اللهم عجل لوليك الفرج


دمعاتي وجروح المصاب .. بيها شام وبيها باب
•••
سر وجود الكون انتي والعمر بعدج فناء
يا اميره الي يندبج منه ينزاح البلاء
علمخيم رافع ايدي ودعي بدموع ونحيب
ربي ارزقنه المجالس بيها نحييه العزاء

يا اميره ، المايحبج مافهم معنه العشك
وياحسرته ، بنار الخيم كل العمر مامحترك

عينه اليحبج فصها ذاب ، بيها شام وبيها باب
-----------------------------------------------------
حبج ابعالم جروحي عالمه كلش عجيب
بيه الي حب المخيم ينعه بجروح الغريب
ودمعه ينزف عالغريبه الراحت ابلايه كفيل
عالهزل وتصيح اخوتي ومالكت واحد مجيب

والله حيره ، من زغرج الحد الكبر عشتي الالم
ومانسيتي ، نار السقيفه البيها محتركه الخيم

كل السقيفه اعله الحساب ، بيها شام وبيها باب
-------------------------------------------------
بياذنب دفعو عليج الباب يا بت الرسول
طكت المسمار توجع يابشر هايه البتول
ميت احساسه اليضربج فاطمه والالماج
بلايه غيره ولا محنه وماكو ذره من الاصول

اه يمّه ، كسر الضلع ماينجبر يافاطمه
اه ضلعج ، ذرة نفس لمن تجيله تلجمه

ايامي ما تخلص سراب ، بيها شام وبيها باب
-------------------------------------------------------
ياجرح عيش ابضميري ونزل ويالدمعه عين
الليله حركو دار امنه وباجر اخيام الحسين
والخريف اعلن نهاره وفاطمه الورده التموت
الليله كسرو ضلع امنه وباجر اضلوع الحنين

ياحسافه ، بالدار كالو فاطمه كلهم وأن
والمصيبه ، جان النبي لمن يجي يطلب اذن

روح المصيبه والعذاب .. بيها شام وبيها باب
-----------------------------------------------------
بلاحياة الدنيه بعدج والعمر لوعه وعذاب
انتي خلف الباب طحتي والحسين اعله التراب
انتي صوتج صار سكته عكس البأرض الطفوف
صاح الا هل من مناصر والصدى مابي جواب

انتي كسرج ، عالباب يمه وتنسمع طكته الكسر
وبنج اصبح ، فوك الوطيه والحوافر عالصدر

ومن جسمه مسلوبه الثياب ، بيها شام وبيها باب

#كرار_الغزي

https://www.tg-me.com/joinchat-AAAAAEZD_z23D9jCiKVOBA

•يا مولاتي يافاطمة الزهراء (عليكِ السلام)

لسان حال مولاتي السيدة زينب عليها السلام وهي تخاطب امها فاطمة الزهراء عليها السلام بعد استشهادها

صعب اگضي العمر وناة
ونّة ادافع ابونّة
يايمه ابونه الحيد
جرحه ابطوله اشوفنه

حرگ باب شفت گدامي
وبچي ونوح گضت أيامي
والفراگ هدم احلامي

ييمّه ... بعدچ اعيش ابلوعة افراگچ
ييمّه ... علّمي ينام البي هوه اشواگچ
ييمّه ... جمر الدمع بجفون عشّاگچ

جرح السنين ... يحمل ونين
حيرة و ألم وعيون سهرانة

يافاطمه يافاطمه يافاطمه
@@@@@

كسر ضلعچ يمر كلساع
حلم يقضه اعيشنه
وموت ابحسره واللوعات
مثل سبّاح رسمنه

الطفل مات ب الم بسماره
وعلي الحيد وگع فقاره
والعيون دمع تتجاره

هضيمه ... يشتم هوى الكاسرلچ اضلوعچ
هضيمه ... وي النفس تتساقط ادموعچ
هضيمه ... يخلص بعد ليلي انهِ وشموعچ

بعد المصاب ... عشنه بعذاب
غير الحزن ماطب عله ادياري

يافاطمه يافاطمه يافاطمه
@@@@@

عليه اتمر ليالي اثگال
بيهن لوعة اجروحچ
وشوف البيت مابي روح
راحت روحه وي روحچ

بچي ليل نزل بغيابچ
ولدموع نزيف امصابچ
والايتام بعده ابابچ

يتيمه ... وماضل فرح تندله ايامي
يتيمه ... والهم سكن دنياي وحلامي
يتيمه ... كسرچ ييمه ايهيج آلامي

