Kitob tumanida davlat-xususiy sheriklik asosida birinchi kunduzgi parvarish xizmati ish boshladi

Tumanda nogironligi bo‘lgan bolalar va ularning oilalari uchun qulay sharoitlar yaratish yo‘lida muhim qadam qo‘yildi – ilk bor davlat-xususiy sheriklik asosida kunduzgi parvarish xizmati tashkil etildi.

Mazkur maskan 18 nafar nogironligi bo‘lgan bolani qabul qilish imkoniyatiga ega bo‘lib, ularning ijtimoiy hayotga moslashuvi, rivojlanishi va parvarishi uchun zaruriy sharoitlar yaratilgan. Eng muhimi, bu tashabbus nogironligi bo‘lgan bolalarning ota-onalari uchun ham katta qulaylik va yengillik yaratildi.

Tantanali ochilish marosimida Kitob tumani hokimi Rustam Gafurov, mahalliy faollar, tadbirkorlar, farzandlari imkoniyati cheklangan ota-onalar hamda ommaviy axborot vositalari vakillari ishtirok etdi. Tadbir davomida yangi markaz faoliyatining ahamiyati va kelgusidagi rejalari haqida so‘z yuritildi.

👉 Китоб хабарларига аъзо бўлинг👉 https://www.tg-me.com/+5L_qUK2TuQ9hZjMy