Tadbir Qashqadaryo viloyati sport boshqarmasi markaziy o‘yingohida IIV “Dinamo” jismoniy tarbiya va sport jamiyati viloyat kengashi hamda viloyat ichki ishlar boshqarmasi jismoniy va jangovar tayyorgarlik bo‘limi hamkorligida tashkil etildi.

Boshqarma rahbariyati boshchiligida bo‘lib o‘tgan mashg‘ulotlarda tarkibiy bo‘limlar va sohaviy xizmatlar xodimlari dastlab yugurib chiniqishdi. So‘ngra barchasi badantarbiya mashg‘ulotlarida faol qatnashdi.

“Qo‘l janggi” federatsiyasi viloyat bo‘limi mas’ullari tomonidan xodimlarga xizmat davomida yuzaga keladigan favqulodda vaziyatlarda, jumladan, qurolli jinoyatchini zararsizlantirish bo‘yicha amaliy mashqlar ko‘rsatildi.

Shuningdek, viloyat IIBda faoliyat yuritayotgan xotin-qizlar o‘rtasida ham sport mashg‘ulotlari tashkil etilib, ular nafaqat jismonan, balki ruhan ham chiniqdilar.

Mazkur sport mashg‘ulotlari natijasida xodimlarning ish unumdorligi oshib, jangovar shayligi yuksalmoqda. Mutaxassislar doimiy ravishda sport bilan shug‘ullanish inson salomatligi uchun muhim ekanini ta’kidlab, jismoniy mashqlar nafaqat chiniqtirish, balki ruhiy quvvat berishini ham qayd etishdi.

Тадбир Қашқадарё вилояти спорт бошқармаси марказий ўйингоҳида ИИВ “Динамо” жисмоний тарбия ва спорт жамияти вилоят кенгаши ҳамда вилоят ички ишлар бошқармаси жисмоний ва жанговар тайёргарлик бўлими ҳамкорлигида ташкил этилди.

Бошқарма раҳбарияти бошчилигида бўлиб ўтган машғулотларда таркибий бўлимлар ва соҳавий хизматлар ходимлари дастлаб югуриб чиниқишди. Сўнгра барчаси бадантарбия машғулотларида фаол қатнашди.

“Қўл жангги” федерацияси вилоят бўлими масъуллари томонидан ходимларга хизмат давомида юзага келадиган фавқулодда вазиятларда, жумладан, қуролли жиноятчини зарарсизлантириш бўйича амалий машқлар кўрсатилди.

Шунингдек, вилоят ИИБда фаолият юритаётган хотин-қизлар ўртасида ҳам спорт машғулотлари ташкил этилиб, улар нафақат жисмонан, балки руҳан ҳам чиниқдилар.

Мазкур спорт машғулотлари натижасида ходимларнинг иш унумдорлиги ошиб, жанговар шайлиги юксалмоқда. Мутахассислар доимий равишда спорт билан шуғулланиш инсон саломатлиги учун муҳим эканини таъкидлаб, жисмоний машқлар нафақат чиниқтириш, балки руҳий қувват беришини ҳам қайд этишди.

Qashqadaryo viloyati hududida harakat xavfsizligini ta’minlash, yo‘l-transport hodisalari, jinoyatchilikni oldini olish, jamoat tartibini saqlash, xavfsizligini ta’minlash, qidiruvdagi shaxslarni ushlash, ommaviy tadbirlarda barqarorlikni ta’minlash ishlarida faol qatnashib, o‘z vazifalariga vijdonan, sidqidildan yondashib, hamkasblariga o‘rnak bo‘lib kelayotgan bir guruh xodimlar taqdirlanib, ularning ota-onalariga minnatdorlik e’lon qilindi.

Қашқадарё вилояти ҳудудида ҳаракат хавфсизлигини таъминлаш, йўл-транспорт ҳодисалари, жиноятчиликни олдини олиш, жамоат тартибини сақлаш, хавфсизлигини таъминлаш, қидирувдаги шахсларни ушлаш, оммавий тадбирларда барқарорликни таъминлаш ишларида фаол қатнашиб, ўз вазифаларига виждонан, сидқидилдан ёндашиб, ҳамкасбларига ўрнак бўлиб келаётган бир гуруҳ ходимлар тақдирланиб, уларнинг ота-оналарига миннатдорлик эълон қилинди.

Koson tumanidagi 1-sonli bolalar va o‘smirlar sport maktabida tuman Ichki ishlar bo‘limi tomonidan “IIB kubogi” uchun voleybol musobaqalari tashkil etildi. Mazkur sport tadbirida tumandagi umumta’lim maktablari o‘quvchilaridan tuzilgan qizlar va o‘g‘il bolalar jamoalari o‘zaro kuch sinashdi.
Musobaqalar jarayoni murosoz, shijoatli va sport ruhiga boy muhitda kechdi. Ishtirokchilar o‘yin davomida jamoaviy harakat, o‘zaro hurmat va sport etikasi kabi fazilatlarni namoyon etdilar.
G‘olib jamoalar musobaqa yakunida “Koson tumani IIB kubogi”, diplom hamda qimmatbaho sovg‘alar bilan taqdirlandi.
Tadbirning asosiy maqsadi yoshlarni sportga jalb etish, ularning bo‘sh vaqtini mazmunli o‘tkazish hamda sog‘lom turmush tarzini targ‘ib qilishdan iboratdir.

Косон туманидаги 1-сонли болалар ва ўсмирлар спорт мактабида туман Ички ишлар бўлими томонидан “ИИБ кубоги” учун волейбол мусобақалари ташкил этилди. Мазкур спорт тадбирида тумандаги умумтаълим мактаблари ўқувчиларидан тузилган қизлар ва ўғил болалар жамоалари ўзаро куч синашди.
Мусобақалар жараёни муросоз, шижоатли ва спорт руҳига бой муҳитда кечди. Иштирокчилар ўйин давомида жамоавий ҳаракат, ўзаро ҳурмат ва спорт этикаси каби фазилатларни намоён этдилар.
Ғолиб жамоалар мусобақа якунида “Косон тумани ИИБ кубоги”, диплом ҳамда қимматбаҳо совғалар билан тақдирланди.
Тадбирнинг асосий мақсади ёшларни спортга жалб этиш, уларнинг бўш вақтини мазмунли ўтказиш ҳамда соғлом турмуш тарзини тарғиб қилишдан иборатдир.