com/joinchat-AAAAAEZD_z23D9jCiKVOBA

بالحومه والينه
حيل الله بيمينه
و ترهبهم اعدائه
خزرات البعينه

ياهو الوصل حده
ويكول انه نده
ماجابته امه
ولافكرة اتولده

ابا الفضل - صكار الزلم
ابا الفضل - حماي الخيم
ابا الفضل - شيال العلم

ابا الفضل - قائد للوفه
ابا الفضل - سورة عاطفه
ابا الفضل - حيره شوصفه

يابا الفضل ، يابا الفضل

----------------------------------------------------
يصطرهم ابجفه
ويشطرهم ابسيفه
وكت الحرب خله
بصلابهم رجفه

من يهجم اعليهم
ايغير معانيهم
وصفرّت العالم
وسيفه حصد بيهم

ابا الفضل - ذل حته النهر
ابا الفضل - يسطرهم سطر
ابا الفضل - فوكاهم عبر

ابا الفضل - يا هيبة علي
ابا الفضل - حب ما ينجلي
ابا الفضل - سيف الله القوي

يابا الفضل ، يابا الفضل

----------------------------------------------------
بالشده ما يبرد
فارس ولا يركد
يسرجهه للمهره
وخيرهم اليشرد

من طب عله العسكر
كالو برز حيدر
وامجاده رجعها
وبكيفه ضل يسطر

ابا الفضل - ماردهم مرد
ابا الفضل - يهجم ما يرد
ابا الفضل - حاصدهم حصد

ابا الفضل - صارم ما يفر
ابا الفضل - يبترهم بتر
ابا الفضل - عاصرهم عصر

يابا الفضل ، يابا الفضل

----------------------------------------------------
يم الخيم ثنه
و زلمه اللي يدنه
كلهم انه العباس
و يافارس اتعنه

مايرضة بالعيله
وم عون تدعيله
وتكله من اتروح
حسين انكسر حيله

ابا الفضل - موتهم رعب
ابا الفضل - كطاع الركب
ابا الفضل - قاموس الحرب

ابا الفضل - سلطان العشك
ابا الفضل - يا كلمة صدك
ابا الفضل - لمر يمه احترك

يابا الفضل ، يابا الفضل

----------------------------------------------------
#كرار_الغزي

https://www.tg-me.com/joinchat-AAAAAEZD_z23D9jCiKVOBA

اخت النشامه اليوم ماعدهه اخوان
وثمنطعش بيرغ صفه عالتربان
لاخيمه ضلت لا اخو وين انروح
غربه وشماته والضعن بس نسوان

يحسين اخبرك بالخيم شبت نار
وحيره امنالمن بالضعن بعد الصار
اطفال ضاعت بالفله وحدر الخيل
وبين اليتامه والخيم قلبي احتار

هجمو عدواني -- وحركو صيواني -- وضربوه ايتامي
وضعنك هالليله -- فاكد كل حيله -- ومحروكه اخيامي
ياستر الخيمه -- انبات ابهيمه -- وكل ضعنك ضامي

يا ابو السجاد ياخويه -- يا ابو السجاد ياخويه
-------------------------------------------------------
وحدي وغريبه ابهل الفله وحشه اليل
والحومه من عندي خذت حته الحيل
علمني اجيك اشلون ماضل كل راي
وانته اعله صدرك خويه ملتمه الخيل

وجثتك عليها اسابقت خويه الناس
ومنين افزع حيد مثل العباس
حيره امنلزمك وانته بحضان الكاع
وفوك الرمح مرفوع ياخويه الراس

هميت الجثتك -- من طايح شفتك -- وانته ابلا ناصر
وشلون الزمكم -- وحافر هشمكم -- والعين اتناضر
لعاش اللي عشته -- مذبوح ابسكته -- وبجروحه ايكابر

يا ابو السجاد ياخويه -- يا ابو السجاد ياخويه
-------------------------------------------------------
لايافرات العطشت قلب احسين
يمك عفت عباس وبلا جفين
منريد مايك يانهر اخذ الماي
قلب اليتامه يعطش النور العين

