"NILUFAR ". Moybo’yoq, xolst. 90×90. Farg'ona. 2018 yil. Rassom Xurshida Namazbayeva Ergashevna.

www.tg-me.com/khurshida_ergashevna

Қалбга чиздим

Хаёлчан тун. Чўмганча ўйга
Ойга чиздим Ёрим кўзларин.
Дардим тўкдим бир атиргулга,
Дилда туйдим ифор, исларин.

Ой дардимга бўлмади дармон,
Атир бўйи олмади кўнглим.
Муҳаббат бу мен учун армон,
Муҳаббат бу қувонч ва мунглим.

Унутаман. Ичаман қасам,
Қалбим ташлаб, кетаман бадар.
Гулзорда гул, кўкда ой кўрсам,
Дард оғритар суякка қадар.

Хаёлчан тун. Чўмганча ўйга
Қалбга чиздим Ёрим кўзларин.
Дардим тўкдим бир атиргулга,
Кўролмадим Ёрим юзларин.

Хуршида Эргашевна Намазбаева
шеъри
1999 йил

www.tg-me.com/khurshida_ergashevna

***
Биродар бўлмагин бунчалар баҳил,
Қалбингда занглаган гина деган ўқ.
Сен шунча бағритош, шунчалар жоҳил,
Озор бермоқликдан бошқа дардинг йўқ!
* * *
Нафсни қалб ила енгмоқ даркор,
Ақлга қалб ила боқмоқ даркор!
Бу оламга келиб излаганим Ишқ!
Ўткинчи ҳавасдан кечмоқ даркор!
* * *
Мусаффо ишқ, қора нафрат,
Бу азалдан мувозанат.
Менга беринг ишқни фақат,
Сизга қолсин дунё ва тахт.
* * *
Алам косасидан ичаман шароб,
Қайноқ муҳаббатдан симирдим зардоб.
Кечмайман иккисин аччиқ заҳридан,
Бўғзимга чирмашиб қилгунча хароб.
* * *
Юрагим тубида дард бор, алам бор,
Юрагим тубидан то қадар осмон.
Йиғлатманг дилимни, йиғлатсангиз гар,
Оҳимдан саҳрода йиғлайди найсон.

Хуршида Намазбаева шеъри
Dubai. Emirates.
www.tg-me.com/khurshida_ergashevna

Artist: Khurshida Namazbaeva Canvas. Oil.
Рассом Хуршида Намазбаева. Мато. Мойбуёк. Охангарон мовий тоғлари
www.tg-me.com/khurshida_ergashevna

Таслимман

Шунчаки таслимман муҳаббатингга,
Ғурур не, ор не тушунмас қалбим.
Сенга яқинлашиб борганим сари,
Мендан узоқлашиб бормоқда сабрим.
Не сабаб мен сени бордим кўргани?

Сен улкан Уммонсан мен эса тупроқ,
Бағримда оғриқли тошлар изи бор.
Дард тўла бошимда мен бир гуноҳкор,
Сен бир олмосдирсан кўксимда абгор
Тупроқлар ичида бетакрор!

Ўзимни унутиб юзландим сенга,
Юрагимда дард, қалбимда армон.
Масрур кўзларингдан жой бермасанг гар
Чўкиб кетаяпман йўқликлар томон.
Менинг яшагим бор қалбинг тубида.

Сен мени юксалтир қалбинг тўрига!
Ошиқман...!!!

Хуршида Намазбаева шеъри

www.tg-me.com/khurshida_ergashevna

Watch "Hayot guruhi - Yurak | Хаёт гурухи - Юрак" on YouTube
https://youtu.be/o2xxvd7E3pw

Шеърим...

Хаёлларим билан қураман суҳбат,
Мен бир ахтарилмас йўқолган одам.
Менинг хисларимни хис этар фақат,
Шеърим – юрагимдан тўкилган алам.

Дардимга шеърик йўқ, дардларим  олам,     
Туним бедор ҳамроҳ қоғоз ва қалам.
Шодлигим дунёга улашгум, аммо,
Шеърим – юрагимдан тўкилган алам!