بعد الؤآم ... ماضل سلام
مد الهضم جفه عله گلبي

يافاطمه يافاطمه يافاطمه
@@@@@

عله اضلوعچ بده ميلاد
باب الطشر افراحي
يأمنه و زهرة الكرار
بعدچ كثرن اجراحي

العمر طاب سهم بوريده
والانفاس تمر تنهيده
والي روح بعد شيعيده

دموعي ... من عيني ابد مامسحن ارسومچ
دموعي ... يرون خدودي ابكثرة اهمومچ
دموعي ... مثل الشمع وشتعلن ابيومچ

كل الجروح ... تبقه تنوح
كل يوم يايــمّــه عله امصابچ

يافاطمه يافاطمه يافاطمه
@@@@@

سگتني المر عصرته الباب
ومسمار الكتل محسن
مايشفن جروحي ابيوم
بعد يومچ ولايهدن

الايام ملح بجروحي
والاحزان تزيد ابنوحي
والهموم تعيش ابروحي

مصايب ... فطرة دليلي و هشّمت گلبي
مصايب ... يحميني من عدهن فقط ربّي
مصايب ... حاديه شامت بينه بس تسبي

باچر أشوف ... برض الطفوف
راس الحُسين اعله الرمح يمّه

يافاطمه يافاطمه يافاطمه

#كرار_الغزي

https://www.tg-me.com/joinchat-AAAAAEZD_z23D9jCiKVOBA

#يامولاتي يافاطمة الزهراء


حرك الدار ، يابوية
والمسمار ، يابوية
خله آثار ، يابوية
ماضن يوم ايطيبن
•••
نعصر كلبي ويحرك الباب وخفت ستري يشوفونه
ورى الباب اصبحت لاكن بدو بويه يعصرونه
وانه ومحسن نضوك ال آه ماجنهم يعرفونه

يبوية الكوم مارحمو
وهل بيتك فلا سلمو
ناس بلامحنه وراي
هضيمة اصحاب يتسمو

هاي الروح ، يابوية
تبقه اتنوح ، يابوية
بيها اجروح ، يابوية
ماضن يوم ايطيبن
------------------------------------------------
نكسر ضلعي وبقيت ابحسرتي اتلوى واعيش ال آه
وحسن وحسين وي زينب حزنهم صاح يا امآه
يبوية وحيدر احزانه بدة تتوافد ابعيناه

القالع خيبر ابجفة
ينهد حيلة لا كلفة
جن بيه الكسر يابوي
ومن احزانه متعرفة

وصية ونار ، يابوية
والفقار ، يايوية
ضل محتار ، يابوية
ماضن يوم ايطيبن
------------------------------------------------
عله الباب انرسم جرحي وبدة ميلاد احزاني
يبوية وسطرته توجع بحيث ابجفة أذاني
وعصرني ابحقده والمسمار خله المحسن ايعاني

عاين بويه ونتقرة
كسر اضلوعي والعصرة
وحرك الباب والاهات
ودمعت عيني والسطره

المحسن مات ، يابوية
والحسرات ، يابوية
والضربات ، يابوية
ماضن يوم ايطيبن
------------------------------------------------
اصعب موقف ابعيني وبد ماراح من بالي
اشوف اولادي تتباجه وغالي اينوح وي غالي
وسمع زينب اتكلي ييمه انشلت احوالي

حيرة شلون اودعهم
وما اكدر اضمنهم
اول تالي هيج ايصر
بعد مابيه احضنهم

تمر اعوام ، يابويه
والا لآم ، يابوية
لا متنام ، يابوية
ماضن يوم ايطيبن
------------------------------------------------
#كرار_الغزي

https://www.tg-me.com/joinchat-AAAAAEZD_z23D9jCiKVOBA

#يازهراء

آ يام الحزن تعتلي
بعصرة فاطمه ياهلي
والباب واثر كل جرح
ماخله الالم ينجلي

بويه ، هجمو سويه
ومنه ، شبعة اذيه
ويلي ، بضلع الزجيه ~ كسر
بيده ، بويه سطرها
ومحسن ، مات ابأثرها
اشعر ، انه بصدرها ~ كسر

كسر الضلع ما تنحمل الآمه
وعمر الكسر كلها الم ايآمه
والبي جرح بس الدمع جدآمه

جدامي الدهر ، كله قهر ، عذب دليلي
يابويه الالم ، جنه سهم ، هادملي حيلي

زهراء
------------------------------------------------
دار ام الحسن للعشك
ياوسفه بحقد يحترك
ماشافو اثر للنبي
من جان اب أدب من يدك

يمٌه ، كسرج ولاني
بعدج ، ضليت اعاني
وجرحج ، عشته بكياني ~ حزن
هايه ، حالت مصابي
ابقى ، انه وعذابي
انعه ، ويحل عتابي ~ حزن

