"قريبٌ جبّار ذو الرحمة، لا يدعُ الحزن يَمُر عبثًا، ولا الدمع يفيضُ هباءً، ولا الظن الجميل فيه ينطفئ يأسًا؛ على الصبر أجور، ولكل فقد عوض، يعلم سبحانه موضع الكسر فيجبره بقدرته، يدبر الأوقات والظروف، ليذهل بعظمة تدبيره وحكمته، سبحانك ما عبدناك حق عبادتك♥️".

فِي شأن الدُنيا :
‏﴿فَامشوا في مَناكِبِها وَكُلوا مِن رِزقِهِ وَإِلَيهِ النُّشورُ﴾.
وليسَ "فاركضوا"
فِي شأن الآخرة :
‌‏﴿وَسارِعوا إِلى مَغفِرَةٍ مِن رَبِّكُم وَجَنَّةٍ عَرضُهَا
‏السَّماواتُ وَالأَرضُ أُعِدَّت لِلمُتَّقينَ﴾.
القاعدة :
امشِ فِي شأنِ الدُنيا وأسرِع فِي شأنِ الآخرة 🦋.

ماتصدقش سمعة إنسان من كلام الناس عليه
لا المحبوب من الكل مضمون نضافته.. فيه ناس محبوبة من كتر نفاقها
ولا المرفوض من كتير مضمون وحاشته.. فيه ناس بتترفض من كتر صدقها
ولا اللي معندوش عداوات مضمون طباعه السهلة.. مافيش صادق واحد معندوش ولو خلاف واحد
الناس باللي أنت بتشوفه منهم.. سمعتهم اللي أنت بتشوفها في اعمالهم.. صلاحهم اللي أنت بتعيشه معاهم
غير كدة.. لو سمعت كلام الناس عليك أساساً هيجيلك صدمة من القصص اللي معملتهاش ومعروفة عنك

رفيق عصام

و قبل نهاية السنة و بداية السنة الجديدة ✋️
أشهد بأني رضيت بكل ما مضى من عمري ،
رضيت ب الفرح و رضيت ب الحزن و رضيت بكل ما قسمة و قدرة الله لي.
لم أعترض يومآ على رزقي و لم أنظر لرزق أحد و دائما لساني ينطق الحمد لله و قلبي لا يعرف سوى الرضا
فاللهم لك الحمد والشكر على ما مضى ولك الحمد على ما هو قادم فإني وكلتك أمري كله حاضري و مستقبلي فإكتب لي الخير بما ترضى و تشاء يا أكرم الأكرمين 🩶

ربنا بيسبب الأسباب، أحنا كُلنا ورانا سبب لوجودنا في حياة أحدهم، يعني ربنا لما يلاقي العبد تعب من أنه بيجاهد عشان يلاقي حل لمُشكلة ومش عارف "سُبحان الله يبعتلك حد يقعد في حياتك فترة عشان بس يعرفك حل المُشكلة دي" أحياناً بنقابل أشخاص وبتبقىٰ البداية بينا خناقات ومشاكل وبعد كدا تكتشف أن الشخص ده شبهك وأن هو ده شريك حياتك اللي بقالك كتير حيران عليه، تبقي وأقف مخنوق ومضايق ومش لأقي حد يهون عليك وتحكيله" تلاقي أنسان متعرفش جه منين جي يهزر معاك ويخرجك من المود" تبقىٰ راكب في المواصلات وحيران هتعمل أي في المُشكلة اللي مستنياك بكره في الشُغل "تلاقي ناس بتتكلم في الموضوع اللي أنت مكنتش عارف تفكر في حل ليه، ممكن ربنا يبعد عنك شخص كان ممكن يبقي سر تعستك في الدُنيا، وتبقي شايف أنه ده شر "بس ربنا شايف أن ده أكبر خير ليك "وبعد فترة يبعتلك الشخص اللي يعوضك عنه واللي تستاهله.