جم طفله ركضت بالفله وهاي الكوم
بسياط ياخويه وزجر بينه اتحوم
من السهم فوك الرمح راح اوياك
عبد الله يانحر الورد مامفطوم

من ضهر الهزله -- للرمح انكله -- رجّع والينه
ومهضومه ايتامك -- وتحن ليامك -- وينك حامينه
مشونه ابحيره -- ومن ديره الديره -- رايح حادينه

يا ابو السجاد ياخويه -- يا ابو السجاد ياخويه
-------------------------------------------------------
لجانت اميره اليوم تصعد عالنوك
وبين الغرب يحسين فروها السوك
لمابين الها اخيال طبت ديوان
وجلمت سبيه صارت اعليها اتلوك

بحبال زينب طبت اديار الشام
وفوك الرِماح الروس ماضنها اتنام
صح الجسد فوك الثرى ضل مطروح
بس الرمح ويانه يحمي الايتام

زينب متغربه -- لديار الغربه -- وسفه ايشتموني
وطبيت القصره -- مخنوكه ابحسره -- وكلهم هضموني
وخلاف اعيونك -- يسبون اضعونك -- وكلفه ايضربوني

يا ابو السجاد ياخويه -- يا ابو السجاد ياخويه
-------------------------------------------------------
✍️#كرار_الغزي

https://www.tg-me.com/joinchat-AAAAAEZD_z23D9jCiKVOBA

ما اندل ودورك يابعد حيلي
وصوت اضلوعك الحافر يوديلي
وما ادري السياط امنين توميلي
واكل للخيل عن جسمك بعد ميلي

وختك وحيده وحايره ابين الخيل
----------------------------------------
شحجيلك بعد من حركو اخيامي
طلعن بالبراري ايركضن ايتامي
والمفكوده حدر الخيل ياضامي
وعكب عباس ياهو الضعنك ايحامي

خويه عفافي ايضيع بالهيمه اليوم
----------------------------------------
يالطايح ابد ماريد الجمنك
ومن كثر السحك همزين اعرفنك
كلي امنين الزمك خاف اوجعنك
ماشوفن كتر صاحي والزمنك

خويه الحوافر ساوتك وي الكاع
----------------------------------------
وحيده ابهالفله وماعندي ضل صيوان
وذا حشم بعد تفزع علي عدوان
راحو كل هلي وماضل بعد خوان
اذا كلهم جثث صارو عله التربان

وين الهواشم وحّدّج ليش اهنآ
----------------------------------------
حل خويه الضلام وكلت امر يمك
اشو عاري لكيته عالارض جسمك
وبعد ياهو يساعدني على لمك
ياوسفه الترب مخلوط وي دمك

وشمخليه منك خيلهم خويه حسين
----------------------------------------
✍️#كرار_الغزي
https://www.tg-me.com/joinchat-AAAAAEZD_z23D9jCiKVOBA

رسمو خطط يم النهر وتفائلو بيها اشكثر
وين السبع والمايخاف انحط حرس يم النهر
لكن عجيبه امضهضب وصمصام طباهه الكمر
خله الزلم تردم مهر وعله الركب سيفه يمر

يا راهب ياضامي
ياكافل ياحامي
ياجرح السنين
يا دمعي ويانوحي
ياجرحي وياروحي
يا هيبه حسين

يا حامي الضعون .... يبو فاضل
يمرجف الكون ..... يبو فاضل
تهجم عليهم ..... ياسيدي
وتدعيلك ام عون

عباس يا بالفضل
-------------------------------

ياهو الاجه صوب النهر تتنادس اجيوش العده
معقوله حيدر عالمهر وبهالركب يحصد بده
بركان ربك وشتعل سولفي عنه لو هده
ماينوصف حال الرعب بطف عليهم من سده

يا كافل ياساقي
يلصيتك ضل باقي
تتناقله اجيال
يا دربك ماعوفه
ياحلمي البطفوفه
اصبح لك اخيال

ياغيره اخيام .... يبو فاضل
يا راعب ازلام .... يبو فاضل
ايد الله عالكاع ..... ياسيدي
وشايله صمصام