بعد الجره لاما حلت ايامي
وكلبي اليحن الشوفتج ضل ضامي
وكسرج يمر يقضه وتفز احلامي

احلام الزغر ، بيها كسر ، ضل ابخيالي
عاشرت الحزن ، انعه و اون ، كل الليالي

زهراء
------------------------------------------------
كلساعه امصيبه انفجع
وثانيها ييمه اضلع
كلبه الي يحبج تره
سالفته يتامه ودمع

ذوله ، يمه اليتامه
ادعو ، تكوم ابسلامه
امنه ، سمعة ملامه ~ وشتم
وينه ، الرايد يواسي
فاطم ، بهاي المئاسي
حركو ، بابي يناسي ~ وشتم

هضمه الاخو مات اب الم بسماره
يمه وعلي منيدة وكع فقاره
ذاك الرعبهم بالحرب بتاره

بتارك علي ، ضل مبتلي ، بمر الوصيه
لوما هل امر ، ماضل بشر ، رجلي سويه

زهراء
------------------------------------------------
ياجدي ضلع فاطمه
هاليوم انكسر ودمه
يتسايل هضيمه و الم
والحر هل امر يلجمه

ماتت ، امي الحنينه
وضلت ، روحي حزينه
كلبي ، الله يعينه ~ نفطر
شاهد ، هاي المصيبه
جارت ، عله امي الحبيبه
كلبي ، بناره ولهيبه ، نفطر

من الزغر طابع حزن بسنيني
ورسم الدمع ماخذ عهد وي عيني
كسر الضلع كلش تره مئذيني

مئذيني الجرة ، اشرف مره ، كام وفجعها
ماجنه النبي ، وصه اب هلي ، وكسرو ضلعها

زهراء
------------------------------------------------

#كرار_الغزي

https://www.tg-me.com/joinchat-AAAAAEZD_z23D9jCiKVOBA

يا بقيةُ اللهِ العجل
•••
يله ياعدل الله اطلب ثارها
ورد حقد ذاك الدفع مسمارها
شبو النار ابضغينه ابدارها

الثار ينتضرك ، ونصرك ، يا عدل الله
كلبي ابنوحى ، وجروحى ، بسمك صله

امك ايضربوها
وبكره عصروها
وسفه من سطروها

بجروحك نيران الزهره
---------------------------------------
صوت من باب المصيبه ايخاطب
اشطر ابسيفك ركبتة الضارب
اليوم سيفك خله هوه ايحاسب

فاطمة انضربت ، وتألمت ، ومحد يفزع
وسفه مولانه ، عدوانه ، تضن ماتطلع

اطلع وبجيهم
ياشهم راويهم
وسيفك اليجزيهم

راويهم سطرة عباسك
---------------------------------------
ياجرحنه الماطفت نيرانه
جنها باب ام الحسن احزانه
يمته تعلنه وترد عدوانه

يا فقار الحق ، يله اسحق ، حارك دارك
امك الزهره ، منتضره ، تاخذ ثارك

يا امل جرح امك
الباقي حيل ايهضمك
ادري بيه ايألمك

الحك يمتة ايرد الاهله
-----------------------------------
شحجي والعدوان ضربو فاطم
والضلع من هالامر ماسالم
بالكسر مولاي الله العالم

كلش ايألمك ، ويهضمك ، الصاطر امك
لابد انرده ، ونصده ، اللي هضمك

يا امير اجروحي
السطره احسه ابروحي
اي وحك مذبوحي

مايبرد ثارك مولانه
----------------------------------------

#كرار_الغزي


https://www.tg-me.com/joinchat-AAAAAEZD_z23D9jCiKVOBA

اللهم عجل لوليك الفرج
#يازهراء

سلاما عالضلوع الشابكت بسمار
سلاما عالسقط محسنها بين النار
-------------------------
شما تمضي السنين انعيد هالذكره
وكل جيل اليجي بي لوعة السطره
الله ايعين قلبه قائم العتره
بي لوعة سباية ولوعة اللي صار
-------------------------------------
عله اعتاب القداسه داست الارجاس
و مابيهم طهاره بس جمع انجاس
من جمعة سقيفتهم طلع دساس
وبفعله حرك بيت النبي المختار
-------------------------------------
هجمو وبصلافه والضلع كسرو
وكل تعب النبي عطر ابهوى تركو
كالو فاطمه ولتكلي ما سمعو
يا اهل السقيفة فاطمه بالدار
----------------------------------
بحبل الوصيه ضل حيدر امجتف
وضل محتار المرجفهم اترجف
اسد مجروح وصوابه هم مكلف
اول مره احسه منكسر فقار
---------------------------------
الكاسر ضلع فاطم يعتبر حافر
ايعيش ابضلالة وينتهي كافر
مامسموح نترضى عله الفاجر
وما نقبل كلام امزين ابأعذار
------------------------------------
وحيدة الليله يازينب بعد امج
وباجر بالسبي هم لا اخو يمج
حيره اشلون اواسيكم والي سلمج
اذا هوه علي بهايه المصيبه احتار


