#янги_йил_премьераси

Оҳангаронлик ижодкорлар томонидан “Салом, Янги йил!” қўшиғига ишланган клип

Шеър муаллифи: Зафар Ўтапов
Мусиқа: Улуғбек Эркинов

🎧Ғоя муаллифи: Улуғбек Эркинов
📹Режиссёр, клипмейкер ва оператор: Сардор Нишонбоев
🎙Сценарий муаллифи ва режиссёр ассистенти: Хуршида Намазбоева

https://www.tg-me.com/qoraxitoyliklar

www.tg-me.com/khurshida_ergashevna

AsSalamu Alaykum! Hammani yangi yil bilan qutlayman! Ikkinchi rejissyorlik ishimni kuzatib baxo bering, marhamat!

КИБРГА БЕРИЛИБ…

Кибрга берилиб кўксин керганлар,
Ўзни осмон, бизни ерда кўрганлар.
Умр сафарида меҳмонмиз ахир,
Оёқлари қолиб, тилда юрганлар!Етар, одам этиб яратди Раҳмон,
Кўнгилларни поклаб бўлайлик инсон!

Мансабдорга ҳадя, мустаҳкам поя,
Уларга олқиш ва обрў кифоя,
Бу дунё арзимас мансаб, амалга,
Кун келиб зиналар бўлур ниҳоя.
Етар, одам этиб яратди Раҳмон, Кўнгилларни поклаб бўлайлик инсон!

Нафснинг қулларин урмасмиш ҳаром,
Уларга на бир ишқ, на иймон аён.
Истаги йўлида ҳар ишга қодир,
Нодон қилмишига бўлмас пушаймон.
Етар одам этиб яратди Раҳмон,
Кўнгилларни поклаб бўлайлик инсон!

Хуршида Намазбаева шеъри

Yanoda. Hainan. Xitoy

Ushbu linkni bosib ijodiy kanalimga ulanib oling 👇

www.tg-me.com/khurshida_ergashevna

Xurshida Namazbaeva she'ri
https://youtube.com/watch?v=AEXV0ln_ZlI&si=x5HviFzO9wneeehm

Boborahim Mashrab g‘azali.
www.tg-me.com/khurshida_ergashevna

AҚЛ ВА ҚАЛБ

Aқлинг одамларга гар зулм бўлса,
У ақл эмасдир асли илондур.
Aқлинг ўз нафсингга гар ғулом бўлса,
У ақл эмасдир балки чаёндур.

Ҳою-ҳавас ҳирслар кўргай ҳозирни,
Aқлнинг ташвишин қилар нодонлар.
Aқл кўзлари-ла кузатар ишни,
Чеккан заҳматига ғамда одамлар!

Билмасмилар заҳмат қалб кўзин очмиш,
Гар қалб ўксимаса бўлмас эмиш Ишқ,
Aзалдан чин Инсон ақлдан қочмиш,
Ишқни ахтаргайдир Қодир Худодан!

Бахт сирин англанган кишидан сўрмиш,
У деди: «Aқл бу иблис даъвоси».
Муҳаббат Одами Aтодан келмиш,
Шундан яралмишдир Момо Ҳавоси.

Aқл бизга кибр ва ғурур берур,
Aқлни қалб билан тарозига қўй.
Гар кимса манманлар даҳридан келур,
Ундан афзал ерур ҳатто битта қўй.

Aқлинг одамларга гар зулм бўлса,
У ақл емасдир асли илондур.
Aқлинг ўз нафсингга гар ғулом бўлса,
У ақл эмасдир балки чаёндур.

Хуршида Намазбаева шеъри
Хитой. Хайнань орали
www.tg-me.com/khurshida_ergashevna

ИСТАДИМ

Инсон кўнгли баҳор осмони,
Гоҳ қуёшли, гоҳи найсони
Англаш учун яхши-ёмонни
Мен ўзимдан қочмоқ истадим!

Ҳаёт – жоду боғлаб кўзимни,
Излаб юрдим йиллар ўзимни,
Тутқун дилга сўраб тўзимни,
Мен изимдан қочмоқ истадим.

Парчаланган туйғуларим бор,
Қанча алам, қайғуларим бор,
Қайда зулмат, ёғдуларим бор, Мен сўзимдан қочмоқ истадим.

Еру осмон қародир, оқдир,
Балки манзил бахтга тўлиқдир,
Пешонамга битган бу тақдир,
Юлдузимдан қочмоқ истадим.

Мен ўзимдан қочмоқ истадим!

