محاوره بين ابو فاضل والعقيله. ع

ما ودعتني من رحت ارجعلي ياعباس
ماني اختك بگلبي اتعرف ياسيد الاحساس

+++++++++
صوتك سمعته من صحت ادركني خويه حسين
ظهره انحنه اگبالي وعثر چا گتله رايح وين
شيوصلك حد النهر وانته بدموع العين

هلبت جرح عنده ويجي ونضمده جرح الراس

++++++++
چلمة تعال اتكررت واعذرني عالتجريح
لو باقي بانفاسك نفس راجع يزينب صيح
اتوچه وانهض عالسهم واگبالي اوصل طيح

بحضاني يالغالي ردت تلفظ اخير انفاس

++++++++++
زينب سمعته للنهر صوته وصل مبچاچ
نفرض اجي ماعندي چف واتحاضن بملگاچ
ودعتچ الله انه رحت يازينب الله وياچ

خويه البگه براسچ وگع عالگاع ابو النوماس

+++++++++
يالغالي اعرف غيبتك ناتجها ليگدام
اسحبته ثوبك من قبل لاتحترگ لخيام
مديته واگباله اگعدت يشبگني ثوبك گام

حاچاني ثوبك عالخدر كلشي ولاينجاس

+++++++++
امسحها بيمن شيلتچ ماباقي عندي چفوف
وشلون اشوفچ والسهم من عيني ماخذ شوف
جودي تبده اعله الارض يمي العلم ملفوف

يرثى يخيتي الحالتي من هالخبر تنقاس

+++++++++++
لو حته عن اختك غبت چلمة بخت تنگال
لا مثلي تلگالك اخت لا مثلك الگه ارجال
عگبك اروح اميسره تنشد بديه احبال

لو ناشدو وين الكفل خدرچ شگل للناس


ثائر الربيعي

العباس عليه السلام

مامتعوده اصيح وابقى اتاني
چنت الگاك والخويه بلساني

    من صحتك وما جيت اليه
    منها اعرفت روحي سبيه
عباس عباس
****
من شفت مابيك جيه لملمت حيلي ومشيت
رغم كلشي الصار عگبك  مامتت عدله بقيت
جيت بس شلون جيه عفت الايتام واجيت
اچبير عمري وگوه امشي وعنك  اشكد دوريت

يمي انته واناشد خويه وينك
عطرك هذا شميته وحنينك

    من زحف كل جسمك عليه
منها اعرفت روحي سبيه
عباس عباس
   
**
امن التقينه صدمه چانت حالنه مو خوش حال
انته اخوي وانتي اختي؟اثنينه نفس السؤال
ابيتنه وما امشي دونك ووحدي هسه ويم رجال
ماگمتلي من اجيتك ضال نايم  عـالرمال

لو ماتدري خويه  بالجرالي
زينبكم وحيده ابغير والي
    
من اشبچت عالتل اديه
منها اعرفت روحي سبيه
عباس عباس
    

****
من رجعلي حسين منك عله اشفافه دم اديك
گتله وينه وگلي طايح .. ياكل بروحه عليك
الخيمه من طاحت سكينه للنهر رادت تجيك
والطفل بيمن تسكته جانت اتلوليله بيك

شيسكت رباب العالي ونها
لا انته البقيت اولا ابنها

     من انكسر خاطر رقيه
منها اعرفت روحي سبيه
عباس عباس
   
     +++++
مدوهنه وعيني تدورك وكلشي ضل حولي يدور
بس حرم ماعدنا والي وانه اعرفنك غيور
بچم اسم صحناك الحگ نار بخيمنه تدور
وحده عمي ووحده خويه وكل اسم صحناه بطور

لو تدري شگثر بالحومه صحنه
ميت ندري بس للنهر رحنه

     من اركضت بالغاضريه
منها اعرفت روحي سبيه
عباس عباس
     
**+++++++
هاك شوف اچفوف اديه سوده من اخيامي هاي
نار واللهبه ابوجهنه بيش تطفه وماكو ماي
اركضنه من خيمه لخيمه والحرم تركض وراي
اسمع اسمك يابو فاضل والتفت حسبالي جاي

الصاح اسمك شمر والضربه اجتني
اذّاني بكلامه قبل متني
   
من صاحني يالهاشميه
منها اعرفت روحي سبيه
عباس عباس
   
     ++++++++
هسه اجيت اگعد بفيك حرگ كلبي  هالضلام
الليل ماساترنه دونك وتدري ماعدنا خيام
يمك الچانت اميره هسه اميره  بالكلام
طلبه لو بس ساعه تگعد عيني خل ساعه تنام

باچر عالهزل سفره طويله
حيل ايريد وانه امنيلي حيله

     من گمت اتمنى المنيه
منها اعرفت روحي سبيه
عباس عباس

علي الربيعي

الدفن

تدفني وحدك جاي.چا زينب وين
اتوسد نحري اعله الگاع.وين الخدين
طمني الراس شلونه
فاتحهن بعده اعيونه
وين الخدين
++++++++++
مني اشباقي وجيت اتدفنه
بين السلبوهن والضاع
بس اسمي واثار اجروحي
وباقي اشويه امن الاضلاع
اتمنيتك لو جايب زيب
وياك اتلمني امن الگاع
واشتم عطر الخوه ابچفها
ويخلص دفني بساع بساع