#كرار_الغزي
2022/1/2

https://www.tg-me.com/joinchat-AAAAAEZD_z23D9jCiKVOBA

من نورك احمد خلق رب العرش فاطمة
وقلمي ابرضاهه العمر مايوم انه فاطمة
وكلمن يسولف بغض بهل العشك فاه طمة
هيه الوجود وأذن حبها فريضه وحكم
وتبرء امنالغصب حقها وبعد حكّم
عقلك لان بالحشر تالكه الجلالة حكم
واليرضي ربك بعد هو الرضى فاطمة

#كرار_الغزي

2022/1/24

نبارك لمتابعينا الكرام وللامة الاسلاميه بهذه الولادة الميمونه والادة الصديقة الكبرى فاطمة الزهراء ( سلام الله عليها) . جعلنا الله وياكم من الثابتين على ولاية امير المؤمنين وجعل الله ايامنا في خدمة الحسين ( عليه السلام )

#يازينب

طاحت خيمتها ~ زينب الغريبه
ولتل ركضتها ~ زينب الغريبه
وصاحت لخوتها ~ زينب الغريبه
ياهضيمه

حركو خيامي وتاه الضعن
وبنتك رقيه ضلت تون
بابه ذبلنه من العطش
ماتدري ابوها جسمه انطحن

زينب ابحيره ~ والديرة ~ وادمها غرب
ذابت ابهمها ~ ويلجمها ~ الطايح عالترب
شافته امخضب ~ ومترّب ~ ومدمعها يصب

يازينب يازينب
----------------------------------------------------------
شافت عالغبره ~ زينب الغريبه
حسين ابلانحره ~ زينب الغريبه
والخميه امجمره ~ زينب الغريبه
ياهضيمه

حال السبيه ايبجي الحجر
راحت وخوها فوك النهر
دارت عليه وصار العكس
زينب اسيره وهند ابقصر

وين الي حلها ~ وكافلها ~ راسه اعله الرمح
صعبه من تنضر ~ عالمنضر ~ وبيها اجم جرح
موقف ايبجي ~ وشتحجي ~ منحسين انذبح

يازينب يازينب
------------------------------------------------------------
الغربة اتصيح الها ~ زينب الغريبه
و تحشم كافلها ~ زينب الغريبه
محد ضل الها ~ زينب الغريبه
يا هضيمه

والله عجيبه يابا الفضل
الجانت اميرة تركب هزل
راحت يوالي وراح الخدر
وبيد العقيله شدو حبل

يا مصيبتها ~ وغربتها ~ من تدخل قصر
تنضر ابعينك ~ لحسينك ~ مكطوع النحر
وتنادي عباسي ~ نوماسي ~ مو ضاع الخدر

يازينب يازينب
------------------------------------------------------------
الروس انشالت ~ زينب الغريبه
وجم طفله انسحكت ~ زينب الغريبه
وللهزله اتحضرت ~ زينب الغريبه
ياهضيمه

راس الحسين برمح انرفع
وعالغبره جسمه وسفه انطبع
ضلت تعاين صوب الدرب
وين الهواشم محد فزع

صورة العاشر ~ والحافر ~ مايرحم هلي
ابليلة الحادي ~ اتنادي ~ وينك كافلي
وسفه مهمومه ~ ومهضومه ~ زينب بت علي

يازينب يازينب

#كرار_الغزي

https://www.tg-me.com/joinchat-AAAAAEZD_z23D9jCiKVOBA

#يازينب

خويه يا بالفضل خويه يا بالفضل
•••
جابوني اعله الهزل
وتلفت عالدرب
ودموع اختك تهل
وممشه الفاكد صعب

ياكمر ، زينب راحت
ياكمر ، بعدك ضاعت
ياكمر ، وي الغرب تمشي

من تمر ، من يم جثتك
من تمر ، شيضل بختك
من تمر ، وعله الهزل تبجي

يابالفضل ، مشيت
وبيدي حبل ، حديت
الدرب السبي ، اروح
وبلا أهل ، صفيت
@@@@@
يالراسك عالرمح
وجسمك ضل عالنهر
بكلب اختك جم جرح
وكاسرلك جم ظهر

بالسبي ، ياهو اليفزع
بالسبي ، هل المدمع
بالسبي ، يمشي الضعن غربه

عالهزل ، تحدي اضعوني
عالهزل ، حيل اذوني
عالهزل ، زاد الشمر ضربه

راعي العلم ، تعال
ماكو خيم ، دلال
راح الضعن ، يخوي
يحدي اب الم ، حبال
@@@@@
ودعتك والكلب
يمك ضل منكسر
شلون اختك تنسلب
وتمشي ابلايه خدر

