Do‘lana — tog‘ marjoni, sog‘lomlik manbai!

Shu kunlarda Kitob tumanining purviqor tog‘lari, sersoya adirlari va yuksak qoyalar bag‘rida qizil marjon misol tovlanib pishgan do‘lana mevasi o‘zining shifobaxsh mavsumini boshlagan. Tabiatning bu bebaho ne’mati nafaqat tanaga shifo, balki insonlar uchun qo‘shimcha daromad manbai sifatida ham ahamiyat kasb etmoqda.

Do‘lana — qadimdan xalq tabobatida yurak faoliyatini yaxshilovchi, qon bosimini me’yorga keltiruvchi va asab tizimini tinchlantiruvchi o‘simlik sifatida qo‘llanilgan.

Mevasidan tayyorlangan murabbo, damlama va sharbatlar yurak mushaklarini mustahkamlash, qon aylanishini yaxshilashda katta foyda beradi. Ayniqsa, kuz faslida toza havoda pishgan tog‘ do‘lanasining foydasi yanada yuqori bo‘ladi.

Olimlarning ta’kidlashicha, do‘lananing bir hovuchini iste’mol etish kishini kun bo‘yi ochlik va tashnalikdan asrash bilan birga, organizmga bardamlik, quvvat va yaxshi kayfiyat bag‘ishlaydi. Shu bois bo‘lsa kerak, uni lotin tilida “gratas” — ya’ni “kuchli” deb ataydilar.

Bugungi kunda Kitob tumanining tog‘-vodiylarida do‘lana terimi bilan shug‘ullanuvchi aholining soni yildan-yilga ortmoqda. Meva qadoqlanib, ichki bozorlarga, hatto qo‘shni viloyatlarga ham yetkazilmoqda. Bu esa nafaqat ekologik toza mahsulotning qadri oshayotganidan, balki tog‘ bag‘rida yashayotgan insonlar mehnatidan baraka topayotganidan darak beradi.

Darhaqiqat, do‘lana — tabiat in’omi, tog‘ marjoni va sog‘lom hayot kaliti. Uni qadrlash, ko‘paytirish va shifobaxsh xususiyatlarini targ‘ib etish har birimizning burchimizdir.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://www.tg-me.com/joinchat-WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube‌‌

📷 Баҳор чўлдан, куз эса тоғдан бошланади (фотожамланма)

Ishonch.uz мухбири Қашқадарё вилояти, Китоб туманининг энг олис тоғли қишлоғи Шут қишлоғида бўлиб, куз манзараларини фототасвирларга мухрлади.

Маълумот учун, Шут қишлоғида 50 га яқин хонадон мавжуд. Қишлоқ туман марказидан 105 километр узоқликда, Ўзбекистондаги энг баланд чўққи – Ҳазрати султон этагида жойлашган.

⏺ ФОТО: http://ishonch.uz/photo_news/4338

Расмий саҳифаларимиз:
Telegram / Facebook  / Twitter / instagram  / You tube