Unda viloyat IIB rahbariyati, tarkibiy bo‘limlari va sohaviy xizmatlar xodimlari hamda Qarshi DU o‘qituvchisi ishtirok etdi. Uni viloyat IIB boshlig‘i o‘rinbosari, podpolkovnik Tal’at Mamatkulov ochdi.
Mavzu yuzasidan, Qarshi DU o‘qituvchisi, O‘zbek tili va adabiyoti kafedrasi dots.nti Dildora Shodmonova so‘zga chiqib, ona tilimizga bo‘lgan e’tibor va hurmat yil sayin ortib borayotgani, bunday e’tibor Vatanini sevgan, o‘zbek ekanligidan faxrlanadigan, bir so‘z bilan aytganda, o‘zligini anglagan har bir yurtdoshimiz yuragida o‘zgacha quvonch, faxriftixor tuyg‘ularini uyg‘otishi tabiiyligini ta’kidladi.
Prezidentimizning «Davlat tilining obro‘-e’tibori – butun xalq, butun jamiyatning obro‘-e’tiboridir», degan fikrlari mamlakatimizda o‘zbek tilining davlat tili sifatidagi nufuzi va mavqeyini oshirishga qaratilgan ezgu ishlarning asl mazmun-mohiyatini ifodalaydi.
Ichki ishlar organlarida ham o‘zbek tilida ish yuritishni samarali tashkil qilish, davlat tili to‘g‘risidagi qonun hujjatlariga so‘zsiz rioya etilishiga erishish, shuningdek, xodimlarning bu boradagi bilim va ko‘nikmalarini kuchaytirish yuzasidan tegishli chora-tadbirlar amalga oshirib kelinmoqda.
Bir so‘z bilan aytganda qadim zamonlardan bizgacha yetib kelgan, ajdodlarimizning qoni, jasorati, sabr-u matonati ila barhayot yashayotgan tilimizni asrash, uni ona Vatan, muqaddas tuproq kabi himoya qilish bugungi avlodning muqaddas burchidir.
Yig‘ilishda boshqarma Tashkiliy boshqarma YUTG katta yuriskonsulti, mayor Shavkat Nabiyev so‘zga chiqib, IIVning 2025 yil 10 sentyabrdagi 515-sonli “Ichki ishlar organlari faoliyati samaradorligi reyting baholash tartibini joriy etish to‘g‘riisida”gi buyrug‘ini mazmun-mohiyatini shaxsiy tarkib e’tiboriga yetkazdi.
IIV SHXBB Qashqadaryo viloyati bo‘yicha boshqarmasi mas’ul xodimi tizimda ro‘y bergan favqulodda holatlar va qonunbuzilish holatlari va ularni oldini olish borasida ishtirokchilarga tegishli yo‘riqnoma va tavsiyalar berdi.
Yakunda xodimlar o‘rtasida O‘zbek tili bilimdoni viktorinasi o‘tkazilib, bilimdonlar taqdirlandi.

Унда вилоят ИИБ раҳбарияти, таркибий бўлимлари ва соҳавий хизматлар ходимлари ҳамда Қарши ДУ ўқитувчиси иштирок этди. Уни вилоят ИИБ бошлиғи ўринбосари, подполковник Талъат Маматкулов очди.
Мавзу юзасидан, Қарши ДУ ўқитувчиси, Ўзбек тили ва адабиёти кафедраси доценти Дилдорa Шодмонова сўзга чиқиб, она тилимизга бўлган эътибор ва ҳурмат йил сайин ортиб бораётгани, бундай эътибор Ватанини севган, ўзбек эканлигидан фахрланадиган, бир сўз билан айтганда, ўзлигини англаган ҳар бир юртдошимиз юрагида ўзгача қувонч, фахрифтихор туйғуларини уйғотиши табиийлигини таъкидлади.
Президентимизнинг «Давлат тилининг обрў-эътибори – бутун халқ, бутун жамиятнинг обрў-эътиборидир», деган фикрлари мамлакатимизда ўзбек тилининг давлат тили сифатидаги нуфузи ва мавқейини оширишга қаратилган эзгу ишларнинг асл мазмун-моҳиятини ифодалайди.
Ички ишлар органларида ҳам ўзбек тилида иш юритишни самарали ташкил қилиш, давлат тили тўғрисидаги қонун ҳужжатларига сўзсиз риоя этилишига эришиш, шунингдек, ходимларнинг бу борадаги билим ва кўникмаларини кучайтириш юзасидан тегишли чора-тадбирлар амалга ошириб келинмоқда.
Йиғилишда бошқарма Ташкилий бошқарма ЮТГ катта юрисконсульти, майор Шaвкат Набиев сўзга чиқиб, ИИВнинг 2025 йил 10 сентябрдаги 515-сонли “Ички ишлар органлари фаолияти самарадорлиги рейтинг баҳолаш тартибини жорий этиш тўғриисида”ги буйруғини мазмун-моҳиятини шахсий таркиб эътиборига етказди.
ИИВ ШХББ Қашқадарё вилояти бўйича бошқармаси масъул ходими тизимда рўй берган фавқулодда ҳолатлар ва қонунбузилиш ҳолатлари ва уларни олдини олиш борасида иштирокчиларга тегишли йўриқнома ва тавсиялар берди.
Якунда ходимлар ўртасида Ўзбек тили билимдони викторинаси ўтказилиб, билимдонлар тақдирланди.