O‘zbekiston Respublikasi Prezidentining yoshlarni sportga jalb etish va sog‘lom turmush tarzini targ‘ib qilishga oid qarori ijrosini ta’minlash maqsadida Qarshi shahrida “Qarshi shahar IIO FMB boshlig‘i kubogi” uchun voleybol musobaqasi tashkil etildi.
Olimpiya va Paralimpiya tayyorlash markazida o‘tgan musobaqada shahar maktablarining o‘g‘il va qizlar jamoalari ishtirok etishdi. Qizg‘in bahslar yakunida:
O‘g‘il bolalar o‘rtasida:
1-o‘rin — Olimpiya va Paralimpiya tayyorlash markazi,
2-o‘rin — 1-son ixtisoslashtirilgan maktab-internati,
3-o‘rin — 23-maktab.
Qizlar o‘rtasida:
1-o‘rin — 11-maktab,
2-o‘rin — 43-maktab,
3-o‘rin — 22-maktab.
G‘olib jamoalar diplom, medal va esdalik sovg‘alari bilan taqdirlandi. Tadbirda Qarshi shahar IIO FMB boshlig‘i Farrux Ibragimov yosh sportchilarni tabrikladi.

Ўзбекистон Республикаси Президентининг ёшларни спортга жалб этиш ва соғлом турмуш тарзини тарғиб қилишга оид қарори ижросини таъминлаш мақсадида Қарши шаҳрида “Қарши шаҳар ИИО ФМБ бошлиғи кубоги” учун волейбол мусобақаси ташкил этилди.
Олимпия ва Паралимпия тайёрлаш марказида ўтган мусобақада шаҳар мактабларининг ўғил ва қизлар жамоалари иштирок этишди. Қизғин баҳслар якунида:
Ўғил болалар ўртасида:
1-ўрин — Олимпия ва Паралимпия тайёрлаш маркази,
2-ўрин — 1-сон ихтисослаштирилган мактаб-интернати,
3-ўрин — 23-мактаб.
Қизлар ўртасида:
1-ўрин — 11-мактаб,
2-ўрин — 43-мактаб,
3-ўрин — 22-мактаб.
Ғолиб жамоалар диплом, медал ва эсдалик совғалари билан тақдирланди. Тадбирда Қарши шаҳар ИИО ФМБ бошлиғи Фаррух Ибрагимов ёш спортчиларни табриклади.

Viloyat IIB boshlig‘i tumanning markaziy qismida joylashgan savdo majmuasida bo‘lib, bu yerda mavjud videokuzatuv kameralarining ishlash holatini ko‘zdan kechirdi. Savdo hududida kechki paytlarda qo‘riqlash xizmatini kuchaytirish, kuzatuv tizimini kengaytirish, tadbirkorlar bilan hamkorlikni yo‘lga qo‘yish hamda mahalla faollari bilan birgalikda xavfsiz muhitni yaratish bo‘yicha mas’ullarga aniq topshiriqlar berdi.
Shundan so‘ng, tuman Agrobank Muborak filiali faoliyati o‘rganildi. Bu yerda xizmat olib borayotgan Qo‘riqlash bo‘limi xodimlarining tungi navbatchilik tartibi, shuningdek, bank binosining himoya tizimi va signalizatsiya vositalarining ishlash holati bilan tanishildi.
Polkovnik Abduvoxid Ismoilov tomonidan binoni qo‘riqlashda xavfsizlik choralarini yanada kuchaytirish, videokuzatuv kameralarining samarali ishlashini ta’minlash va favqulodda vaziyatlarda xodimlarning harakat algoritmini takomillashtirish bo‘yicha tegishli topshiriqlar berildi.
Shuningdek, o‘rganish jarayonida boshqarma boshlig‘i Muborak tumanidagi “Sariq” mahallasida tashkil etilgan huquq-tartibot maskani faoliyati bilan ham tanishdi.
U yerda mahalla yettiligi, profilaktika inspektori va jamoatchilik vakillari bilan uchrashib, tungi xizmatga jalb etilgan xodimlarning faoliyati o‘rganildi.
Mahalladagi kirish-chiqish joylariga o‘rnatilgan kuzatuv kameralarining sifati, ularning markaziy tizimga ulanganligi, shuningdek, jamoat joylarida o‘rnatilgan sos tugmalari va yoritish vositalarining samarali ishlashi ko‘zdan kechirildi.
Mahalla hududida fuqarolarning xavfsizligini ta’minlash borasidagi ijobiy natijalar e’tirof etilib, “Sariq” mahallasini “qizil” toifadan “sariq” va keyinchalik “yashil” toifaga o‘tkazish maqsadida qo‘shimcha choralar belgilandi hamda mahalla yettiligiga aniqlik kiritilgan vazifalar topshirildi.

Вилоят ИИБ бошлиғи туманнинг марказий қисмида жойлашган савдо мажмуасида бўлиб, бу ерда мавжуд видеокузатув камераларининг ишлаш ҳолатини кўздан кечирди. Савдо ҳудудида кечки пайтларда қўриқлаш хизматини кучайтириш, кузатув тизимини кенгайтириш, тадбиркорлар билан ҳамкорликни йўлга қўйиш ҳамда маҳалла фаоллари билан биргаликда хавфсиз муҳитни яратиш бўйича масъулларга аниқ топшириқлар берди.
Шундан сўнг, туман Агробанк Муборак филиали фаолияти ўрганилди. Бу ерда хизмат олиб бораётган Қўриқлаш бўлими ходимларининг тунги навбатчилик тартиби, шунингдек, банк биносининг ҳимоя тизими ва сигнализация воситаларининг ишлаш ҳолати билан танишилди.
Полковник Абдувохид Исмоилов томонидан бинони қўриқлашда хавфсизлик чораларини янада кучайтириш, видеокузатув камераларининг самарали ишлашини таъминлаш ва фавқулодда вазиятларда ходимларнинг ҳаракат алгоритмини такомиллаштириш бўйича тегишли топшириқлар берилди.
Шунингдек, ўрганиш жараёнида бошқарма бошлиғи Муборак туманидаги “Сариқ” маҳалласида ташкил этилган ҳуқуқ-тартибот маскани фаолияти билан ҳам танишди.
У ерда маҳалла еттилиги, профилактика инспектори ва жамоатчилик вакиллари билан учрашиб, тунги хизматга жалб этилган ходимларнинг фаолияти ўрганилди.
Маҳалладаги кириш-чиқиш жойларига ўрнатилган кузатув камераларининг сифати, уларнинг марказий тизимга уланганлиги, шунингдек, жамоат жойларида ўрнатилган сос тугмалари ва ёритиш воситаларининг самарали ишлаши кўздан кечирилди.
Маҳалла ҳудудида фуқароларнинг хавфсизлигини таъминлаш борасидаги ижобий натижалар эътироф этилиб, “Сариқ” маҳалласини “қизил” тоифадан “сариқ” ва кейинчалик “яшил” тоифага ўтказиш мақсадида қўшимча чоралар белгиланди ҳамда маҳалла еттилигига аниқлик киритилган вазифалар топширилди.