عباس يا بالفضل
------------------------------

نور الله وبهيبة علي بطف نزل صورة غضب
ماينوصف حال الفزع بيهم لون يدخل حرب
سطراته بوجوه العده بجفوف قتال العرب
يسرج مهرته والعده يدخل عليهم جن رعب

يا سيفك من تهجم
يلمنه مايسلم
كل جندي بالجيش
يامهرك من يمّه
اليوصل يدّمّه
ويطيره جن ريش

انته ابن ابو انكاب ..... يبو فاضل
اطير الركاب .... يبو فاضل
يكفي عليهم ... ياسيدي
تهجم بالاكراب

عباس يا بالفضل
------------------------------

غيره وشهامة حيدره وهجماته ابد ماتنوصف
ابسيفه من يهجم بعد كل الركب يمه تخف
ليوصل اله حتماً بعد من جسمه راسه ينكطف
تختل زلمهم بالارض والكاع صارت جن سكف

يا ساطر جم زلمه
يلنورك مايعمه
يمحلي الالكوان
يا عيني المايعرف
معروفك لايهتف
بالسانه صيوان

ياهيبه حسين ..... يبو فاضل
ياناصر الدين ...... يبو فاضل
ليوصل للخيام .... ياسبدي
اتشطره نصين


✍️#كرار_الغزي
https://www.tg-me.com/joinchat-AAAAAEZD_z23D9jCiKVOBA

انه بلياك اتمنه ،، الموت البيك يجمعنه
ولاتسئلني شخبارج ،، عله اضهور الهزل رحنه
ليحجي وما وراه اخوان ،، حكه ينوخذ منه

وسفه اللي اخوها حسين ،، ويه الغربه مسبيّه
ومشيت اجنازه وياهم ،، بعد كل حيل مابيّه
حيلي اتجه بخيالي ،، يالمالك بعد جيّه

يا غربتج يم الخدر
---------------------------------------
يضربوها وتجي تشكي ،، ترى يم رمحك ايتامك
ويكلولك يبو سكينه ،، حدانه الحارك اخيامك
هضيمه الدللته اسنين ،، تمشي ابهزله كدامك

وتستنكه السياط امتون ،، بناتي وحيل يضربهن
واغص ابعبرتي واشهك ،، من حاديهن ايجرهن
ومن ضيم السبي وفركاك ،، من فوك الهزل طاحن

يا غربتج يم الخدر
---------------------------------------

الطلعت من خدرها راح ،، عدوك هوه يسبيها
وحسافه ضعنك الليله ،، الخرابه اتلمه تاليها
وضعونك لفت لشام ،، الشمر خويه يمشيها

وعجيبه من دخلت السوك ،، كلمن راد نسوانه
وشيوخ العرب يحسين ،، ضلّو حيف طروانه
وين الغيره والنوماس ،، محد خويه رادانه

يا غربتج يم الخدر
---------------------------------------
لمايعرفنه كام ايصيح ،، خوارج حيف لضعوني
وبارض الشام هاي الناس ،، بشتم وحجار ضربوني
صرنه انجوم بالديوان ،، وسفه انذال حاطوني

مامهضومه مثل اليوم ،، ومشيتي اعله الجمر اهون
خوات حسين ياوسفه ،، بديوان النذل وكفن
وبغيابك حجو كلمات ،، بأذني ريت منسمعن

يا غربتج يم الخدر
---------------------------------------
✍️#كرار_الغزي

https://www.tg-me.com/joinchat-AAAAAEZD_z23D9jCiKVOBA

اذّن محرّم بلجوامع يلّه
شدو السواد ابكل كتر بسم الله
ودعو الحسين ابكل بلد
يحفض عزائه للابد
ه•••
يلّه ابگلب طاهر نمد صوب الحسين ايدينه
ونگله يامضلوم احنه مقصرين وجينه
لماعنده غيرك لاترده لو رفع جفينه
نعرف وحگك بس عزائك سيدي اليحيينه

مادام نتنفس ابد منعوفك
و سط الگبر ردنه حنان اجفوفك
القاهر اعداء الصمد
يحفض عزائه للابد

ه@@@@@

عدنه ابعقائدنه عشگ هوه الحسين الغايه
شما يصعب الدرب ابمحبته نوصل ومشايه
هوه الطبيب ابقدرته ايخلينه حدر افيايه
بس كون نيتنه ابصدگ مو نيّه ومحنايه

