علي الأكبرلوعلي**صال بيها أبن الولي
موت أحمر من نزل بالحومه
*
سبــع يتخطى الكتايب
ليـــث متهمه الحرايب
بسيفه زينها الشوارب
****
غـــار والمهره لگدها بيمناه
أخيار يتخير رگب من أعداه
سـيل طــر البحر من يتلگاه
طبگ شرجيها بمغارب*يــاطفوف أتــزلزلي
هلّه بطاعون الحرب وأعلومه
*


بــيده فــرها الغاضريه
أيگـــدر أگـــدار المنيه
علگم أيـصب أورزيـه
*
حصد بيهم حنطه طشاها الـزلم
خيــل داســت بيها شيـــلم الـيلم
روس طشرها ملص نوبه وثلم
أدخيل صاحو حيدريه**ضربة الحگ تصطلي
اليوم رد خيبر عليها ويومه

**


يـــلچم أگلوب ومناحر
ثغبره تسكت الثغابــر
طبّگ بــچفه العساكر
*
زلــم سواهــم كواغــــد من يــكر
أيسوط بيهم سيفه والطف الجدر
گطع نـيط الگاع يـنشد عــالشمر
مگبره أبحلگ السواتر*بيدي أدفنه اليدنه ألي
وين أبن أبجر أوشلته أوگومه

*


ضهلب ويرعد منايه
ساگهم سوگ البغايه
ماترف جدامه رايـه
*
واحــد أعله الثاني يــــشمر رايته
يصب مــن خشمه حلـــيب الـربته
باشط ومحد يگحمه بالمنيه جيته
يسبي بالعكسرسبايه**أمغيم أوماينجلي
والبــلع ريجه يغــــص بدمومه

***


مـايلحگ يــــرفع أيــده
الگابله شـــبه الصميده
يحط صمصامه بوريده
**
اليوم من دمها أيمضمض صارمه
بيــده كـض زردومها الما يـرحمه
صل حــماد أونچر طـــفهم سـممه
بيمنته يصيد البعيده**أشماتطيروتعتلي
ضربه وحده مايثني عالرگب مختومه

**
ويّــــد گــبر بـــالمعاره
حط بالأرياگ المراره
أعلن الجيش أنكساره
**
راس يردم راس خلاها أبذعــر
جثه فـوگ الجثه مــاتلگه شبر
ماخلص بس اليكشف المنستر
مثل أبن العاص كاره**يوم كشفها العلي
مثله غض عنه النظر جيدومه
*
لخادم آل البيت (ع)
الشاعرالحسيني كريم العطواني
ونسألكم الدعاء/1444هــ

ويرحاي...
ابهمي الميت ير ميت ويرحاي،،،
تدور امسودنه روحي وي رحاي،،
جروحك من اعادلها ويرحاي،،،
خدش تنحسب موس جروح هيه،،،،
كريم العطواني

صاح حسين وناده الأكبر
ماأشوفك من كثر العسكر
أنته الطايح بالميدان ** لوجدك فوگ التربان
ماأشوفك من كثر العسكر
**
يوليدي عسكر لاگــتك كــلمن شهر بتاره
تــزحف مثل موج البحرخيل وزلم تتباره
گــب العجاج بنينوى يعمي النــظر بغباره
سيل أيترادم بالسمه جيش العده الجراره
حــاطت بيك ودارت تفتر
حيد أبني أبنصهم يتبختر
مابين سيوف العدوان** لوجدك فوگ التربان
***


دارت علــيك الدايــــره أطبول الحرب دگوها
أتـرف وصلت أعنان السمه راياتهم شالوها
ترشگ رشگ زخ المطرأسهام النبل ودوها
بوجهك بظهرك ياعلي سيوف الغدرشهروها

متعنيه أصفوف بكل هــمه
تخلص هجمه تطب بهجمه

تبرالك عين الرحمن**لوجدك فوگ التربان

****


كل زلمه ينعد أبــألف گاصدعليك بسيفه
بياثار تطلب وأعتنت كلمن يــدور حيفه
لاديـن عــدهم لاشرع جــدك نسو تكليفه
ولدالرعايا الباغيه نكرت علي وتعريفه

تركض جحافل دمك تريد
الله يعــينك يبــني يـوحيد

ياجمرة گلبي العطشان** لوجدك فوگ التربان

**

مره بن منقذ ياعلي العبدي أعتناك أتحذر
أمنگب أجاك من الگفه آنــه الأطيح الأكبر
بظهرك ركزبيده الرمح صاح بفرح يتفاخر
طـرهامتك أبن الــردي سال النجيع الأحمر

فـــر المهر وأتوسط أعداك
بحلگ السيوف هناك وداك

لليطعن صايرنيشان** لوجدك فوگ التربان

*



وسط جيمتها المعاره أسيوف تتلاهب جمر
هـــذا يوم الفــزع هـذا وبعــد مـــاينفع عذر
يـــاعلي الأكــبر يبــويه لهـاي حطيتك نـــذر
انترست أرض الغاضريه بين كل شــبروشبر