مشتاگتلي ومشتاگ.تحضرني اليوم
يم جسمي ساعه زمان.تگعد وتگوم

المسبي ومضروبه امتونه
فاتحهن بعده اعيونه
وين الخدين
++++++++
كل مييت خوانه اتحضره
هيچ الوارد عند الناس
صح ناشف دم البعروگي
بس باقي بشرياني احساس
عطشان الچلمة ياخويه
واليحچيها امفرع الراس
روح العمك جيب اچفوفه
وهيل اترابي ابچف عباس

ما تعبك بالتشييع.اولا تعب اچتاف
وحدك تحملني بساع.اوصالي اخفاف
جسمي اشويه اتلمونه
فاتحهن بعده اعيونه
وين الخدين
++++++++
والحفره اشتلچم بجروحي
ملچومات جروحي اهواي
للقبله اشلون اتوجهني
انطبگت يسراي ويمناي
لا خد يتوسد عالغبره
شتمدد متهشمه اعضاي
عن صدري بس شيل اسهامه
من تدفن عبد الله وياي

من گتلك يالسجاد ادفني وروح
واسمعتك من ونيت ونت مجروح
گتلي المثلي ايضربونه
فاتحهن بعده اعيونه
وين الخدين
++++++++++
لا تسئلني شلون ايتامك
او وضع الراس برمحه شلون
ما فارگ عين ابنياته
ليهسه امفتّح لعيون
يتلافت كل ساع الزينب
لو جوها بسوط ايضربون
من ارجع شيقنّع سكنه
تسمع والدها المدفون

تنظر بعدك موجود.برمحك مرفوع
واشدافن منه اتگول.دافن لضلوع
المثلك ياهو ايدفنونه
فاتحهن بعده اعيونه
وين الخدين
++++++++
مشغوله ام عون اعله اغيابي
راح ارجع والمحنه اتزود
من تعرف من دفنك راجع
ومن تسئل عن راعي الجود
مو كل عباسچ واريته
من عنده ادفنت الموجود
احچيلچ عالصار بحاله
يم گبره امن الشام انعود

والدافن مثلي احباب. وابلا تغسيل
حيل ايريد المبچاه وشضل بالحيل
ابنك يتغير لونه
فاتحهن بعده اعيونه
وين الخدين

ثائر الربيعي

الدفن

ماحچت بس اشرتلي ابأيدها
تريد اسألك عمه عن اوليدها
++++++++
صوت ماعدها الحچي من عدها غاب
هاي ثلث ايام ماتحچي الرباب
گاعده اتلولي الحضنها بالتراب
اتشيل اديها انوب تحضن جيدها
++++++++
بالبالخرابه چي سگف بيها اعله هاي
اتكترت ماترضه تگعد بالفياي
اشرتلي اتگول شرب ابني ماي
لو بعد جثته العذب شيفيدها
++++++++++
اتگول وين ادفنته چا عبد الله وين
الهسه ملفوفات بگماطه الادين
وحده دافن ابني لو وي الحسين
الگبر وحشه اعله ابني ايزيدها
++++++++++
نـام ابـنـها بالتراب الغالي نـام
فوگ صدر حسين مابين السهام
شالهن ذرعانه وافهمت الكلام
من بچه عبد الله امه ايريدها
++++++++++
ويه ابوه حسين وبنفس الحصير
حته جسم حسين هم صاير زغير
ما اميز بين الاول والاخير
لا تسايلني وبعد ماعيدها
++++++++
عمه من عبد الله مگطوع النصيب
خل تبطل من دللول الحبيب
الراح مايرجع ولا حته النحيب
ايرد اهلنه هناك سكنت بيدها

ثائر الربيعي

تعالي يـ ام حسن يمُه تعالي
شسوه الشام بيه شوفي حالي
****
ديره الشام بس مو خوش ديره
ناس اتعيل ناس ابلايه غيره
تستهضمه حتى المو اميره
وانه ام الخدر طبيته اسيره

دخلته وانه بچفوفي حبالي
شسوه الشام بيه شوفي حالي

**
دخلته وانه ضعن ايتام وياي
وايبشر الرايح صار بالجاي
والتمت علينه الوادم اهواي
الم روحي وطبگت بصدري مگفاي

بهاي الگاع مالايگ خيالي
شسوه الشام بيه شوفي حالي
****
مشينه امچتفات ابين البيوت
منه ما طلع  لا نفسَ لاصوت
مجبوره امشي  گوه وگلبي مفتوت
وحسيت بهضم مايخلص بموت

وعباس برمح صاير اگبالي
شسوه الشام بيه شوفي حالي

***
بنص الديره  يمُه من مشينه
كلمن فتح بابه يصد علينه
وضل ايصيح حداّي الضعينه
هذا ضعن حيدر جايبينه

اليطلب ثار  من حيدر اجالي
شسوه الشام بيه شوفي حالي
*
اباب السوگ يا يمُه وگفنه
ومحد يغض شوف عيونه عنه
نلم ارواحنه  ونستر خدرنا
اهتزت غيره الارماح بزلمنه

