حملتي الآم من دهرچ
غريبه وياصبر صبرچ.
كلبچ لو يون حگه
عليچ مطوله الفركه.
غريبة وياصبر صبرچ.

ءءءءءءء

جمر كلبچ تجسد وي حزن يعگوب
جم يوسف قميصة مشگگ او مسلوب.
عفه كلبچ يحره شكد مشيتي دروب
اوچم راس لأخوتج عالرمح مصلوب.

يلبوة حيدره هونج
ذبل من الحزن لونچ.
يروحچ رايده الملگه
عليچ مطوله الفرگه.
غريبه وياصبر صبرچ.

ءءءءءءءءءء

دمع عينچ نزل عالوجنه لون احمر
من شفتي الفواطم تمشي ابهلبر.
عفه الصبرچ يحره الصخر منه انطر
جرح الشام بيج شما عتگ يكبر.

يزينب حالتچ حاله
اخوچ مگطعه اوصاله .
بروحچً شلتي چم حرگه
عليچ مطولة الفرگه

ءءءءءءءءءءء

على عيونچ اشوف سوالف الخيمة
لسع صوط وحرگ وأطفال بالهيمه.
تحبسين الدمع الي صبح غيمّه
تهدهد حيلچ اعله حسين ابو الشيمه.

على عيونچ حزن يكتل
مصابچ حدب السنبل.
بشهگة نفس مختنكه
عليج مطوله الفركه.

ءءءءء

مشيتي بالسبي چم سلف چم ديره
وسوالف صفنتچ بيها الف حيره.
حملتي شكد غصص ومصايب جبيره
توجهين العتب لحسين ابو الغيره.

كلبج والحزن جارح
عندج جم اخو طايح.
شفتي ضلوع منسحكة
عليج مطوله الفرگه.

ءءءءءءءءء

الله يعين گلبيچ حمل چم لوعه
جدامچ يتاما وحرم مفجوعه.
تنظرين العليل بروح موجوعه
تحبسين النفس والونه مسموعه.

الجروح عليج ملتمه
تطيب وترجع بلچمة.
المفارگ اخو اشيلگه
عليج مطوله الفرگه.


ءءءءءءء

هناء الدراجي.

———————————————
ياولي الأمر ياكهف الرجا..
مسني الضر وانت المرتجى..
والكريم المستجاب الملتجأ..
غير محتاج إلى بسط السؤال
بك المستغاث مولاي ياصاحب الزمان



———————————————

https://www.tg-me.com/kkuyyu

قصيدة عن لسان الإمام المهدي روحي لتراب مقدمه الفداء وهو ينعى جبل الصبر...
(الحوراء زينب).


يزينب ياعظم صبرچ.
رحل ويه الكفل خدرچ.
السمه تبجي اعله حالج.
على مصاب الجرالچ.

1
اورثتي مصايب كربله ،من فاطمه بنت النبي.
امچ تچوت بالضلع، ونتي الاشد منهه السبي.
نار ابدليلچ تسطلي، تشوفچ عيون الاجنبي.
والاشد من هذا الجره، حرگ المخيم والعبي .

يزينب اخذ ابثارچ.
وطفي بالدمع نارچ.
السمه تبچي اعله حالچ.
على مصاب الجرالج.

2

بعد الابو مصاب الحسن، بالسم گضه نحبه رحل.
باب اوجرح يم الصبر،دموم متروس المحل.
الطف بده من المهد، مناغاتچ افراگ الاهل.
ارضعتي مصايب كربله ،من الصبه الحد الاجل.

يزينب ذبلن عيونج.
دمع جرحلج جفونج.
السمه تبچي اعله حالچ.
على مصاب الجرالچ.
3

عيونج تشاهد هالصور كل صورة ترسملج جرح.
جدامج حسين انسحگ وتعلى راسه اعله الرمح.
وعلتل وگف هيبت علي ومتاني بالطف الذبح.
يسترهن الليل المشن بس سولفيلي اعله الصبح.