دايماً تدابير ربنا مُزهلة، خليك عارف أن ربنا مبيجبش غير كُل خير، وكُل قدر مكتوب خير وهتعرف معناه بعدين، الأشخاص فترات، وأنت كمان فترة حاول تتم الرسالة إللي ربنا بعتك عشانها وتسيب أثر جميل وراك.

مع دخول رجب يشعر المسلم بتغيُّر في الأجواء
كأني أشم ريح رمضان،أتنسم عبيره في الجو ..
أشعر وكأن صافرة تنبيه كبري تنطلق في الأرجاء
« رمضان يقترب .. هلموا بالعودة »
اتخيل وكأننا في رمضان الماضي كنا على صراط الله المستقيم؛ ثم بعد انتهائه .. ابتعدنا
انطلقنا في الدنيا ودوامة الحياة، وتشعبت بنا وديان الدنيا وتراخت القبضة عن المصحف
نسينا طعم الصيام، ذهلنا عن حلاوة القيام
وقعنا في ذنوب وأخطاء، غلبتنا الغفلة ..
وبدخول رجب .. تنطلق صافرة الإنذار
وكأن المنادي ينادي: يا عباد الله هلموا إلى صراط الله من اليوم، فإن البعد عن الله أخذ وقتًا طويلًا
ف احتاجت العودة أيضًا إلى وقت؛ لذا حرم الله شهر رجب قال الله: « مِنْهَا أَرْبَعَةٌ حُرُمٌ ۚ ذَٰلِكَ الدِّينُ الْقَيِّمُ ۚ فَلَا تَظْلِمُوا فِيهِنَّ أَنفُسَكُمْ ۚ»
فيا أيها الشارد عن ربه، ويا أيتها التائهة في دروب الحياة، ويا من أمعن فالبعد والكسل ..آن الأوان
من الآن راجع صلاتك ومسجدك ..
راجع مصحفك ووردك ..
راجع صيامك وقيامك ..
وابدأ باليسير .. هونًا هونًا
النفوس تحتاج إلى تلطف واستئناس وتدرج ..
ابدأ التوبة من الإباحية والدخان والمخدرات
والعلاقات والنظر والنوم عن الصلوات، انتفض من رقادك أيها المسلم ..
قم من نومك الذي طال أيها العملاق ..
عودي إلى حجابك أيتها المسلمة ..
من الآن فابدأ؛ فإن السلف كانوا يقولون:
« رجب شهر البذر، وشعبان شهر السقيا، ورمضان شهر الحصاد؛ فمن أراد الحصاد في رمضان
فليبدآ البذر من الآن »
ابذر صلاتك وقرآنك وصيامك واسأل الله أن يبلغك رمضان ..
اللهم بلغنا رمضان.

^^

الإنسان مننا محتاج كل يوم يقرأ عن الجنَّة والآخرة علشان يقدر يهوِّن على نفسه ابتلاءات الدنيا وميروحش عن بالُه إنها فانية ، ويفكّر ف الجزاء المنتظرُه من الله وحده.

{وَلَلْآخِرَةُ خَيْرٌ لَكَ مِنَ الْأُولَى}

‏"واحدة من أفضل الجمل التي سمعتها على الإطلاق كانت على لسان الشيخ الشعراوي رحمه الله "لن تحصل أبدًا على شيءٍ كامل، ستحصل على أشياء ناقصة تكتمل برضاك".. فاللهم الرضا الذي يجعل قلوبنا هادئة، وهمومنا عابرة، ومصائبنا هيِّنة، اللهم الرضا الذي ينتهي بأبواب جنتك."

س/ هل الزواج هيخرجني من الزهق والوحدة اللي أنا فيها دي؟

ج/ خير متاع الدنيا يا حبيب امرأة صالحة تكفيك وتكفيها!
دنياي انصلحت وتوردت لما تزوجت.
حالي قد استقام بعد الميلان لمّا تزوجت.
مجلس شورى قلبي وعقلي توحدا على أمرٍ واستقرّا بعد شتاتهما لمّا تزوجت.
اللقمة في فمي أصبحت سائغة سهلة، والمَعيشة أصبحت حلوة منيرة والحياة بجوار ركنٍ هادئٍ ينتشلك من ضياع أمرك ووحدتك كل الحلاوة واليُسر.

