يا صبح صبح علينا دام طبعك صبوح
صبح مثل وجه فزاع الكريم إن دنا

أذوب لاشفت الجمال الكايف
ياقلب لاتفرح بضعف إيماني

ولا يعجبك بعض الجمال الزايف
يمكن قبيح وجمّله شيطاني

خلك على عهدي عفيف ونايف
لايجرفك حسن الحياة الفاني

وأشكرني يوم تنشر الصحايف
لاشفت من يتبع هواه يعاني

خالد السبيعي

لو العمر بين تسبيحه وتهليله
‏كنا قضينا الثواني نجني أسعدها

‏نقزّر العمر ميله من ورا ميله
‏ولطايف الله فينا مانعددها

‏يا الله تغفر ذنوب عبادك الليله
‏حتى بياض الصحايف يغلب اسودها

يا واحدً لو هربنا منه بنجي له
نتوب والنفس لازلنا نجاهدها

يارب ترزق ضعوفً مالهم حيله
أحوالهم جار فيها الفقر واجهدها

وأرزقني وأنت الجواد الواسع اللي له
الملك حتى الملوك وماملكت يدها

‏⁧خالد عبدالرحمن السبيعي⁩

العمر صفحة والأيام في الصفحة حريق
‏كل ليلة يحترق جزء وأنتوا غافلين

‏ أركبوا في مركب الدين ، من ينزل غريق
‏وألزموا درب الهداية عساكم سالمين

‏و وسعوا الكف السخيه ترى فالقبر ضيق
‏كل من ماتوا على الشح عادوا نادمين

المقطع ساده علشان ياخذون راحتهم المصممين
بعد يومين بنزل المقطع بعد التصميم هنا ترقبوه

يا سدير يا أهل النظر لبعيد
شوف القمر فالصباح أجمل

أنتوا تحروا هلال العيد
وأنا اتحرى البدر يكمل

يازين في العيد سيد الغيد
حرير يلبس من المخمل

كل ماجاء يوم عيد ينقلب قلبي طفل
لأصبح بثوبً جديد ،، ينتظر عيديته

يا محبين القصيد جيت معكم بحتفل
قلبي الطفل السعيد ،، وينها هديته

خالد عبدالرحمن السبيعي

الثلج

شقول يا أهل الهوى شقول
هذا نصيبي من الخلان

بحور الفكر

رسالة تحت باب الناس