Хуршида Намазбаева шеъри

Ijodiy kanalimga ulanib oling 👇

www.tg-me.com/khurshida_ergashevna

Асрагин

Одамзод… нафснинг қулими эй, воҳ!
Қўрқмаслар охират жавоб бермоқдан.
Дунёда энг оғир, энг катта гуноҳ,
Ўткинчи дунёни севиб қолмоқдир.

Ҳидоятга етгай нафсини тийган,
Хорликка маҳкумдир дунёни суйган,
Қабрнинг азоби аслида недан,
Ўткинчи дунёни севиб қолмоқдан.

Ғафлатда надомат чекканлар ўтар,
Нафснинг дарёсига чўкканлар ўтар,
Тангрим мени дунё дардидан қутқар,
Ўткинчи дунёни севиб қолмоқдан.

Хуршида Эргашевна Намазбаева шеъри

2015 йил ёзилди

Хайнань. Хитой.

www.tg-me.com/khurshida_ergashevna

Мен Сенга келдим!

Менга Сен ёқтирган китоб, ранглар, фасллар, гуллар ҳам қадрли. Мен ҳатто сен туғилган сана, Cен яшайдиган шаҳар,
Cенинг исмингдаги ҳарфлар,
Cенинг исмингдаги инсонларни ҳам яхши кўраман!
Сенинг шаҳринг Мадинаи Мунаввара! Ё, Муҳаммад Саллааллаҳу Алайҳи Васаллам! Мен сенга келдим!!! Равзангдан  Жаннат бўйларини ҳидлагани, юрган муборак изларингда юргани, Сен ютган ҳаводан тўйиб нафас олгани, Ухуд тоғида тортган изтиробларингни қалбдан ҳис қилиб йиғлагани, Ўз шаҳринг Макка  Мукаррамадан сиқиб чиқарилиб, таскин топган шаҳринг муқаддас Мадина Мунавварага Сени кўргани келдим ё Расулаллаҳ!
Мени ўз умматларинг қаторида кўрсанг қанийди, Маҳшарда ёнингда турсам қанийди!

Хуршида Намазбаева. Saudiya Arabistoni.

www.tg-me.com/khurshida_ergashevna

Роббим

Сенинг Исминг Улуғлаб,
Сўнг ўзимдан тонаман.
Қўймасанг гар бир йўқлаб,
Телбаман, девонаман!

Кабага юзландим, воҳ!
Ҳайратда, ҳайронаман.
Висолинг умидида,
Дуода ёлвораман!

Саждага бошим қўйиб,
Байтингда меҳмонаман.
Ёшларим қалбга сепиб,
Нур ичра ғамхонаман!

Имон, нафс орасида,
Адашдим, сарсонаман.
Ўзинг тавфиқ бер, Роббим!
Заифа, бечораман.

Маъсият ботқоғида,
Қолдирма ёлвораман.
Ҳар нафас Сени ўйлаб,
Сен томон мен бораман!

Сендан бир назар кутиб,
Қалби минг бир пораман.
Қўймасанг гар бир йўқлаб,
Телбаман, девонаман!

Хуршида Намазбаева шеъри
Макка Мукаррама 6.03.2025.
www.tg-me.com/khurshida_ergashevna

Бу фоний дунёда мен учун вақт тушунчаси йўқ, ҳудди абадий дунёда бўлмагани каби. Ҳар қараган соатларим кўрсаткичи Сен томонни кўрсатади Роббим!

***
Ҳукмингга бўйсунар бутун Коинот,
Байтингда саждалар қилгани келдим!
Ҳазрати Иброҳим қўйган тошларни,
Кўзимга авайлаб сургани келдим!

Тангрим мени кечир, караминг кенгдир!
Мен эса қуш юрак, тушларга ҳамроҳ.
Кабага юзимни бурдим, титроқда,
Маҳшарда қандайин юзланай, Аллоҳ!

Қайтаман уй томон, шавқда ва ғамда,
Ўйлайман, гуноҳим кечдими Аллоҳ!
Ҳарамга илк бора кирганим дамда,
Дуода - васлингдан умидвор ҳолда.

Дуойим ижобат қилдими Аллоҳ!
Ҳукмингга бўйсунар бутун Коинот!
Ҳар неки мўжизанг аломатидир!


Хуршида Намазбаева шеъри

Ushbu linkni bosing va ijodiy kanalimga ulanib oling 👇
www.tg-me.com/khurshida_ergashevna

Xurshida Namazbaeva she'ri
Ijro Xurshida Namazbaeva
www.tg-me.com/khurshida_ergashevna