گوله يحسين العشگ جينالك
وبگد محبة عابس ابجينالك
هذا العشگ موبس وعد
يحفض عزائه للابد

ه@@@@@

جينه ونريدك سيدي اتعجل فرج والينه
ضكّت علينه والمنايه خلصت باقينه
يمته الفرج ياسيدي ماضل امل بيدينه
يمته اللقاء البي نشوف الهيبه ذيج الزينه

ويرجع عدل رب الجلاله الارضه
وما يبقه حاقد ع الارض ميقرضه
يوميه نقراله العهد
يحفض عزائه للابد

ه@@@@@

ماردنه جاه ومنزله ولاردنه صيت احجيها
ردنه المجالس كل سنه اتوفقنه نخدم بيها
هذا النداء انرتله و الدمعه الك نجريها
ماكو حياة ابلامجالس والعزآ ماليها

الموت اهون من ترك مجلسكم
ماي العشگ لون وطعم بس يمكم
عدنه يقين من المهد
يحفض عزائه للابد

ه@@@@@

ما ينگطع هذا العزاء وينّصب بالمحشر
وتحضر اله ام الحسن تسقينه ماي الكوثر
وطالب ابحق الجفوف الطاحن ابذاكه البر
وحق الضعون اللنسبت من راح يوم العاشر

ياسيدي ابداعت جفوف الكافل
اقبلنه يمك بس خدم ونّاضل
عدنه الولايه اكبر سند
يحفض عزائه للابد

#كرا_الغزي

https://www.tg-me.com/joinchat-AAAAAEZD_z23D9jCiKVOBA

يمه هل العزاء ، وعيني طول الدرب
انضر اعله السماء ، قميصك المنسلب
١•••
بيّنت شمس الضهاري وبين ابعيني الدمع
وذابت اضعونك ييمه بنينوى مثل الشمع
الشبو النار بخيامك همه كسرولي الضلع
ويا هضيمه الحك صفت كلماته ابد ماتنسمع

ياحسافه الدهر ، عذب اهل الرسول
خله بيه الجمر ، وناره ضلت تصول

٢@@@@@

سالت الحركه نهر ومتدت ابطول السبي
والاميره اعله الهزل يحدي ابضعنها الاجنبي
ونته طايح عالترب وبلا نعش يبن النبي
وسابح ابدمك ييمه وشابع اسهام وعلي

ماتت العاطفه ، من طحت عالفرات
وشيعتك هاتفه ، حبك اصل الحياة

٣@@@@@

وين اعاين واليتامه ابلاولي وبلاخيم
والكمر عالغبره وبعينه بقه نابت سهم
ياحسرتي اعله العقيله الفاركت راعي العلم
عاشت الطف ابجروح اتسايلن شام والم

تمشي واعله الرمح ، راس اخوه الحسين
والطفل ينذبح ، ويه سوط اللعين

٤@@@@@

ياهو مثلك عالوطيه باقي بسموم الضهر
يا ابن اشرف نسب من مثلك ابهاي البشر
كل خيامه اموجره وضامي بقه يم النهر
ماكو ناصر والعده مارحمو ابكطع النحر

بجّه حته الصخر ، يومك ابهل مصاب
وللخرابه الخدر ، يحدي هم و عذاب

٥@@@@@

بالصحاري والحوافر سحكت اضلوعك سحك
وثوبك البي شبْكتي من كل جهاته بي فتك
ودمك الطاهر نزف فوك الارض خضّر عشك
ساعة البيها متت يم العرش صار الطبك

موكبك بالسمه ، منّصب يالحنين
وكلبه صابه العمه ، الما بجه من يقين

✍️#كرار_الغزي

https://www.tg-me.com/joinchat-AAAAAEZD_z23D9jCiKVOBA

سهم وبعينك ادري ........ اجه وطفالي عمري
جنه اجه سهم العده ورماني
₩₩₩₩₩

سهم عينك يخويه لا مافارك البال
اجه بيه انه حسه وكطع جبدي بالحال
هضيمه الغالي يترك اهله وكل العيال
صعب والله انه عوفك خويه بلايه ترحال