رويت طف الموت بدماك
من الظمه متفطره أشفاك

لحظه ويرويك الريان** لوجدك فوگ التربان

**

أشفاف الهنادي بطيحتك بأطرافها الدم يسيل
طبّرت بيك وتختلف خلطت صبحها وي الليل
مـــاردها نورك يـــاضوه منك وذر گام تشيل
عالدنيا من بعدك عفه يـاضنوتي بـــاد الحيل
مــاظــل أمــل لـيّه أتعود
طولي وي طولك ممدود
بدلالي جرحك بركان** لوجدك فوگ التربان
*
لخادم آل البيت (ع)
الشاعر الحسيني كريم العطواني
ونسألكم الدعاء//1444هـ

راح الهوه أوياك ** يبني يبني
ميته آنــه بجفاك ** يبني يبني
مأريده يمه العمر**راح الأمل شأنتظر
**
كل أم ولد تتنه السعد أبفيّ الأبن راحتها
يصبح سند وكت الشدد لـوغربت دنيتها
أبضيم وسهر ليلي وتــعب ربيتك
گطره أعله گطره بدمعتي باريتك
مـا تغمض أبــليل ** عيني عيني
أبــنوم المــداليــل ** عيني عيني
بطول الليالي التمر ** راح الأمل شأنتظر
***

لــــيل الشته ** أبگدمحنته
بــذاك البرد مانمته
من شوغته **ومن گعدته
أرجف أنه أمگابلته
حطيت عيني عالمهدسورأعليك
بضلوعي أدفيه الهوه لو مربيك
كل خوفي تأذيك**نسمه نسمه
لمــن تــمربيك ** نسمه نسمه
ناذرته عمري نذر
راح الأمل شأنتظر
****
عمري الگضه **وكل المضّه
بيدك علگ شديته
بكبرالفضه ** وحكم القضه
بنورالنظر شاريته
تگدار أگـدرك طول وي طول
بـــس ألك تحــلى كــل دللـول
يل ساكن الروح**يمه يمه
لاتجفي وأتروح**يمه يمه
من فرگتك للگبر
راح الأمل شأنتظر
***
بفيض الدمع**ون ينسمع
أصرخ وأنادي بنوحي
بيك أنفجع** من تنصرع
بوداعك أدفن روحي
كون أعله رمــلة كربله أيخلوني
أوياك بشمس ذاك الظهرذبحوني
لــو وشـل الحيل**خلني خلني
تسحك علي خيل**خلني خلني
تمردأضلوع الصدر
راح الأمل شأنتظر
***
بسيف الطبر**وسط النحر
بحز رگبتي يداويني
جرحك كبر** طگ الظهر
بنار الصبريچويني
مابين صدري ومنحري وأبمتوني
أوكسرة گفاي وكــل سهم بعيوني
وبگلبي الف سيف**يفري يفري
وكل حافر الداس**يجري يجري
غايــر ولا يعـــتذر
راح الأمل شأنتظر
***
وجه الصبح**صايرجرح
ماچنه وجه أوليدي
بـدم الذبح**غاب السمح
تمنيت أوسده أبأيدي
طيف وباگته أيامي لاتوديع لاشفته
عالناگه وتعدينه ولابچفوفي غسلته
منعوني أمربيك**وسفه وسفه
وعالغبره أخليك**وسفه وسفه
لاوين حد الصبر
راح الأمل شأنتظر
***
لخادم آل البيت(ع)الشاعركريم العطواني*ونسألكم الدعاء1444هـ

(شيردأيامك)
*********
نيران أخيامك طفّيها
*********
خويه أعلينه العسكرهجمت
مثل أصحاب الفيل أوهــدت
من بعــد الأيمان أرتــــــدت
خــــل سجّيلك يمطر بــــيها
*****
فزعت جيش أوخيل أعدانه
لمن ظــل عالشاطي إلوانـه
تطلب ثــارات أمــن أدمانه
زُمـرة سفـــيان أوماضيها
**************

وصلت نـــار الغــل لخيامك
حرگتها أوحــرگت أيتـــامك
يــل غايب شــيرد أيـــــامك
وأبچـــفك خويــــه أتباريها
**********

مــا ظــلت خيمه ولا والي
غربـه ومــحد يرحم حالي
أنــدارت بالضيم أحــوالي
أعـيالك يحسين أمسلبيها
*************


