يگلبي بيش رحت وبيش رديت
او وسف يابو الشيم ياخوي رديت
بيمني اسياط زجروشمر رديت
ابگفه الهزله واشاگف عن رقيه،،،،
كريم العطواني

طفلها...
بروحي لكربله صاير طفلها،،،
وتسعر ناري ماواحد طفلها
شبيه الفطمت النبله
طفلها
عطاب الخيم والنار بيه،
،،،،،،
كريم العطواني

ردناي
يردحزني علي لوصحت ردناي،،،،
اهنا يلي جبتني گوم ردناي،،،
فك عينك المتني وشوف ردناي،،،
تهزل بالشمس واسياط اميه،،،،،
،،،،،،،،
كريم العطواني

يهلاي
انوحن لوذكرت ايام يهلاي
ويظل دمعي نهاروليل
يهلاي
التايه يستدل لونشد
بهلاي
وانه تهت بضعن مابيه حميه،،،
كريم العطواني

هليت
عليك انشد ترد وياي هليت
يهلالي الغبت مايوم هليت
مزن صبيت موش دمعات هليت
فصوص اغيوني طاحن بين اديه......
....كريم العطواني

عظماه

مصابك ربك المعبود عظماه،،
نصوح ومانفع بعداه عظماه
تطشربالحوافر طحن عظماه
وشعر راسه ولحم جسمه
الشفيه،،، ،،،،
،،، ،،،،،،
كريم العطواني

ويها
يمن حبك هدى المحتار ويها،،
سعير اخيامك ابكل روح ويها،،
صدگ نصين صار حسين
ويها،،
تحبه ابيا كتر امه الزچيه،،،،،،
،،،،،
كريم العطواني،،

يدردم
دهري امحزم ابضيمه يدردم
بيد ايفلش ابيتي ويد ردم
يحيدرجرح دلالي يدر دم
وثلث اضلوع مكسورات بيه،،،،
كريم العطواني

دگ آه
لوعه وهضم صار الگلب
دگ آه،،
ابلطم هدم اضلوع الصدر دگاه
بصدرفاطم حديدالنبل
دگ آه
وجذوع الباب طبگت عالزچيه،،
،،،،،،،،،،،،،،،،،،،،،،،،،
كريم العطواني

بحرروحي تلاطم موج رايه
يمن لسمچ ابركن العرش رايه
اليحب زينب صدگ ويجيس رايه
چسه عرضه ابعفاف الهاشميه
...............................
كريم العطواني

من سطرني
بابي اضلوع كسر من سطرني
وطفت عيني بيمنته
من سطرني
يبسمار الرزيه منسه طرني
وصدري انعاب ياحامي الحميه
،،،كريم العطواني

علنداي
ابمصابي الكون متصوب علن داي« اعلن مرضه»
وصرخ حتى العرش حيهم عله انداي،،«اشتغاثتي»
يبن عمي الحگ اعليه عله انداي،، « ارتفع صوتي »
كسرضلعي وسطرني ابن الدعيه
،،،،،،،،،،،،،،،،،،،،،
كريم العطواني

(ساعة مماتي)
أوياي أدفنوها عباتي** بيها ريحة ذكرياتي
أتراب وسياط وضعن**أحبال بچفوفي التون
من تحل ساعة مماتي
****
والله مهضومه شسولف عن محنتي
شأگدر أحچي وآنـه مختنگه بعبرتي
1000 خلّف الله عليها تهــل دمعتي
آنه أختمّن وحدي عافــوني أبغـربتي
بشام و دروب اليسر** عيونه تربيلي الشمر
بروحي ضميته الخدر**يبست من الهم لهاتي
من تحل ساعة مماتي
****

ويـــن أضمه بيـــاكتر دمع المناحه
وآنه گلبي أمصوب وتـنزف جراحه
گلي من يا جرح أصـيرن مستراحه
والله روحي من الزغرمابيها راحه
لچــمة أيام الصبه
شمس جدي الغايبه
أگباله أبچي أمحجبه
راحت أوياه أمنياتي
من تحل ساعة مماتي
****


