Dastlab, polkovnik Abduvoxid Ismoilov Koson tumani IIBda bo‘lib, tungi xizmatga jalb qilingan xodimlar bilan xizmat oldi yo‘riqnomasini o‘tkazdi. Unda jamoat tartibini saqlash, fuqarolarning tinchligi va osoyishtaligini ta’minlash, xizmat intizomiga qat’iy amal qilish, xizmat vaqtida hushyorlik va mas’uliyatni oshirish masalalari muhokama qilindi.
Shundan so‘ng, boshqarma boshlig‘i Do‘stlik mahalla fuqarolar yig‘inida bo‘lib, mahalla yettiligi faoliyati, yaratilgan sharoitlar va mavjud kamchiliklar yuzasidan tanishdi. Polkovnik Ismoilov mahalla hududidagi ko‘p qavatli uylar atrofi yoritilishi, hududlarning kameralar bilan jihozlanishi va qo‘riqlov tizimini kuchaytirish bo‘yicha mutasaddilarga tegishli topshiriqlar berdi.
O‘rganish davomida boshqarma boshlig‘i mahalladagi savdo markazlari, choyxonalar va aholi ko‘p to‘planadigan joylarda bo‘lib, bu maskanlarda xavfsizlik va tartibni ta’minlash choralari bilan tanishdi. U yerda tungi paytda xizmat olib borayotgan xodimlar faoliyatini ham ko‘zdan kechirib, fuqarolarning osoyishtaligi, jamoat joylarida profilaktik nazoratni kuchaytirish, favqulodda vaziyatlarda tezkor harakat qilish yuzasidan ko‘rsatmalar berdi.
Shuningdek, mahallaga biriktirilgan tungi xizmat xodimlari faoliyati o‘rganilib, ularga jinoyatchilik va huquqbuzarliklarning oldini olish, aholining huquqiy ongini yuksaltirish hamda jamoat tartibini mustahkamlash bo‘yicha aniq topshiriqlar berildi.
Xulosa o‘rnida, polkovnik Abduvoxid Ismoilov xizmat intizomini mustahkamlash, mahalla darajasida xavfsizlikni ta’minlash, profilaktik ishlarni tizimli olib borish zarurligini ta’kidladi.

Дастлаб, полковник Абдувохид Исмоилов Косон тумани ИИБда бўлиб, тунги хизматга жалб қилинган ходимлар билан хизмат олди йўриқномасини ўтказди. Унда жамоат тартибини сақлаш, фуқароларнинг тинчлиги ва осойишталигини таъминлаш, хизмат интизомига қатъий амал қилиш, хизмат вақтида ҳушёрлик ва масъулиятни ошириш масалалари муҳокама қилинди.
Шундан сўнг, бошқарма бошлиғи Дўстлик маҳалла фуқаролар йиғинида бўлиб, маҳалла еттилиги фаолияти, яратилган шароитлар ва мавжуд камчиликлар юзасидан танишди. Полковник Исмоилов маҳалла ҳудудидаги кўп қаватли уйлар атрофи ёритилиши, ҳудудларнинг камералар билан жиҳозланиши ва қўриқлов тизимини кучайтириш бўйича мутасаддиларга тегишли топшириқлар берди.
Ўрганиш давомида бошқарма бошлиғи маҳалладаги савдо марказлари, чойхоналар ва аҳоли кўп тўпланадиган жойларда бўлиб, бу масканларда хавфсизлик ва тартибни таъминлаш чоралари билан танишди. У ерда тунги пайтда хизмат олиб бораётган ходимлар фаолиятини ҳам кўздан кечириб, фуқароларнинг осойишталиги, жамоат жойларида профилактик назоратни кучайтириш, фавқулодда вазиятларда тезкор ҳаракат қилиш юзасидан кўрсатмалар берди.
Шунингдек, маҳаллага бириктирилган тунги хизмат ходимлари фаолияти ўрганилиб, уларга жиноятчилик ва ҳуқуқбузарликларнинг олдини олиш, аҳолининг ҳуқуқий онгини юксалтириш ҳамда жамоат тартибини мустаҳкамлаш бўйича аниқ топшириқлар берилди.
Хулоса ўрнида, полковник Абдувохид Исмоилов хизмат интизомини мустаҳкамлаш, маҳалла даражасида хавфсизликни таъминлаш, профилактик ишларни тизимли олиб бориш зарурлигини таъкидлади.