أطفـــــالك بالــبر مـــذعـوره
أسيوف أعله الخدر مشهوره
أتمــــنـــيت أويـــاكم منحوره
أو لا تسمع شــمر أيحاچيها
***
وين أتبات اللــــيله إلخـــدر
وهــذا الجيش اعليهن يفتر
مكشوفات وهامّـــن بالـــبر
يــل چــنت أبنور أتغطيها
*****
بعيوني أحرسهم هــالليله
أشما صارت بالهم أطويله
بلكت يحضر حامي ادخيله
وأعـياله الليله أيــحاميها
****
تمت كتابتها بعون الله وبحمده في ضريح المولى سيدالشهداء(ع)ليلة الأثنين19ذوالحُجه
لخادم أهل البيت (ع)
الشاعر كريم جّار العطواني
ونسألكم الدعاء

علي الأكبرلوعلي**صال بيها أبن الولي
موت أحمر من نزل بالحومه
*
سبــع يتخطى الكتايب
ليـــث متهمه الحرايب
بسيفه زينها الشوارب
****
غـــار والمهره لگدها بيمناه
أخيار يتخير رگب من أعداه
سـيل طــر البحر من يتلگاه
طبگ شرجيها بمغارب*يــاطفوف أتــزلزلي
هلّه بطاعون الحرب وأعلومه
*


بــيده فــرها الغاضريه
أيگـــدر أگـــدار المنيه
علگم أيـصب أورزيـه
*
حصد بيهم حنطه طشاها الـزلم
خيــل داســت بيها شيـــلم الـيلم
روس طشرها ملص نوبه وثلم
أدخيل صاحو حيدريه**ضربة الحگ تصطلي
اليوم رد خيبر عليها ويومه

**


يـــلچم أگلوب ومناحر
ثغبره تسكت الثغابــر
طبّگ بــچفه العساكر
*
زلــم سواهــم كواغــــد من يــكر
أيسوط بيهم سيفه والطف الجدر
گطع نـيط الگاع يـنشد عــالشمر
مگبره أبحلگ السواتر*بيدي أدفنه اليدنه ألي
وين أبن أبجر أوشلته أوگومه

*


ضهلب ويرعد منايه
ساگهم سوگ البغايه
ماترف جدامه رايـه
*
واحــد أعله الثاني يــــشمر رايته
يصب مــن خشمه حلـــيب الـربته
باشط ومحد يگحمه بالمنيه جيته
يسبي بالعكسرسبايه**أمغيم أوماينجلي
والبــلع ريجه يغــــص بدمومه

***


مـايلحگ يــــرفع أيــده
الگابله شـــبه الصميده
يحط صمصامه بوريده
**
اليوم من دمها أيمضمض صارمه
بيــده كـض زردومها الما يـرحمه
صل حــماد أونچر طـــفهم سـممه
بيمنته يصيد البعيده**أشماتطيروتعتلي
ضربه وحده مايثني عالرگب مختومه

**
ويّــــد گــبر بـــالمعاره
حط بالأرياگ المراره
أعلن الجيش أنكساره
**
راس يردم راس خلاها أبذعــر
جثه فـوگ الجثه مــاتلگه شبر
ماخلص بس اليكشف المنستر
مثل أبن العاص كاره**يوم كشفها العلي
مثله غض عنه النظر جيدومه
*
لخادم آل البيت (ع)
الشاعرالحسيني كريم العطواني
ونسألكم الدعاء/1444هــ

يحسين أنته الغايه
بعاشور نرفع رايه
***
اليحب بــدموعه يعزب خدم لاه
بسجل مكتوبه أساميهم خدم لاه
العــبد باچــرينـشدونه خدم لاه
يحير الثاكل أبــــونته الشجيه
**
بهضيمه والشماته ردح دبچن
وبدال الدمع دم يعيـــون دبچن
بحوافرهن أخيول أعداك دبچن
وطبگن صدرك وظهرك سويــه
**
غــرب عـــيّت الخيل وكــتر شرگن
بحوافرهن أضلوعك سحگ شرگن
بناتــك من رحـــت بــالدمع شرگن
ولا ضاگن عــذب ذيــــــچ المسيه
*
گلبي من صحت ياخــوي فر عون
صگرمدرع أمضهلب فزع فرعون
لون موسى بحياته فــــرد فرعون
علينه أتفرعنت كل آل أميـــــــــه
**
يمن اسمك يزيح الهضـم كعبه
زلـم وخيول طافـت بيـك كعبه
رمح راسك بمتني انطبع كعبه
طعن لون العبه وچتفي سويه
*
لفاني العسرخويــه وراح يسراي
بـــحبل چتّف يمني وچتف يسراي
الخدرشيعته أجتني أظعون يسراي
بعـــد ياخــدر عگبك يبقه الــــيه
***
دگدگ دف شامتي بالـشام طبّلاه
لمن راسك أبـراس الرمح طبّلاه
جــرحك ماحصل يـحسين طبّلاه
شأداوي وبالحبل مچـتوفه اديه
**
كريم العطواني