Кузни бошлаб келар қора булутлар,
Сизни бошлаб келмас, унут - унутлар,
Зоғларга ем бўлиб кетса бургутлар,
Шеърим – юрагимдан тўкилган алам!
 
Севгида енгилдим, билмай таъбирни,
Жон деб тилаб олдим жонга жабрни,
Қабримга етказай тўкмай қадрни,
Шеърим – юрагимдан тўкилган алам!

Инсон қадри чақа бўлган замонда,
Хатто одам соққа бўлган замонда,
Тўқ - овчи, оч - лаққа бўлган замонда,
Шеърим – юрагимдан тўкилган алам!

Хуршида Намазбаева шеъри

19 ноябрь. Ташкент.

Telegramdan ijodiy kanalimga ulanish uchun ushbu linkni bosing

www.tg-me.com/khurshida_ergashevna

БАХТ БЕРОЛМАДИМ

Бир қуш бўлдим, узоқларга учолмаган,
Гўдак бўлдим, онам тўйиб қучолмаган,
Машуқ бўлдим, ошиғидан кечомаган,
Кимсаларга ўхшаб даврон суролмадим!
Гуноҳкорман, қалбимга бахт беролмадим!

Юрагимда бор ҳақиқат шеърга дўнди,
Кўкка парвоз қилмай илҳом ерга қўнди,
Қаламларим тешди кўзим, гулҳан сўнди,
Шоир бўлиб катта давра қуролмадим!
Гуноҳкорман, қалбимга бахт беролмадим!

Тугамади орзуларим эртаклари,
Биз ўйинчи, ҳаёт бизни эрмаклади,
Умр ўтди, на гуллаб, на куртаклади,
Орзуларим гул яшнатиб юролмадим!
Гуноҳкорман, қалбимга бахт беролмадим!

Онам қучоқ очганингда боролмадим,
Ҳолинг не деб, чин дўстдан ҳол сўролмадим,
Нафсдан ортиб ҳеч ёнимга қаролмадим,
Бир зум жонга озор бермай туролмадим
Гуноҳкорман, қалбимга бахт беролмадим!

Хуршида Намазбаева шеъри

www.tg-me.com/khurshida_ergashevna

СОХТА ОШИҚ

Бу қайси фаслдир, нечинчи баҳор?
Бу йиллар ҳисобин билмам неча бор.
Бу нечанчи ёлғон ишқ кўриниши,
Юзимда сохта ишқ, бу қалбим бемор.

Сен ишқимда телба, мен сохта ошиқ,
Энди афсус бари аламли қўшиқ,
Нетай, жоним ачир, қийналар виждон,
Мана, юрагимда абадий бўшлиқ.

Айбдор ўзингдурсан, гуноҳкор ўзинг,
Дил минг пора этди бир айтган сўзинг,
«Сендан топмайин бахт, ахтардим», деган,
Кўзимга тик боқиб алдаган кўзинг.

Бағримни тош этдинг, раҳмим келади,
Бу сохта умримдан ваҳмим келади,
Недан тушунмадинг кўнглим, дардларим?
Қалбим оғриқларин Тангрим билади.

Мен сенинг ёнингда бир сохта ошиқ,
Сен эса қалбимда абадий бўшлиқ!

Хуршида Намазбаева шеъри
www.tg-me.com/khurshida_ergashevna

"Seni deya"
Ijro_singer: Xurshida Namazbaeva
So‘z_Lyrics: Xurshida Namazbaeva
Music: Roya Ayhan

КЎЗЛАРИНГ АКСИ

Кўзларимга қара кўзларинг акси
Абад рақс тушади орзу ва алам.
Сени бир кўрса бас топгай дил таскин
Сенсиз дунёларга сиғмам сира ҳам.

Юрагимга ўйиб соғинч сўзларин
Кундан кун боряпман тўкилиб, нураб.
Зулматдаги гулдек зиё ахтариб
Аросатда қолдим муҳаббат сўраб.

Сен қайларда эдинг оққуш кунларим,
Ҳушвақт юрганимда лолалар қучиб.
Армонларга тўлиб кетди йилларим
Аммо кетолмадим тақдирдан қочиб.