بالغرب ، ابجي وانحب
بالغرب ، بسمك اندب
بالغرب ، مو ضاعت اسنيني

للرمح ، اتصد ايتامي
للرمح ، البي آلامي
للرمح ، دمع امتلت عيني

وي العده ، يروح
ضعني ومشه ، بجروح
وكل الخلك ، شمات
وصوت الصده ، ينوح
@@@@@
زينبكم يالكمر
عالهزله ابلا اخو
وجابوني ابنص ظهر
امشي وبين العدو

بالقصر ، جابو ضعني
بالقصر ، حيل اهضمني
بالقصر ، لمن جبت اسمك

والعدو ، لخايف هسه
والعدو ، نسمع حسه
والعدو ، يم راسك ايشتمك

صعب الجرح ، يهيد
وانته ابرمح ، يزيد
ماضن كلب ، يطيب
لو هل صبح ، جديد

#كرار_الغزي

https://www.tg-me.com/joinchat-AAAAAEZD_z23D9jCiKVOBA

السلام على ام البدور الاربعه
•••
يم البنين
لبو الحسنين صرتي .. أم بيته وعياله
واجمل حنين
غطه أفي نهاره .. أهل بيت الرساله

سلام الله عله اجروحچ يمولاتي
بسمچ كل جرح فزعله وناتي
عليچ انحب وشب ادموع باهاتي

يا اميره و گلبچ بالحب ارتوى
وللحسين افديتي كل ولدچ سوى
الله منچ خالق كل معنه الوفه
وبالعقيده عزمچ ويمانچ قوى

@@@@@

منچ كفيل
زينب والفواطم .. اسد بالغاضريه
ماله مثيل
بطل كله تعرفه .. صگار البريه

بديچ الطم وشگ اجروحي بالعبره
اريد اشتم بقيعچ ورتوي ابعطره
شبت بالگلب جمرات من حسره

گلبي بسمچ رتّل تنهيده بحزن
بيها ينعه امصابچ ويهيج ويون
يالنطيتي ولادچ لحسين وهله
ضل وفائچ ساطع بوراق الزمن

@@@@@

ايدچ عطاء
تصب غيره ومحنه .. يالمنچ گمرنه
كلچ ولاء
فديتي اهل الولايه .. ونفديلچ عمرنه

عله اسنين الدهر تبقين سلطانه
يا رمز الوفه العباس عنوانه
ماتم خدمتچ عشاك سوّانه

جرحچ ايذكرنه بضعن ابن الفحل
من مشت بت حيدر مجتوفه بحبل
راحت بلا ناصر من طاح الگمر
والحداهن شامت ركبهن هزل

@@@@@

ايحس امير
اليواسي اخيام زينب .. لان بيه نجاته
ونبضه يصير
مثل ركض اليتامه .. وترجعله حياته

تفيض اعيونه الي حبچ عله امصابچ
يانبض الامل خليني يم بابچ
منّچ رايد اتضميني لحبابچ

ارد اون لمصابچ بدموع العشگ
وفگس اجروحي الماتلطم صدگ
انتي حنان اخيام البات اعله لترب
ضل طريح وحافرهم فوگا سحگ

@@@@@

جرح الحسين
هد حيلچ نزيفه .. ورثيتيه بجروحچ
وعندچ يقين
ولاء احسين طاعه .. وقدمتيله روحچ

واسيتي العليله والنعم منّچ
ولدچ بالحرب ماخيبو ضنّچ
واحس ابقلمي عاجز من اوصفنّچ

ياغيوره المثلچ واست بت علي
وكل عمرها انطته الحب ال النبي
بيچ اشوف الزهره و حر طف كربله
وجرحچ ايسولف عن حب ابن الوصي

#كرار_الغزي

https://www.tg-me.com/joinchat-AAAAAEZD_z23D9jCiKVOBA

#يا_ام_البنين

بدموع الحب اسمچ خطّيته
وبمصابچ گلبي الليله ارويته
مولاتي اليوم اعيوني
يم بابچ تذرف دمعات
•••

عله اجناح الحمام ابعث سلامي
الچ يا كعبة العشگ الهيامي
كل غالي فديتيه الامامي
بيهم كافل اخته و أخ محامي

ام اجمل كافل اخته ابدمه
اتشد عزم الخدام ابهمه
كل خادم يذرف دمعه
وتهيج ابصدره العبرات
@@@@@

الج يم البنين انصب عزائي
وحيي المجلس ابحرگة دمائي
خدمتي بماتمچ يعني بقائي
وعمق جرحي يسولف حب ولائي