مشتاگه أرد أشوفن لمة أحبابي
موتني الحنين أِشــينفع أعتـابي
شيردهم ألي * راحو كل هلي
******
خذو روحي اودليلي أوسافرو عني
شيريد الدهــــر يــــــاخذ بعـــد مني
عگب جمعة شملهم وحّــــــدي لنّي
أون ليلي أونهاري أو مانـــفع وني
بس أسچب دمع *** محنـــــية ضلع
يايمه أبدمع خطيت أنه أكـتابـي
موتني الحنين أِشــينفع أعتـابي

*****

گلـب الوالـــده لوفــــارگ أولاده
يتگطع وصــل يتــــمزگ أفّـــاده
وآني أربع ولــد ضيعت وأزياده
على هذا الوضع مــاچنت معتاده
لحسين أنتــحب *** بديــــار الغرب
مارد طارش أو لاردو أجــوابي
موتني الحنين أِشــينفع أعتـابي
****
ضيعتك يـــيمه أورحت من أيــدي
ميــته آنـــي أبـدالك كون يوليدي
ياروح الزچيه أوفرحتي أوعـيدي
يانـــار النواظر دم دمـــع زيـــدي
أبني أبغربـــته *** مردو چـــبدتــه
بصوابك يـــغالي أتجدد أصوابي
موتني الحنين أِشــينفع أعتـابي
****
الله ايعـــــــين كلمن فارگ أعــزازه
خـــــصه الــــرادهـــم للزمن عكازه
معــــتازه أشــــوف أحبابي معـتازه
شيبني الأفـــراك وحـلت العـــــازه
لأيــــــام العســـر*** من يگضي العمر
ياسلوة زماني أوكل شي بحسابي
موتني الحنين أِشــينفع أعتـابي
*****
خليّه أديـارهم والوحشه مـاتـرحم
مــاأظنهم يجونـي والشـمل يـــلتم
بــحالتهم العالــم والله بـيه أعــلم
راحـو يــادليلي الضيمك أتــحزم
الموتك تنتظر**ظل أجرع صبر
أعيوني أفرشها لمن ترد غيابي
موتني الحنين أِشــينفع أعتـابي
***
لخادم أم البنين (ع)
الشاعر الحسيني كريم العطواني
ونسألكم الدعاء/1444هــ

وشل أم عباس ماي أعيونها
حگها لو أم البچي أيسمونها
وآ ويلاه يم الگمر
**
حگها مــاي أعيونها لـو وشلّن
ليــل وأنهار الــــدمع مـــابـطلن
عالمشو وأسره بحمايلهم ظعن
ولاغـفت لحظه أوتهيد أظنونها
****
مــاغفت كل ليلها ولاغمضت
بدار ماگعدت دقيقه أوهودت
عالدروب أمگابله وأتنطرت
فــــارگوها الچانو أيبارونها
**
أبعيدعنها شالو لديــرة غرب
من كثرشوغاتها شاب الگلب
يمه يـــازينب تصيح وتنتحب
چنها تــعلم بـــاچر أيسرونها
****
عگب ذيچ اللمّه وحدي أشأنتظر
لا نفعــني الــنوح لاينــفع صــبر
أجرع من الموت كل يــوم اليمر
ومــاأظن أتــشوف ويشوفونها
**
إلتوت أبهمومها ومحني الظهر
تعثر أبمشيتها مــن ضيم الدهر
صعبه ماينوصف حال أم الگمر
أمحدبه من جورالزمان أمتونها
**
عفيه گلبچ مــا تصح مثلچ مـره
بــاچــرأولادچ تــطيح أعله الثره
أشچم سهم بعيون سبع الگنطره
أعله الشريعه جثته أيــوسدونها
*
فـــدوه أولادي نـذر يـــم فاطمه
أتطيح گبل حسين يوم الموزمه
بس تــرد أعــيال أخيهم سالمه
وهالعهود أبـــدمهم أيــوفونها
****
لخادم أم البنين (ع)
الشاعر الحسيني كريم العطواني
ونسألكم الدعاء/1444هــ

يامن تواسوني عله أمصيبتي
ماأنسه باچــر بالحشر شيعتي
*
كــل اليواسيني وعلي صب دمــع
يلگاني يــم راســه بشديــد النزع
بالبرزخ أحضرله ويهون الوضع
وأختم كتابــــــه وأبــصم بيمنتــي
**
للي بـچه بمجلس عـزائي و حضر
وهـــلْ عبرته لونـاعي لسمي ذكر
صارت أگبال عيونه للطف صور
بكل ونه يرفع لوعه من لوعتي
**
يــامن تـدگ صدرك بحرگة لـطم
وتعيش أيــامك ال يـومي أبهضم
وتذكر عطش دللالي بيه ينجسم
بـاچـر بچفي أرويـك من دمعتي
***
لمصاب أخوتي وربعي كلمانحت
بساعة ذكرهــم بــالعزه أتــألمت
وأبعالي صوتـك آه لمــن صحت
بــالحشرباچـــر تــستمع كلمتي
***
بعيوني أشوفن حزنك بلا هنه
مـن أول محرم تعلنه بكل سنه
بثوب السواد أهدومك أمطينه
بچفوفي ألبسك نور من هيبتي
**
وسط المواكب من ترف رايتك
وأسمع حبيبي أتــردد أبـعبرتك
وزنجيل بيـدك ماتــرك يمنتك
ماأتــركك بيوم الفزع غايتي
**
لخادم آل البيت (ع)
الشاعرالحسيني كريم العطواني
ونسألكم الدعاء/1444هـ