وگفنه بسوگ من الحشمه خالي
شسوه الشام بيه شوفي حالي

***
اضم روحي اضم يمُه النساوين
واحنه الناس صارت يمنه صوبين
اهل الشام عدهم صار عيدين
هم اسبايه  هم عيال ابو حسين

تولونه شتم انه وعيالي
شسوه الشام بيه شوفي حالي
**

علي الربيعي
https://www.tg-me.com/yaAlihusseinmehdi

استشهاد الامام السجاد ع

ياهو بيهن نازف اكثر
جرحي لو جرحك يالاكبر
طعنت خناجر كربله
لو من جروح السنسله
++++++++++
خلصت وجيتك يالاكبر حالت المهضوم حالي
من إخوتي اليبچي فوگي ويحني ظهره ما بقالي
تقره بعيوني سوالف عن سهر ذيچ الاليالي
صح متت راسي اعله جسمي امن الخناجر جسمي خالي

يختلف قتلي بقضيه
اني مذبوح امن اديه
امن الخيمه ابدي المسأله
لو من جروح السنسله
++++++++++
تذكر الخيمه يلاكبر بيها اجيت او ودعتني
بالمرض ثگلانه جدمي ونار اجتني حاوطتني
صارت العوچيه جمره والزمت بيها چوتني
وبين دخان المخيم عمتي تسحبني اجتني

هيه تسحبني بأديها
والسياط اتدگ عليها
من سوطه عمتي مايله
لو من جروح السنسله
++++++++
ما اقارن انته تحكم ياهو بينه الجرحه اكبر
انته روحك مره طلعت وجسمك بساعه توذر
لو الف سيف اعله نحري او لا حبل بچفوفي وانجر
آه يا صوت اليصيحه ابوجهي من اجدامي تعثر

زلمه مو سهله وتشوفه
اخته واحبال بچفوفه
تبچي اعله حاله العايله
لو من جروح السنسله
++++++++++
عن رمح خاصرتك ابلغ لو الم حچي الشماته
اشينزف امن اعروگه گلي التنضرب يمّه خواته
آه ماصاحن عليه حال اخوهـن عاذراته
امضيّگين ابگيده عنقي اتجرحه ابسط التفاته

مادرت عيني عليهن
ساكت واسمع بچيهن
يكتل سبي لمدلـله
لو من جروح السنسله
++++++++++
الشام آه الشام بيها ابگلبي چن محترگه خيمه
بكل نفس تطلع واردها روحي من گد الهظيمه
ديره ديره ايدخلونه وبالحجر صابو يتيمه
واسمع ايصيحوني هذا عايش السلبوا حريمه

يا الم چلمه الحچوها
بيها روحي گطعوها
الكم دموعي الهامله
لو من جروح السنسله
++++++++++
اسنيني والفتره وراكم غربه يا خويه العشتها
الدمعه لحسين ومصابه ليله ابد مافارگتها
من اجت ساعة وفاتي الكربله اعيوني درتها
خويه يالاكبر چفوفك تحمل بنعشي ردتها

هسه اجيت واني يمك
ضمني ياخويه واضمك
كل همي چلمة يا هله
لو من جروح السنسله

ثائر الربيعي

استشهاد المام الحسن ع

عذابي ومماتي اعله جرحچ يهون
وغربتچ يزينب ابهذيچ الضعون
مثل هيچي ليله
اعله ظهر الهزيله
بهذيچ الضعون
++++++++
تودعين الحسن وانتي دمعتچ هسه مستوره
چبير اخوانچ واعرف دمعتچ يختي معذوره
عزيزه انتي ونظرتي اعليچ اشوف بدمعتچ صوره
ماتبجيها يم حسين دمعتج هايه مجبوره

بحرگهن خيامچ يشغلچ يتيم
يلوذ بعباتچ وصياح الحريم
حسرتچ طويله
اعله ظهر الهزيله
بهذيچ الضعون
+++++++++
مو آخر طشت هذا يختي اتشاهده اعيونچ
ولا آخر چبد مفتوت تخطف شوفته لونچ
هسه اگبالي من تبچين واخوانچ يسكتونچ
تجيلچ فتره من تبچين سوط ايدگ عله امتونچ

اموت ابدياري وعيالي ابأمان
يزيتب غربتچ تحير الزمان
العظيمه العقيله
اعله ظهر الهزيله
بهذيچ الضعون
++++++++
قبل موتي اريد العين عليچ دموعي تهملها
يزينب دخلتچ للشام شده وياهو ليحلها
تذكريني وعليچ اتصيح هاي اخت الحسن كلها
ادموعچ لو اجه طرواي لثيابچ تبلـلها

زمن مايرجعه اليدفنه التراب
يريت انه يمچ بهذاك المصاب
عذابچ اشيله
اعله ظهر الهزيله
بهذيچ الضعون
++++++++
يصادفكم سنة وانتي بخرابه الذكرى تحييها
اعله رمله تنظر اعيونچ بدموعچ تعزيها
اشلون الحرمه تلطم عاد ومچتفات ايديها
الراس احسينچ وجسّام نظراتچ تديريها

تذكروني كلكم وتزيد الجروح
يعين الله حالچ تخلصيها نوح
ولا تبقى حيله
اعله ظهر الهزيله
بهذيچ الضعون
++++++++
يغسلوني الاهل باچر اخواني اليشيعوني
راسي اعله الجسد موجود وبطولي يدفنوني
اعليه ماتم اينصبون وادمهم ينوحوني
تجيني انتي بظلام الليل اويه اخوانچ تزوروني

