لفراق الام (نصاري)

غفل ياموت صوب الدار مريت
شضل بيها وعليها انوب رديت
★★★★★
العزيزه أمي  خذتها وياك ياموت
صحت هونك لَوَّنَك تسمع الصوت
گلت هلمره تخطي الدار وتفوت
متعمد لگيتك    گاصد البيت
★★★★★
اجيت ومقصدك كل شمل ميدوم
خذت وجه البدر من بين النجوم
من لوعه على لوعه اتذبني الهموم
سهم فوگ السهم بالگلب حطيت
★★★★★
سلبت افراحنه اشخليت بالدار
وحشه خلاف امي البيت يندار
الحزن منها وعليها اتگدَّر أگدار
مناحه ابدارنه ياموت سويت
★★★★★
عزيزه وچملاني  افراگها اجروح
شلي  بدنياي هاي. وشلي بالروح
مثل حلم اليمر بالعين. ويروح
على فراگ اليهدم الحيل فزيَّت
★★★★★
صدگ ماكو العزيزه وجنة الدار
التلمنه بالمحنه.   اصغار وكبار
الگلب والدمع نار اتلاگت ابنار
الملگاها حنين النوگ حنيت
★★★★★
العزيزه وسلوتي ظمَّاها التراب
بهله ومية هله  من تفتح الباب
تطشر يوم راحت شمل الاحباب
بعبرتي مختنگ للدوم ظليت

الشاعر حسن لعيبي الحريشاوي

استشهاد الامام الصادق ع

ازورك.... خل يعاندني الزمن
ازورك.... بگلبي بانيلك صحن
يكبر الشوگ بكثر اهاتي وبللت شباچك ابدمعاتي
بگلبي بانيلك صحن
****
شگد ردت اوصل بقيعك ما يقبلون
منعو الدمعه وسلامي هم يمنعون
انا مجنون الزياره والله مجنون
قررت ابني ضريح بدمع العيون

بنيته.. والدمع نگط ذهب
بنيته.. وسمك اعليه انكتب
تحلى يم بابك صدگ وناتي وبللت شباچك ابدمعاتي
بگلبي بانيلك صحن
****
الگبه صارت بيها رايه تطلب الثار
ابتسمة الدنيه بكبرها والفلك دار
اعتذر گبر المدينه تحيطه احجار
يختلف صحن البنيته كله زوار

يلالي.. صحنك وصدري انشرح
يلالي.. جنة الباري صبح
ويمك اشكي سيدي لوعاتي وبللت شباچك بدمعاتي
بگلبي بانيلك صحن
****
للسمه صعدن مناير خطة العين
ومدري ليش الگبه تشبه گبة حسين
والصحن يشبه يغالي الماله چفين
والضريح اگباله اشوفن تجري نهرين

اشوفن... نهر من دمعي النزف
اشوفن.. نهر نايم فوگه چف

انرسم چف الكافل بعبراتي وبللت شباچك ابدمعاتي
بگلبي بانيلك صحن
****
ظلمه گبرك بالمدينه حرگه بالروح
ماكو مشايه البقيعك تگدر تروح
گبرك بگلبي البنيته بابه مفتوح
تعتنيك اشگد مواكب يمك تنوح

مناحه ... شيعتك يمك اجت
مناحه ... للعزاء اتحزمت
وانا وياهم جبت راياتي وبللت شباچك بدمعاتي
بگلبي بانيلك صحن
****
بصدري عازلك مناحه عمري كله
الما يعرفك حزني ابدن ما يحمله
صدري عن لطمة مصابك ما تخله
بلايه شك اگبال عينك لطمي يحله

اريدن.. الطم اگبالك دهر
اريدن.. اطفي جمرات القهر
واللطم ظل يطفي كل حسراتي وبللت شباچك بدمعاتي
بگلب بانيلك صحن
****

الشاعر اياد الديراوي

صاح ناعي  الديره ويسمعونه
صادق اهل البيت  سد اعيونه

------------
يركض وشيعتك ضل تركض وراه
ابحيره وادموع وهضم واتصيح اه
ابيوت فرغت والنسى تبچي ابگفاه
عليك  والديره  صفت  مرجونه

-------------
التمت الشيعه الك وي صوت المصاب
بين يلطم واليحط فوگه التراب
شيعتك يابويه گعدو على الباب
وي  ابنك  بچو ويبچونه

