يعاشور...لا يهّل أهلالك ...يعاشور
**
من يهّل أهلال شهرك بيه تهّل دمعاتي
تبتدي رحـــلة عـذابي أوتبتدي مأساتي
شوفتك تلچم أجروحي ياسبب صدعاتي
أبــگلبي منك للقيامه أتسطّــرن لوعاتي
بالعيون ...دمعتي تنعالك
يعاشور...لا يهّل أهلالك
*********
أشچم رزيه أبنص دليلي من أثرطعناتك
كلهـــن أيهــيجن عليّه من تـرف راياتك
أمــوشحه ابثوب البلايا ياشهر ساعاتك
لاتظن أنساها لحظه أشماعشت غدراتك
تمنيت...ماتمسني أفعالك
يعاشور...لا يهّل أهـلالك
*********
أرد أسولـف نـايباتي اللي شفتها أبيومك
فرهدت صيوان عزي وضاويات أنجومك
ماعفتني من شفتني أمكدره أمن أعلومك
شفتك أبصف الشماته واگف أوما ألومك
بلاخوف... جبل آني أگبالك
يعاشور...لا يهّل أهـــــلالك

********
بحرگه وياك أردأعاتب مثل حرگ أخيامي
أو نار ذيچ المغربيه ال منها تبچي أيتامي
گبل ياهوالشاف طولي من الوطيه الهامي
أبـــقيت وحدي أبلا كفيلي والشمر جدامي
والعتـاب...مايهـز دلالـك
يعاشور...لا يهّل أهلالك

**********
جــرح حطّـيت أبدلــيلي أكبرأمــن أسنيني
عـدلّه ميـته مانـــسيته أو للحـشر ياذييني
الحادي من ساگ الضعينه والشمريسبيني
درت عيني للمعاره ردت أخو أيــگرعـيني
المصاب...ريته كون بحالك
يعاشور...لا يهّــل أهـــلالك
*******
من بعـد هيبتي أوخدري أشچـم بلــد طبـيته
خـدري ذاك الچان غالي أعله الهـزل تاليته
الذُّبّــح أخوانـــي أوسلبهم بالغصب ماشـيته
وأصعب أمن الموت وأكثرمجلسه وحاشيته
بالاحزان...ماتغيـّر فالك
يعاشور...لا يهّل أهلالك
***********
لخادم الأمام الحسين(ع)
الشاعروالرادودكريم جبارالعطواني
ونسألكم الدعاء
https://www.tg-me.com/kre_mm

من أشوف أهــلالك***أبچــي دم أگبالك
شفت بيك ضيم أشكثر
*********
أتعوّدت عالدمعه عيني وكل فــرح مامــرعلي
الحنّه ماصافح أچفوفي عـاللطــم متعوّده أدّي
أظـلم أبعـــيني اشوفــك كون تبقه بلايه ضـي
أب هلّتك ينعصرگلبـــي أبهيمه چنّي وماكوفي
أعــثرأبآلامـــي * مرمرتني أيامي
بالأحـــزان راح العمر* شفت بيك ضيم أشكثر
*********
الليــالي الســـوّد ردّت بــالحزن والهم سـوّه
لانجم يضوي أبسماهه أوميت أبعيني الضوّه
من گبل ماتت فــرحتي وظهري بالضيم التوّه
أشهگ أشچم لوعه بيه أختنگ بأنفاسي الهوه
ياشهردمعاتي * ماتفل حسابتي
ولافاد جرحي الصبر* شفت بيك ضيم أشكثر
*********

راح أسولف وحده وحده وأبتدي أبغربة هلي
بكربله وجمرة عطشــها وضيمها الما ينجلي
أشچـم گلب فتت ضماها وماكورحمه أبعاذلي
چفوفي ذنّي أگبال عينك گلي وأشــقدمت الي
بالگلب لچماتك * وأشكبرطعناتك
ولاأريـــد منك عــذر* شفت بيك ضيم أشكثر