أبكربله ليل أهدعش صليته گعده
راح صيواني الگبل يسترني سدّه
أتيممت بتراب أثــر جـدم الأفگده
صرت مكسورة ظهروأگبالي شدّه
خيمه ماظلت إلي
ولا رايــة كافــلي
گمت أندب ياعلي
خايفه أعلّه امخدراتي
من تحل ساعة مماتي
****

فرني چـــف البين وحـدي أبنايباته
عالهزل من يرضه تمشي أمخدراته
أمگبعه أتراب وتصد عين الشماته
حگها من تعتب عله الكافل خواته
أبگلبي نيران السبي
سترت أمتوني العبي
بأذني صوت الأجنبي
بكتري يلتاذن خواتي
من تحل ساعة مماتي
*******

أردان ويــه أردان شديت الفواطم
حـدرطويـات الحبل فوگ المعاصم
بزحمة الكوفـه ضگت مـرّالهضايم
ضحك أسمع بأذني وأشكال الشتايم
عگب نيران و سلب
وسفه للديوان أطب
أتعاين أعلينه الغرب
بعد ما أريدن نجاتي
من تحل ساعة مماتي
*******

الشام آخ الشام ياروحي الغريبه
فرجّه للوادم صرت آه أشمصيبه
أبلا زلــم طبيت مچتوفه وسليبه
أنظرالروس أخوتي بالدم خضيبه
ثلث تــيام أنتــظر
حافيه أباب القصر
حاره الگاع أشكثر
بيها يتچون بناتي
من تحل ساعة مماتي
*******
خلصت أيام السبي وراحت رقيه
هـــدّمت حيلي خــرابـة آل أُميــه
ريــت يدفنّه الهضم عمّه سويـه
كون خواني تجي أبوكت المنيه
كون تحضرموتتي
تسد وحشة غربتي
تصلي فوگ أجنازتي
وتنختم رحلة حياتي
من تحل ساعة مماتي
****
لخادم العقيله مولاتنا زينب(ع)
الشاعركريم العطواني رجب1442هـ

الدنيه مگضيه وزغيره**وانته خيمتنه الچبيره
بخدمتك ننذرعمرنه**حسين ياشيخ العشيره
***
الماله بالدنيه سنديگضيها سكته
لوعليه يفتر عكس يانـاس وكته
ماكوأخـو يفزعلّه ويعينه بمحنته
أنسدت البيبان بس بابــك فتحته
أبـــابك أيهل الدمع
أيحلفك بكسرالضلع
يدري تسمع ونته
وأنته نوماسه ونصيره

الدنيه ماتــــنفع ولايــنفع هـــواها
وينها الچانت گبل تركض وراهـــا
بلحظه راحو وأنگطع عنهم رجاها
وانته خدامك تـظل رايــــه بسماها
تصير جنه المگبره
الخدم ضنوة حيدره
بكبره تحضر وحشته
وبيدك أتقررمصيره


باچــر اليقــره أذا حــانت منيته
وربعه شالت نعشه وتنفذوصيته
وحطت أجنازة المله أبـــاب بيته
خادم حسين أنكتب أسمه وكنيته
على أچـتاف المغتسل
مايــه من كوثــر نزل
بـراحه تبرد خوفته
بشوفتك عيناه قريره


باچر الخادم يـجي ويطلب خدمته
من عطاء حسين وبخيره ونعمته
أبدمعة أعيونه وبـواچيه ولطمته
بگبره لومنكرلفه ويبدي بنشدته
أتگلّه أكتب بالسجل
وبيدك أتوقع الوصل
يــمك أتــرد لهفته
ياذخــر وأكبر ذخيره


أعله الدلال نعـيش ونموت بكرامه
روس مرفوعه الخدم بسم الأمامه
بيـضه ويه حسين بعناها الخدامه
مجلس أنسوي الــعزائك بالقيامه
أمحزمه أحزام الخدم
بالحشر تـــرفع علم
مستهلها بسمك أنته
وزينب وبدرالعشيره