-------------
ابوسط بيتك عله صوت امصيبتك
اچبيره  ماتنسد  ابيتك خلتك
التمو  عليك ابهضمهم  عيلتك
شلون راعي البيت وايودعونه

---------------
ادموعهم  ما تنشف  الهماله
يبو الملگه الحلو  وي اعياله
يبو  الكاضم فرگتك  چتاله
وبالمصيبه الكاضم الله ابعونه

----------------
غسلك بدموع الاعيون البچن
وابنك الفصل وشدالك چفن
وخلصت اهلك مراسم الدفن
واجت وادم لبنك ايعزونه

----------------

حسين طايح لچن بس طايح غريب
والجرح فوگ الجرح والخد تريب
الصعبه گدام الخيم مرمي وسليب
وفوگ ذيچ اجروحه ويذبحونه

---------------
حسين مثله مايصح يوم وجرح
فوك ذبحه شالو الراس ابرمح
خيل فزعت على اخيام المنذبح
وغرب ظعن المنذبح يسبونه

--------------
طاح طول الچان في على العبي
والوقورات ابحبل يمشن سبي
ظعن عگب الساده بي يحدي اجنبي
وبالخرايب كل مسى اينزلونه




الخادم علي الحميداوي

شهادة الامام الصادق عليه السلام

*عالصادق نحِن اونلطم بحسره*
         ————————
ياوسفه قضـى والچبده متفطره

والكاظم ينـوح  ويصفق العشره

يـنادي ليت  قبله   ظمني   قبره

بعدك عيشتي   ياوالـدي   قشره

تبچي  عليته   واعليـه   متكدره

وطلاب العلم تجري الدمع جمره

وبعده المدرسه متغطيه  بالغبره

وكلمن شيعته يلطم على  صدره

تبچي اعليك  آه  ياصادق العتره

وأمه اعليه تنحب فاطمه الزهرا

نصبت له العزيه  وتسكب العبره

والله امصيبة ابني  فاجعه كبره

نستني  الهجوم  الصار والعصره

ونستني ضـلـوع المني متكسره

تمت بحمد الله ومنه
1445/10/22 هــ

*لخادم اهل البيت عليهم السلام*
*المُلا محمد سامي المرعي* الأحسائي

في مدح الإمام جعفر الصادق عليه السلام

اتعلمت من الامام الصادق.
اتبع العتره وكتاب الخالق

علماني دوم اوفي بالعهد 
ومنهجه تقويم للروح وسند
والتزم درب الفضيله للابد
ولا انانيه ابحياتي ولاحسد
لساني بالحق والمعارف ناطق
تعلمت من الإمام الصادق

اتعلمت منه نصايح من ذهب
لافخر بالروح ابدي ولاعجب
راحة الانسان تبدي من التعب
لوعرف بين الوجب والماوجب
ودوم ما امشي  وره كل ناعق
اتعلمت من الإمام الصادق

علماني اتوكل بيوم الصعاب
بخالقي لوصارت الدنيا عذاب
صارت أيامه مثل لون السراب
الماتمسك بالامامه  وبالكتاب
عزمي ثابت  وبكلامي واثق
اتعلمت من الامام الصادق

علماني بسيرته ونهجه الصحيح
انهض شمارادت الدنيا اطيح
مااجامل ظالم و قولي صريح
وبوجه مذموم ماعندي مديح
ارفض الشر وعليه ماوافق
اتعلمت من الامام الصادق

أعبد الخالق.   واسلمله الامر
وبرضا الخالق اگضيه العمر
من أمامي تعلمت أنا اشكثر
فدوه إله ايامي والعمر اليمر
الدوم فضله بالمعارف سابق
اتعلمت من الامام الصادق

هو من نهج الحبيب المصطفى
الشرح أحكامه بدرايه ومعرفه
رجع بالخسران كلمن خالفه
دوم مايهتز حكيم ابموقفه
الرَّجْع الباطل ذليل وزاهق
اتعلمت من الامام الصادق

الشاعر حسن لعيبي الحريشاوي

في ذكرى الامام جعفر الصادق عليه السلام

المغارب والمشارق تشهد الجعفر الصادق
طه والكرار منهج مدرسه منها تخَرَّج
تشهد الجعفر الصادق