لچن يالعقيله اضل تالي وين
بعيده دفنتي اعله اخوي الحسين
طويله الرحيله
اعله ظهر الهزيله
بهذيچ الضعون

ثائر الربيعي

استشهاد الامام الحسن ع

بعيوني خلها اعيونك بساع
تبچيلي وابچيلك بالاوداع
مايختلف سم او سهم
نفس الجرح نفس الالم
خويه يحسين
+++++++++
يالمايجي يوم والم يحسين يشبه يومك
من تبچي بوداعي جمر يابو علي مالومك
اخر وداع اخر نفس اشتمه من هدومك
اترسهن اعيوني نظر خل تبقه بيها ارسومك

فوگ الرمل تتغير ارسوم
لا يبقى لون ومامش هدوم
وجه العطش بيك انرسم
نفس الجرح نفس الالم
خويه يحسين
++++++++++
من زغري وبگلبي بقى موقف ورايد ذكره
عاليمنه واليسره النبي گعّدنه يوم ابحجره
تتذكر ابيوم الي رحت تشتكي الامي الزهره
من نحري قبلني النبي وحب الحسن من ثغره

هسه اعرفت والمقصد اهناك
وسط الطشت شوف الچبد ذاك
النحرك سهم والچبدي سم
نفس الجرح نفس الالم
خويه يحسين
+++++++++
والمثلي لبگلبه حچي مجره الدمع شيفيده
هنيالي اموت ويمي اخو يغمض اعيوني بايده
الله يعين اليلتفت مايلگه يمه اعضيده
ينسدن اعيونه برمل المثلك بگطع اوريده

والصوت اجالك بين الاسهام
حرگوه الحگ خويه لخيام
نار الضمه ونار الخيم
نفس الجرح نفس الالم
خويه يحسين
++++++++++
عباس سالفتي خدر غالي واتقرب يمي
موهذا يومك لو شفت نعشي واسهامه بجسمي
لا ثاري لا سم چبدتي ام الخدر كل همي
زينب اخت بس اعتبر عالضعن فاطم امي

ادري انته گدها تكفل اثنين
والهذا تكسر ظهر الاحسين
خدر الهواشم بالعلم
نفس الجرح نفس الالم
خويه يحسين
+++++++++
واحد امرنه وبالحزن كلمن وماخذ دوره
تبچيلك الناس اشكثر اعليك ابگلبها احروره
اعيوني اعله دربه اليعتني هلبت وگبري ايزور
مشغوله عني ابمحنتك والهالسبب معذوره

اتمنى گبري ابكربله كون
والحاجه من هم يطلبون
بشباچي لو زاير لزم
نفس الجرح نفس الالم
خويه يحسين

ثائر الربيعي

الاربعينيه

عمه الرباب اشمالها
گعدت بعيد الحالها
تحسب بالاگبور
ما ادري شنهي ابّالها
اگبور اهلنه اگبالها
وماتقبل اتزور
+++++++++
الها چم يوم الدرب جابته سكته
اتحضر انواعي ودمعها امجمعته
تفـرك ابأيديها والبـيها عـرفـته
يمته توصل گبر ابنها الغالي يمته

عبد الله چان احسابها
ايلاگيها من اغيابها
اينسيها عاشور
تنتظره بس ما جالها
اگبور اهلها اگبالها
وماتقبل اتزور
++++++++++
الكربله من نوخت بينه الضعينه
ركضتلهم هيه اول وحده بينه
هاي ماظن كربله صاحت علينه
كون هاي اگبور اهلنه ابني وينه

اشويه هاي اگبورهم
ابيا نيه راح انزورهم
ماعدهم انحور
چن گطعوها اوصالها
اگبور اهلها اگبالها
وماتقبل اتزور
++++++++++
كل گبر تركضله بلكت گبر ابنها
اتراب تاخذ منه وتنثره بحضنها
اتعرفه مو عبد الله لو مادر لبنها
يم گبر ثاني تجي يسبگها ونها

لمضيعه گبر اوليدها
تمشي وتشومر بيدها
بالمگبره اتدور
والتنگطع امالها
اگبور اهلها اگبالها
وماتقبل اتزور
+++++++++
عمه انتي احچايتچ مسموعها عدها
ليش سئليها شعجب گعدت وحدها
عدها بس احچايه تاخذها وتردها
حسين وابن حسين دلالي مردها

الما ينلگي مدفونها
المن تدير اعيونها
خاطرها مكسور
والتبقى هيچ احوالها
اگبور اهلنه اگبالها
وماتقبل اتزور
+++++++++
يم علي السجاد گالت كلمه تالي
اعليك امشي ام الحسن ارحملي حالي
انته بيدك دافن اجساد الغوالي
وين دليني ادفنت ابني وحلالي

گلها ابحصيره اثنينهم
مامددت ايدينهم
ملتحمه لصدور
كتلتها چلمه الگالها
اگبور اهلنه اگبالها
وماتقبل اتزور
++++++++++
الگبر الاحسين الجدم يخطي وترجعه
حسين گالت والحچي الباقي تگطعه
اتريد ما واحد حچي العدها يسمعه
گطرت منها المشاعر دمعه دمعه