*********
أعتابي يجرح لوأعاتب ع الحصل بيك أوجره
صلّفه عيــنك ما درتها أو لا طـلـبت المعـذره
ألك چـم لچمه أبدليلي حـدر ضلعي أمسـطره
والأشـد طيـحة أخوتي صرعى ضـلّو ع الثره
بس جثث تبرالي***دوهنتني أبحالي
تذكر نار ذاك الظــهر*** شفت بيك ضيم أشكثر
*********
أبعيني لمن بـان شكلك ردت أحزان السبّي
خيمه خيمه أفترحرگهن شمروأيسب بالنبي
مــن وگــفـنه اللـيل كله أبلا خـيم بس العبّي
من عگب هـيـبة كفيلي صارحارسنّه أجنبي
كون ميته بضيمي***ولاشمريسبيني
بالظعون يحــدي زجر*** شفت بيك ضيم أشكثر
*********
آنه ستــرالله وحجـابي أيعــدّل ال مـا ينــــعـدل
محملّي بالعــزتوصـّف تــــالي أركب ع الهـزل
من خـدرأمي الـــزچيه أمخـــدرة بنفس الشكل
گـبل محد شايف طولي وصرت فرجه الكل نذل
الگبل ماشافوني*** أمگابل أيشتموني
أجـــازيك يـوم الحشر*** شفت بيك ضيم أشكثر
*********
لخادم أهل البيت (ع)
الشاعروالرادود كريم جبارالعطواني
ونسألكم الدعاء
https://www.tg-me.com/kre_mm

السلام عليكم ورحمة الله وبركاته

لدينا لسته دعم القنوات الملتزمة دينيا فقط ندعم فقط القنوت التي تمتلك 1000 مشترك فما فوق والزيادة مضمونه ان شاء للاشتراك @Hawri21

لطميه لسيدتي ومولاتي فاطمه أم البنين (عليها السلام )
حــان الأجــل ماضل أمـــل *هــــــــا يـليلي
أشجم غالي ودعني أورحل *هـــــــا يليلي
هـــايليلي**هــــايليلي
**************
آنـّـــه أم الأرّبــعه شعـــــتب يـــلـــيلي
أمـــشي محـــنية ظهر مضهود حــيلي
الآه والـــونـه ودمـــع عــيـــني خـليلي
دهري حطهن وحده وحده بنص دليلي
جرح بجرح حكم الدهر*هــــــايليلي***باللوعه دلالي انفطر*هــــــايــليلي
هــــــــايليلي هـــــــــايليلي
*********************
أرد أذكرك يـــل نسيــــت دموع عيــني
جنت أغــفه أمــبلله أوســـــــادة حنيني
أبــــلهفه أطــــيرأويـالنسايـم من تجيني
بلكي شـــمت ريـــحهم تجـــبر ونــيـني
أتمنه لوحــته أبــحلم* هــايليلي *ألــكه الشمس ويه النجم *هـــايـــليلي
هــــــايليلي *هـــــــايليلي
***************** *
أشــحالــة اليـفـكدله واحــدعنده غالي
تــــلعـب أبـــحاله لعـــب ســودالليالـي
وآنــــي سبعين أفـــــكدت كلهم غوالي
داري ضــــلت خـــاليه أومابيـها والي
بس الحزن يفـترعلي *هــايليلي *متدوهنه أوأصفك بدي *هــــايليلي
هــــــايليلي * هـــــــــايليلي
*******************

من لفـه الــناعي يــبلغ بالــمصيبه
يــــثرب أهــتزت بأهلها من نحيبه
يعني كلبي المحب مايـشتم حبــيبه
صحت ويلي أعليج يبنيتي الغريبه
ظهري أنحنه وطولي ألتوه *هــايليلي * دخان أشمن موهوه *هـــايليلي
هـــــايليلي *هــــــــــايليلي
******************
مودمع من دم صبغته شيب راسي
راحـــو أومــاودعتـهم أعــز ناسي
الدهــرشتت شملنه أوحكمه قاسي
كتب لازم عمري أكضـيه بالمآسي
عبدالله راح ابياذنب *هــايليلي يم جده باجر يحتسب *هـــايليلي
هــــــايليلي * هــــــايليلي
******************
لخادم أم البنين (ع)
الشاعر كريم العطواني
ونسألكم الدعاء