بــنار الهجر اتچوه ** بعده العمرمــايسوه
ودعني أبوي الغالي**ولمة أحبابي الحلوه
**
نار الجفه مـاتنحمل** يسعرجمرها بـروحي
باچــرافارگهم هـلي** بلوعة عذابي ونوحي
آخ الصبح لمن يطر**يفتح سواجي جروحي
بالظعن كتلچ خادمه **برحلة سفرهم روحي

ريت بـظعنهم حالي حال أخواني
اليـا ضيم أضلن والـــدي خلاني
ياصبر ينفع عالبعد ** ضاعو وضيعت النشد
بضيم ومرار أتلوّه ** بعده العمرمــايسوه
****


خيط الفجرمن يندلع** يـنشرضوه مصباحه
مدري أصد اليا كتر** بـس الحزن وأشباحه
بدارالفجيعه المظلمه** مـات الفرح والراحه
لذيچ البدور الساطعه ** أگضي العمر بنياحه

أغـفه أبــونيني ودمعتي كـــل ليله
بروحي الصبر باد وتضعضع حيله

حاچيني ياريح اليمر**بفراگ أبوي أشأنتظر
من ياعطش أتــروه** بعده العمرمــايسوه
****


بعيوني مامــر الفرح ** حتى بحلم ماجاني
من ودعتهم دمعتي ** جرحت هدب أجفاني
تهت أبدربكم ياهلي ** ريـت الـتُرب طمّاني
ياگلبي ناسك هاجرت** وماأظن بعد تلگاني

هيهات أشوف أوجـوههم لـو مـره
لا صور ظلت بس عذاب وحسره

الفارگني راح ومايرد**الجيتهم محضره الورد
صارالبُعد بالگوه ** بعده العمرمــايسوه
***

الياساعه أظلن أنتظر** وسيل النوايب يجري
سيوف وتحز بمنحري** دگاته صارن دهـري
ليلي ونهاري بغربتي**مكسره العبره بصدري
ماعشت بصباي أبهنّه ** شيبت وآنه بزغري

يوميه أگولن باچـــر أحبابــي أتعود
شيبات راسي البيض شيردهن سود

يايـوم أگولن ياشهر** ياساعه يرحمني الدهر
بفگدالأبــو والخوّه** بعده العمرمــايسوه

**


بالدار أعايــن وأنتحب** شو وحدي عافوني
ماتخطر أببالي گبل ** هيــج أخوتي ينسوني
راح الدلال أتمرمرت ** صـبّن دمــع يـعيوني
هسه صفيت آني بكتر**وأهلي بكتر ضيعوني

منتظره أخوي الأكـبر يــردلي بيوم
سهرانه ليلي وماضگت طعم النوم

أمتانيته يرجع ليّــه**الينگط وفــه وحنيه
غاب الگمر ماضوّه** بعده العمرمــايسوه
*****

حطيتها بدرب المشوا** عيني وأتاني الملگه
لاطارش الـرد لاخبر** غــيرالـــتراب أشألگه
صفنّة مگابرموحشه **سطرتني بويه الفرگه
ياروحي ظلي الوحدچ**عيشي الألم والحرگه
أول سبيه للهضم عگب أحسين
أتعنه حافي ألهم لون أندل وين
وأصرخ صرت مسبيه**شنهو الصبرتـــاليه
فدوه العمركم فدوه **بعده العمرمــايسوه
****
لخادم آل البيت (ع)
الشاعرالحسيني كريم العطواني
ونسألكم الدعاء

نزله(بعيوني)

بعيوني تــذكار ** إلـــكم يلنسيتوني
كل صوره بالدار ** بعيوني بعيوني
**
غبتو ماغابت صوركم يلي عفتو أدياركم
بكل مچان أشتم عطركم والتمسها آثاركم
يـانظر فــارگ عيوني عوّنه كلمن شافكم
هجــر غـربتكم ذبحني وبيه تــسعر ناركم

مــاأدري لاويــن ** حدك ياصبرروحي
دمعاتي أنهار** بعيوني بعيوني

****


ماشفت بـالدنيا راحه راحت أويـه أحبابي
الفرح مامراني مره بس حزن دگ بـــابي
كلشي حسبّته بحياتي وبيه حسبت حسابي
بلحظه فرهدكم زماني وعكس فَــر دولابي