رايد عصره وهظمه اعله عتابچ
تلجمني وبيه اشتم اترابچ
خليني ابابچ رايد
ارويه اجروحي ابونات
@@@@@

چفچ مايرد العنده حاجه
لايوصل طبيب انتي علاجه
يعيش ابكل عظمته الانتي تاجه
يظل طول الدهر زاهي رتاجه

سلطانه وحبچ لم العالم
وبفي ظلّچ نحييه الماتم
ننعه ونلطم لمصابچ
ونعيش الونه ابلوعات
@@@@@

اصيله بدمّچ العشگ الحسيني
بجاهچ لله كل خادم تعيني
مماتچ فاجعه وزيد ونيني
وبقيت الطم عليچ ابگد حنيني

عشگچ من الله ايزيد ابگلبي
واشعر بالائچ نورت دربي
بجروحي اشعر هالليله
نار وركضة مسبيات
@@@@@

عمت عين العقول الماتفهمچ
وتميّز تضحياتج ويه اسمچ
بقيتي ابصف عليله وباقي همّچ
عله حال الحسين اكثر يألمچ

ظل عالغبره امخضب بجروحه
ويألمه الحادي اكثر من روحه
مايرحمهم من يسبي
وي سوطه اتزيد الشوغات

#كرار_الغزي

https://www.tg-me.com/joinchat-AAAAAEZD_z23D9jCiKVOBA

#اللهم عجل لوليك الفرج

بالحومه والينه
حيل الله بيمينه
و ترهبهم اعدائه
خزرات البعينه

ياهو الوصل حده
ويكول انه نده
ماجابته امه
ولافكرة اتولده

ابا الفضل - صكار الزلم
ابا الفضل - حماي الخيم
ابا الفضل - شيال العلم

ابا الفضل - قائد للوفه
ابا الفضل - سورة عاطفه
ابا الفضل - حيره شوصفه

يابا الفضل ، يابا الفضل
----------------------------------------------------
يصطرهم ابجفه
ويشطرهم ابسيفه
وكت الحرب خله
بصلابهم رجفه

من يهجم اعليهم
ايغير معانيهم
وصفرّت العالم
وسيفه حصد بيهم

ابا الفضل - ذل حته النهر
ابا الفضل - يسطرهم سطر
ابا الفضل - فوكاهم عبر

ابا الفضل - يا هيبة علي
ابا الفضل - حب ما ينجلي
ابا الفضل - سيف الله القوي

يابا الفضل ، يابا الفضل
----------------------------------------------------
بالشده ما يبرد
فارس ولا يركد
يسرجهه للمهره
وخيرهم اليشرد

من طب عله العسكر
كالو برز حيدر
وامجاده رجعها
وبكيفه ضل يسطر

ابا الفضل - ماردهم مرد
ابا الفضل - يهجم ما يرد
ابا الفضل - حاصدهم حصد

ابا الفضل - صارم ما يفر
ابا الفضل - يبترهم بتر
ابا الفضل - عاصرهم عصر

يابا الفضل ، يابا الفضل
----------------------------------------------------
يم الخيم ثنه
و زلمه اللي يدنه
كلهم انه العباس
و يافارس اتعنه

مايرضة بالعيله
وام عون تدعيله
وتكله من اتروح
حسين انكسر حيله

ابا الفضل - موتهم رعب
ابا الفضل - كطاع الركب
ابا الفضل - قاموس الحرب

ابا الفضل - سلطان العشك
ابا الفضل - يا كلمة صدك
ابا الفضل - لمر يمه احترك

يابا الفضل ، يابا الفضل
----------------------------------------------------
#كرار_الغزي

https://www.tg-me.com/joinchat-AAAAAEZD_z23D9jCiKVOBA

#اللهم عجل لوليك الفرج

يا ابا عبد الله يا ابا عبد الله

باجر عله صدر الشرف يكعد نذل اميه
وبيده يهز المنحر و جثته تضل رميه
وخيول من العسكر ايهجمن علي سويه
ويلا على صدره انطحن ويلا يبو روقيه
يا ابا عبد الله يا ابا عبد الله

شحجي وشكول اعله الخيم ياخويه من اجوها
وبنار من هجمو ترى اطفالي روعوها
واللي تفر من الخيم بين المهر لكوها
وبين المعسكر والخيم صرخه والم وذيّه
يا ابا عبد الله يا ابا عبد الله

حيرتها حيره ابلاخو وسط الفله الاميره
وياوسفه بت حيدر علي بعد الكمر اسيره
وتحرسه مابين الغرب وادم غرب جبيره
ومعقوله اودعك من بعد ووميلك ابأديه
يا ابا عبد الله يا ابا عبد الله