https://www.tg-me.com/kre_mm

فخر أتسمه ألج خادم * نذرت ال خدمتج عمري
كمت أتباههه عالوادم * أرتفع بين الخلك قدري
فاطمه يم البنين*****فاطمه يم الحسين
فخرأتسمّه إلـــــج خــــــــــادم
**********************************
بخدمتج ناذر أسنيني * لحظه لحظه بهالعــمر
أمن الزغرشاري الخدامه*بدمع كاتب موحــبر
الج يم عباس عهدي***أمن المهد عاش اوكـــبر
يل الكريمه أعرف جزائي***من اطب دار الگـــبر
بوفائج ربج العالم * أنادي أودمعتي تــــجـــري
فاطمه يم البنين***فاطمه يم الحسين
فخرأتسمّه إلـــــج خــــــــــادم
**********************************
المجالس من أطب ليها***تطيح أوتنمحي أذنـوبي
عله أم الأربعه آمالي*** مـــوالي أتـسمي مكتوبي
أدك وألــطم وأواسيــها * بـحياتـي هـذا مطلوبي
وأنوح وأرفع الصرخه*ال عزيزالزهره محبوبي
يظل دمع الحزن ساجم*** وسوادي أشمايمردهري
فاطمه يم البنين*****فاطمه يم الحسين
فخرأتسمّه إلـــــج خــــــــــادم

*************************************

من يمر طاري المآتم*** بروحي تسعر جمرتـي
آه لمصابــج أصيحن*** دنـــيه تــبجي ال ونـّتي
لوعة الفاكد فجيعه * وأنتي حــزني أولوعــتي
أنــصب بروحي جوادر* للعزه أبـــحر دمــعتي
يظــل طبع الكدردايم*** وأداوي بالهضم صـبري
فاطمه يم البنين*****فاطمه يم الحسين
فخرأتسمّه إلـــــج خــــــــــادم
***********************************
أسود أبقه بثوب حزني***لــحد ظهور المــنتظـر
صابر وأجرع نوايب * أشماقــسه وياي الدهـر
الفاتحه اقراها ال حضرتج* يمته أسمعك ياخبر
عجــل اللهـــم أدعـــي * حــطم أجيوش الخطر
يطر فجرك علي سالم* ويطيح من الفرح عسري
فاطمه يم البنين*****فاطمه يم الحسين
فخرأتسمّه إلـــــج خــــــــــادم

******************************
بالأمـــل أنطر واتاني * وعيني لسمج شابحه
خادمج وأطلب شفاعه*أبيـــوم ذيـــج النايحه
زايله الدنيه وزغيره * وحلم جـنها أورايـحه
واني خادم عندج آنه * بهل التجاره الرابحه
بمكانج ربـــج العالم * فقط بس ربــــج اليدري
فاطمه يم البنين***فاطمه يم الحسين
فخرأتسمّه إلـــــج خــــــــــادم

*************************
لخادم أم البنين (ع)
الشاعر كريم العطواني
ونسألكم الدعاء

https://www.tg-me.com/kre_mm

لوناوي تفاركني وتمشي**وياك اخذالروح
المن يولـــــــــيدي اتخليني**بهموم اونوح
يانورالعين**تبعديحسين**وياك اخذالروح

**************************

أنه ابدلالي جم لوعه** لجــــلك انته واعيالك
وين ابهل مسيراتريد** بأهلك ماشي واطفالك
دكلي اليابلـــدكاصد** ييمه وشنـــهو البــالك
تعال الصدري اضمنك**مثل ما بالزغرشالك
اشتمن نحــــرك يلوالي****ودموعي اتسيل
عكبـــــك يتحزم دللالي****لجـــيوش الويل
كلي الياحين****تبعديحسين*****وياك اخذالروح

****************************

يادمعه الـتردللعين**من تمشي اوتجافــــــيها
عزيزه الدمعه موهينه**الجفن للغالي يبــجيها
وانته اعيوني يوليدي**واعزمن عيني والبيها
يل شوفـك كحل عيني**وسهم فركـاك يعمـيها
من بعدك جا شللي ابعيني***شـــتبصرشتشوف
نيران الفركه اتجويني***بســـــــــياط الخوف
شيريدالبين****تبعديحسين****وياك اخذالروح

******************************

كــلفه اوتلجم اجروحي**الـــيدن يبني ماطــابن
هاج اشجــم جرح غافي**واكتاره ابحــزن ذابن
نحيله دهري ماانصف**سهامه ابجبدتي صابن
تهـدم عـزمي بوداعـك**واعضاي ابكـدرلابــن
لوعات ودمعات اوونه**** وآلآلآم اجـــــروح
وغيابك زيدلي المحنه****من ردت اتـــــروح
شبت نارين***تبعديحســـــــين****وياك اخذالروح