★★★★★

فلق بحر الظلمه سيفه يالثارات السقيفه
علمه ارعب كل خليفه جاهد بنفسه الشريفه
والخبر منها مؤكد بعلومه الناس تشهد
تشهد الجعفر الصادق

★★★★★

بكل فنون العلم امسه اثر للصادق ولمسه
ياهو يگدر مره ينسه الاخذ منه وحفظ درسه
ماله ند ولامنافس مدرسه صنعت مدارس
تشهد الجعفر الصادق

★★★★★

وي الزمن علمه تجدد ابزمانه صار الاوحد
والمصادر كلها تشهد مدرسه طاها محمد
چم فضيله الناس تحسب أقلام حد اليوم تكتب
تشهد الجعفر الصادق

★★★★★

سادس انوار الهدايه حارب اصحاب الغوايه
البقياسه مشه ورايه والي افتى بلادرايه
أفواج بعد أفواج منه مشت كلها تروي عنه
تشهد الجعفر الصادق

★★★★★

كلها تحچي عن صفاته ماتزعزع عن ثباته
قوة الدين امنياته لهذا قدمها حياته
بهلعلوم وهلمعارف. تشهد أخبار المخالف
تشهد الجعفر الصادق

الشاعر حسن لعيبي الحريشاوي

جعفر الصادق امامي (وزن هجري )
جعفر الصادق امامي ياعلم ماله حدود
سادس اعلام الامامه ثامن انوار الوجود
★★★★★
عُبر كل حد نور فكرك نَوِّر ايام الزمان
بالحسد قابلوا علمك الما لهم بالدنيا شان
اهواي عدوان المعارف والمكارم والبيان
وهاي اطباع الاعادي وكل صلف ظالم حسود
★★★★★
علمك على الارض جنة وبلسمه مثل النجوم
ومدرسة وعلم وهدايه اتفرعت منها العلوم
امحيّر عقول التناظر واليعارض والخصوم
وبالعبادة ياهو مثلك شهد محراب السجود
★★★★★
انعدمت اعلوم المخالف وبيها كل مبنى ضعيف
المايوافق شرع ربه ونور الاسلام الحنيف
عارضوك وسبب واضح للمجد شخصك حليف
ولان صادق دوم طبعك بالمواقف والعهود
★★★★★
اعترفوا ارجال المذاهب الرجع لدياره يگول
خذت من جعفر الصادق فقه واحكام وأصول
الوافق الصادق بعلمه اخذ من نهج الرسول
الخالفه خسران حتماً بالندم تالي يعود
★★★★★
جعفر الصادق سفينه للمعارف والنجاة
البيه تمسك يعني فايز بمنهج الحق والثبات
قابلوا احسانه بالشر والغدر فعل الطغاة
الطبعه شوك شلون يهوه ينتشر عطر الورود
الشاعر حسن لعيبي الحريشاوي

في ذكرى استشهاد الامام جعفر الصادق عليه السلام

يا أمير الفقة واحكام الشريعه
يبو الكاظم غيبتك اعظم فجيعه
★★★★★
ناحت الاقلام ومداد المحابر
اختلط جمر گلوبنه بدمع المحاجر
والزمن لمن غبت مذهول حاير
يبن حامي الجار والزهره الوديعه
★★★★★
يامداد العلم. يانور المجالس
مدرسة خرجَّت الآف المدارس
سابع الاكوان تبچيلك يسادس
وعلى احبابك ضاگت الدنيا الوسيعه
★★★★★
يابو الخير الياوكت منهم تقاسي
شفت من اهل الخديعه شگد مآسي
جبل ماتنهزم يلعزمك رواسي
ياضوه الاسلام وانواره وربيعه
★★★★★
كل حسابات المخالف غيَّرتها
والمذاهب اربعه بحيره عفتها
وبقناعه من علومك وصلتها
حجج عندك بالبراهين المنيعه
★★★★★
رادوا يصغرون شانك يلي شانك
عالي ويهابون ياجعفر مكانك
سيد الحكمة وبعد سيد زمانك
وخاب كل ظالم يظن انته تطيعه
★★★★★
يلسحرت الناس قانعهم دليلك
بغدر ليش المارحم قابل جميلك
عِلَّتَك زادت وطّوّل الم ليلك
عن غدر سموك أصحاب الخديعه

الشاعر حسن لعيبي الحريشاوي

في ذكرى استشهاد الإمام جعفر
الصادق عليه السلام  (وزن الميمر )