الأمر كله يستدعي أن تختار من يرافقك، الأمر كله يستدعي أن تسلم نفسيا بجوار الليّن السلس.
فجوابك؛ "نعم" يجد المرء ضالته في الزواج، وينعم ويهنأُ.
والأخلاء أخلاء روحٍ لا جسد، فَاختر خليلًا يُبرد نار قلبك ويُهدئ جوفك ويحب كل أمرك، دون مبررٍ أو سبب، فقط لأنه يحبك.
- ادعولنا بالبركة.

حياتك هتكون أريح بكتير لما تحافظ على خصوصيتك، مشاكل بيتك مش لازم كل الناس تعرف عنها، حتى لو كان صديقك أو قريبك.

الأخطاء إللي عملتها وربنا ستر عليك، ما تعترفش فيها عشان ما تشيلش الذنب على نفسك، خططك المستقبلية حاول ما تشاركها مع حد عشان ما يخف حماسك وتتكاسل عنها.

"استعينوا على قضاء حوائجكم بالكتمان." كون كتوم، هتلاقي نفسك مرتاح أكتر والله .

عارف يعني إيه ‘لقد خلقنا الإنسان في كبد’؟

يعني الدنيا مش سهلة على حد، وعمرها ما هتكون سهلة، كتير مننا بنتمنى حاجات وندعي إنها تتحقق، لكن الحقيقة إن مفيش حاجة بتيجي من غير تعب ومشقة.

كل خطوة في حياتنا وراها معافرة، وكل حاجة بنوصلها محتاجة صبر وسعي، أوقات بنحس إن الحمل تقيل وإن مفيش فايدة، بس لازم نفتكر إن دي سنة الحياة، وإن إللي بيصبر وبيسعى، ربنا بيكرمه ويعوضه عن كل حاجة تعب فيها.

مفيش راحة كاملة في الدنيا، بس في طمأنينة، إن بعد كل تعب، ربنا شايف وعارف وهيدي لكل واحد حقه في وقته..

اللهم ارزقنا الصبر على ما نمر به، والعوض الجميل إللي يداوي قلوبنا، واجعل لنا في كل خطوة سعي خير وبركة، يا رب العالمين .

خليكم لطاف خُفاف ع قلوب الناس حواليكم.. لو عندك كلمة حلوة هاتجبر بخاطر حد ما تترددش لحظة تقولها.. الدنيا تقيلة ع قلوب الكل ومحدش ناقص يتوجع بكلمة من غيره، الحياة محتاجة ناس قلبها لين بطيف خفيف تمر على القلب من غير وجع وتمشى وهى سايبه خير خير وبس .

الدنيا لسه فيها ناس نضيفة وقلوبها حلوة ونقية..
لسه فيها ناس صافية، وبتحب بجد، وتصاحب بجد، وتلاقيها جنبك .. لسه في ناس عندها ودّ وجدعنة وتفرح لك وتتمنى لك الخير من قلبها
محتاجين نعمل إعادة نظر في التعميم والحكم على الكل بشوية تجارب حفرت في قلوبنا جروح ،
الجروح فايدتها تخليك تاخد حذرك من السيئ مش نحكم على الحلو إنه راح وانتهى..

