Qo'llarim bo'm-bo'sh.

Ko'tarmoqchi edim boshimga seni
shu qo'llarimda.

Endi bo'm-bo'sh qo'llarimni
boshimdan baland
ko'tarolmay yashayapman.

Bo'm-bo'sh qo'llar og'irligi.

(c) Faxriyor
1988

Oq she'r Faxriyorga juda yarashadi)

shunaqa gnida odamman)

"Telba"ni yeb yuborolmayakkan men(

Are you ready?)

)))

Endi u ko‘chaga sira bormayman...

Endi u ko‘chaga sira bormayman.
Borsam — daraxtlari gullar telbahol,
Go'yo sen-u mening bahorim kabi.

Endi u ko‘chaga sira bormayman.
Borsam — sim-sim yog‘ar mayin  yomg‘irlar,
Ko'ngilchan yomg‘irlar jim-jim yog‘adi
— Go'yo sen-u mening yomg‘irim kabi.

Endi u ko‘chaga sira bormayman.
Borsam — falagida qolmas halovat —
Turnalar alamli qichqiriqlarda
Tushunuksiz dardlarni aytib yig‘lashar,
Go‘yo sen-u mening qushlarim kabi.

Endi u ko‘chaga sira bormayman.
Borsam — g‘ussali bir derazasida
Ko‘chaga termulib, holsiz turasan —
Dunyoning eng g‘amgin darpardasiday.

Endi u ko‘chaga sira bormayman.
Unda ne qilaman shamol bo‘lmasam —
Parda etagingga shamol yuzimni
Bosib yig‘lolmasman — nima qilaman?