تره صعبه اعوفك ..... ولي ناذر جفوفك
غصبن علي خويه الدهر اجاني
₩₩₩₩₩

رحت مني يخويه بس انشلت العين
غيابك تدري خلف ابصدري براكين
صبح باجر نسافر ريته طول اسنين
موهين عليه اتركك انته وحسين

اودعكم يخوتي ..... وتاني هسه موتي
باجر عله نوك الهجر اعاني
₩₩₩₩₩

مشينه خطوه وخطوه اتردنه الضنون
نسير وبالي يمكم خويه يم الضعون
عكب عينك يخويه صارن حمر المتون
اشاكف بالسياط وتدري مايرح مون

صحت وينك كفيلي.....اسبي هدالي حيلي
احضرني ياخويه السبي لواني
₩₩₩₩₩

كعدنه بالخرابه وذكر ذيج الايام
الهوى جان اليمرني لازم يالبس احرام
صفينه ابلايه والي ماصارت بالاحلام
زينب بالسلاسل كيدوه اضلام

احبكم والله احبكم ..... وريدن هسه اشمكم
اتمنه اشوفنكم ولو ثواني
₩₩₩₩₩

دخلنه ابصف يزيد وربعه ذوله الانجاس
احس ابروحي شجره والوادم علي فاس
اذوهن خواتك خويه ابلايه احساس
وصيح وماتجيني موطبعك ينوماس

عمت عين الليالي ..... خذت مني الغوالي
شحجي وشكولن هسه يا زماني

#كرار_الغزي

https://www.tg-me.com/joinchat-AAAAAEZD_z23D9jCiKVOBA

السلام على رقية الحسين

طفله رقيه ، مو مال اذيه
بت الدلال الهاشمي جتفوها بحبال
ليش الاميره ، تمشي اسيره
هيه وضعن كله شرف بحمات النذال
لا والمصيبه ، ترحل غريبه
وياها ابوها والكمر بس فوك الرماح
آ يا حسرتي ، بالهم كبرتي
تمشين وي كتال ابوج انتي والعيال

والدرب بده بشماته يطول وتزيد الجروح
والفكد ابو يمشي بالدروب وعالهزله ينوح
جم كلب فطر فكدك ياحسين باهات السبي
وللرمح تصد بنتك ياحنين من عطرك يفوح

ماينحمل جرح الخيم
بكلب الفواطم حط الم
وراحن سبايه عالهزل
من راح شيال العلم

حسين حسين حسين حسين
@@@@@
فكدك جزعها ، وهيج دمعها
ليل اهدعش كلش صعب بحروفه جمره
والبي حميه ، ضل عالوطيه
وخيل آل اميه ابكربله تمشي اعله صدره
والراح ابوها ، غصباً حدوها
رادت تودعك والعده جتفو اديها
العاشت كريمه ، راحت يتيمه
شبعت شماته والسبي بي ناس كثره

بلا علم كمر تندب عالرماح يابويه حسين
الشمر ابد مايرحم دلال وحنه ابلا معين
وسوطَ اخذ عمر جم طفله وعليل يدفن بالدرب
آ يكلبج ال ما شايف جروح اذّاه اللعين

وبكربله ماضل طفل
اله وبديه انشد حبل
بس الرضيع اعله الرمح
وكلهن خواته عالهزل

حسين حسين حسين حسين
@@@@@
كلهن يتامه ، شبعن ملامه
اتلث خوات امصفدات ابناكه وحده
بعدك ولوها ، وهم عذبوها
ضاع الستر بعدك يوالي من يرده
وضعن السبايه ، ابلاحمايه
لشام يحدن والحبل ماعاف اديهن
وبلا عشيره ، والله جبيره
عن الكفلها بالدرب ياهو التنشده

والضعن بقه بحماية لعين من طاحت خيام
والوطن مشه متغرب اسير وبلجماته شام
وياهضيمة اجن بجروح المصاب والناس ابفرح
والمصيبه ابد ماشافن حنان وماضل اي وئام