************************************

يبني امك وانـشـدنك**حكي لوردت انــــــشد
ليش الدمعه بعيـونك**وحسرتك للكلب تمرد
السفرمن كونه ياذيكم**اتركه اوعني لاتبـعد
حــل احـــزام نيــتكم**اويـم كبرالنبي اكـصد
واشكيله ابدمعاتي اودمعك****جــورالأيـــام
واحجيله اشصايرمن وضعك****بــيد الظلام
ياراعي الدين****تبعديحسين****وياك اخذالروح

******************************

تمنيتك كبل متروح**تباري آخـــــرأيـــــامي
واعيشن دنيتي ابسدك**وتـداوي ابجفك آلآمي
يبني اولونــزل موتي**اريـدك تمشي جـدامي
تحفــركبري ابأيدك**وتوسدعالــثره اعضامي
وتهيل اترابه ابجفــينك****كــــبرالأحــــزان
تدفني ابلوعات اسنينك****حـــــدرالتربــــان
اعمي العيـــنين***تبعديحـــــسين***وياك اخذالروح
*******************************
اودعك والكلب ينزف**من دم ماوكــف نــزفه
ادك الشوف لدروبك**وعيني اعله الدرب تغفه
ابكل نكلة جدم روحي**يهـــزها الشوك واللهفه
عـليله وبيه الف عـله**تـــدي اومااظن تـــشفه
للمحشرماتبردنـاري****تســــعرلـوعـــــــات
مااسكن يحسين ابداري****لــوطب هـــيهات
ادريها اسنين***تبعديحســــــين***وياك اخذالروح
*****************************
لخادم اهل البيت (ع)
الشاعرالرادودكـــريم جــبارالعـطـواني**نسألكم الدعاء*
https://www.tg-me.com/kre_mm

اليوم مسلم بيها أعلن ثورته * زمرة الكوفه طواها أبيمنته
*******
خيــل تــردم خيــل وأهــــتز الـمله
بيــــــج أرد صفـين كوفـــان البـله
اليوم من بــــــتاري اصـبن زلـزله
وأفــضح أبن أزيــادهـوه أوزمــــــرته
********
صــال وأغتاض المشكروأرتــعـد
مثل حيدر مايـــهم عــده أوعـــدد
السند طــوعـه والنعم منها السند
هلـــهلت وأبــــصوت تـسلم نــــــادته
********
رد عليها الحيــد صـاح أتـبشري
عن دمــه العسكر يگلها أتـكتري
اليوم من دمــهم أروي السمهري
وخل تشوف الخلگ سيفي أوضربته
********

شــبه ضــربة حيدره خــير العمل
لمن گص اخشومهم يــوم الجــمل
الكره أعيدنها عله أصحاب الدجـل
عــزم عــمي اليوم أعيـــدن صــولته
********
بعزم ناوي أعليها أسوي المجزره
نهـــر دم ومــــن جثــثـهم گـــنطره
أبــاب طـــوعه راح احـــط المگبره
أوشــرط هـــذا الجـــيش بيــدج دفـــنته
***********
أهنــا أخلي الخيل تــركس بالدمـه
وأرد أوصّل الويـد لعـنان الـسـمـه
سيــفي بالدم راح اغـمّس صارمه
أو للــقيامه الخلگ تحچي أبــثورتــه
***********
لخادم باب الحوائج الأمام مسلم ابن عقيل (ع)
الشاعر كريم العطواني
ونسألكم الدعاء
https://www.tg-me.com/kre_mm

الأكبر*الأكبرغابت أوصافه
الأكبر*الأكبر يبست اشفافه
يگلي بويه أنطيني ماي*أحݘايته كسرت گفاي
*****
مدري گاعد مدري واگـف مدري هايـم بالـفـله
العشره شابݘهه أعله راسه يعاتب بطف كربله
أبـحسره كل دگات گلبه أبغربـه روحه أمعلعـله
دمع ماظــل تجري عــينه جــمر تـذرف هامله
بدليله* بدليله فـــزت اللوعه
ينادي*ينادي بونه مسموعه
مختنگ صدري بهواي* أحݘايته كسرت گفاي
الأكبر**الأكبر
****


