Qashqadaryo viloyati Oila va xotin-qizlar bo‘limi boshlig‘i Z. Aminova, Qarshi tuman IIB JXX HPB Xotin-qizlar masalalari bo‘yicha katta inspektori, katta leytenant B. Avazova hamda tuman Oila va xotin-qizlar bo‘limi boshlig‘i Sh. Begimqulova hamkorlikda Qarshi tumanida “Erta turmush – kelajak sari xato qadam” mavzusida profilaktik uchrashuv tashkil etildi. Uchrashuv Qarshi tumanidagi 14-sonli umumta’lim maktabining yuqori sinf o‘quvchi qizlari bilan o‘tkazildi. Tadbir davomida mutasaddilar erta turmushning salbiy oqibatlari, qizlarning ta’lim olishi, kasb-hunar egallashi va hayotda o‘z o‘rnini topishining muhimligi haqida atroflicha ma’lumot berdilar. Shuningdek, yoshlarga o‘z orzu va maqsadlariga sodiq bo‘lish, ijtimoiy hayotda faol ishtirok etish, o‘z imkoniyatlarini to‘liq ro‘yobga chiqarish bo‘yicha tavsiyalar berildi. Uchrashuv yakunida o‘quvchi qizlarni qiziqtirgan savollarga javoblar berilib, mavzu yuzasidan ochiq muloqot tashkil etildi.

Қашқадарё вилояти Оила ва хотин-қизлар бўлими бошлиғи З. Аминова, Қарши туман ИИБ ЖХХ ҲПБ Хотин-қизлар масалалари бўйича катта инспектори, катта лейтенант Б. Авазова ҳамда туман Оила ва хотин-қизлар бўлими бошлиғи Ш. Бегимқулова ҳамкорликда Қарши туманида “Эрта турмуш – келажак сари хато қадам” мавзусида профилактик учрашув ташкил этилди. Учрашув Қарши туманидаги 14-сонли умумтаълим мактабининг юқори синф ўқувчи қизлари билан ўтказилди. Тадбир давомида мутасаддилар эрта турмушнинг салбий оқибатлари, қизларнинг таълим олиши, касб-ҳунар эгаллаши ва ҳаётда ўз ўрнини топишининг муҳимлиги ҳақида атрофлича маълумот бердилар. Шунингдек, ёшларга ўз орзу ва мақсадларига содиқ бўлиш, ижтимоий ҳаётда фаол иштирок этиш, ўз имкониятларини тўлиқ рўёбга чиқариш бўйича тавсиялар берилди. Учрашув якунида ўқувчи қизларни қизиқтирган саволларга жавоблар берилиб, мавзу юзасидан очиқ мулоқот ташкил этилди.