وتصد رقيه عالرمح
شافت علي وجه الصبح
وتكله ما عاد الكمر
بس ياحسافه منذبح

حسين حسين حسين حسين
@@@@@
شكبره عذابه ، بيت الخرابه
مابي سكف لاباب يحمي الهاشميات
ليش الفواطم ، بين الضوالم
والله عجيبه يادهر صارن غريبات
بين الاعادي ، كامت تنادي
بنتك رقيه بابه عفيه الحك علينه
ماهوه عمنه ، وحنه الوحدنه
ندخل قصر والناس ماترحم يتيمات

والدهر بعد من دار الزمان ودانه اليزيد
وبالقصر بشر مابيهم حياء رادونه عبيد
والستر فقط الله العضيم من ذوله البشر
والجرح عكب عينك ياحسين ماضنه يهيد

راسك اجه ابوسط الطشت
وبنتك رقيه اعلي غفت
صرخت يبويه ابكل نفس
وتبجي علي حد ما طفت

حسين حسين حسين حسين

#كرار_الغزي

https://www.tg-me.com/joinchat-AAAAAEZD_z23D9jCiKVOBA

سحب سيفه ونزل بيهم يقاتل
وصرخ يهل الكفر هل من منازل
****

نزل للحومه اسد صفين جنه
ولا واحد لبو فاضل تدنه
صاحو ياجهنم تلحك النه
هذا الموت الاحمر لو بوفاضل
₩₩₩

كشفه الكنطره ويشهدله سيفه
واليوصل اله روحه تعيفه
جدامه الركاب اشكد خفيفه
بطل ومرجف اخيال المقابل
₩₩₩

مثل يوم القيامه وطب عليهم
ونفخ بالصور اسرافيل بيهم
ماتعرف حجيهم من بجيهم
طبع من ذو الفقار ولا يجامل
₩₩₩

الحرب ساحه قتال وعينه خطره
يكفيه المقابل من يخزره
يضل واكف جسد والروح حدره
طفح عرج الهواشم والمراجل
₩₩₩

سطر وجه الفرات وردله مايه
وي سيفه الكمر تمشي المنايه
عكد روحه اعله صدره وبيده رايه
البيرق محمد يبقه حامل
₩₩₩

غضب ربك نزل وي صطرة ايده
وكطع عرج الضوالم من وريده
ملائكتة العلى كله تأيده
الستر زينب يضل عباس كافل

#كرار_الغزي

https://www.tg-me.com/joinchat-AAAAAEZD_z23D9jCiKVOBA

حيره حيرته التشوف اعله الثرى
خيمه محتركه وضعون اميسرى
وحته عبد الله انذبح من منحرى

ضاع العفاف وحركو خيم
ونحر الرضيع انصاب ابسهم
تصيح الاخوه وتسمع صدى
ضليتي وحدج محد سلم

ضعن العقيله ~ طايح كفيله
ومحد يجيله ~ بطف كربله

عين المصيبه ~ الجانت حبيبه
صارت غريبه ~ بطف كربله

وكل اخوتها عالغبره
وما واحد سلم نحره
اول تالي هيج ايصير
حركو خيمة الحره

زينب يا غريبه
---------------------------------------------------
طلعت امنالخيمه زينب بت علي
وكفت اعله التل تنادي ياهلي
طاح اخوي حسين بويه وكافلي

ضلت تعاين صوب النهر
شافت حوافر فوك الصدر
صاحت يبويه محد بقى
وعكب الهواشم ضاع الخدر

معقوله اشوفن ~ خيل اليدوسن
وانه اعاين ~ صوب النهر

ويلاه ضعنه ~ حركو خيمنه
وطايح علمنه ~ صوب النهر

ماضل للضعن كافل
عكب عينك يبو فاضل
ينوماس الخدر هاليوم
نماشيه الامس قاتل

زينب يا غريبه
---------------------------------------------------
تعاين اعله الحومه ومجمره ابحزن
شافت اتراب الارض صاير جفن
وعالرمح روس الهواشم يعتلن

ضلت تنادي و محد سمع
خنصر يمينك خويه انكطع
ياهو الاحشمه و يحمي الضعن
وراس الحسين ابرمح انرفع