كبر جرح اليمشونچ.
رسم چم سوط بمتونج.
السمه تبچي اعله حالج.
على مصاب الجرالج.

4
تسمعين صوت العايلة، تبچي وتون من الضمة.
هذا نسلب هذا انضرب، ذاك الحبل ضل يلچمة.
يا صبر صبرج بت علي، اورثت مصايب فاطمة.
ايعينچ الله اعله الهزل، يالحزنج امغطي السمة.

ذبل من الجرح عودچ.
البواچي لچمن خدودچ.
السمه تبجي اعله حالچ.
على مصاب الجرالچ.



هناء الدراجي.


https://www.tg-me.com/kkuyyu
=========

نعي ......
كأني بلسان مولاتي زينب الكبرى عليها السلام.

جيت ابهمي للزهره وگلت چلمه .
جسم ابنچ يبضعة مخضب بدمه. .
الخيول اهواي داست واطحنت جسمه.
اونسمات الهوى لو مرت اتلچمه
الف الله وأكبر والنحر مذبوح.
ابو الأكبر ييمه دمه ضل مسفوح.
على روس الرماح الراس ضل يلوح.
اشبه دورته بدورة سفينة نوح.

اعاينله يزهره وكلبي شيصبره
جسمه معفر ومحزوز من نحره
مذهوله بصفنتي وكلبي بي جمره
ذو الفقار چنه النام عالغبره.

الحزين شلون يكدر يفرح بيومه
يشوف أهله وعياله عالترب نومه
تشرح حالته دمعته المرسومة
عالخد والجفن والروحه مهمومه.

https://www.tg-me.com/kkuyyu

نعي لمولاتي زينب

على وزن ( الشبگهه )


من تطب للسوگ حرمة
ولزلم ما بيها رحمة
ما عليها يغار زلمة
تسكت وما تحچي كلمة
،،،،،،،،،

مو انه المچتوفه اديه
والبنات تلوذ بيه
من مته امشي سبيه
والدمع يرسم اذيه
،،،،،،،،،،،

طبت السوگ الاعرفة
مبينة هاي ربات عفة
تستحي وعيون صلفة
لا اخو ها يمها وسفة
،،،،،،،،،،،

حيرتي والله چبيرة
وجهي صوب الراس اديرة
صعبة من امشي اسيرة
وصعبة من تنطگ زغيرة
،،،،،،،،،،،

سكته يادمع البچيته
المثلك الشيب بلحيته
عالي عد الناس صيته
صعبه لو تنطگ اخيته
،،،،،،،،،

عمري خلص بالمناحه
والله ماني مستراحه
يومي مابي لحضه راحه
آه يالشام اوجراحه
،،،،،،،،،،،،

راح اطوف الشام كله
وراح اطب سوگ المحله
عالية و الناگه هزلة
والحبل خلالي عله
،،،،،،،،،

من دخلت الشام صعبة
وتدري هد الحيل دربه
بت علي بنص ناس غربة
و عيني عالديوان تربه
،،،،،،،،،

قصيدة مشتركة بقلم الشاعر كريم الدراجي وخادمة الحسين هناء الدراجي.

https://www.tg-me.com/kkuyyu

‏"اللهُمّ طاقة، طاقة بها نعيش، ونتحمّل، ونرضى، ونتأقلم، ونتقبّل، ونهوّن، ونتجاهل، ونغفر، ونسامح، ونغامر، ونجازف، ونصبر كثيراً.."

قصيدة استشهاد الصديقة الطاهرة
مولاتي الزهراء عليها السلام.

أقبل (ص) على ابنته (ع)،
فقال: إنك أول من يلحقني من أهل بيتي، وأنت سيدة نساء أهل الجنة، وسترين بعدي ظلما وغيظا، حتى تضربي، ويكسر ضلع من أضلاعك،المستضعفون من بعدي.