من عندي شيريد ** مــا يرحم أبدحالي
بأحبابي يختار** بعيوني بعيوني

***





الأمل عفته ونسيته وأنتهى طعم السعـد
بغـفل كلهم فارگوني شــأنتظر أكثر بعـد
صبحّت عميانه عيني ياكل بجفني الرمد
بطيب صبرك ياألآهي گوه أصبرعالوعد

عذبني الأفـراگ ** لحظه مابطل نوحي
وأتنطــر أخبار** بعيوني بعيوني

**




أتحزمّت ضدي المنايا والقـــدر رحلة سفر
ماتت بروحي ضحكتي والــــبُعد حــز النحر
وين ماأعاين أشوفن صافنه بوجهي الصور
ذبــلت أهروش الموده بيــوم ودعني الگمر

وبروحي الأشواگ ** طير بلايه جنحانه
الياجانب أندار** بعيوني بعيوني

*****




بيـا وكت نرجع سويه وتــرد بيض أيامي
وأنسه كل ضيم وأذيه وأنسه بويه آلآمي
حلم كون الصار هـــذا والأضغاث أحلامي
كون أغمض عيني وأگعد والأهـل جدامي

وتطيب الأجروح**أغفه وأصحه وألگاكم
وتزول الأخطار**بعيوني بعيوني

*****



نـذر للباري نـذرتّــه لـــوجمعنّي أويــاكم
بالورد أفــرش دربكم بويـــه وأتـــلگاكم
والله لــوأنــدل أجيكم مـاأظـــل بــــرجاكم
بليــل أمشي من المدينه بهمتي أتــعناكم
يالهفة الروح**بيكم ينكتل نوحي
وتضوي الأقمار**بعيوني بعيوني
*****
لخادم آل البيت(ع)
الشاعر الحسيني كريم العطواني
ونسألكم الدعاء 1443 هــ

((طوّل يليلي))
طــوّل يـليلي باچــر أوداع
أظلم صباحك والأمل ضاع
مأظن يردون ** أعمّن يــلعيون
*****
يليل اوداعي لاتگضي**أنه بروحي ألف علّه
بهيده ألزمها ساعاتك** بصباحك سيفك أتسلّه
يريتك عمر ماتخلص** يـريت أنته العمر كله
تشوف أحبابي عافوني**زماني كلشي ماخله
إلمن أسولف وأشتكي الحال
مصباح باچر تحدي الأجمال
كلهم يروحون ** أعمّن يــلعيون

**


بيني وبينك أحچيها ** يليلي وماگلت لأحد
بلكن ترحم أبحالـي**وساعاتك تصير أزود
هجر وفراگ والغربه**ونار الحسره تتوگد
دخلنّي بحضن أبواليمه**باچرعيدي يتفرهد

يـــا فجر باچــر ياخــذ الروح
ياراحه أشوفن غيرالاجروح

تذبحني الأظنون** أعمّن يــلعيون

****



يليلي أعزازك من تروح**هم نارك مثل نــاري
أحچايه بگلبي أسولفلك**وأريدك تكتم أسراري
زغيره شلون أظل وحدي**أخافن لوأطب داري
حنيني وشوگي يذبحني** وليلك يخنگ أنهاري

وحشه وأشوفن بس الآثــار
غابت صورهم عن الأنظــار

بلكن يردون ** أعمّن يــلعيون
**




يليلي سكتت الحيطان ** تــكتل صافنه أعليه
شنهي الشفته من عمري** يتيمه بغير حنيه
جرح يلچم جرح غافي**بروحي واوجرن بيه
بعمرسبعين مومثلي ** نحيله وأمشي محنيه

ظهري أنحنّه بهمومي ياليل
نعشي يريته أويـــاهم يـشيل

لمن يشيلون ** أعمّن يــلعيون

***



أشحال العافتّه أحبابه ** وعينه أتعايـن أعليهم
الموت أهـوّن ولايبعد ** ظعنها ويحدي حاديهم
أشـيّلم أتراب ذكراهم ** وعلـيه يكتب أساميهم
بعـد هيهات أشوفنهم ** يــريت أبطيف ألآگيهم

مـاي وتــبده وشُربته الـگاع
خلصت عشرتي وياهم بساع

عنچ يغيبون ** أعمّن يــلعيون

***


عتابي وياك مايخلص**عتب مهضومه ياليلي
كل ما تمشي لحظاتك ** بمشيهن ينهدم حيلي
دمعتي بطولك أبچيها **وأگولن من دمه سيلي
شالوعــنچ أحبابـــچ ** شبقالــچ للگبرشـــيلي
حقــچ وراهــم مـن تموتين
حاچيني بعــــد ألمن تظلين
أتمنه يبقون** أعمّن يــلعيون
**
لخادم عليلة آل البيت(ع)
الشاعر الحسيني كريم العطواني
ونسألكم الدعاء

