Yig‘ilishda viloyat IIB boshlig‘i o‘rinbosari, tuman IIB shaxsiy tarkibi hamda ularning ota-onalari ishtirok etishdi. Kun tartibidagi masala yuzasidan so‘z olganlar tumanda amalga oshirilgan ishlar, erishilgan yutuqlar bilan birga yo‘l qo‘yilgan kamchiliklar va ularni bartaraf etish chora-tadbirlarni atroflicha muhokama etishdi.
Ichki ishlar organlari xodimlari tomonidan xizmat intizomi va qonunchilikka rioya etish, faoliyat davomida fuqarolar bilan muomala madaniyati, korrupsion va favqulodda holatlar sodir etilishini oldini olish borasida tegishli yo‘riqnoma va tavsiyalar berildi. Jarayonda tarbiyaviy-profilaktik, “xodimbay” ishlarni yanada kuchaytirish, shaxsiy tarkibning oila a’zolari bilan mustahkam aloqa o‘rnatish ko‘plab ko‘ngilsizlarni oldini olishga xizmat qilishi ta’kidlandi.
Bugungi kunda ichki ishlar organlari xodimlarini ijtimoiy himoyalash uchun uy va avtomashina olish, ta’mirlash, davolanish hamda boshqa yo‘nalishlarda berilayotgan imkoniyatlar tushuntirildi.
Tadbirda o‘z xizmat vazifasiga vijdonan va sidqidildan yondoshib, zimmasidagi vazifalarni bekamu ko‘st bajarib, fuqarolarda ichki ishlar organlariga bo‘lgan ishonchni mustahkamlashga qo‘shgan hissasi uchun bir guruh xodimlar va ularning oila a’zolari qimmatbaho sovg‘alar bilan taqdirlandi.

Йиғилишда вилоят ИИБ бошлиғи ўринбосари, туман ИИБ шахсий таркиби ҳамда уларнинг ота-оналари иштирок этишди.
Кун тартибидаги масала юзасидан сўз олганлар туманда амалга оширилган ишлар, эришилган ютуқлар билан бирга йўл қўйилган камчиликлар ва уларни бартараф этиш чора-тадбирларни атрофлича муҳокама этишди.
Ички ишлар органлари ходимлари томонидан хизмат интизоми ва қонунчиликка риоя этиш, фаолият давомида фуқаролар билан муомала маданияти, коррупцион ва фавқулодда ҳолатлар содир этилишини олдини олиш борасида тегишли йўриқнома ва тавсиялар берилди. Жараёнда тарбиявий-профилактик, “ходимбай” ишларни янада кучайтириш, шахсий таркибнинг оила аъзолари билан мустаҳкам алоқа ўрнатиш кўплаб кўнгилсизларни олдини олишга хизмат қилиши таъкидланди.
Бугунги кунда ички ишлар органлари ходимларини ижтимоий ҳимоялаш учун уй ва автомашина олиш, таъмирлаш, даволаниш ҳамда бошқа йўналишларда берилаётган имкониятлар тушунтирилди.
Тадбирда ўз хизмат вазифасига виждонан ва сидқидилдан ёндошиб, зиммасидаги вазифаларни бекаму кўст бажариб, фуқароларда ички ишлар органларига бўлган ишончни мустаҳкамлашга қўшган ҳиссаси учун бир гуруҳ ходимлар ва уларнинг оила аъзолари қимматбаҳо совғалар билан тақдирланди.