حيلي بــاد أونحل جسمي أتعب أبنگل الجَدم
من رحت ياكل حياتي أبكل نفس أشـتم سهم
أبّين آه أونكبه يـــبني خضّرأبـروحي الألــم
خطوه خطوه وغبت عني ساترأعيالي أنهدم

وداعك * وداعك والگلب دامي
وداعك* وداعك والچبد ضامي

أشدمن يبست لهاي** أحݘايته كسرت گفاي
الأكبر**الأكبر
**


بــاذني الله أويــاك ظلت من مشـيت أو ودعت
ضيعـت كل شي ابغــيابك أمـنين دربـك تــيهت
من صحت لحگ يبويه 1000مـــره أتعــثرت
أختلف وزن الكون كله وعكس صوتك غربت

يروحي*يروحي وأعزمن روحي
يروحي * يروحي لا يكف نوحي

أدهى من طيحة لواي** أحݘايته كسرت گفاي
الأكبر**الأكبر
**


بهيده بويه أوياك روحي ريت طلعت ياعـلي
أخلاف عينك عمري عفته روح ماظلت اللي
بيك أشوف أوصاف جدي وأمي ياريحة هلي
وشمره من الحيد بيدك منها يــرجف عاذلي

بونيني*بونيني دنيا أهــزنها
بونيني *بونيني مانون ونها

شمس ماتضوي بسماي*أحݘايته كسرت گفاي
الأكبر**الأكبر
**

من بعـد عينك ي الأكبر يبني عـالدنيا العـفه
أشچم جرح بيه برحيلك خزّن وماصح شـفه
أغلى من الهوى اليسري روحي الك متلهفه
أبرية الغرگان لومــر أو روج موته أيـلاگفه
حياتي * حياتي ميت أبدونك
حياتي* حياتي فدوه لعيونك
يل صرت علّتي أودواي*أحݘايته كسرت گفاي
الأكبر**الأكبر
**
لخادم الأمام عليٌ الأكبر(ع)
الشاعر الأقل كريم العطواني
ونسألكم الدعاء

هلْ الحزن بهلاله *عَالمظــلوم وأعياله
***********
يهلال شـهرك بينه حط ݘـم علّه * هلْ الحزن بهلاله
جيت أوجبت ضيم المصايب كله * هلْ الحزن بهلاله
أشݘم ݣلب تلݘم ياشهر وأتــسله * هلْ الحزن بهلاله
أبݣلب الرسول اوآله * هلْ الحزن بهلاله
********
كلما تهْــل تجرح دليلي آلآمك هلْ الحزن بهلاله
تخطف ألواني من تمر أيامك هلْ الحزن بهلاله
أبنص الݘبد باݘرتحط أسهامك هلْ الحزن بهلاله
من تهجم الخيّاله* هلْ الحزن بهلاله
*********
ياريتـــه لاهـلْ لاأشـوفه أبعـيني** هلْ الحزن بهلاله
جـمرة أخيامي أبطلعتك تݘويني** هلْ الحزن بهلاله
ݘني أمــن أشوفنّك شمريسبيني** هلْ الحزن بهلاله
شفنّه الهضم بفعاله * هلْ الحزن بهلاله
*********


عــــاشورشهرك يعــتنيني أبلوعه** هلْ الحزن بهلاله
دين الله بالطف كسروها أضلوعه** هلْ الحزن بهلاله
راية مصابي أبكل وكت مرفوعه** هلْ الحزن بهلاله
أبجور الدهـروأحواله*** هلْ الحزن بهلاله
**********
باݘر يمر طاري السبي واللوعه***هلْ الحزن بهلاله
باݘر حرايــر عـالهزل مفجوعه** هلْ الحزن بهلاله
بروس العوالي روسهم مرفوعه** هلْ الحزن بهلاله
أدروب اليسر ݘتاله * هلْ الحزن بهلاله
*********
ݘم ديره نݣطع بالمسيرأو ديره*** هلْ الحزن بهلاله
ماشفت بيهم طيب أوبيه غيره * هلْ الحزن بهـلاله
وضيم الخرابه اللي صعب تفسيرههلْ الحزن بهلاله
أتحز بالزنود أحباله * هلْ الحزن بهلاله
*****************************************************************************************************************************************************
لخادم الحسين (ع)
الشاعر كريم العطواني** ونسألكم الدعاء