اللهم العن من ظلمها، وعاقب من غصبها، وذلل من أذلها، وخلد في نارك من ضرب جنبها حتى ألقت ولدها. فتقول الملائكة عند ذلك: آمين.


كأني بلسان الامام الحسن ع وهو ينعى مصاب مولاتي سيدة نساء العالمين ع.
———————
اطشن بالحزن وردود يلتم
يضللني السحاب ويمطر بهم.
وأكولن الله وياچ
صوت الحسن ناداچ.
ييُمّه ييُمّه
ءءءءءءءءءءء

يسالوفة عشك ماترهم الفرگه.
الحسن يمه تره انا مشتهي الملگه.
وحگچ من اشوفج جفني ماطبگه.
اوعلي بهروش گلبي نامت الحرگه.

عيون الماغفن شو راح يعمن
اعله بالي من يمر بسمار يبچن
طفن من بعد عيناچ
صوت الحسن ناداچ.
ييُمّه ييُمّه
ءءءءءءءءءءء

يناموس الشرف يامنبع العفه.
ابغيابچ يمه جرح بكلبي مايشفه.
دمع عيني الفضحني وابد مايخفه.
راحت وي ضحكتچ بسمة الشفه.

النار الخلت البسمار يِصفِن
بعد الصار لابنچ ما ضحك سن
عباية اتطيح شفناچ
صوت الحسن ناداج
ييُمّه ييُمّه
ءءءءءءءءءءء

شنو ذنب الطفل ماكو حضن ضمه
وست اشهور راحن من تعب امه
تبدى وچان ضنج بس علي يلمه
علي يالزهرة باگ الباب كل حلمه.

اعد بجروح حيدر مالهن عد
من شاف العباية تطيح ما هد
حزام الظهره ردناج
صوت الحسن ناداج
ييُمّه ييُمّه
ءءءءءءءءءءء

على هونك يدهري وش تظيف اكثر.
على اطهر خلق يتجاسر المُنكر
گمت ماشوف دربي بمشيتي اتعثر.
امن أصد للباب بعيوني الفلك يفتر .

اكبال الباب و الحسبات كعدن
شافن ياضلع مكسور آذن
محتاجة ضلع هاج
صوت الحسن ناداج
ييُمّه ييُمّه
ءءءءءءءءءءء

يخيمة بيتنا يم الحسن سمعي
اكبال حسين فشلة انطيچ من ضلعي
مگابل باب دارج للفجر وادعي
وغلاة عيون زينب رخصت دمعي

ناذرلج دمع بس حزنج ازود
يوم الباب صار اعلينه اسود
وغلاتج هيج بجفاچ
صوت الحسن ناداج
ييُمّه ييُمّه
ءءءءءءءءءءءءءء

هناء الدراجي.

موضوعي يقول.....
لماذا يؤثر كلام البعض على الآخرين ويكون كالبلسم الشافي على الجرح؟ بينما لا يؤثر كلام البعض الآخر عليهم؟

قال أمير المؤمنين (عليه السلام): أيها الناس: إني والله، ما أحثكم على طاعة إلا واسبقكم إليها، ولا أنهاكم عن معصية إلا وأتناهى قبلكم عنها.

نعم ان النموذج العملي والقدوة هو الأكثر تأثيرا والأسرع وقعا في النفوس وقد يغني عن المئات من الكلمات والعشرات من المواعظ.

فالمربي سواء كان ابا أوأما أو خطيبا أو مدرسا أو متصديا لأي مسؤولية...
وأراد أن يكون تأثير كلامه ووقعه قويا على الآخرين لابد أن يبدأ بتربية نفسه وسبق الآخرين بالعمل، قبل أن يوجه الناس بالوعظ والتربية. ومن اراد ان يغير الآخرين لابد اولا من تغيير نفسه.