العبد الله لو لحسينيها
يادمعه تكفي ابعينها
من تنزل اتفور
والمحترگ دلالها
اگبور اهلنه اگبالها
وماتقبل اتزور
++++++++++

ثائر الربيعي

الاربعين

ياهله ابريحة اهلنه ياهله
يابو فاضل رد ضعنّه الكربله
+++++++++
رد ضعنّه وياهو يتلگه الضعن
حيل متعوبات علوياتي اجن
اتريد ملگه احنان ينسيها المحن

ياهو بينه والضعن استقبله
+++++++++
وينه لينسيهن الآم السفر
شلون اصيحن ياهله من النحر
لو اجت شتگول زينب يالگمر

چف اخو لا ضل يلاگي امدلـله
++++++++
بيها روح وعدله زينبنه اجت
الحمد لله عالسلامه مالگت
من بعيد اسمعته صوت اختك بچت

صوت وينك من بعيد اترتله
++++++++++
اشلون ياعباس من اتمر عليك
والضعن عطشان يالكافل يجيك
خويه من تراب گبرك شيل اديك

منظر اسكينه صعب تتحمله
++++++++
ابني عبد الله فتح عينه وگعد
من بُعد يسمع دللو يالولد
لسه عطشان ودليله المابرد

بس حضن امه اليحل المسأله
+++++++
ماكو رايه اتلاگي اختنه لا علم
وين مگعدهن منو الينصب خيم
فوگ گبري تگعد الحره بالم

من دموع الحره گبري اتبلـله

ثائر الربيعي

الاربعين

وكفت اعله التله نفس امچانها
اهنا يهلنه. صوتت لخوانها
++++++++++
اهنا يهل زينب تره زينب اجت
عالهزل بت فاطمه الزهره مشت
امدللتكم يالگمر زينـب بـچـت

كلش بيها اتغيير امن احزانها
+++++++++
اهنا يهلها ما حصل عدكم علم
دخلت الـحـره بـدواويـن الزلم
وبيهن الماينحچي بس ينفهم
التنسبي العبره اتعثر بلسانها
+++++++++
ماعرفتو ارسوم لوني اشبدله
انه اختكم يالگمر لمدلـله
كون.ماناسيني نادوني هله

استقبلوها ام عون يا وليانها
++++++++
بينه ضيعتو العرف لا مـوغرب
انه اختكم لونه ثوبي المنگلب
حگي والمثلي ينام اعله الترب
هذا حال المحترگ صيوانها
++++++++
بينه مارجعت زغيره امن السفر
شابت ارموش الطفل من القهر
غـير ذيچ الماتت وعـندك خبر
يوم شالت راسك ابحضانها
+++++++++++
التله نفس التله بس ماكو ونين
فوگ راسي اعذرني مشبچت الايدين
امجرحه اچفوفي بحبلها ياحسين

خوفي اجرحك لو شفت نيشانها

ثائر الربيعي

استشهاد الرسول ص
لسان حال العقيله في الوداع

يُمه حسين أخذني الجدي ويا
يگله اشلون اودعك زينب اهنا
اشرلي انتي بعدين
خليني اويه لحسين
+++++++++
يم الحسن منظر شفت ياريت ماشايفته
شغلة وداعه المصطفى ماتنتهي آخرته
لوداعه جدي من رحت وارجعت ماودعته
من شافنه ادخلنه سوه وحسين لازم اخته

بفراش المنيه والنبي گام
هله براعي المصيبه وام الاخيام
تلگانه بدمعتين
خليني اويه لحسين
++++++++++
خليني گلّي الوحّدي روحي انتي زينب لمّي
من شافني بعبره اطلعت وبدموعي يعثر جدمي
يتوسل حسين النبي خليها زينب يمي
مو انته گتلي من قبل هيه شريچة همي

هذا اخر طلب منك يمولاي
نتوادع سوه خل زينب اوياي
گلي اهنا تكعدين
خليني اويه لحسين
+++++++++++
مو مثل الاول والدچ متغيره حيل اوضاعه
يالزهره مو موته النبي خلص دموعي اوداعه
وتوادعو بس بالنظر يبچون ضلو ساعه
مو نحره هالمره اشعجب جدي يقبل اضلاعه

كلساع ويبلل شّفّته ابماي
احس گلبي عطش من فعلته هاي
كلما تتدمع العين
خليني اويه لحسين
+++++++++
لهلك حنوطي وزعت كلمن وحصته الباچر
ماكترتلك اي سهم لاينكسرلك خاطر
لو حته اخليلك چفن يتمزگ امن الحافر
لرماد سدرك والرمل كافور يوم العاشر

يبقن ثلاث ايام الاوصال
فوك التراب وذاري الارمال
مو طعنه وطعنتين
خليني اويه لحسين
+++++++++
وتوادعو تالي همس مارادو ايسمعوني
وثنينهنم نظره بدمع يم الحسن نظروني
لجفوفي اشرله النبي واشرله صوب امتوني
لمن خفت وحسين اجه يركض مسحلي اعيوني

من خوفي اجيتچ فاطمه بساع
ما ادري هذا اشيعني لوداع
اشتاليهن هليدين
خليني اويه لحسين
+++++++++
اكثر حچيهم بالرمز بس همه ليفهمونه
شال ايده شفته المصطفى وبحرگه صك اعيونه
ما ادره قصده ياجفن يايُمه ليسطرونه
للباب والحايط نظر بدموعه واصفر لونه