Сени бир кўришга зорман аслида,
Олисдан соянгни кўрсам ҳам майли.
Сени жондан ортиқ севаман жуда
Жоним чиқса керак севгинг туфайли.

Кўзларимга қара – кўзларинг акси,
Абад рақс тушади олам ва алам.
Сени бир кўрса бас, топгай дил таскин,
Сенсиз дунёларга сиғмам сира ҳам!

Хуршида Намазбаева шеъри

www.tg-me.com/khurshida_ergashevna

КУЗ ВА МУҲАББАТ

Сенсиз, кузак ҳам келди, асло сўрамай,
Қалбга сочди боғлар хазонларини.
Кутавердим сени мен, кунлар санамай,
Бағримга босиб онам, райҳонларини.

Райҳон иси атрингни эслатар менга,
Аммо бу ишқинг қалбда абад қолган ўқ.
Сенсиз кузак хазони ёнар бағримда,
Сенсиз ҳаёт жилвасин кўролганим йўқ!

Сен ўйлама Бахтиёр, олисда эркам,
Сенсиз ранглар ҳис этмак, жуда ҳам оғир.
Биз кезган олтин боғлар ёдимда ҳар дам,
Энди хазонлар каби, кўзимда ёмғир.

Сенсиз, кузак ҳам келди, асло сўрамай,
Қалбга сочди боғлар хазонларини.
Кутавердим сени мен, кунлар санамай,
Бағримга босиб онам райҳонларини.

Хуршида Намазбаева шеъри
Памукелли. Турция.

www.tg-me.com/khurshida_ergashevna

Ижро: Бахтиёр Мавлонов
Шоира: Хуршида Намазбаева
"Сенсиз" таронаси.

Фироқ яқин, висолинг олис,
Юрак чақин, қўшиғим маъюс,
Муҳаббатим сен ўзинг ёлғиз,
Менга оғир яшамоқ сенсиз…

Ёнаверар юрак, нетарман,
Ёмғирларга бағрим тутарман,
Хазонларга дардим битарман,
Менга оғир яшамоқ сенсиз.

Узолмадим севги гулларин,
Тутолмадим бахтнинг қўлларин,
Тополмадим балки йўлларинг...
Менга оғир яшамоқ сенсиз.

Айрилиқнинг вайрон шаҳрида
Алам кулар қисмат қаҳридан,
Ўтолмадим кўнглим баҳридан,
Менга оғир яшамоқ сенсиз.

Хуршида Намазбаева шеъри
www.tg-me.com/khurshida_ergashevna

Assalomu alaykum xurmatli she'riyatga oshno qalblar. Navbatdagi "Men o‘zimga sig‘masman" she'riy to‘plam kitobim nashrdan chiqdi. Darhondagi "Kitoblar olami" kutobxonasi yoki ushbu @Xurshida_Namazbaeva telegramdan linkimga harid uchun murojaat qilishingiz mumkin. Tashakkurlar!

www.tg-me.com/khurshida_ergashevna

Ko‘nya. Turkiya. Xazrat Jaloliddin Rumiy qo‘nim topgan azim shahar.

КИБРГА БЕРИЛИБ…

Кибрга берилиб кўксин керганлар,
Ўзни осмон, бизни ерда кўрганлар.
Умр сафарида меҳмонмиз ахир,
Оёқлари қолиб, тилда юрганлар!
Етар, одам этиб яратди Раҳмон,
Кўнгилларни поклаб бўлайлик инсон!

Мансабдорга ҳадя, мустаҳкам поя,
Уларга олқиш ва обрў кифоя,
Бу дунё арзимас мансаб, амалга,
Кун келиб зиналар бўлур ниҳоя.
Етар, одам этиб яратди Раҳмон,
Кўнгилларни поклаб бўлайлик инсон!

Нафснинг қулларин урмасмиш ҳаром,
Уларга на бир ишқ, на иймон аён.
Истаги йўлида ҳар ишга қодир,
Нодон қилмишига бўлмас пушаймон.
Етар одам этиб яратди Раҳмон,
Кўнгилларни поклаб бўлайлик инсон!

