هوسات بمناسبة ولادة الامام الحسن المجتبى
حسينية شباب الزهراء البصرة الزبير طريق ١٧

دعاء 🤲 يوم ٢٠ شهر رمضان المبارك اعادة الله علينا وعليكم بالخير والعافية

من الفجر حد الفجر .. ما توگف ادموعك
يومية خيل امعصبّة .. تركض عله اضلوعك
مستحية الشلونك .. اسم الله عله اعيونك
يا بوصالح .. يا بوصالح
=============

الشاعر
علي هادي الخزعلي


اداء
الخادم غازي الساعدي

#سالفتنه_اليوم

اكو واحد يكول
عندي صديچ نائب ضابط يسكن الارياف تعرفت عليه بالعسكرية مواليد 1954 ،
يگول : احنه اربعة اخوه اخونه الچبير اسمه شمخي زلمه معدل وهو بمثابة ابونه وهو القائم بأمورنه يگول : تمرض شمخي وراح الرحمة الله ، فأنتقلت زعامة العائلة لخوي الثاني اسمه جابر
طبعا بلهجة اهل الجنوب اسمه ( يابر)


تابعونا من على قناة خدام العقيلة

شنو هذا الحقد ما ادري شمسوين
لان جـدهم مـحـمـد وصـى بـيـهـم
شـنهـي المشكلة لو طـافت الـزوار
تــوصــل للـبــقـيـع اتـمـر عـلـيـهـم
منـعـتـوا الــوادم بـأمـر السـلاطـين
حــرفـتـو الـحجـي بـغض لحجيهم
هـدوهـا الـقـبـور بـحـقد ال سـعـود
عسـاها انـكـسـرت انـشـلـت أديـهـم
#قلم_غازي_الساعدي

#للبقيع

*يايوم مهدينه__بيده يبني الصحن*


يا يوم يظــهر راعي الثار
يبــــرد گلبنه الملتهب نار
ولرض البقيع انروح ثوار
نبني قبب لگبـور الاطهار

نبــنيها انعلــــيها كل المــنارات
وتتزاحم شيعتنه تأدي الزيارت
ونسمع مواكبنه .. للخدامه اطلعن
*يايوم مهدينه .. بيده يبني الصحن*


..  الخادم
كامل السعيدي

#الخادم_غازي_الساعدي

لسان الامام الحسين عليه السلام بحق علي الاكبر


مايرحم مغيبك      ولايحمل حبيبك
لو هلمره رديت      يادعوه التجيبك

اسراء سلمان الحمزاوي


#الخادم_غازي_الساعدي

*حال محب الامام الحسين ع يعقد نية الزيارة* لحن اسمع عتابي♪
زاير الك جاي~ اقبلني مولاي
بيوم اربعينك~ متعني مشّاي

افتح لي بابك~ أشتم ترابك
واقرا الزياره ~ وابچي مصابك

اسعى واطوفك ~وحجي بطفوفك
اقسم يا مولاي~ لا ما أعوفك

بهاي الزياره ~ رايد بشاره
تكتبني خادم ~ أحلى عباره

ببابك طلبتي~ وتجري دمعتي
تحضرني يا حسين ~ بظلمة حفرتي

تشفعي إليه~ يابن الزچيه
وتحضرني يا حسين ~ يوم المنيه

*حاشاك سيدي ان تترك محبيك وخدامك ومواليك والباكين عليك. وزائريك ستحضرنا في قبرنا وحشرنا يا حسين*
عهد وتجيني~ وتمسح جبيني
ساعة مماتي ~ وانت ترويني

وقبري بحضورك~
ينوّر بنورك
وتحضرني زاير~ مثل ما ازورك
حسين
خادمة آل محمد✍🏻

مقدمه للعليلة ١٤٤٧ هـــــــــــ

ابعثلك سلام •••• وي طير الحمام
بويه يحسين ••••• بويه يحسين 
«» •»«•»«•»«•»«•»«•»«•»«•»«


بويه دزيت الحمامة وگلبي مشتاگ
والرساله بيها دمـعـة وتحمل اشواگ
من مشيت الدنيا خنگه والنفس ضاگ
روحـي عـذبها الـبعـد عـذبـها الفراگ

يا سيد الانام •••• ابعثلك سلام
بويه يحسين ••••  بويه يحسين
٭«•»«•»«•»«•»«•»«•»«•»«•»«•»«•»٭

عيني مشبوح لدربكم انطر جواب
اسأل الراح واجه ما شفت الاحباب
خبر منكم ما أجاني وعيني عالباب
بويه كل ساعة يفززني الهوى الهاب

يا ابن الكرام•••• ابعثلك سلام
بويه يحسين ••••  بويه يحسين
٭«•»«•»«•»«•»«•»«•»«•»«•»«•»«•»٭
بابا حتى الطير ظل يبجي عله حالي
شـحـت اخـبـارك عـلـيه رد سؤالي
يملي عطرك بيتي بس هوه البقالي
بـعـد عـيـنك ماشـفت عـزي ودلالي

والدنيا ظلام •••• ابعثلك سلام
بويه يحسين ••••  بويه يحسين

٭«•»«•»«•»«•»«•»«•»«•»«•»«•»«•»٭
ساعة ساعة الليل احسبه وانا اتاني
انـتـظـر رد الـرسـالة بـكـل امـانـي
وبدلـيلـي سـهـم هـجـر صـوبـانـي
والـزمــــن ويـاي قـاسـي عـذبانـي 