صادق العتره على الناس    نور وتشع  اعلومه
★★★★★
الصادق وماادراك  أمامي الصادق
بلسان شرع الله ورسوله  ناطق
العنده  درس   رد ابعلومه  واثق

شارح  كتاب الرحمان     وسر غايته ومفهمومه
★★★★★
بلاحيره رد كلمن اجاه ابحيره
كل مبهم يوضح صعب تفسيره
لا ثوّري لامن عكرمه ولاغيره

احتاجوه ابد مايحتاج        من أي بشر معلومه
★★★★★
الراد العلم يتحَرَّه عن اسبابه   
يم جعفر الصادق لگاها ابابه
مثل الكواكب بالمجرّه اصحابه

هوه المجرّه للدين          واهل العلوم انجومه
★★★★★
نافذ على كل علم علمه وساري
امسلسل حديثه مثل نبع الجاري
عن طه عن جبريل عن الباري

اصعب مواقف دنياه     بيده صبحت محسومه
★★★★★
بعصرك امامي للخلگ صادقها   
تغيب العلوم  وطلعتك  مشرقها
وجوه المسائل عندك ومنطقها

فقه وعلوم واداب         من العلم منظومه
★★★★★
من آل اميه والأجه من بعده
بفيلق علومك قابلت  كل شدّه
كل باب فتحوه للظلاله اتسدّه

بسيف العلم كل ميدان     اعداك اصبحت مهزومه

الشاعر حسن لعيبي الحريشاوي

ياجعفر الصادق

الك أشرف نسب
يبن خير العرب
نلت اعله الرتب
يمن حبك وجب
المثل بيك انضرب
مفاهيم وأدب
الك يحله اللقب   ياجعفر الصادق
★★★★★
بكل قول ونقد
اصحاب الحقد
للشر تستعد
ضنوا تبتعد
عن هذا المجد
والباطل يرد
بعلمك منفرد   ياجعفر الصادق
★★★★★
ميادين العلم
خضتها بكل عزم
ولاخانك حزم
المذاهب تنهزم
شماعدها زلم
ضلت بس رسم
من هذا الإسم   ياجعفر الصادق
★★★★★
موناتج صدف
مجدك والشرف
عزمك ماضعف
وبهذا اعترف
حتى الي أختلف
والعالم عرف
وبأسمك هتف   ياجعفر الصادق
★★★★★
والشيعي ابقهر  
للمجلس حضر
دلاله انفطر    
يا كل الفخر
ضل فگدك أثر    
باقي وي الدهر
والدين انكسر    ياجعفر الصادق

الشاعر حسن لعيبي الحريشاوي

نعي   عند حرق بيت الامام الصادق عليه السلام من قبل السلطة العباسية (وزن الفايزي)

يانار ينسى ابن النبي  والمدمع ايفور
بالنار حرگوا منزله   يامعدن النور
الصادق يداوي ياجرح بالگلب محفور
چم طفل فر بلاوعي  من الخوف مذعور
طفاها نيران  الغدر  بالصبر مأمور
لن يدري من ياهو تجي طعنات الظهور

يانار ينسى ابن النبي  والمدمع ايفور
دار الزچيه اتوجرت  والحال مخطور
شبوها نيران الحقد  من نار الصدور
مفجوع ضل بيت الوصي البلخير معمور
طاح الجنين على الأرض والضلع مكسور
ياريت لامسهم رحم لاذنب مغفور
لهلفاجعه الصادق يون دَلَّالَه مفطور

يانار ينسى ابن النبي والمدمع ايفور
من حرگوا أخيام الحسين ابيوم عاشور
هَجَّن حياره من الخيم رباة الخدور
وچم حيد طاح على الثرة والراس مطبور
لاجرح للصادق شفه  ولاكسر مجبور
نار الگلب ماتنطفي   بكل ماي البحور

الشاعر حسن لعيبي الحريشاوي

إستشهاد الامام جعفر الصادق عليه السلام

عِشِت مهموم كل عمرك
عجيب وياعظم صبـرك

عِشِت ويّـه الحـــزن مولاي ليليّــه
دمـــع عينــك جرى بونات مخفيّه
من تذكـــر جثــث عالغبـره مرميّه
من تذكـــر عيـال اطلعــت مسبيّه