أحنه غيرك تدري ماعدنه وسيله
يــاحبيب أرواحنه الماكـو مــثيله
اتطيح يـــم شباچك أذنوب الثجيله
جنة الله بحضرتك صارت دخيله
حسين ياباب الفرج
للخلاص أسمك نهج
فازت اللي خدمته
ياورد نشتم عبيره
حسين ياشيخ العشيره
لخادم الأمام الحسين,ع,
الشاعر كريم العطواني

(العشگ) (بحرطويل)
والله كل لحظه أختنگ
يـل صرت كل العشگ
ياحُسين أنت الحبيب**ويه نبضي اسمك يدگ
************************
دهري حاربني ورماني وظهري بالهم أنطوه
الله رازقـــني بـــمحبتك أووصف أتـرابك دوه
أنته الأول وانته الآخـر وأنته يحــسين الهوه
عميه عين الماتــشوفك مــاكشخ بيها الضوه
تدري سابيني الوكت
عفت كلشي وماردت
أگبال بابـك يلغريب
كون أبـــد مانفترگ
**


دنيتي سوده أومغبره أونور تسطع گبتك
ألبس أحـرام المدامع لمن انـوي ازيارتك
دافيه أبگدرحمة الله هيچ أحسّن حضرتك
چنّي أَحب چتـف النبوه من أحبّن عـتبتك
أشعر بطعم الأمــان
ولهفتي تشبع حنان

شمس حُبك مــاتغيب
صافيه وتنگط صدگ
***************



أذكرأذنوبي أمن أسلّم وأوگف أقره أمصيبتك
أمدنگ بياعين أباوع عبره أهــلْ ال عبرتــك
ريت ذيـچ الساعه حاضر وأستجيب النخوتك
صوت يطلع من ضريحك گال تخلص حاجتك
بيــه ياريته السهم
أيخيط أعيوني أبألم

والجروح الما تـــطيب
أضلوعي لجلك تنسحگ

******


غطتك خيل بحوافر أو فـرهـدن جسمك ركش
بيك عثرن الف مــره وهزهزن ركن العــرش
فراشك العاگول صايروسحگ صدرك ينفرش
يلي ماظـل كلشي منك أمسلب وطعـن أونهش

أشچم أثـر مـاينمحي
طحنتك طحن الرحي

عالرمل شيبك خضيب
بصدرظهرك ينطبگ
****


العاديه أتصول أبدبچها أوساوتك ويه الرمل
أظلم أبعـــينك ظُهرهـا أتدوسك وبعدك عــدل
أتگطعـت آخـــر أنفاسك كُـثر مــاشالــن ثگل
غاب لون اخدود وجهك وي قميصك تنهـزل
عــدل وأتـون عالثره
أتلوج حـــدر الغايره

عاري ياروحي وسليب
وحافـــــرأبگلبك يطگ
****

يختلف عشگي وهيامي مُغرم ال حد الجنون
حگي ياأغلى الأحبهم يـــلي مثلك مـــايـكون
بمجلسك الگاهه روحي من يهل دمع العيون
ريت خيط بخيمه آني أوستـــرلعــيالك أكـون
ألنارهم أركض ركض
يكتمل سادس فـرض
بالجمرأصبح تريب
وهيچ أذوبن واحترگ
******
لخادم الأمام الحسين,,ع,,
الشاعركريم العطواني
1جمادى الآخره1442هـ /ونسألكم الدعاء

راحو أحبابي الأحبهم
بالغرب بيدي أدفنتهم
يروحي يروحي
*****************
أعزاز بالطف ودعت غصبن عليه
عالرمـــل بــــالحرعفـتهم موبديــه
والله ما أنــــسه مصاب الغاضريـه
بالشمس ظــلت جـثثهم عالوطيـــه
عيني تعمى ولاشفتهم
راحو أحبابي الأحبهم
**************


هـــايروحي أشلون باچــرلو مشينه
عالهزل يسره ويظل حامي الضعينه
أمــدد أعــله الغبره لا يسره ويمينه
ماي محــــد نگــط وغمضله عــينه