ارجع لفطرتك النقية، وسطّح علاقتك مع (ذوي الوجهين) وارسم دايرة علاقاتك، وتعامل مع اللي ظاهر لك من الناس،، من غير تفتيش في نواياهم، ولا بحث عن الجانب المظلم فيهم، ولا تحليل مالوش أساس في الواقع..
الكركبة واللخبطة دي جوا دماغك أنت، مش موجودة على الحقيقة
ارجع للفطرة وتعامل مع الخير اللي داخل كل إنسان 🤍
ربنا يرزقنا البصيرة ولا يحرمنا صحبة الطيبين 🌸

حاول ما تبقاش الشخص اللي بيزعل بسُرعة أو بسهولة؛ لازم زعلك يبقى عزيز وغالي، فما ينفعش كُل عابر سبيل يزعلك ويعكنن عليك، لإن سلامك النفسي مُهم وإنتَ كبير وقيمتك كبيرة واللي يبقى بينك وبينه خصومة لازم يبقى في مقامك .. ففوق كدا وحافظ على هدوئك وما تسمحش لحد يعكَّر مزاجك.

‏اليوم رأت عيني عبارة مُريحة جدًا تقول:

"لَا تيأسوا إذا أخر الله ما تُحبون ، ولا تحزنوا إذا أجبرتم على تعايش وضع قد يؤلمكم، بل اصبروا وابتسموا فالله سبحانه قال بكل رحمة
"إنَّ مع العُسر يسرًا"

الله يُدبر لكم في الغيب أمورًا لو علمتموها لبكيتم فرحًا.. فهونًا على قلوبكم وأبشروا ."♥️

في حد تعملّه كوباية شاي يقولك "شكرًا، تسلم إيديك" وحد تاني يقولك "الشاي ناقص سكر ليه"

حد تجيبله ساعة هدية يقولك "تسلم أنك افتكرتني" وحد تاني يقولك "عندي ساعات أحلى من كده بكتير"

حد في كل خناقة يقولك "عمري ما شوفت يوم حلو معاك" وحد تاني يقولك "ها نحل الموضوع عشان كل الحلو اللي شوفته معاك"

الناس نوعين، نوع عينه بتعرف تشوف الحلو اللي في كل موقف بيحصل ويقدره، فغصب عنك تبقى عاوز دايمًا تسعده ولو تطول تجيبله نجمة من السما.

ونوع لو تقيدله صوابعك العشرة شمع بردو يشوفك مقصر، وعينه ما تشوفش إلا الوحش من كل حلو بيحصل

اتعلم متتكلمش فى امور انت مش على درايه بيها او عندك مجموع معلومات عنها كافيه وساعتها احكم تتكلم اصلا ولا لان كتير من ال بيتكلموا معندهومش ال صوره واضحه من كل الاتجاهات ... مش كل حاجه تقول رايك فيها ومش كل حاجه حتي لو عندنا معلومات بسيطه عنها يبقي بنفهم فيها... دائما سيب النقاش لاهله واتميز بالصمت دائما وجمع قدر معلومات من صمتك.... اتعلمنا من الناس الحكيمه ان الصمت نجاه وان نحترم بقوه اهل التخصص واهل العلم والدرايه،، مش كل حاجه نفتي فيها او نتحدث عليها.... سيب كل امر لاهل تخصصه...ارمى الكلمه لو متأكد منها وعندك درايه بيها واهل لها...

"من كان يؤمن بالله واليوم الاخر فليقل خيرا او ليصمت "

او كما قال رسول الله صلي الله عليه وسلم *

الانفتاح بيزيد يوم عن يوم ، الانفلات بيزيد يوم عن يوم ، الدنيا بتتزين يوم عن يوم ، اهل الدنيا واعوان الشيطان شغالين شغل نار جايبين اخرهم فى التزين والفتن ..! اهل الحق موجودين ولكن قله قليله على الحق وسط كل ما تراه ،، التبريرات زادت وكل معاصى ربنا مُستباحه ومن اهل الاسلام للاسف ، سباق بين مين يظهر مفاتنه اكثر ويكون سبب فى اثاره وفتنه ناس !

الدنيا كذبه وصبر عليها محتاج توفيق وعصمه من رب العالمين

اثبتوا ! اثبتوا ! اثبتوا ! هى لحظه والموضع الجنه باذن الله
اللهم نجنا من الفتن ما ظهر منها وما بطن

ونجنا من فتن الدين وشهرته ومظهره وماله واعوانه يارب !!!