Хуршида Намазбаева Эргашевна шеъри

www.tg-me.com/khurshida_ergashevna

Кутиш

Ғанимат ғанимлар ҳам,
Ҳар ишларга кўнгаймиз.
Чекинма дўст, чекма ғам,
Қиёмат дўст бўлгаймиз!

Дилозорга берма дил,
Дилозорнинг бағри кир,
Қалбингни топтар буткул,
Зулумотга тўлгаймиз.

Ёлғизликдир зулумот,
Ўтар кетар дард, омад,
Фақат қилма хиёнат,
Қалб ишин кечирмаймиз.

Очлик, тўқлик йўлингда,
Сабр, нафсинг кўнглингда,
Тушларингда, ўнгингда,
Не истаймиз, билмаймиз.

Дўст деганинг эмас дўст,
Хасадга қоришган сўз,
Мунофиқдан кўнгил уз,
Узиламиз, узмаймиз.

Ғанимат ғанимлар ҳам,
Бегона, манимлар ҳам,
Юрагимда ёнар шам,
Тангрим томон кетгаймиз!

Хуршида Намазбаева шеъри

27.09.2022.

www.tg-me.com/khurshida_ergashevna

ҚЎЙНИМДАГИ ИЛОНЛАР

Ҳатлаб ўтдим ҳатто равон йўллардан ҳам,
Лек тилинди товонларим тиконларда.
Чоҳ қазилган эди равон йўлларда ҳам,
Лек чалиндим йўлимдаги илонларга.

Ҳайрон боқдим чигал ҳаёт синовига,
Ишончим йуқ Ундан ўзга бировига.
Сув сўрасам, заҳар тутди дудоғимга,
Асал тутдим бўйнимдаги илонларга.

Бошим олиб кетай энди қаёнларга,
Юрагимни бердиммикан чаёнларга,
Билмам қачон куним қолди нодонларга,
Таслим бўлдим қўйнимдаги илонларга.

Хуршида Намазбаева Эргашевна шеъри

Ангрен давон йўли. Эртошсой. Охангарон.

www.tg-me.com/khurshida_ergashevna

***
Олис тоғлар бошлари қор,
лек қалбимда тароват йўқ,
Дилим истар хотиржамлик, ҳавотир бор, ҳаловат йўқ.
Ахтариб топмам битта дўст, ҳиёнат бор, садоқат йўқ.
Меҳр кутган у кўзларда
важоҳат бор, марҳамат йўқ.


Инсоф сўзи унутилмиш,
разолат бор, адолат йўқ,
Илм истаб кезсам дунё,
жаҳолат бор, маърифат йўқ,
Гуноҳларни дермиш савоб, қабоҳат бор, кафорат йўқ.
Яхшиямки қалбимда нур, Хақиқат бор, зулумот йўқ!

Тангрим Хақиқатингдан айирма мени!
Хуршида Намазбаева шеъри

Uzaq dağlar başında qar,
Qəlbimdəsə təravət yox
Ürəyim dinclik arzular,
Əziyyət var, həlavət yox.

Axtarıb tapmam bircə dost,
Xəyanət var, sədaqət yox
Sevgi uman o gözlərdə
Tam surət var, mərhəmət yox.

İnsaf sözü unudulmuş
Rəzalət var. ədalət yox
Elmi isbat etmiş dünya
Cəhalət var, mərifət yox.

Günahları dərmiş savab,
Qəbahət var, zəmanət yox
Nə yaxşı ki, qəlbimdə nur
Həqiqət var, ah, zülmət yox
Tanrım, həqiqətdən ayırma məni!
Ümidsizlik insanlıqdan ayırar

Azərbaycan dilinə uyğunlaşdıran Şahməmməd Dağlaroğlu
www.tg-me.com/khurshida_ergashevna

***

Дунё ост-устин деб қилма андиша,
Балки остидаги сирлар гўзалдир.
Таслим бўл синовга, ютқазган неча,
Енгилмоқ мардаларча бил-ки афзалдир!

Хуршида Намазбаева шеъри

www.tg-me.com/khurshida_ergashevna