أگبالي بس ماودعتهم
راحو أحبابي الأحبهم

***


من رجعـــت الكربله بذيـج الظهيره
بثوبي گمت أجمع والـم الكلّه غيره
أمطشر أعله الگاع ياشيخ العشيره
ماي ماأريدن...أريـدن بس حصيره

9أصابع لــو أعـــدهم
راحو أحبابي الأحبهم

****


والله من شميت أبــوي بعظم نحره
بالحوافرطبگت اليمنه أعـله يسره
شفت الأمثلث عبرگلبه ويـه ظهره
وســدت عبدالله بيدي فـوگ صدره

بلارحم صوب نبلهم
راحو أحبابي الأحبهم

***

ورحت يم الحيد للشاطي بندامه
ماأشوف الجسدمن كثرة سهامه
غاب ضي الگمر من ليلة تمامه
عمي ماظل منّه طول ولا علامه
بعمي ماقصرحقدهم
راحو أحبابي الأحبهم
****"*********"""""***
جثث وبلا روس وسدت الحبايب
بلاعلامه أكبورهم بأرض النوايب
راحو وضليت أنه لضيم المصايب
لا عشيره اولا عمام اولا كرايب
انتظر طرة فجرهم
راحو احبابي الاحبهم
***********
..الخادم الأقل ..
كريم العطواني

(شيردأيامك)
*************************
نيران أخيامك طفّيها
*****************************************
خويه أعلينه العسكرهجمت
مثل أصحاب الفيل أوهــدت
من بعــد الأيمان أرتــــــدت
خــــل سجّيلك يمطر بــــيها
*********************
فزعت جيش أوخيل أعدانه
لمن ظــل عالشاطي إلوانـه
تطلب ثــارات أمــن أدمانه
زُمـرة سفـــيان أوماضيها
**************************************************************

وصلت نـــار الغــل لخيامك
حرگتها أوحــرگت أيتـــامك
يــل غايب شــيرد أيـــــامك
وأبچـــفك خويــــه أتباريها
******************************

مــا ظــلت خيمه ولا والي
غربـه ومــحد يرحم حالي
أنــدارت بالضيم أحــوالي
أعـيالك يحسين أمسلبيها
*****************************************************


أطفـــــالك بالــبر مـــذعـوره
أسيوف أعله الخدر مشهوره
أتمــــنـــيت أويـــاكم منحوره
أو لا تسمع شــمر أيحاچيها
***
وين أتبات اللــــيله إلخـــدر
وهــذا الجيش اعليهن يفتر
مكشوفات وهامّـــن بالـــبر
يــل چــنت أبنور أتغطيها
*****
بعيوني أحرسهم هــالليله
أشما صارت بالهم أطويله
بلكت يحضر حامي ادخيله
وأعـياله الليله أيــحاميها
****
تمت كتابتها بعون الله وبحمده في ضريح المولى سيدالشهداء(ع)ليلة الأثنين19ذوالحُجه
لخادم أهل البيت (ع)
الشاعر كريم جّار العطواني
ونسألكم الدعاء

والشال السبع * ميهمني الجمع *خــل يكـــثر أبلآف
ورب البسمله *لحسين وهلهعن وجهه الكرب كشاف
شيـــّال اللــوّه * تـشهد نينوى*أرواح أورگـب خطّاف
يازينب *يازينب
************
هــالأمر من المهد صار//ألج عهدي//دمه زندي//
لحديوم القيامه ونفخة الصور
يادرة علي بعيوني ألچ دار//يضي عيني// تعرفيني //
لعيونچ نذر كل أسمي منذور
ـ*ـ*ـ*ـ*ـ*ـ*ـ*ـ*ـ
يازينة علي ومضمون زهراء
تتوضه أبحروفج كل الأسماء
يبنت البسمله وسرنقطة الباء
بمقياس القداسه صرتي آلآء
بالعفه الخدر*** يصلي أويعتمر * بكعبة هيبتچ لوطاف
ورب البسمله *لحسين وهله**عن وجهه الكرب كشاف
شيـّال اللــوّه * تشهد نينوى * أرواح أورگب خطّاف
يازينب *يازينب
***********