فيكون مفهوم كلام الامام (عليه السلام) كما ان قوة المغناطيس تشد وتجر الأجسام اليها، كذلك الناس ينجذبون الى الطاعات والى الخير كانجذاب النحل الى العسل ويكون نشاطهم وحيويتهم فيها عندما يرون أحدهم سباقا اليها وعاملا بها. فلكي تكون قوة الانجذاب اقوى للطاعات والاعمال الحسنة كان (عليه السلام) هو أول من يعمل بها.

كما كان (عليه السلام) يجتنب المعاصي ولايتقرب منها بل يقف عند حدود الله كوقوف الماء في الغدير وعدم جريانه قبل ان ينهى الآخرين عن ذلك. فيكون وقعها أقوى ومما يؤدي الى عدم تقرب الناس الى المعاصي والسيئات.

سؤال يطرح....
ماهي الخطوات التي يجب أن يخطوها كل فرد منا،
وكيف يرتقى الانسان الى مرتبة القدوة؟

أولاً
النقد الذاتي و كيف يحصل.
كما نقف امام المرآة لمعرفة نواقص ظواهرنا، فكذلك لابد من وقوف الفرد سواء في المعتقدات، الأفكار، السلوك أو النتائج من خلال التفكير بها أو مناقشتها، لاستخراج النقاط السلبية. والهدف منه معرفة الخلل والمرض والنقص الموجود وبالتالي يتعافى منه، ويُحمل الإنسان مسؤولية التغيير، وذلك خطوة لتغيير المجتمع.

سؤال يتعلق في النقد الذاتي.
ماهو السبيل الى تحقيق النقد الذاتيِّ مع صعوبته وثقله على النَّفْس، ومع أهميَّته القُصوى؟

أ‌- مراقبة النفس: المراقبة وظيفتها عدم الوقوع في الخطأ والزلة وهي تكون قبل الفعل وقد شاهد العديد منا كاميرات المراقبة في المحال التجارية والتي تهدف الى عدم الوقوع في السرقة او أي خلل يؤدي الى زعزعة الوضع العام للمحل. فمُجرد الشعور بالمُراقبة (حتى وإن كان وهماً).
وكذلك من راقب نفسه عند الخوض في الأعمال، فيلاحظها بالعين اللائمة والمعاتبة ثمّ يراقب كل حركة وسكون لأنه على علم بمراقبة الله تعالى له لأنه مطلع على الضمائر، وعالم بما في السرائر، فعن أمير المؤمنين (عليه السلام): رحم الله عبداً راقب ذنبه وخاف ربه.

ب‌- محاسبة النفس: والمحاسبة تكون بعد الفعل وهو ان يحاسب الانسان نفسه فإن عمل حسنة استزاد منها، وإن كانت سيئة طلب من الله المغفرة والرضوان.

وفي الختام.

عن أمير المؤمنين (عليه السلام): «ثمرة المحاسبة صلاح النفس.
وعن الامام الكاظم (عليه السلام): (ليس منا من لم يحاسب نفسه في كل يوم، فإن عمل حسناً استزاد منه، وإن عمل سيئة استغفر الله منها وتاب إليه.

هذا ولله الحمد.
لنا تكملة في هذا الصدد ان شاء الله.

خادمة المنتظر عج.
ام يوسُف.

"أَيَحْسَبُ أَن لَّمْ يَرَهُ أحَدٌ"

‏الكُل تحتَ المُراقبةِ الكونية.

الحمد لله ان كنت في نعمة.
فهي من ربي فآمل ان لا يسلبها مني ....
بغفلة ذنب او معصية.

بدموع سافحة و مهج لاهفة وصدور مجروحة وألسن لاهجة وأعين غائرة وبزفرات صاعدة وأفئدة دامية

عظم الله لك الأجر يامولاي بجروح الحسين وبغربته وبعطشه وبصرخاته وبأهاته وبأخر أنفاسه...