اسمع إخوك وحايط وباب
ياهو امن اخوتي يرضع تراب
سألته وگلي بعدين
اتركيني انه وحسين
++++++++++++

ثائر الربيعي

استشهاد الرسول ص

راح. /.الهوّه منـي وانـه مـنه
راح. /.يالحسن راعي المحنه
راح. / وإلحـجر ذاك اليلمـنه
راح راح
+++++++++++
راح ابو الروح الحنينه الوجهه يتگاطر ضوه
راح ليظمنه اعله صدره بحضنه من نگعد سوه
راح لترد روحه بينه عنده اعز امن الهوى
راح ليحبني اعله نحري
وخده بدموعه ارتوه


مات../وضلت اعله الزهره روحه
مات./.ابگلـبه خافيهن جروحـه
مات../وعينه جدي اتعاين النه
++++++++++
بالگبر نايم حبيبي هسه خد جدي تريب
والدي اشدافن محمد لو دفن روحه عجيب
حيدر اول تالي منه ينسمع صوت النحيب
مرّه ياخويه بونينه ومرّه ياروحي الحبيب

مال/حيله ابوي وعينه صاحت
مال/ راح اخوي وروحي راحت
مال/والدموع ايعثرنه
راح راح
+++++++++++
وامي هم حالتها حاله امن الحزن خايف تموت
الليله يخلص بويه وينك لحظه ما مرها السكوت
بالاشاره صبحتني امن البچي ماعدها صوت
امناشغ وشمّة هواها بالنفس گوه تفوت

آه../هيچي انفاس الزچيه
آه../اتجرها من تنظر عليه
آه../ونّت امي شلون ونّه
راح راح
+++++++++
فاطمه صارت يتيمه واليتم تعرف عذاب
بانيه الدار الحزنها وناشره الوان المصاب
ماتمل من عطر ابوها باقيه اتشم بالثياب
عدها بس هالثوب الاسود گاعده بي عالتراب

اتنوح../وتنعه اثاري الابو خيمه
اتنوح../يالعفت بنتك يتيمه
اتنوح./.ماخذتنه ورحت عنه
راح راح
+++++++++++
الگبره من گتلك اخذني وامسحت دمعي باديك
وگتلي يحسين اعله كيفك خويه خفف من بچيك
اتموت لو گبره حظنته الهالسبب خايف عليك
ومن نمت بالطيف اجاني جدي گلي آنه اجيك

اهناك. .عالرمل عاري واجيلك
اهناك. .اوياك امتد جوه خيلك
اهناك. .نحري ليگطعونه چنه
راح راح
+++++++++++

ثائر الربيعي

نزله استشهاد الرسول ص

زينبنه راعوها
لا تبچي خلوها
من عندي للعباس
هالچلمه وصلوها
++++++++
من عندي للعباس وصلوها لحجايه
گولوله طه ايگول لصيارك الغايه
جربه وزند وفاي وخدر اخته والرايه
اتذكرني ياعباس يـم المسنايه

ادري انت راعيها
وسكينه توفيها
راية علي بيمناك
بالطف تعلوها
+++++++
بعد التحية اعليه من والد الزهره
الحضرة ابو النوماس وزنوده السمره
عينك تراها اتصير من الزعل حمره
عل علگمي بكل زود خشم النهر كسره

من تذكر حسينك
تشمرها چفينك
بالجنه الك جنحان
من هسه حضروها
+++++++++
ياحضرة السقاي كافل خدر اخته
بيرغ رسول الله بيمينك امنته
ضعن الخدر للطف يرهمله بس انته
المثلك صدقها الناس من تحلف ابّخته

كل تحلف بجودك
والرايه وزنودك
للحاجه باب الناس
گبتك يگصدوها
++++++++++
ياحيدر امن ايصير قبلها چفينه
الله خلق عباس من طينة حسينه
اتمنه عيني اتشوف من تعطش سكينه
لو سرفن اردانه من ساعد ايمينه

حي الله اناديله
الكاسر ظهر خيله
زمجرته ابو النوماس
كلكم تسمعوها
+++++++++
ابنك شمرته اعليك چنه انت ياحيدر
اتصورته اذا موجود عباسك ابخيبر
هوه اليقلعه الباب. وانت اوگف اتخوصر
تتبسم ابحياك عفيه ابني لمشكر

بس ربك اسراره
للمشرعه اختاره
تلزمها يا حراس
لا ما يلزموها
+++++++++

ثائر الربيعي

استشهاد الرسول

حيل اذوني ولچمو گلبي
اشكيلك منهم ياربي
عانيت وذريتي اتعاني
كله امن الاول والثاني
++++++++
مرسل منك وانت العالي
وحيك ينزل يحچي ابدالي
چلماتك يحچيها الساني
صرت انه اهجر اول تالي

ما ميـت واعليه اتـجـره
شراح ايسوون اويه العتره
ماعدهم دين اولا ذمه
ايدفعون الباب اعله الزهره

اشكيهم يمك يالقادر
انه اليوم وفاطم باچر
والشييب راسي واذاني
كله امن الاول والثاني
+++++++++
مكتول وكتلوني اصحابي
بعده اخضر ياربي مصابي
كل همهم چان اعله السلطه
اسوالفهم جانت يم بابي

