Tadbirda viloyat ichki ishlar boshqarmasi Axborot texnologiyalari sohasidagi jinoyatlarga qarshi kurashish boshqarmasi mas’ullari, tuman ichki ishlar bo‘limi xodimlari, prokuratura vakillari, bank tizimi, ta’lim va sog‘liqni saqlash bo‘limlari, tashkilot va korxonalar xodimlari hamda fuqarolar ishtirok etdi.
Uchrashuv davomida ta’kidlanishicha, bugun internet va ijtimoiy tarmoqlar har bir inson hayotining ajralmas qismiga aylangan. Biroq raqamli imkoniyatlar bilan bir qatorda turli kiberxavflar va onlayn firibgarlik holatlari ham oshib bormoqda. Shu bois, fuqarolar internet orqali tarqalayotgan soxta akkauntlar, zararli havolalar va turli aldov usullaridan ehtiyot bo‘lishga chaqirildi.
Monitor orqali amaliy misollar bilan shaxsiy ma’lumotlarni muhofaza qilish, turli kiberjinoyatlardan o‘zini asrash bo‘yicha tushunchalar berildi.
Shuningdek, tumandagi banklar, bozorlar, maktab va bog‘chalarda kiberxavfsizlikka oid targ‘ibot roliklarini namoyish etish uchun monitorlar o‘rnatilgani qayd etildi.
Tadbir yakunida “Ijtimoiy tarmoqlardan foydalanish madaniyati” mavzusida yo‘riqnoma o‘tkazilib, amaliy tavsiyalar berildi.

Тадбирда вилоят ички ишлар бошқармаси Ахборот технологиялари соҳасидаги жиноятларга қарши курашиш бошқармаси масъуллари, туман ички ишлар бўлими ходимлари, прокуратура вакиллари, банк тизими, таълим ва соғлиқни сақлаш бўлимлари, ташкилот ва корхоналар ходимлари ҳамда фуқаролар иштирок этди.
Учрашув давомида таъкидланишича, бугун интернет ва ижтимоий тармоқлар ҳар бир инсон ҳаётининг ажралмас қисмига айланган. Бироқ рақамли имкониятлар билан бир қаторда турли киберхавфлар ва онлайн фирибгарлик ҳолатлари ҳам ошиб бормоқда. Шу боис, фуқаролар интернет орқали тарқалаётган сохта аккаунтлар, зарарли ҳаволалар ва турли алдов усулларидан эҳтиёт бўлишга чақирилди.
Монитор орқали амалий мисоллар билан шахсий маълумотларни муҳофаза қилиш, турли кибержиноятлардан ўзини асраш бўйича тушунчалар берилди.
Шунингдек, тумандаги банклар, бозорлар, мактаб ва боғчаларда киберхавфсизликка оид тарғибот роликларини намойиш этиш учун мониторлар ўрнатилгани қайд этилди.
Тадбир якунида “Ижтимоий тармоқлардан фойдаланиш маданияти” мавзусида йўриқнома ўтказилиб, амалий тавсиялар берилди.