www.tg-me.com/khurshida_ergashevna

Ushbu linkni bosib ijodiy kanalimga ulanib oling

Баҳор

Кўнгиллар ўртанди соғиниб сени,
Офтоб ҳам эриди, эригандай қор.
Фасллар эркаси кўкламим келди,
Бойчечак юзига ўхшайсан баҳор!

Қушлар сайроғидан яйрайди диллар,
Боғлар аро чорлар бизни булбуллар,
Қутлайверар яна анвойи гуллар,
Бинафша бўйида яшайсан баҳор!

Юрагим орзиқар ташрифинг кутиб,
Тонгда марваридлар кафтимда тутиб,
Салқин бўйларингни тўймайман ютиб,
Сен бизни бахтларга бошлайсан баҳор!

Бунчалар бағринг кенг, бунчалар сўлим,
Бодомгул бўйингдан айланай ўзим,
Майсалар эркалаб тортқилар қўлим,
Кўм- кўк гиламларинг тўшайсан баҳор!

Турналар арғимчоқ осмонларингда,
Мусаффо осмонинг оқ тонгларингда,
Ҳуш келдинг, қалдирғоч айвонларимга,
Ҳуш келдинг қизғалдоқ кўйлакли баҳор!

Корахтой


Хуршида Намазбаева шеъри

www.tg-me.com/khurshida_ergashevna

I'm on Instagram as @oceancoral_2020. Install the app to follow my photos and videos. https://www.instagram.com/oceancoral_2020?igsh=NXpiZHgwc2YwN3py&utm_source=ig_contact_invite


Ushbu link ustiga bosib Instagramimga ulanib oling. Tashakkurlar!

AsSalamu Alaykum! Aziz do‘stlarim, ushbu klip 4-chi rejissyorlik ijodiy ishim bo‘lib ushbu klipda barcha Qoraxitoy qishlog'i san'atkorlari ishtirok etgan. She'r muallifi kamina Xurshida Namazbaeva, bastakor Ulug'bek Abduraimov. Ko‘rib baho bering. Barcha manzillar Qoraxitoy qishlog'ida suratga olingan. Xurshida Namazbaeva.
www.tg-me.com/khurshida_ergashevna

Xurshida Namazbaeva she'ri. Qoraxtoy.
https://youtube.com/watch?v=T37W-wGLdrI&si=Z81Kek2W_tbqDqD0


www.tg-me.com/khurshida_ergashevna

Xurshida Namazbayeva - Bahor (Official Music Video)
https://youtube.com/watch?v=7rKI2TF6Yig&si=-P0uqPWVEkQgQp8N

Klipimizni endi nevo va 65 ta shunga o'xshash saytlarda kuzatishingiz mumkin!

***
Қизғалдоқ гулларди томларимизда,
Баҳона гул эди, кўришар эдик.
Қушлар гувоҳ эди, кенг эди дунё
Биз эса сен билан учрашар эдик.

Ёт эди бизларга ташвиш, ғам, алам,
Тушлар давомидай эди йиллар ҳам,
Бир-бирин шундай ҳам севур-му одам?
Биз эса сен билан севишар эдик.

Мактублар ёзардинг қанотлари оқ,
Сирлашмоқ гўзалди, сен-ла дардлашмоқ,
Барча миш-мишларга кўз юмиб чошгоҳ
Биз эса ошкора кўришар эдик.

Ҳаёт қай вақт бизни домига тортди,
Билмай қолдим сени қачон йўқотдим,
Энди яшаб бўлиб армонлар ортди,
Пок ҳисларимизни бўлишар эдик.

Қизғалдоқ гулламас томларимизда,
Сенсиз адирлардан ахтараман мен...
.....
Биз эса...

Amirsoy

Хуршида Намазбаева шеъри

Ushbu linkni bosing ijodiy kanalimga ulanib oling www.tg-me.com/khurshida_ergashevna

Кўнглим!...

Осмон аза тутди, ҳолимга бугун,
Намиққан ҳисларга ўт қўйдим осон.
Эҳ, кўнглим, фарёдим сезмайсан нечун?
Икки жаҳонимни қилурсан вайрон!

Қара, ҳаёлларим бўйсунмас менга,
Юрагим дупури амрингга муштоқ.
Гул эдим, дўл каби тўкдинг-ку ерга,
Тупроқ бўлдим, раҳминг келмагай бироқ.

Киприкларим тешар тош болишларни,
Қора зулфим аждар то тонгга қадар.
Қаламлар синади дард, нолишлардан,
Тиғлари битмаган ярамга ботар.