واحد گال اشلون انحلها
اتعارضنه الزهره وشنگلها
گله الثاني خلها اعليه
بالباب اعصرها واكتلها

والعارضنه واحنه الكثره
لابد ضلع الزهره انكسره
وانه اسمعهم ترس اذاني
كله امن الاول والثاني
+++++++++
ياربي وضل بالي اعليها
حامل بالمحسن ادريها
حرمه وماخذ حيل فراگي
والسطره اهواي اتاذيها

اشيگضيها ايام ونتلاگه
مهظومه الزهره ومشتاگه
لو راوتني آثار بخدها
إرثي اتگلي الاول باگه

والمحسن طاح اعله العتبه
صاير ما صاير شتحسبه
ماناغيته بطرف الساني
كلهه امن الاول والثاني
++++++++++
حيدر تحچيلي اعله احواله
لفراگي ادموعه الهماله
رغم اجروحه ودوست بيته
صابر لن اوصيتي اباله

وحسين اشگد باچي اعليه
يگعد بفراشي ويوميه
يمسح صدره بعطر اثيابي
الجنت امسح صدره ابأيديه

مذخور ابني اليوم العاشر
بمچان ايدي ايصير الحافر
اكثرهن جرحه البچاني
كله امن الاول والثاني
+++++++
كلها اتموت ومحد عدها
زينب من تبقى الوحدها
مامتعوده بدون اخوتها
واليثرب ياهو الي ايردها

توصل يم گبري وتشكيلي
ياجدي انظرني انهد حيلي
يسروني وجم ديره يديره
انهاري ابهزله واحرس ليلي

جيتك بس ياجد اشجيتك
ذبحوها وسلبو ذريتك
مسبيه الظالم مشاني
كلها امن الاول والثاني

ثائر الربيعي

رجوع الضعن للمدينه واستذكار مصاب الزهراء ع
**
من مصاب حسين اجيت امألمه
وصادفت ذكرى مصابچ فاطمه
++++++++++
اگبال دار الزهره نوخنه الضعن
والحرم كلهن عليه اتجمعن
اگعدنه واستذكرنه ضلع ام الحسن

هاي چانت عدنه اول مَظلمه
++++++++
اهنا اسولف للحرم اول حرگ
وشفتن اشلون الجمر يوجع صدگ
وبمـتنها السوط كل حيله يدگ

ومن سطرته جفونها تنزف دمه
+++++++++
ماكو منفذ لا مساحه للركض
بزحمة الدخان شهگتها تكض
من وگع محسنها فاطم عالارض

حاولت بين التراب اتلملمه
++++++++
اهنا يسكنه وعمري بسنين اربعه
صوت كسر اضلوع اذكر سامعه
واركضت لمي الزجيه واگعه

من زغر عالعثره جنت امعلمه
++++++++
اهنا مضت ساعة تعادلها يسر
اسياط واصوات الحقد تنهر نهر
اهنا بده ياسكنه جرح اول خدر

من زغر وامتوني هم ماسالمه
++++++++
اهنا قبل حرگ الخيم اول حطب
اهنا قبل إرقيه خد امي انضرب
اهنا قبل عبد الله محسن دم شرب

لا عطش لا عاش لا شاف الضمه
+++++++++
اهنا يزهره گعدي شوفيني ارجعت
ماتو اخواني وسبوني ومامتت
من زغر وياج اموت اشگد ردت

اولا عگب عباس اضل ابلا حمه

ثائر الربيعي

ام. البنين ع.
عودة الضعن للمدينه

ردن خواتك بالضعن
فاتن عَلَي ماسلـمن
ملگانه صار الشده
ماوحده عرفت وحده
+++++++++
متعودات امن السبي لليركض ايلاگيهن
لو شايل ابأيده حجر لو جاي يشمت بيهن
من عندي خافن شاهدن كل حيلي اركض ليهن
سمعنها چلمة يا هله بس الهله اتبچيهن

يستغربن چلمة هله
شيحلها هاي المشكله
فات الضعن واتعده
ما وحده تعرف وحده
++++++++
وجه الضعن مابي گمر لا رايه راجع ظلمه
يُمه ينادنّي قبل ما وحده صاحت يُمه
مو همّه چذّبت النظر بس گلبي يصرخ همّه
وحدتهن امن المستحه بالبچي الصوت اتظمه

وحدتهن اتنوح ابستر
حته ابغيابك يالبدر
باقي خدرهن بعده
ما وحده عرفت وحده
++++++++
انه بحرارة لهفِتِي بـبروده اشو لاگوني
انه اعرفتهم عالعطر بس همه ماعرفوني
بيهم تعب من السفر لو گلت ماشافوني
صحتلها انه ام الگمر زينب يبعد اعيوني

اعليّه ابصعوبه تلتفت
واركض عليها اتقربت
كلمن دمعته بخده
ماوحده عرفت وحده
++++++++++
ام البنين انتي صدگ هاي الاجت گدامي
ومنين اجه الوجهچ شمس متعوب مثلي وضامي
هسه آنه مريت ابسبي ومحرگات اخيامي
اجدامج شبيها بعد مجروحه مثل اجدامي