نزله للعليله((عكيلي))
(أخذوني)
وياكم للطف أخذوني**وياكم للطف أخذوني
*
ماأريــدن كلشي بدنياتي
ياسلوة روحي وفرحاتي
بــجفاكم تذبحني آهــاتي
خاف بسفرتكم تنسوني**وياكم للطف أخذوني
*****
ماأگدر عالفرگه أتصبر
گلبي أبغـيبتكم مــايگدر
حطوني ويضعون الخدر
أسگيهن بدموع عيوني**وياكم للطف أحذوني
****

أطلع يــاريت أبمسراكم
وأتماشـه بهمة ممشاكم
لوصاح الحادي وناداكم
وبهودج سكنه تركبوني**وياكم للطف أخذوني

***
أخـــدم عمّاتي وخوّاني
وبخدمتهم تشفه أحزاني
ولاأبـقــه أبحسرتهم آنـي
المن بالدار أتعوفوني**وياكم للطف أخذوني

***

مصباحك أســـود يايـــومي
أمحضرتهن يابويه أهدومي
تعـوفوني تچويــني همومي
بياحسره ولوعه تودعوني*وياكم للطف أحذوني

****
لـــوأظلن بـالـدار لـوحدي
شتنطرمـاظــل شي عندي
بس دمعاتي أتلالي بخدي
وتتحارب وياي أظنوني**وياكم للطف أخذوني

****

بالحسبّات أتـگطع گلبي
ماأبطل نوحي ولا عتبي
بجفاهم مــاأوچــد دربي
مــاأنـــدل ولا دلــوني ** وياكم للطف أخذوني
******
باچــر أتعـــنّه والحگهم
محتاره بياسـچه أتبعهم
أسالمن وأنشدمن عنهم
ضاعوياروحي وضيعوني**وياكم للطف أخذوني
*****
لخادم آل البيت(ع)
الشاعر الحسيني كريم العطواني
ونسألكم الدعاء(1443هـ)

حــي الله الأنــــصار**زودالمراجل زودهم
*
شدوا أحزأم المنيه ** ياعلي صاحو سويه
أهتزت أرض الغاضريه
من عزمهم ** رد عدوهم
هذا أمرهم **خط أسمهم
مشهوره الأشفار** خطو عهدبزنودهم
***
شيخ الأنصاريتبختر**عابس وجون الغضنفر
وأسلم ونافع القسور
خيل تعثر**خيل تعگر
موت أحمر**بيها يفتر
وبزهير الأخبار** كر الرگب بحدودهم
****
فتوه أعلن أبن ظاهر* ناده حيّ أعله الضماير
جندب وسالم وزاهر
بالبواتر ** عالمناحر
بالمجازر** للمگابر
بميمنتها وأيسار** موت ويطگ بحشودهم
***
رفعو الرايات خضره**عصروالميدان عصره
زمره تترادم بزمره
نـــار تسلع** جــيش تبلع
روس تشلع**رگب تگطع
عالمعاره تندار**ساعة صفرمگصودهم
**



بالسيوف الروس تندگ*بالأرياج الناس تشرگ
10 عشره الخيل تسحگ
وين تشرد**كلهاتنشد
ويـن تلبد** مابقه سد
وبحلگها بسمار**من اللهاه لچبودهم
***
أتلگو العدوان ملگه**للسيوف تشوف برگه
صدر بالمگفه تطبگه
صف تصفه ** من تحفه
يلگه حتفه**موت وگفه
وبمرار الأخطار**ثبت كل مريودهم
***
لخادم آل البيت(ع)
الشاعرالحسيني كريم العطواني *ونسألكم الدعاء1444هـ

علي الأكبرلوعلي**صال بيها أبن الولي
موت أحمر من نزل بالحومه
*
سبــع يتخطى الكتايب
ليـــث متهمه الحرايب
بسيفه زينها الشوارب
****
غـــار والمهره لگدها بيمناه
أخيار يتخير رگب من أعداه
سـيل طــر البحر من يتلگاه
طبگ شرجيها بمغارب*يــاطفوف أتــزلزلي
هلّه بطاعون الحرب وأعلومه
*


بــيده فــرها الغاضريه
أيگـــدر أگـــدار المنيه
علگم أيـصب أورزيـه
*
حصد بيهم حنطه طشاها الـزلم
خيــل داســت بيها شيـــلم الـيلم
روس طشرها ملص نوبه وثلم
أدخيل صاحو حيدريه**ضربة الحگ تصطلي
اليوم رد خيبر عليها ويومه

**


يـــلچم أگلوب ومناحر
ثغبره تسكت الثغابــر
طبّگ بــچفه العساكر
*
زلــم سواهــم كواغــــد من يــكر
أيسوط بيهم سيفه والطف الجدر
گطع نـيط الگاع يـنشد عــالشمر
مگبره أبحلگ السواتر*بيدي أدفنه اليدنه ألي
وين أبن أبجر أوشلته أوگومه