عشت مهموم كل عمرك
عجيب وياعظم صبـرك

سفينــة نوح گلبك غــارگ ابحزنـه
تـِـــوِن لحسيــن ونّــه وابٲثر ونــّـه
ولــوه الگـــوم وبهجمـه بلا هدنــه
وحيــد وظل بلا ناصر يصد عنــّه

عشت مهموم كل عمرك
عجيب وياعظم صبـرك

هذا اللّـي رسول الله يحــب فمـــه
ابــو الاكــبر مـــلاذ وشافــــع الامه
تحبه الگاع والگاع احضنت جسمه
عليــه شح العذب واتغســل ابدمـه

عشت مهموم كل عمرك
عجيب وياعظم صبـرك

تسيل ادموعك لجدك ابو الاحـرار
حين الحاطته جيمان تطلــب ثـار
يحشــم بيهــم ولا حامــي لا نغار
تولوه ابنبــل وسيــوف وابأشفـار

عشت مهموم كل عمرك
عجيب وياعظم صبـرك

صحـف عاشور ماتطويها احزانك
مكتوبـه بدموع وحسرة اشجانك
تتذكـــر ألمهـــا و تشـــب نيرانـك
وعدوان الامـس هاليوم عدوانك

عشت مهموم كل عمرك
عجيب وياعظم صبـرك

أربـــاب الغـــدر ردَّوا عليـــك اردود
خلــوك ابسجــن دارك تحيطه جنود
بس باب الصبر هذا اللي ما مسدود
يگولــون الصبـر لأهل الصبـر مريود

عشت مهموم كل عمرك
عجيب وياعظم صبـرك

لــن حـــان السفــر لاچن بلا عوده
والمنصــور بـــاب المرحمـــه سدّه
عالصــادق بگه ينسج خطط ضده
والخطـــه الاخيـــره سمموا چبده

عشت مهموم كل عمرك
عجيب وياعظم صبـرك

كلمات عمار الراشدي

لبيك ياحسين ع

فـــوگ المـــرقــد تعلـــى الرايــه

****
بـــاچــر مــــن يظهــر مهدينــــا
يقيــم الحـق ونهجــــــه ودينــه
للغرقــد مـــــن يگصــــد بينــــه
للــبنيــان يـــــدگ الثـــــايـــــــه

*

ايــدگ الثـــايــه يعلــي الگبــــه
لـــلأحــرار  يشيـــــد   كـعــبـــه
جيش الباغـــي يذلـــه وحـزبــه
ويجــتث نسلـــه ويگطع مـــايه

*

يگطـــع مـــاي الشجـره القـذره
يشــيــد  لـــلأطهــار الحضـــره
ويرفــــع ذيـــچ الرايه الخضره
رايــه مـــن الله تصبـــح أيـــــه

*

أيـــــه ومهــديـــنــــا يعليــــها
وكـــــل العـالــم ينظــــر ليهــا
يخسر كـــل بـــاغـــي يعـاديها
بحقده يموت وحچيه ورايـــه

*

بالمهـدي الحــــق لمـــن يظهـر
ويبني المــرقــــد در وجــوهـر
تعرف ياهــو البــاچـر يخســـر
ويـــــا نــاس لطــاها الـوفايـه

*

ياهــو الــوافـه لحــق  العتــره
وياهـــو العــاده لأل  الزهـــره
وياهـــو النــــاذر الهم عمــــره
وياهـــو الالهم ســوهّ قــرايـه
*

باچـــر نصبــر ننطــر بـاچـــر
هـــل الكون الهم يگصد زاير
مهدينـــا وي العـــالم حـاضر
كلهـــا لمــرقدهم  عنّـــايـــه


*

الشاعر موسى البديري






ليلة استشهاد الإمام
جعفر الصادق عليه
السلام
٢٥ /شوال /١٤٤٥هج
السبت 4 \5 \2024

لبيك ياحسين ع

عنوان القصيده)
(نوحي عل صادق بده ﴾

حزني بادي بهل مسًــه وعيني جريه
نوحي عل صادق بـده صبح ومسيه
ويلي..........يمسموم
ويلي......... يمضــلوم
__؟
حزني بادي بهل مسه.
روحـي شـو متـألمــه
أبجــي المصاب الامــام روحي حزينه

