🚨Yo‘l harakati qoidalariga rioya qilish — barchamizning burchimiz!

Ma’lumki, joriy yilning 1-oktyabridan boshlab qonunchilikka muvofiq ayrim turdagi transport vositalarini boshqarish tartibida o‘zgarishlar belgilandi. Jumladan, dvigatelining ish hajmi 25 sm³ va undan ortiq, lekin 50 sm³dan oshmaydigan, shuningdek elektr dvigatelining quvvati 0,25 kilovatt va undan ortiq, biroq 4 kilovattdan oshmaydigan, konstruktiv tezligi soatiga 25 km va undan ortiq, lekin 50 km/soatdan oshmaydigan transport vositalari — ya’ni moped va skuterlarni boshqarish uchun endilikda tegishli toifadagi haydovchilik guvohnomasiga ega bo‘lish majburiy hisoblanadi.

Mazkur tartib yo‘l harakati xavfsizligini ta’minlash, fuqarolarimizning hayoti va salomatligini asrashga xizmat qiladi. Chunki amaliyot shuni ko‘rsatmoqdaki, haydovchilik guvohnomasiz boshqarilayotgan transport vositalari ko‘plab noxush hodisalar, yo‘l-transport hodisalari kelib chiqishiga sabab bo‘lmoqda.

Shu munosabat bilan Kitob tumani Yo‘l harakati xavfsizligi bo‘limi barcha fuqarolarimizga murojaat qilib, yana bir bor shuni eslatib o‘tadi:

▪️yo‘l harakati qoidalariga qat’iy rioya qilish;

▪️transport vositalarini qonunda belgilangan tartibda boshqarish;

▪️haydovchilik guvohnomasisiz transport vositasini boshqarmaslik zarur.

❕Zero, Qonunni bilmaslik javobgarlikdan ozod etmaydi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://www.tg-me.com/joinchat-WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

Infratuzilma rivoji: “Olmazor–Ayronchi” yo‘li yangilanmoqda

Kitob tumanida obodonlashtirish va ko‘kalamzorlashtirish ishlari izchil davom ettirilmoqda. Jumladan, tumanning “Bog‘bon” mahalla fuqarolar yig‘ini hududidan o‘tuvchi «Olmazor–Ayronchi» avtomobil yo‘lining 300 metrdan ortiq qismiga asfalt yotqizish ishlari amalga oshirilmoqda.

Mazkur ishlar aholining qulay va xavfsiz harakatlanishini ta’minlash, hudud infratuzilmasini yanada yaxshilash hamda mahalla ko‘rkini oshirishga xizmat qiladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://www.tg-me.com/joinchat-WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube