JavaScript’ысь DOM кылдытыны выль амал кылдӥз

WebScript нимо уж DOM-ен ужанэз капчиятыны турттэ. Кылдытӥсезлэн малпамезъя, валтӥсь азьбурез — JavaScript гинэ луэмез. Мукетъёсыз (JSX, шаблонъя лэсьтӥсьёс) мурт синтаксис кылэ ваё, WebScript нош чылкыт JS-эн ужа. Соин ик разметказэ JSX-сэ кадь, кылсярысь, выльысь берыктоно ӧвӧл.

Огъя туссэ туспуктэм вылысь адӟиськоды. Уж кемалась мытымтэ, но со али но троссэ быгатэ. Тӥляд сое яратоно фреймворкады но пыӵамды луэ (ачиз DOM ёзъёсын гинэ ужа).

#javascript

Дӥньлэсь аслыкъёссэ басьтон — наследование
#выль_кыл

Черодысь вуоноез — Lua. Со выль ӧвӧл кыл али но паськыт кутӥське. Маин со тодмо луиз, туннэ адӟытонысьтымы тододы.

#адӟытон #lua

Telegram’ез зӥбем дугдӥз

Кык ар отрчыса, 18. инвожое Роскомнадзор Telegram’лэсь вотэсбамзэ алоно ивортодэтэн лыдметысь поттэм. Отын утялтэтлэсь терроризмез но экстремизмез быдтыны дась луэмзэ умоен лыдъязы.

Али вотэсбамыз доры ветлыны луэ на. Озьы ик куд-ог юзчиослэн соосыз сайтъёс доры вуэмзы луылэ, кудъёсыз Telegram’ен нюръяськемен шуг-секытэ шедизы: соос ӧжыт ӧвӧл но пӧртэм утялто вал.

Но малы со ваньмыз вал?

Код Куды ӧз тырттэммы — потэ выль статьямы

Таиз Tcl сярысь вералоз. Со shell’эз но вылӥ програмаянэз огазея — пушсӧзнэтэзъя но, уже кутонэзъя но; озьы ке но, соиз одӥгез гинэ ӧвӧл. Ма бордын со луэ, выльысьтыз адӟытонысь тододы.

Двуязычная версия

#адӟытон #tcl

ӟуч кылын

Не все подписчики нашего канала хорошо знакомы с удмуртским языком. Поэтому, вместе со статьями я буду публиковать и их версии с параллельным переводом на русский, начиная с последней.

Найти её перевод можно здесь, а также в записи с оригиналом.

Статьяосам трос выль кыл (яке вуж кыл выль пуштросэн) уже кутӥсько. Куд-огзэ ачим малпасько (таоссэ #выль_кыл хештегъя шедьтыны луэ), мукетъёссэ вотэсын малпаллям ни. Тани татын соос пӧлысь куд-огзэ люкай.

Бинет — пакет 📝
Быдэстоно — исполняемый; ~ файл исполняемый файл
Вайыны — импортировать
Валатыны — интерпретировать (кодэз ик компьютерлы валамон карыны) 📝
Ватсэт — приложение
Вотэсучкон — браузер (вотэсэз учкыны тӥрлык) 📝
Вошъяськись — переменная 📕
Думон — привязка (binding)
Кабес — стандарт 📕
Код люкет — блок кода 📝
Котырет — окружение, оболочка; косон ~ командная оболочка
Кужымпус — аргумент 📕
Кыклыко — двоичный (ксь., файл) 📕
Люканы — компилировать 📝
Ошмес — исходный код; ватымтэ ~ открытый исходный код
Ӧр — (код гожъян) стиль 📕
Пушсӧзнэт — структура, строение 📕
Суредпыры — пиксель 📝
Сэрттыны-пертчыны — to parse
Тупатъясь — редактор; текст ~ текстовый редактор
Тупатыны — определить (define)
Тус-пуштрос — интерфейс 📕
Тямысо — байт (= 8 бит) 📝
Усьтон — ключевой; ~ кыл ключевое слово
Утялтӥсь — сервер
Утялтэт — сервис
Чур — строка
Юнматэт — коммит 📝
Ялыны — объявить (declare)

Выль кылъёс кыллэн азинскемезлы пайда ваё ке но, умойтэмъёсыз но кылдыло. Кылъёс сярысь малпамды вань ке, сое вераськонамы верамды луэ.

Али UralicNLP Урал кылъёсты сэрттон-пертчон тӥрлык мылысь-кыдысь азинске. Кылдытӥсьёсыз сое малпаллям, ваньзылэн ас кылъёсынызы ужамзы мед луоз шуыса, англиеныз гинэ медаз. Уже кутонэз дышетскон бордын гинэ ӧвӧл, соин ик солэн уже кутымон Python библиотекаез вань.

UralicNLP суоми, саам, карел, пор, эрзя, мокша, коми, удмурт но мукет кылъёсын ужаны быгатэ: кыллэсь нырысь туссэ шедьтыны, сое морфологиезъя сэрттыны-пертчыны но берен люканы но троссэ мукетсэ. Кыл модельёсыз GiellaLT кыллюкамъёсысь пото (ксь., удмуртэз).

Тани тазьы суоми кыллэн примереныз кулэ кыл форма капчиен кылдытыны луэ:

from uralicNLP import uralicApi
uralicApi.generate("käsi+N+Sg+Par", "fin")
# [['kättä', 0.0]]

Ӧтисько Ely.by Minecraft’лы альтернатива утялтэтэз удмурт кылэ берыктонэ итӥськыны. Берыктонэз лыдӟыса эскерыны гинэ на кылиз.

Али шудонлэсь улӟонзэ адӟиськомы, соин пайдаяськыны луонлыкмы вань.

Тӥляд юрттэмды потэ ке, кызьы пыриськыны чӧлсконысь лыдӟе. Ми юрттэмдылы шумпотом 😉

Telegram’е гожтэтъёслы валэктон гожъяны аслаз луонлык ватсаллям.

Со мукетыз выль луонлыкезлы «сакыр» кадь лэсьтэмын вал — валэктон сӥньысэз учкон. Выль комментариосын гожтэтлы герӟаськем вераськонниысь валэктонъёсты адӟыны но гожтыны луэ отчы пыриськытэк.

Ватсамез тросмы кема возьмамы ке но, ваньмызлы ӧз кельшы, мугез но вань. Пичигес но чатын лабыртэм сураське, кин ке валэктон кельтэ ке; нош сое кысыны чатэз куштытэк уг лу на. Малпасько, умой луысал, каналлы быдэ кысымон пуш вераськонни кылдылӥськысал ке, мар ке но солы куке но вуом.

Али луонлык вуэмын ӧвӧл на, юзчиослэн но трос куронзы. Вуонозэ улыса адӟом. Милям куштымтэ на чатмы, соин ик ватсам сярысь малпандэс вералэ 👇

Суредпыры — пиксель
#выль_кыл

Тямысо — байт (= 8 бит)
#выль_кыл

Ӝытпалан туннэ Хеллоуинэз пусъё, соин ик ойдолэ одӥг дауркылэз тодамы ваёме — Код Кудыысь статьяез! 👻 Со мадёз, кызьы мон потоно гинэ шудонысь суред файлзэ номырзэ со сярысь азьло тодытэк сэрттӥсько-пертчисько вал. Малпасько, куд-огдылы со тунсыко потоз

Двуязычная версия в комментариях

Вералэ мылкыддэс валэктонъёсын 👇

Код Куды алиеныз тусыныз ворсаське

Тау ваньдылы, кин та каналэз лыдӟисез вал. Солэсь асьмелы пайдаё адӟос-чаклос потӥз, кызьы удмурт, дуннеын валтӥсьтэмгес кылын тэкнӥк удысъёс сярысь гожъяны луэ, туж пыдло пырытэк но. Озьы ке но, кема ни шӧдӥсько, ужаменым асме но, тӥ пӧлысь тунсыкъяськисьёсты но тырмыт куанытыны уг быгатскы ни шуыса.

Соин дугдыны кулэ.

КК-лэн вуонояз улӟемез тодонтэм на. Мылды потэ ке, мукетъёссэ ужъёсме Твитэрысьтым чакламды луэ. Ӟеч!

Лэсьтӥ удмурт кыллюкамлы Тэлеграм бот-зеркал. Со Удмурт йӧскалык кылшыкысэ куремъёсты ыстэ гинэ, но ватсэтысь потытэк но мугтэк кылльытэк. Соос вожзэс уз вае шуыса оскисько

https://www.tg-me.com/kyllyukambot

Mojang:лэсь милемлы официал берыктон лэсьтыны сётэмзэ возьмантэм кариськимы но, ас кожамы Minecraft:эз берыктонэз ӧдъямы

Пыриськыны ваньмыз мылкыд карисьёслэн та чӧлсконэн ужез эскеремзы но ас тупатонъёс пыртэмзы луэ 👇

https://docs.google.com/spreadsheets/d/1j9FU3Ik2g5m0Oi-tPI7K9ObYe94UG1n_eEBC-yX6rH4/edit?usp=sharing

Mozilla Common Voice ужаз котькин кутымон куаратодман тэкнологи лэсьтыны тырше — вузпӧрын проприетарезгес гинэ вань уго. Куара ӝоген эшшо одӥгез вачекуспаськон амалмы луоз но, асьме пичигес кылъёсмы бере медаз кыле шуыса юрттэммы луэ.

Выль кыл пыртон тазьы ортче:
1. Common Voice вотэсгердэз берыктоно (ӧжытсэ 95%-озь вуттыса);
2. Чылкак мер асъетъем (CC0) шуосъёс шедьтоно яке выльёссэ кылдытоно;
3. Ӵектэм шуосъёсты эскероно;
4. Шуосъёсты шара лыдӟоно но возьматосъёсты юнматоно.

Алигес гинэ эрзя вотэсгерд усьтӥськиз, озьы ик бигер, башкир, якут но водь вотэсгердъёс ужало. Коми, чуваш, бурят, мокша, адыг, пор, ижора но удмурт вотэсбамъёс пумозяз вуттымтэесь на — юрттэмды потэ ке, пыриське берыктонэ.

Mozilla кемалась ӧвӧл Эдӥнбург, Карлов, Шеффилд но Тарту университетъёсын ӵош ужам Project Bergamot:сы улсын лэсьтэм локал берыктон тӥрлыкез калыке поттэм. Мукет сямен вераса, озьы вотэсэ куронъёс кельтытэк, нимазлыко сямен берыктыны луонлык сётыны тыршо.

Калыке поттэмез пӧлын bergamot-translator библиотека, кӧня ке кыллы дасям модельёс но тодэтбичамъя модель дышетыны тӥрлык. C++эн гожтэм библиотекаез WebAssembly кабе люкаса, ваньзэ тае вотэсбамын ик яке вотэсучкон (браузер) ватсэт сямен кутыны луэ (FIrefox Translations, яке татын модельёсты улэпкын уже кутыса оскалтэмды луэ).

Project Bergamot Эуроп Союзлэсь коньдонэн ужа. Mozilla котьма кылын вераськись адямилы могӟонтэм (accessible) но каньыл вотэс ласянь ужзэ азьлантэ.

Озьы ик пӧртэм кылъёсын (удмуртэн но) куаратодманлы шара верамъёсты люкан кичӧлтэмзэ тодады вайытэме потэ.