ميـت بـسم العــدو
بلا عـضـيد ولا أخو
ويلي ع الـــصادق بجــت حته الـمدينه

والعــلم ناح وبــجـه
بالـحزن والله نتـــجه
من فــعل أهـل الكـفر نلـطـم بديـنه

من فعل أهــل الحقد وأهــل الدعيـه
نوحي عل صادق بده صبح ومسيه
ويلي. يمسـموم...
ويلي ..يمضـلوم ..
__؟
أبجي ودموعي مطر
والحـزن بــية أنتشر
وحكـها لـوعيـني بجـت فـاكد إمـامي

يعـتـذر حـته الحرف
يعــجز بذاكه الوصف
يوصفه الصـادق عـجـز حتـى كلامي

ويلي ع صادق يويل
والدمـع ويلي يســل.
بالحزن أبعث إله شوكي وسـلامي


أذكــــر مـصـــابه وأن والــطـم بــديه
نوحي عل صادق بـده صبح ومسيه
ويلي. ... يمسموم
ويلي........ يمظلوم
__؟
الصادق بذاك العمر
يبجي ع ام الخدر
يذكـر مصاب الـبكـت وسط الـخـرابه

يــذكر رقـيه وعمـته
حيل ثكلت شو دمعه
لمــن ذكـــر جــرح الـبجـت بـابـا يـبابــه

يبجي المصاب النحر
يبـجي وبدمـعه وقهر
جـدي ياجدي هــتـف يحـسين ومــصابه


يجــزع وينـــحب تره الـعمته السبيه
نوحي عل صادق بـده صبح ومسيه
ويلي. ... يمسموم
ويلي........ يمظلوم
__
ياويلي حـركوه الدار.
وبعينه من شاف النار
يذكر علي وحده يظل يحزن تره فقاره

يركض تره بماي العين
يذكر خيم جده حسين
يركض بدمع الحزن بلكي تطفه ناره

وبكل حزن طفه البيت
زينب يــعمــه وناديـت
محد اجه إله وصل عمتي تظل محتاره

والفـــــواطم ونــت وصـــارت عــزيه
نوحي عل صادق بـده صبح ومسيه
ويلي. ... يمسموم
ويلي........ يمظلوم
__؟

كلمات الشاعر الحسيني
مرتضى مكطوف

*رحيل الحسين عليه السلام*
*الى كربلا*

🚩🚩🚩🚩

يابويه ضعنك وين منواه
يابويه ضعنك وين منواه
__

هاي البيارق گاصده وين
تمشي فخر حاديها لحسين
حامل لواها ابن ام البنين
ولناگة اخته تگود يمناه
___

دگ الصدر وصاح عباس
انا الكفيل من دون الناس
گومي ابختي رافعه الراس
فنه الخيالچ يگرب احذاه
_

فوگ الهوادج بيرگ ايلوح
وبس العليله بونه والنوح
بويه تنادي عني لاتروح
وگف ضعنكم امشي وياه
____

مسكت الناگه تحچي بدموع
نتظري يناگه گلبي موجوع
ابروحة اهلي تطفي اشموع
بالدار اضلن وحدي ويلاه
____

تصبح بعدكم ضلمه الديار
بالباب انوحن ليلي ونهار
يصعب فگدكم اه يالاخيار
تخلص حياتي حسره ولآه


*بقلم الاخوات*
*ام اباذر السكيني*
*وعاشقة الولايه*


*نـڛـألُـِكُـُمـْ آلُـِڊعٌــآء*

بهذا الطور

https://youtu.be/5WWZlKyFI6k?feature=shared


https://www.tg-me.com/khdmat

‏مقطع صوتي من صوت الحسين

مرت سنه من فارگيت اخواني
مرت سنه وردت عليه احزاني
تجرحني هاي الايام وين السنه اوين العام
****
يازماني اليوم اخوتي دارت عليهم سنه
وآنه من العام ابجي لحد ما ظهري انحنه
تعب گلبي من المصايب وغير الجروح شجنه
وآنه من كثر النوايب كمت امشي مدوهنه

من كربله ابجي واحن يوميه
من كربله زينب مشت مسبيه
مدري الدهر ليه شضام وين السنه اوين العام
**
بيّن اهلال المصيبه وگلبي من شافه انلجم
ومن جديد انعاد حزني وبالسمه الطف انرسم
ذيج آنه البالمخيم وحرگو عليه الخيم
اركض وعالنار اصيحن وين شيال العلم