Осмон аза тутди, ҳолимга бугун,
Намиққан ҳисларга ўт қўйдим осон.

Azarbayjan tiliga Azarbayjan adibi, shoir Shohmamed Dig‘larog‘lu
Könlüm

Asiman yas tutdu halıma bu gün,
Nəm çəkmiş hislərə od qoydum asan.
Ah, könlüm, ahımı duymursan neçün?
Hər iki dünyamı edirsən viran!

Bir bax, xəyallarım baş əymir mənə,
Qəlbim döyüntüsü əmrinə müştaq.
Gül idim dolutək tökdün sən yerə,
Torpağa çevrildim, rəhmin yox ancaq.

Kirpiklərim deşər daş balışları
Zülfüm əjdahadır səhərə qədər.
Qələmlər qırıldı dərddən, nalədən,
Oxları sağalmaz yarımı deşər.

Asiman yas tutdu halıma bu gün,
Nəm çəkmiş hislərə od qoydum asan.

Azərbaycan dilinə uyğunlaşdıran: Şahməmməd Dağlaroğlu


Хуршида Намазбаева шеъри

Эртош.

t.m/khurshida_ergashevna

Дунё
      
Ўзин олим дермиш амали риё,
Эзгуликни эса қолдиргай доно,
Нафсинг жиловини тортмасанг мудом
Қўйнингга пуч ёнғоқ тўлдиргай дунё!

Музлагай офтоб ҳам бедардни кўрса,
Нафсига тобланиб, керилиб юрса,
Кутмаган синовлар беҳосдан келса,
Ношукур чопонин кийдиргай дунё!

Мазлум либосини мунофиқ кийса,
Худонинг сўзини эрмаклаб қўйса,
Даъвоси олим лек нодонлик қилган
Жоҳилни эгарга миндиргай дунё!

Одамий сўзини булғаса одам,
Юраклар қорайса ҳайвоний ҳирсдан,
Маҳшарда эллик минг йил тутиб мотам,
Барчани устидан кулдиргай дунё!

Бизнинг борлигимиз тасодиф эмас,
Вақт ўтиб борсаки одам тушунмас,
Қазои қадар хақ, кетганлар қайтмас,
Ҳисобдан адашмай ўлдиргай дунё!

Қўйнингга пуч ёнғоқ тўлдиргай дунё!

Хуршида Намазбаева шеъри
      
Урунгач, Нефрит кули

www.tg-me.com/khurshida_ergashevna

AsSalamu Alaykum! Navbatdagi rejissyorlik ishim. "Chashma" folьklor ayollar jamoasi ishtirokidagi klipimiz. San'atsevar opalarimiz dunyoga go‘zal nigohda qarashadi hamda o‘zgalarga ham shunday go‘zal kayfiyat ulashib kelmoqda. Sizlar bilan birgalikda ishlaganimdan xursandman! Yaqin kunlarda premera! Xurshida Namazbaeva.
www.tg-me.com/khurshida_ergashevna

АсСаламу Алайкум! Аллоҳ Субҳанаҳу ва Таъла барчамизга ушбу ҳайитни муборак айласин! Бизларга бахт, саодат, қувонч, барака ва яхшилик улашадиган ҳайит бўлишини насиб этсин! Барчангизни буюк байрам билан муборакбод этаман ҳамда Аллоҳим йўлида собит қадамлик, икки Олам саодатига мушарраф бўлишликни тилаб қоламан!

Хурмат билан дўстингиз Хуршида Намазбаева.

www.tg-me.com/khurshida_ergashevna

***
Юрибман-да дарбадар кезиб,
Бедард дардга йўлиққан ўзим.
Кичраяман, дард борар ўсиб,
Ҳеч бир ишда топмасдан тўзим.

Юзда ниқоб кийган дўстларим,
Хавотирда кўрар расмимни.
Бунга қандай омад келди деб,
Кулдиради ҳомуш рахмимни.

Қалбда азоб тиржаяман мен,
Кулиб ўлмоқ истаган банда
эканимни билмайди ҳеч ким,
Мендан нелар истарканлар-а?

Нени орзу қилиш билмайман,
Орзуни ҳам бураман нафсга.
Энди бугундан ҳеч кулмайман,
Айланаман хўмрайган шаҳсга.

Хуршида Намазбаева шеъри

Трабзон. Ризе.

www.tg-me.com/khurshida_ergashevna