O‘rganishlar jarayoni viloyatni bog‘lovchi “Mingchinor” YPX postidan boshlandi. Polkovnik Abduvoxid Ismoilov bu yerda xizmatga jalb qilingan xodimlar bilan muloqot o‘tkazib, ularning kundalik faoliyati, yaratilgan sharoitlar va xizmat intizomi bilan tanishdi. Xizmat samaradorligini oshirish, transport vositalarini to‘xtatish tartibini qat’iy rioya qilish, shuningdek, haydovchi va yo‘lovchilarga nisbatan odob-axloq me’yorlariga amal qilish bo‘yicha mas’ullarga tegishli topshiriqlar berdi.
Shuningdek, boshqarma boshlig‘i Agrobank Kitob filiali faoliyatini o‘rganib, bu yerda xizmat olib borayotgan qo‘riqlash bo‘limi xodimlarining tungi navbatchilik tartibi, bank binosining himoya tizimi, signalizatsiya vositalari va videokuzatuv kameralarining ishlash holatini ko‘zdan kechirdi. Bank binosini qo‘riqlashda xavfsizlik choralarini kuchaytirish, texnik vositalarning uzluksiz ishlashini ta’minlash, favqulodda vaziyatlarda xodimlarning harakat algoritmini takomillashtirish bo‘yicha aniq topshiriqlar berildi.
O‘rganishlar davomida viloyat IIB boshlig‘i Guliston MFY hududida bo‘lib, tungi xizmatga jalb qilingan xodimlar faoliyati bilan tanishdi. Mahalla profilaktika inspektori, qo‘riqlash bo‘limi xodimlari hamda jamoatchilik vakillari bilan uchrashuv o‘tkazildi. Polkovnik Ismoilov mahallada videokuzatuv tizimini kengaytirish, tungi navbatchilikni kuchaytirish, profilaktika tadbirlarini muntazam olib borish bo‘yicha tegishli ko‘rsatmalar berdi.
Shuningdek, boshqarma boshlig‘i Paxtaobod MFY hududidagi “Huquq-tartibot maskani”da bo‘lib, mahalla yettiligi, jamoatchilik faollari hamda tungi xizmat xodimlari bilan uchrashdi. Tadbir davomida mahalla profilaktika inspektori tomonidan amalga oshirilayotgan ishlar yuzasidan taqdimot o‘tkazildi. Mahalla hududida huquqbuzarliklarning oldini olish, yoshlarni sog‘lom muhitda tarbiyalash, ularni bo‘sh vaqtlarini mazmunli o‘tkazishga yo‘naltirish hamda jinoyatchilikka qarshi kurashish borasida amalga oshirilayotgan ishlar muhokama qilindi.

Ўрганишлар жараёни вилоятни боғловчи “Мингчинор” ЙПХ постидан бошланди. Полковник Абдувохид Исмоилов бу ерда хизматга жалб қилинган ходимлар билан мулоқот ўтказиб, уларнинг кундалик фаолияти, яратилган шароитлар ва хизмат интизоми билан танишди. Хизмат самарадорлигини ошириш, транспорт воситаларини тўхтатиш тартибини қатъий риоя қилиш, шунингдек, ҳайдовчи ва йўловчиларга нисбатан одоб-ахлоқ меъёрларига амал қилиш бўйича масъулларга тегишли топшириқлар берди.
Шунингдек, бошқарма бошлиғи Агробанк Китоб филиали фаолиятини ўрганиб, бу ерда хизмат олиб бораётган қўриқлаш бўлими ходимларининг тунги навбатчилик тартиби, банк биносининг ҳимоя тизими, сигнализация воситалари ва видеокузатув камераларининг ишлаш ҳолатини кўздан кечирди. Банк биносини қўриқлашда хавфсизлик чораларини кучайтириш, техник воситаларнинг узлуксиз ишлашини таъминлаш, фавқулодда вазиятларда ходимларнинг ҳаракат алгоритмини такомиллаштириш бўйича аниқ топшириқлар берилди.
Ўрганишлар давомида вилоят ИИБ бошлиғи Гулистон МФЙ ҳудудида бўлиб, тунги хизматга жалб қилинган ходимлар фаолияти билан танишди. Маҳалла профилактика инспектори, қўриқлаш бўлими ходимлари ҳамда жамоатчилик вакиллари билан учрашув ўтказилди. Полковник Исмоилов маҳаллада видеокузатув тизимини кенгайтириш, тунги навбатчиликни кучайтириш, профилактика тадбирларини мунтазам олиб бориш бўйича тегишли кўрсатмалар берди.
Шунингдек, бошқарма бошлиғи Пахтаобод МФЙ ҳудудидаги “Ҳуқуқ-тартибот маскани”да бўлиб, маҳалла еттилиги, жамоатчилик фаоллари ҳамда тунги хизмат ходимлари билан учрашди. Тадбир давомида маҳалла профилактика инспектори томонидан амалга оширилаётган ишлар юзасидан тақдимот ўтказилди. Маҳалла ҳудудида ҳуқуқбузарликларнинг олдини олиш, ёшларни соғлом муҳитда тарбиялаш, уларни бўш вақтларини мазмунли ўтказишга йўналтириш ҳамда жиноятчиликка қарши курашиш борасида амалга оширилаётган ишлар муҳокама қилинди.