‏" عشان أشوف فراقنا همّ وإنزاح
‏أبي عقل ثاني وخفّاق ثاني

‏بـ أحط نفسي في مكانك وبأرتاح
‏تعبت وأنا أحط نفسي مكاني"

‏-تعجبني الرقه البالغه في جملة "ماورانا شي"
‏ذكرتني ببيت بدر بن بندر :

‏ قال مالك بالطويله قلت لا بالله طوّل
‏أنا عند الوجه هذا ،مالي إلاّ بالطويله.

ما يوجع الشّجْرة قسى ضربة الفاس
أكبر وجعها إن العصا من خشبها

‏أنا كنت احسب إن راحة العبد فيما اختار
‏واثر خيرة المولى لعبده مسنّعته.

‏ليا منا لقينا كل بابٍ للأمل مسدود
‏طرقنا باب ربٍ ما عليه أقفال وحراسة .

‏فهد بن سهل :

‏وش المانع أحبك وأحبك بدون أسباب
‏ماعندي سبب مادامك أنت أجمل أسبابي

‏غلبت الهوى فتره لكن الهوى .. غلاّب
‏لحقني ووقف في طريقي وانا مابي

‏يا الله 👏🏻👏🏻

‏دايم المنّة ليا جات من عقب معروف
‏لا غدا مكسب جمالة ولا دفعة بلا

‏- صالح النشيرا

‏غيابك عالي السكوت..

‏كيف ننعاه؟ بكلماته؟ لخبر مثل موته تخسر الكلمات معركتها، وينتصر السكوت.
‏اللهم اغفر للبدر وارحمه واسكنه فسيح جناتك

‏- مَكّن الشاعر جمال بندر رغبتنا يوم قال؛
‏"ليت طعنات المقادير برماح و سيوف
‏ودّي إن الطعن مَلموس ماهو معنوي".

- دعوة اليوم: "ليا انحرف قلبي عن الحق ردَّه"

الوعد لا وقفنا .. يوم عرض الصحايف
واحدٍ في ظلال ، وواحدٍ في مليله !

كل كلمه بلعنا شرّها بالكلايف
جعلها بالصحايف عند ربي ثقيله

- بشاير المقبل رحمة الله عليها..

‎دعوة الليلة:"عسى كل ماجتنا هموم الزمان أفواج / تحوّل علينا رحمة الله .. وتنقذنا"

"شفت لو توصل من الشوق لحدود السحاب"؟

‏أكثر مشاريه الشجر عليك يا فصل الخريف
‏هتكت ستر غصونها وأسرفت في كلّافها
‏-محمد ابن الذيب

يا المستريحه فوق غصنٍ ضما لك
‏صبي غلاك كبود الاغصان يبّاس

‏لدّي عليه .. و طوقيه بْـ زلالك
‏اللي حنى لك يوم مريتي .. الراس

‏اعطيه من داخلك حلوٍ صفا لك
‏و إخذي من اوراقه ليا جيتي احساس

‏غصنٍ خياله .. كم تمنى خيالك
‏يوم الهجير يشيل في راحته فأس

‏وقفّ على رجوى تجين و وفا لك
‏( لو قد لحقه بـ رجوته فيك خناس )

‏"لا شيء غير هذا الانتظار، هذا العجز الأبدي"
-كافكا

‏يا عظيمه كل شيً له حدود و له نهايه
‏لكن انتي ما وقفتي عند حدك يا عظيـمه.

‏«اطرده ماكن غيره على الدنيا عديد
‏كني اطرد من ورا ارزاقي وْ رزق ولدي».
‏- نوف العثمان