خويه اعتنيتك ~ ميت لكيتك
وشكد بجيتك ~ يم الخيم

بجروحي عاشر ~ صورة حوافر
وكسرة خواطر ~ يم الخيم

ضلو بس يتامه ازغار
ماتحمل عذاب الصار
وجم طفله يبو السجاد
ضاعت بين حرك النار

زينب يا غريبه
---------------------------------------------------
صورة الحادي ابد ماتنمسح
بيها ضعن الله ابسبي وروس ابرمح
وبالصحاري زينب اتضل لصبح

يحسين اخبرك ضاع الاصل
وزينب جرحها ماينحمل
ترفع اديها وتبجي وتون
اشلون اودعك من عالهزل

لماعدها اخوها ~ غصباا حدوها
وغربة سبوها ~ وذاك القصر

بالغاضريه ~ زينب سبيه
وماكو حميه ~ وذاك القصر

زينب طبت اعله الشام
وكعدن بالخرابة ايتام
يبو الغيرة يراعي الزود
ماضل الخدرها اخيام

زينب يا غريبه
---------------------------------------------------
#كرار_الغزي

#للمشاية


بسمك رفعنه الرايه
وجينه لطم وقرايه
حدمانشوف الحضره
نحديلك ومشايه

بدربك آيات العشك شفناها
وبالمشي ياسيدي عشناها
بسمك النيه صفت معكوده
وبضريح الشوك علكناها

هالشعائر تبقى عدله وكل سنه نمشي الدرب
وبسمك انوكّل امرنه وخل دربنه اشماصعب
انته روح الزهره ياهيبة علي ونبض الكلب

مشينه ، واجينه ~ يمكم انواسيكم
عزمنه ، وهممنه ~ والله تنشد بيكم

يمولاي ، شيعتك وفايه

@@@@@
ياسيدي وآلامك
جينه نواسي اخيامك
و كل خطوه الك نمشيها
نحس اب الم ايتامك

والكفل زينب ابد منعوفك
وعالعهد نبقه وحك اطفوفك
مو مواكبنه التعوف الخدمه
وبالعجل تنسه كرم معروفك

بربعينيتك نجي نواسي العقيله والضعن
دارت الدنيه عليه امنالدلال اعله الهجن
يله خل نتلكه مولاتي ابدمع جنه المزن

ندبنه ، بدمعنه ~ سيدي انته الغايه
بحزنه ، ولطمنه ~ جينه الك عنايه

يمولاي ، شيعتك وفايه

@@@@@

عالخدمه الك نتنافس
وبينه العشك متلامس
ياسيدي اتعلمنه
كلنه بمدارس عابس

نقره سورة حبك ونتوكل
وبالدرب بم الحزن نتوسل
خل جروح احبابك امنجروحك
وكل جروح الماضي والمستقبل

بيك نزفن بالصحاري الف وتسعمية جرح
وراسك وروس الاحبه اكبال زينب عالرمح
كربلائك ثورة العاقل صفت يالمنذبح

كتبنه ، بكلبنه ~ حبك اليحيينه
بجزعنه ، عرفنه ~ انته التنجينه

يمولاي ، شيعتك وفايه

@@@@@
جينه ابدمع نتلكه
ضعن المشه ابلارفكه
عاف الاهل عالغبره
ويحدي ابغربته ابحركه

بلاكفيل اضعونك اليحدوها
وعالهزيله ام الخدر مشوها
وبالدرب صار الاسم مسبيه
والشماته البلقصر اذّوها

ياعذابه العاش ايام السبي وشاف الحزن
وشاف اشرف ماخلق ربك بناته ينسبن
حكنه ننعه اعليك ونقيم العزه طول الزمن

المجالس ، مدارس ~ بيه نقره امصابك
ودوانه ، وشفانه ~ من عبير اترابك

يمولاي ، شيعتك وفايه

#كرار_الغزي


https://www.tg-me.com/joinchat-AAAAAEZD_z23D9jCiKVOBA

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tg-me.com/ahmed_alziwar1

اذا ادور قصائد سهلة الحفظ وجميلة المعنى ادخل هنا ما راح تندم


🔗 اضغط هنا للانضمام
📡 https://www.tg-me.com/alhagamy78sattar