وتذكرت ذاك الركض بالهيمه
وتذكرت ماعندي ظلت خيمه
عمه تصيح الايتام وين السنه اوين العام
***
ذاك اخوي مگطعينه عله امتون المشرعه
وبالسهم ممروده عينه والجفوف امگطعه
هاي رايه وذيج جربه وذاك اخوه يم مصرعه
محني يمه ولزم ظهره وعله اخوه هل مدمعه

صاح بحزن حاجيني مو شاب الراس
صاح بحزن خلينه نرجع عباس
ظل جرحه ينزف آلام وين السنه اوين العام
**
عالتراب حسين نايم عفته وجروحه شكثر
مانسيت شلون اخيي من گطع نحره الشمر
بعيني شفت الاعوجيه شلون تسحك عالصدر
ضلع من ينكسر منه ضلع مني ينكسر

حر وعطش ولحسين ما صح الماي
حر وعطش وراسه برمح عالي هواي
جابوه اگبالي الظلام وين السنه اوين العام
****
ذيج ليله يم الاكبر تبجي والمدمع جريح
وهاي رمله يم ابنها حنتك يبست تصيح
ومن اذنها تون رقيه وظلت اتگوم وتطيح
والرباب شلون تنظر نحر عبدالله ذبيح

يم المهد تلولي وتصيح اسم الله
يم المهد خافن يفز عبدالله
تعبان عبدالله ونام وين السنه اوين العام
***
رحت من يمهم سبيه وهيج وكتي بيه مال
ورم من الصوط متني وبيدي مشدودة الحبال
آنه ما متعوده امشي وتنظر عليه الرجال
درت عيني عله الشريعه اهنا يبوفاضل تعال

وينك صحت وينه الكفل گلولي
وينك صحت عباس شافو طولي
خويه وشسولف عالشام وين السنه اوين العام
****
تمت
ميثم العمري

ضلت ام عباس شنهي اسبابهه
و بواليمه الكربله ما جابهه
*******
ليش ضلت بلمدينه ام البنين
وهیه چانت تنتظر طول السنین
عندی حسبه وحسبتی عین الیقین
اشلون عزت روحهه اعله احبابهه
*******
الضنه لل ام کل ثمن ماثمنه
وهیه عدهه حسین اعز من الضنه
تنتظر چانت سنه تعگب سنه
وخوفها ایخیب البین احسابهه
*******
علی مامحتاج للحظ والنصیب
وابصواب الرای صایب مایخیب
یدری منهای المره اشرایح یجیب
واهوه اعلم بلزلم واعقابهه
*******
علی اعلم من عقیل ابهل مره
وعلی یندل وین شجره الطاهره
التنجب العباس سبع الگنطره
کون مثل ام البنین انسابهه
*******
بلمهر گالت یه حمای الحمه
مهری فخری ابیتک اصبح خادمه
ومن الیوم اسمی بعد موفاطمه
والخدم تفخر ابشان اربابهه
*******
التنجب العباس لازم بت فحول
من بیوت البدو وربات الاصول
خذت من آل النبی اذن الدخول
ابیوم حطت عله الباب ارچابهه
*******
لاتگول السبب ضلت لاتشوف
چتل کل احبابه ابأرض الطفوف
ولاتمر واتشوف مگطوع الچفوف
والده وطبعا مچید امصابهه
*******
یلتناشد راح اگلک بلعذر
اشگلهه ابوالیمه وبگت حسب الامر
لزمت ارچابه ونزل من المهر
وبلدمع جاوب ادموع اعتابهه
*******
گلهه ابوالسجاد للطف لاتجین
انتی حسبة أمنه يم گلب الحنین
خاف ضلعچ ینکسر یم البنین
وخیمتچ هل گوم تحرگ بابهه
*******
خاف یم الوفه ضلعچ ینکسر
ومثل أمي الزهره عينچ تنصطر
وزینب اتشوفینهه ابذاک العصر 
بین نیران العده وسلابهه

#الشاعر_عزيز_الفيصلي


قناة الشاعر الأستاذ أبو  باقر #عزیز_الفيصلي

العليله (س) رقم 33
هل يا دمع العيون

*هلّ يا دمع العيون*
*شالوا مـا يردّون*
يا هظم الليالي.......
بفراگ الغوالي........
*شالوا ما يردون*

//////////(1)/////////
گلبي اينوح بالهم شـال اليريده.
وشوفتهم يعالم صارت ابعيده.
كون امشي وراهم واگطع البيده.
من عگب الغوالي العمر ما ريده.