شيخلصه ياخويه السبي وهسه ابتده عذابه
وي رمحك امشيه الدرب وبجي ابألم مصابه
وطلعنه من ذاك الخدر ياخويه للخرابه
لمتعوده تمشي ويالكمر ليش بحبل سبيه
يا ابا عبد الله يا ابا عبد الله

ليش ابسهم هذا الطفل خويه انذبح وريده
وعله الهزل امه ابحزن تنعه وتون تريده
ومابين رمحك واليتم امشي ابسبي وحيده
وموهاشميه لا ابد صار اسمي خارجيه
يا ابا عبد الله يا ابا عبد الله

✍️#كرار_الغزي
2020/5/10

https://www.tg-me.com/joinchat-AAAAAEZD_z23D9jCiKVOBA

هذا عيد البايعك حيدر امير
وهذا عيد الكال حيدر بالضمير

ما عرفها الكال رابع عالامام
وحيدر اول لو اعد امنالاخير

بكل حرب حيدر لزوما بالامام
بكل مسائلهم يحلها وما يحير

بكلشي الاول هذا واقع مو غرور
وكل سقيفتهم رماد اعله الهجير

لمافرح هاليوم لازم عنده سوء
بالانساب وبالفهم وشما يصير

اليحب حيدر كون تربات العفاف
الكره حيدر يرجع الاصله المرير

عدنه كل قول النبي حكم الاله
وكال من بعدي علي هوه الامير

هوه حيدر بالاصل نور الالاه
وعالارض بعد النبي هو النذير

البات بفراش النبي وماهزه خوف
يطحن اجيوش العده لمن يغير

بالحرب صمصام باشط عالركاب
وبالرخاء افياي دافي اعله الفقير

باب خيبر يمه مرعوبه الرجال
وعلي الباب ومرحب ابصفه زغير

ماتعله اعله الفقير ابسلطه دوم
رغم حكمه اعله الارض جان الوزير

ياوليد الكعبة يازوج البتول
النصبك هاليوم حكم الله القدير

وكلمن ايحط روحه ينعد بالاخير
الولايه انحسمت ابعيد الغدير

✍️#كرار_الغزي
2022/7/18


https://www.tg-me.com/joinchat-AAAAAEZD_z23D9jCiKVOBA

قصائد محرم الحرام 👇👇

يمه هل العزاء ، وعيني طول الدرب
انضر اعله السماء ، قميصك المنسلب
١•••
بيّنت شمس الضهاري وبين ابعيني الدمع
وذابت اضعونك ييمه بنينوى مثل الشمع
الشبو النار بخيامك همه كسرولي الضلع
ويا هضيمه الحك صفت كلماته ابد ماتنسمع

ياحسافه الدهر ، عذب اهل الرسول
خله بيه الجمر ، وناره ضلت تصول

٢@@@@@

سالت الحركه نهر ومتدت ابطول السبي
والاميره اعله الهزل يحدي ابضعنها الاجنبي
ونته طايح عالترب وبلا نعش يبن النبي
وسابح ابدمك ييمه وشابع اسهام وعلي

ماتت العاطفه ، من طحت عالفرات
وشيعتك هاتفه ، حبك اصل الحياة

٣@@@@@

وين اعاين واليتامه ابلاولي وبلاخيم
والكمر عالغبره وبعينه بقه نابت سهم
ياحسرتي اعله العقيله الفاركت راعي العلم
عاشت الطف ابجروح اتسايلن شام والم

تمشي واعله الرمح ، راس اخوه الحسين
والطفل ينذبح ، ويه سوط اللعين

٤@@@@@

ياهو مثلك عالوطيه باقي بسموم الضهر
يا ابن اشرف نسب من مثلك ابهاي البشر
كل خيامه اموجره وضامي بقه يم النهر
ماكو ناصر والعده مارحمو ابكطع النحر

بجّه حته الصخر ، يومك ابهل مصاب
وللخرابه الخدر ، يحدي هم و عذاب

٥@@@@@

بالصحاري والحوافر سحكت اضلوعك سحك
وثوبك البي شبْكتي من كل جهاته بي فتك
ودمك الطاهر نزف فوك الارض خضّر عشك
ساعة البيها متت يم العرش صار الطبك

موكبك بالسمه ، منّصب يالحنين
وكلبه صابه العمه ، الما بجه من يقين

✍️#كرار_الغزي

https://www.tg-me.com/joinchat-AAAAAEZD_z23D9jCiKVOBA

اذّن محرّم بلجوامع يلّه
شدو السواد ابكل كتر بسم الله
ودعو الحسين ابكل بلد
يحفض عزائه للابد
ه•••
يلّه ابگلب طاهر نمد صوب الحسين ايدينه
ونگله يامضلوم احنه مقصرين وجينه
لماعنده غيرك لاترده لو رفع جفينه
نعرف وحگك بس عزائك سيدي اليحيينه

