Рәхмәт, Шәрык клубы. Казанда яшәп, иҗат итеп, миңа беренче тапкыр: "Әйдәгез, иҗат кичәгезне оештырабыз", - дип мөрәҗәгать иткән кеше Гөлдания Зиннәткә рәхмәт. Аның яшь, тырыш, акыллы, милли рухлы командасына рәхмәт. Әдәби иҗат кичәсенә аерым беркемне дә чакырмадым. Шигырь тыңлыйсы килгән тамашачы үзе килде. Әлбәттә, зал зур түгел, әмма буш зур залга караганда, шыгрым тулы кечкенә зал алдында чыгыш ясау күпкә күңеллерәк. Тамашачыларга өстәмә урындыклар да куйдылар. Димәк, әле шигырь яратучылар бар, Аллага шөкер. Хөрмәт итеп, чыгыш ясарга килгән дусларым Артур Исламовка, Рәмис Латыйповка, Баязит Зәйдуллинга, Базарбай Бикчәнтәевкә олы рәхмәтләремне юллыйм. Алар бу кичәне тагын да ямьләндереп җибәрделәр. Сценарий авторы Ландыш Гобәйдуллинага, чараның алып баручысы Гөлназ Рәшитовага, Әүхәдиев исемендәге көллият шәкертләренә зур рәхмәт. Хезмәттәшлегебез дәвамлы булсын.