أمن الزغر بچفوفي تذكار// كتبتيلي// أوتگليلي//
أذا ليلي يجن لاتگطع أوياي
شايل بگلبي وفه أسنين//تگمطيني// تناغيني//
تناديني أنه أختك يكافل ترد بلواي
ـ*ـ*ـ*ـ*ـ*ـ*ـ*ــ*ـ*ـ**ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*
يزينب مانسيت أدموع عيناچ
وحگچ للمات بعهدي ويــــاچ
أشـحّده اللي يريد بحقد يدناچ
أوأخيـچ كافلچ مذخور لحماچ
ـ*ـ*ـ*ـ*ـ*ـ*ـ*ـ*ـ*ـ*ـ*ـ
عهدي بـــمولدي *بــالطف موعدي*أعله المشرعه سيّاف
ورب البسمله * لحسين أوهــــلّه*عن وجهه الكرب كشاف
شيـّال اللــــوّه*** تـــشهد نيــنوى*** أرواح أورگب خطـــــّاف
يازينب *يازينب
******************************************

أشوفنچ رساله أونزلت ابغار// حضن حيدر//نزل جوهر//
عله الخدّرأميره أوكلچ أسرار
بعيوني قريتچ خويه قران// شرح صبرچ// أبكبرعمرچ//
حروف أسمچ ضواهاشعت أنوار
*ـ*ـ*ـ*ـ*ـ*ـ*ـ*ـ*ـ*ـ* ـ*ـ*ـ*ـ**ـ*ـ*ـ**ــ**ــ***ـ****ـــ****ـ*ـ*ـ*ـــ*
سـرّچ كـربلائي وصبرچ أعجاز
من طــلسم القدرة بأسمچ الغـاز
بدموعچ اشوف أرسوم الأعزاز
المثلچ للبچي أشچم عــين يعتاز
يــــاعــين الشمس * لويــــرجع أمــس * ظلــــچ فلا ينـــــشاف
ورب البسمله *لحسين أوهــــلّه*عن وجهه الكرب كشاف
شيـّال اللــــوّه*** تـــشهد نيــنوى*** أرواح أورگب خطـــــّاف
يازينب *يازينب
*********************************************

زينب ومعنى الفخربيچ//يظل يفخر//صُبح منبر//
بعدل كبر الچ ياهيبة الدين
ليچ نوماس الوفه أندار//رفع رايه//عله الثايه//
أله غايه بخدمتج يخت الحسين
********************************************************************************************
لــحزانچ تصلي كل الأحزان
دهرچ مايـدنگ يوم خجلان
زينب ياجبل ماهـزه طوفان
المثلچ تنذكرفي كل الأديان
يل طولچ نبي**قرآنه السبي**وأيــردد ألأحقاف
ورب البسمله*لحسين أوهلّه*عن وجهه الكرب كشاف
شيّال اللوّه*تشهد نينوى*أرواح أورگب خطـّاف
يازينب *يازينب
*********************************************

مايمر بيچ الهضم يوم// وأذا يدنه// أصدّنّه
وأردنّه ذليل أمهبط الراس
عينچ بعيني تصد دوم// وأنه أتهيب // أنه أمعتب
أخوزينب يردها أبزوده عباس
**************************************************************************************

أخيامج مايــــمرفوگاهن الطير
أخاف أتشوفچن حتى العصافير
والله اليدنه ليـچ أبموتته أيحير
حتى أيصيرعبرة يشاهده الغير
طلگت الغمد*يگرب مايرد*بيدي أنخطت الأحتاف
ورب البسمله *لحسين أوهــــلّه*عن وجهه الكرب كشاف
شيـّال اللــــوّه*** تـــشهد نيــنوى*** أرواح أورگب خطـــــّاف
يازينب *يازينب
***********************************************************************************************************
لخادم أهل البيت (ع)الشاعركريم جبار العطواني
ونسألكم الدعاء