مادام نتنفس ابد منعوفك
و سط الگبر ردنه حنان اجفوفك
القاهر اعداء الصمد
يحفض عزائه للابد

ه@@@@@

عدنه ابعقائدنه عشگ هوه الحسين الغايه
شما يصعب الدرب ابمحبته نوصل ومشايه
هوه الطبيب ابقدرته ايخلينه حدر افيايه
بس كون نيتنه ابصدگ مو نيّه ومحنايه

گوله يحسين العشگ جينالك
وبگد محبة عابس ابجينالك
هذا العشگ موبس وعد
يحفض عزائه للابد

ه@@@@@

جينه ونريدك سيدي اتعجل فرج والينه
ضكّت علينه والمنايه خلصت باقينه
يمته الفرج ياسيدي ماضل امل بيدينه
يمته اللقاء البي نشوف الهيبه ذيج الزينه

ويرجع عدل رب الجلاله الارضه
وما يبقه حاقد ع الارض ميقرضه
يوميه نقراله العهد
يحفض عزائه للابد

ه@@@@@

ماردنه جاه ومنزله ولاردنه صيت احجيها
ردنه المجالس كل سنه اتوفقنه نخدم بيها
هذا النداء انرتله و الدمعه الك نجريها
ماكو حياة ابلامجالس والعزآ ماليها

الموت اهون من ترك مجلسكم
ماي العشگ لون وطعم بس يمكم
عدنه يقين من المهد
يحفض عزائه للابد

ه@@@@@

ما ينگطع هذا العزاء وينّصب بالمحشر
وتحضر اله ام الحسن تسقينه ماي الكوثر
وطالب ابحق الجفوف الطاحن ابذاكه البر
وحق الضعون اللنسبت من راح يوم العاشر

ياسيدي ابداعت جفوف الكافل
اقبلنه يمك بس خدم ونّاضل
عدنه الولايه اكبر سند
يحفض عزائه للابد

✍️#كرا_الغزي

https://www.tg-me.com/joinchat-AAAAAEZD_z23D9jCiKVOBA

كعبة دموعي والحزن
ابمجلسك تسجد تون
ه•••
صحوة جروحي بالعزه والدمعه والآه
وماينحسب هذا العمر ابلايه ويلاه
ياهو القراك ومانزل دمعه ويمبچاه

واليعشگ مصابك
اينوح اعله بابك
وينعه في رحابك ~ وجرحه ايصبح اخيام

صوت العشگ ، حسين
ونبضي اليدگ ، حسين ~ كل عمري اعله دربك
جرح الخيم ، حسين
واجمل اسم ، حسين ~ خليني اعله حبك

كل الخلائق من تحن
ابمجلسك تسجد تون

ه@@@@@

ياسيدي بيك المحب متحصن وجاي
ورافع ادي صوب الخيم يدعيك مولاي
عنده يقين ابقدرتك تحمي الخدم هاي

واليعرف قدرتك
ايگابل عتبتك
ويدعيك ابكربتك ~ ومنك يطلب الغوث

ضاق الصدر ، حسين
وماضل صبر ، حسين ~ عجل في فرجنه
زاد الحمل ، حسين
وهوه الامل ، حسين ~ وغايتنه وفكرنه

عيني البچت لهل الضعن
ابمجلسك تسجد تون

ه@@@@@

يعصرني گلبي المجلسك وطشر اخيام
وتلمني شوفت حضرتك وتهيج الالآم
وياخذني درب امحبتك للطف واليتام

وذّكر رقيه
واشعر بالعزيه
موجوده الزچيه ~ تبچي ويالمعزّين

وتنعه ب الم ، حسين
ماكو علم ، حسين ~ چاوين الكفلهن
وهلك صعب ، حسين
وي الغرب ، حسين ~ يحدون ابضعنهن

الحسره تنقاس ابزمن
وبمجلسك تسجد تون

ه@@@@@

كل ليله ادعي بالفرج وابچي اعتذارات
ياربي رد نعمة بچينه والعزائات
وديم دمعتنه ولطمنه اعله الغريبات

ونحضر كل مسيه
نحييه الرزيه
ونلطم عالسبيه ~ حد اخر نفس حيل

بگلبي انطبع ، حسين
ولطم جزع ، حسين ~ ونعه اعله المصيبه
شابع عطش ، حسين
وبلا نعش ، حسين ~ وهم اختك سليبه

كل الجروح اللي جرن
ابمجلسك تسجد تون

✍️#كرار_الغزي

https://www.tg-me.com/joinchat-AAAAAEZD_z23D9jCiKVOBA