محرومه المنام •••• ابعثلك سلام
بويه يحسين ••••  بويه يحسين
٭«•»«•»«•»«•»«•»«•»«•»«•»«•»«•»٭

ايسـت منـك يـبوية وماكو رجعه
عيـوني عذبـها السهر وياها دمعه
لا خـبر مـنكم اجاني فـرد گـطعه 
عـددت وام البـنيـن بـشجن تنعه

هذا اخر كلام •••• ابعثلك سلام
بويه يحسين ••••  بويه يحسين


الخادم غازي الساعدي

مــــــــــــحـــــــ١٤٤٦ـــــــــرم
وداع زينب عليها السلام اخيها الحسين ليلة الحادي عشر

ودعتك بليل ورحت •• بين الجثث وتعثرت
امشي ودمعتي عله الخد
وجـروحــــــــك الما تنعد
ودعتك بليل ورحت •• ودعتك بليل
٭«»«» •»«»«» •»«»«» •»«»«» ٭

ظـلـمه جيتك للمعارة وجـدمـي دامي
حيل محتامه ارد اشوفك گلبي ضامي
وحدي بــــــس انه البقيت بلا محامي
زلـم مـا ظـلـت تـره فـرغـت خـيـامـي

بس العليل بخيمتي •• يصبرني وانه بمحنتي
سور الصبر مني نهد
وجروحك الما تنعد 
ودعتك بليل ورحت •• ودعتك بليل
٭«»«» •»«»«» •»«»«» •»«»«» ٭
رجـلي مـا تـنگلـني يا بـعـد المسافة 
مـا عـرفتك ويـن طـايـح يا حسافة 
بعالي صوتي حسين اصيحن منهو شافه
ودري بيه العـطـش فـطـرله شـفافه

يا خويه اذاك العطش •• ماينحمل ليل أهدعش
جمرة بگلب مـا تبرد
وجـروحـك الما تنعد
ودعتك بليل ورحت •• ودعتك بليل
٭«»«» •»«»«» •»«»«» •»«»«» ٭
وين اخوي حسين عني ضاع صيته
والـفكـد كـل العـشيـرة نـهـجم بيته
خويه شفت وليدي عالغبره وجزيته
اه مـن كـثـر المـصايب هـم نـسيـته

اتعثر بعون وكمت •• عفته بمكانه وكملت
والـحـيـل بيـمـن يـنـشد
وجــروحـك الـمـا تنـعد
ودعتك بليل ورحت •• ودعتك بليل
٭«»«» •»«»«» •»«»«» •»«»«» ٭
دوست الخيل عله صدرك ألمتني
وحزت السيف عله نحرك عذبتني
شلون اصبر ما اشـوفـك يالعفتني
جـروحك تـهـد الــرواسي شيبتني

الف وتسع ميه جرح • مابين طعنات الرمح
ماضن يخويه  تضـمد 
وجـروحـك الـما تنعد
ودعتك بليل ورحت •• ودعتك بليل
٭«»«» •»«»«» •»«»«» •»«»«» ٭
من وصلت وطحت يمك ما عرفتك
سـابح بـدمـك يخويه حـيـن شفتك
كـوم حـاجيني يخـويه ماني اختك
عليك مـا تبرد تـره وتـطفى جمرتك

للخيمه خويه من رجعت • عالحاله حيل تأثرت
كسرتنه ابد ماتنسد
وجروحك الما تنعد
ودعتك بليل ورحت •ودعتك بليل
٭«»«» •»«»«» •»«»«» •»«»«» ٭
الخادم غازي الساعدي

ميلاد الرضا

اليوم ميلاد الرضا
اليوم ميلاد الرضا
★★★★★
اليوم مولد نور من حامي الحمه
بفضل ماينقاس من رب السمه
كهف للمحتار يوم الموزمه
مولده الميمون يوم الغانمه
اليوم ميلاد الرضا
اليوم ميلاد الرضا
★★★★★
اليوم ميلاد المكارم والقيم
بفضل ربنا صاحب المن والنعم
اليوم  هو المهم عدنه والأهم
مولد الخير ومنابع للكرم
اليوم ميلاد الرضا
اليوم ميلاد الرضا
★★★★★
اليوم ميلاد المعارف والفكر
اليوم شع الگمر من نور البدر
النهار اتلاگه  بانسام الفجر
حبه خير ونعمه للروح وأجر
اليوم ميلاد الرضا
البوم ميلاد الرضا
★★★★★
هله ابجية الخير يامية هله
العيد ميلاده ابفرح نستقبله
مبتهج هلكون هذا بأكمله
الروح والانفاس فدوه اتروح إله
اليوم ميلاد الرضا
اليوم ميلاد الرضا
★★★★★
ياسليل الجود من أطهر نسب
تفتخر بيك الاعاجم والعرب
لؤلؤ وياقوت يادر يا ذهب
حبك بمحضر ضمايرنه انكتب
اليوم ميلاد الرضا
اليوم ميلاد الرضا

الشاعر حسن لعيبي الحريشاوي