متعثّرات ابيا درب
ومنين اجه الثوبچ ترب
حيلچ شجاله اتبده
ماوحده عرفت وحده
+++++++++++
يم الخدر گلبي احترگ مثل المخيم ناره
من اعتنيله ابكل صبح وحسين فارغ داره
دور المدينه ابكل درب من جدمي باقي آثاره
تعّبني يم عون النشد وحسين ادور اخباره

لو شفتي برسومي ضمه
يم گبر امچ فاطمه
الظهريه تخلص گعده
ماوحده عرفت وحده
+++++++++++
انسيها زينب حالتي لبگلبي كل حد ماله
احچيلي من راح الگمر وضع الاحسين وحاله
يتعثّر اگبالچ رجع ياهو الوگف تچاله
بعيونچ اعيونه بچت يمكن اجيت ابّاله

خوما ذكر اسمي وبچه
لمن عله سيفه انتچه
ضامي ودمع ماعنده
ماوحده عرفت وحده

ثائر الربيعي

استشهاد الامام الحسن العسكري  ع

احچيها بيني وبينك
يالمهدي الله ايعينك
     من زغرك دموعك حمر
     گدامك الام شكثر
      +++++++++
يبني بـوداع المـنيه ودي اودعك
من تصيح اعليه يابويه اسمعك
ويه تنصيبك امام ويجري دمعك
الغربه تبدي يالولد وامك تضيعك

غير اليتيم ابراسه
تمسحله اهله وناسه
    مو خايف ايگضي العمر
    وگدامك الام اشكثر
     ++++++++++
راح اموت ابغربتك تبچي عليه
صعبه خمس اسنينك اشتحمل اذيه
وامك اكثر تصبح اعليها الرزيه
تبجي فگدي وغيبتك يبني سويه

كل مغربيه ابابك
يالمهدي طال اغيابك
    فگد الابن للأُم جمر
    وكدامك الام شكثر
       ++++++++++
السم يبو صالح يفتلي تالي چبدي
اتشيعوني يعني ما راح ابقى وحدي
إستذكروها ابدفنتي آلآمه جدي
عندي راس وعالترب وسدولي خدي

من ثوبي ما سلبوني
اهلي التسد اعيوني
     مو بالحصيره بالگبر
     وگدامك الام اشكثر
       ++++++++++
بكل مصيبه تبقى عدنه اكبر مصيبه
للسليب وحالت ابنيته السليبه
امنين ما انظر سبي الخدر عجيبه
تمشي وي الغربه زينبنه الغريبه

تگضيها تالي اسنينك
دم تجري لهلك عينك
     يقرح جفون ادري الخدر
     وگدامك الام اشكثر
    +++++++++++
تصبح بسامره الي گبه ومناره
وكلها تتوافدلي ناسك للزياره
ابگلبي من هسه عله الزهره انكساره
وبالبقيع اگبور اهلنه بس حجاره

يمته  وتمر اعليهم
تالي الزمن تبنيهم
      بثار الزچيه والكسر
      وگدامك الام اشكثر
     +++++++++++
والزمان اتعيشه يا صاحب زمانك
ابلا امان وعايشه الناس ابأمانك
عن عيون احبابك امضيع مچانك
بغربتك تستغفر الهم ياحنانك

تسمعهم اليدعولك
بزيارتي ايصلولك
     تدعي بحفظ راعي الامر
     وگدامك الام اشكثر


ثائر الربيعي

كربلائي
للزهراء

شكر وحمد/ وكلمه ابقصد
المولاته يحچيها العبد

محتاج الچ واتريدين
مني دمع يالزهره
+++++++++
التوفيقي امد ايدي عليچ امن ابعيد
وبالمجلس اعليه تمدين الايد
اليسألني منك فاطمه شنهي اتريد؟

من تستمع/ ونه ابجمع
اتمد چفها واتدور دمع

وينه اليساعدني اتگول ضامي ابني گطعو نحره
+++++++
يالزهره انتي الرايده تهدينه
اتلزمينه لاقرب مجلس اتودينه
المايبچي انتي اعله البچي اتعلمينه

والما بچت./.عينه وسكت
اتهمسيله زينبنه انسبت

من تعثر بچفها احبال ضالم ابقوته ايجره
+++++++++
يانعمة الله ورحمته امسميها
ليحبها فاطم يشكر الله اعليها
يرضى الرضاها واليحب يرضيها

ايعيف الذنب./.لجل اليحب
بدفترها خادم ينكتب

روحيه بانفاسه اتصير مولاتي من إتحضره
+++++++
يا ام ابوها يَم حنان الدافي
ما اطلب اكثر نظره منچ كافي
اخلص خدمتي ودمعي ينزل صافي

للمنسلب / واعله الترب
عاري اعله وجهه منگلب

بلكي ومثل عينچ كون
دمعاتي تنزل حمره
++++++++
كلشي بديكم الله كلشي انطاكم
غير البچي ماعندي غايه اوياكم
لبس السواد وحب دموع اهواكم

للمنسطر./ والمنكسر
گلبه وركض فوگ الجمر

من الخيم چوية نار بگلبي وتفسره العبره
++++++++
اتگول انه احسبها الخدم اشرف ناس
منتظره منهم موقف ايشيل الراس
اويه المهدي يرفع بيده راية عباس

وداعت علي /ثارت الي الي
امن الثاني قبل الاولي

للمهدي إدعوا بكل يوم الله يعجل امره

ثائر الربيعي