Bugun Qashqadaryo viloyati Qo‘riqlash boshqarmasida xodimlarning huquqiy bilimlarini yanada oshirish, ular orasida xizmat intizomini mustahkamlash maqsadida Qarshi shahri Qo‘riqlash bo‘limi xodimlari ishtirokida “Jinoyatchilikning oldini olish hamda xizmat intizomini mustahkamlash" mavzusida davra so‘hbati tashkil etildi.
Unda viloyat IIB boshlig‘i o‘rinbosari, hamda IIV Shaxsiy xavfsizlik bosh boshqarmasi Qashqadaryo viloyati bo‘yicha boshqarmasi boshlig‘i tomonidan joylarda xodimlar tomonidan sodir etilayotgan intizom buzilish holatlarini oldini olish, shaxsiy tarkib orasida turli noxush holatlarni bartaraf etish, xodimlar o‘rtasida xizmat intizomi va qonunchilik talablarini mustahkamlash, shaxsiy va xizmat avtotransportlarni boshqarish bilan bog‘liq salbiy oqibatlar to‘g‘risida ma’lumotlar berildi.
Shuningdek, xodimlarning fuqarolar bilan muloqotda xushmuomala bo‘lishlari, ta’magirlikka yo‘l qo‘ymaslik, korrupsiyani oldini olish, belgilangan tartib va meyorlarni buzmaslik to‘g‘risida asoslantirilgan va aniq fikrlar aytildi.
Albatta bu kabi profilaktik uchrashuvlar, xodimlar tomonidan kelgusida sodir etilishi mumkin bo‘lgan turli ko‘ngilsiz hodisalarini oldini olishga xizmat qiladi.

Бугун Қашқадарё вилояти Қўриқлаш бошқармасида ходимларнинг ҳуқуқий билимларини янада ошириш, улар орасида хизмат интизомини мустаҳкамлаш мақсадида Қарши шаҳри Қўриқлаш бўлими ходимлари иштирокида “Жиноятчиликнинг олдини олиш ҳамда хизмат интизомини мустаҳкамлаш" мавзусида давра сўҳбати ташкил этилди.
Унда вилоят ИИБ бошлиғи ўринбосари, ҳамда ИИВ Шахсий хавфсизлик бош бошқармаси Қашқадарё вилояти бўйича бошқармаси бошлиғи томонидан жойларда ходимлар томонидан содир этилаётган интизом бузилиш ҳолатларини олдини олиш, шахсий таркиб орасида турли нохуш ҳолатларни бартараф этиш, ходимлар ўртасида хизмат интизоми ва қонунчилик талабларини мустаҳкамлаш, шахсий ва хизмат автотранспортларни бошқариш билан боғлиқ салбий оқибатлар тўғрисида маълумотлар берилди.
Шунингдек, ходимларнинг фуқаролар билан мулоқотда хушмуомала бўлишлари, таъмагирликка йўл қўймаслик, коррупцияни олдини олиш, белгиланган тартиб ва меёрларни бузмаслик тўғрисида асослантирилган ва аниқ фикрлар айтилди.
Албатта бу каби профилактик учрашувлар, ходимлар томонидан келгусида содир этилиши мумкин бўлган турли кўнгилсиз ҳодисаларини олдини олишга хизмат қилади.

Tadbir Qashqadaryo viloyati sport boshqarmasi markaziy o‘yingohida IIV “Dinamo” jismoniy tarbiya va sport jamiyati viloyat kengashi hamda viloyat ichki ishlar boshqarmasi jismoniy va jangovar tayyorgarlik bo‘limi hamkorligida tashkil etildi.

Boshqarma rahbariyati boshchiligida bo‘lib o‘tgan mashg‘ulotlarda tarkibiy bo‘limlar va sohaviy xizmatlar xodimlari dastlab yugurib chiniqishdi. So‘ngra barchasi badantarbiya mashg‘ulotlarida faol qatnashdi.

“Qo‘l janggi” federatsiyasi viloyat bo‘limi mas’ullari tomonidan xodimlarga xizmat davomida yuzaga keladigan favqulodda vaziyatlarda, jumladan, qurolli jinoyatchini zararsizlantirish bo‘yicha amaliy mashqlar ko‘rsatildi.

Shuningdek, viloyat IIBda faoliyat yuritayotgan xotin-qizlar o‘rtasida ham sport mashg‘ulotlari tashkil etilib, ular nafaqat jismonan, balki ruhan ham chiniqdilar.

Mazkur sport mashg‘ulotlari natijasida xodimlarning ish unumdorligi oshib, jangovar shayligi yuksalmoqda. Mutaxassislar doimiy ravishda sport bilan shug‘ullanish inson salomatligi uchun muhim ekanini ta’kidlab, jismoniy mashqlar nafaqat chiniqtirish, balki ruhiy quvvat berishini ham qayd etishdi.

Тадбир Қашқадарё вилояти спорт бошқармаси марказий ўйингоҳида ИИВ “Динамо” жисмоний тарбия ва спорт жамияти вилоят кенгаши ҳамда вилоят ички ишлар бошқармаси жисмоний ва жанговар тайёргарлик бўлими ҳамкорлигида ташкил этилди.

Бошқарма раҳбарияти бошчилигида бўлиб ўтган машғулотларда таркибий бўлимлар ва соҳавий хизматлар ходимлари дастлаб югуриб чиниқишди. Сўнгра барчаси бадантарбия машғулотларида фаол қатнашди.

“Қўл жангги” федерацияси вилоят бўлими масъуллари томонидан ходимларга хизмат давомида юзага келадиган фавқулодда вазиятларда, жумладан, қуролли жиноятчини зарарсизлантириш бўйича амалий машқлар кўрсатилди.

Шунингдек, вилоят ИИБда фаолият юритаётган хотин-қизлар ўртасида ҳам спорт машғулотлари ташкил этилиб, улар нафақат жисмонан, балки руҳан ҳам чиниқдилар.

Мазкур спорт машғулотлари натижасида ходимларнинг иш унумдорлиги ошиб, жанговар шайлиги юксалмоқда. Мутахассислар доимий равишда спорт билан шуғулланиш инсон саломатлиги учун муҳим эканини таъкидлаб, жисмоний машқлар нафақат чиниқтириш, балки руҳий қувват беришини ҳам қайд этишди.