*آ يـا فـگـد الاحباب*
*بلفرگه الگلب شاب*
حال الظيم حالي......
بفراگ الغوالي.........
*شالوا مـا يردون*

///////////(2)//////////
يا دمـع الحـزن ارجـوك لا تگطع.
اشما ناح الگلب عل اهل ما يقنع.
راح اشبع مآسي وضيم راح اشبع.
اموت ابعلّتي والغالي ما يرجع.

*مـن ال فرگه ملّـيـت*
*يخلص عمري يا ريت*
بس الهم صفالي....
بفراگ الغوالي.......
*شالوا ما يردون*

//////////(3)//////////
ها يـا موت عـجّـل لا اتـّأخّرني؟
ترى هذا الزمان اهواي مرمرني.
عليله وفرگه الاحباب تهضمني.
وشگولن للّذي عنهم يساءلني.

*اسكت والدمع سال*
*هوَّ اليشراح الحال*
وآنـا ابغير والي........
بفراگ الغوالي.........
*شالوا ما يردون*

//////////(4)/////////
احاچي الدار وسألها اعله اَهليها.
ظلمه وموحشه والكدر غاطيها.
وچنها امأيّسه وما يرد راعيها.
وما يرجع الداره وبنته ناسيها.

*فاطم يابو فاطم*
*مـا تحمل هظايم*
من اذكر دَلالي.......
بفراگ الغوالي......

//////////(5)//////////
ردّت عـمـتـي زيـنـب اومسبيه.
ومن وصلت ابهمها وتسأل اعليه.
اجت كل اليتامه ومامش ارقيه.
ضلّت وي ابوها ورفضت الجيه.

*هظمني الدهر يـانـاس*
*زين وعقل بل راس*
ويرفضها خيالي.......
بفراگ الغوالي.........
*شالوا ما يردون*

السيد عباس الموسوي العگداوي.

ماعندي غيرك سيدي اولايذ ابكترك.
اتمنه نحري الينذبح مو ذاك نحرك.
كلما اريد انسه النحر.
الزم قلم وشبع قهر.
________
يحسين اخبرك بلحزن ماخله كلشي.
حته الدمع لمن وكع طيحلي رمشي.
حجي البشر خلاني اهم وي ضلي امشي.
يادمعتي مثل المطر بغيابه رشي.
وعمي العيون امن النضر.
الزم قلم وشبع قهر.
_________
حته البواجي امن الحزن ماهداتني.
بركان صاير ولجمر شلته اعله متني.
ماضل بشر يسمع حجي وشكيله وني.
حته الكلب مرات احس يتبره مني.
كل هذه جا طعت الطهر.
الزم قلم وشبع قهر.
________
اتمنه ماي ابكبتك يحسين اصيرن.
ونزل عله اشفافك ورويهن وطيحن.
وغسل جروحك ونحر بلكت يفزن.
وشبك اشفافك سيدي وبصفهه انامن.
ورويك انته اويه الكمر.
الزم قلم وشبع قهر.
________
حته القلم يكتب الم كلما يذكرك.
يتمنه يمشي الكربله او يغفه اعله صدرك.
ابراسه احس شايل حجي ومدوخه امرك.
من ايدي يفلت جنه احس رايد يزورك.
حته القلب كلبه انكسر.
الزم قلم وشبع قهر.
_______
حاجوني ناسي ابلا خجل ولعين بالعين.
كالولي المن هل لطم جنكم مجانين.
كتلهم افرح لو اجن من اجل الحسين.
كتلهم اشكد مانضل تاليهه ميتين
بس الخدم وهل الخدم بدنيه عدلين.
بس الخدامه التستمر.
الزم قلم وشبع قهر.
________
اتمنه اعيش ابعالمك وترد الايام.
وشكف ابكلبي او منحري ذنيج الاسهام.
ووكف مثل وكفت جبل جدام الخيام.
ونصب عزه ابنص كربله وبتربت الشام
وبكلبي افرش خيمتك وحويهه الايتام.
وحضن رقيه اعله الصدر.
الزم قلم وشبع قهر.
_________
الشاعر السيد عمار العوادي.
ومن الله التوفيق.