*


ضهلب ويرعد منايه
ساگهم سوگ البغايه
ماترف جدامه رايـه
*
واحــد أعله الثاني يــــشمر رايته
يصب مــن خشمه حلـــيب الـربته
باشط ومحد يگحمه بالمنيه جيته
يسبي بالعكسرسبايه**أمغيم أوماينجلي
والبــلع ريجه يغــــص بدمومه

***


مـايلحگ يــــرفع أيــده
الگابله شـــبه الصميده
يحط صمصامه بوريده
**
اليوم من دمها أيمضمض صارمه
بيــده كـض زردومها الما يـرحمه
صل حــماد أونچر طـــفهم سـممه
بيمنته يصيد البعيده**أشماتطيروتعتلي
ضربه وحده مايثني عالرگب مختومه

**
ويّــــد گــبر بـــالمعاره
حط بالأرياگ المراره
أعلن الجيش أنكساره
**
راس يردم راس خلاها أبذعــر
جثه فـوگ الجثه مــاتلگه شبر
ماخلص بس اليكشف المنستر
مثل أبن العاص كاره**يوم كشفها العلي
مثله غض عنه النظر جيدومه
*
لخادم آل البيت (ع)
الشاعرالحسيني كريم العطواني
ونسألكم الدعاء/1444هــ

راح الهوه أوياك ** يبني يبني
ميته آنــه بجفاك ** يبني يبني
مأريده يمه العمر**راح الأمل شأنتظر
**
كل أم ولد تتنه السعد أبفيّ الأبن راحتها
يصبح سند وكت الشدد لـوغربت دنيتها
أبضيم وسهر ليلي وتــعب ربيتك
گطره أعله گطره بدمعتي باريتك
مـا تغمض أبــليل ** عيني عيني
أبــنوم المــداليــل ** عيني عيني
بطول الليالي التمر ** راح الأمل شأنتظر
***

لــــيل الشته ** أبگدمحنته
بــذاك البرد مانمته
من شوغته **ومن گعدته
أرجف أنه أمگابلته
حطيت عيني عالمهدسورأعليك
بضلوعي أدفيه الهوه لو مربيك
كل خوفي تأذيك**نسمه نسمه
لمــن تــمربيك ** نسمه نسمه
ناذرته عمري نذر
راح الأمل شأنتظر
****
عمري الگضه **وكل المضّه
بيدك علگ شديته
بكبرالفضه ** وحكم القضه
بنورالنظر شاريته
تگدار أگـدرك طول وي طول
بـــس ألك تحــلى كــل دللـول
يل ساكن الروح**يمه يمه
لاتجفي وأتروح**يمه يمه
من فرگتك للگبر
راح الأمل شأنتظر
***
بفيض الدمع**ون ينسمع
أصرخ وأنادي بنوحي
بيك أنفجع** من تنصرع
بوداعك أدفن روحي
كون أعله رمــلة كربله أيخلوني
أوياك بشمس ذاك الظهرذبحوني
لــو وشـل الحيل**خلني خلني
تسحك علي خيل**خلني خلني
تمردأضلوع الصدر
راح الأمل شأنتظر
***
بسيف الطبر**وسط النحر
بحز رگبتي يداويني
جرحك كبر** طگ الظهر
بنار الصبريچويني
مابين صدري ومنحري وأبمتوني
أوكسرة گفاي وكــل سهم بعيوني
وبگلبي الف سيف**يفري يفري
وكل حافر الداس**يجري يجري
غايــر ولا يعـــتذر
راح الأمل شأنتظر
***
وجه الصبح**صايرجرح
ماچنه وجه أوليدي
بـدم الذبح**غاب السمح
تمنيت أوسده أبأيدي
طيف وباگته أيامي لاتوديع لاشفته
عالناگه وتعدينه ولابچفوفي غسلته
منعوني أمربيك**وسفه وسفه
وعالغبره أخليك**وسفه وسفه
لاوين حد الصبر
راح الأمل شأنتظر
***
لخادم آل البيت(ع)الشاعركريم العطواني*ونسألكم الدعاء1444هـ

(ضيعتني) نزله كعده
أمخدره أبجالك جبتني** أبعــز دلالك دللـتني
بلا وداع ولاشفتني ** تالي بالطف ضيعتني
أصيح ياخويه *ياخويه *ياخويه
*
ريتك أتشوف أشجرالي لمن رحت ومــاأجيت
الوحدي وياخيمه أطفي أشكثر بالنار أنچويت
نخيتك**ياهيبة أهلي وضنوة أخوتي
نخيتك**حسبالي تسمع خويه چلمتي
نخيتك** ردتك تجيني أتطفي خيمتي
ياهي أطفي وياهي أخلي
بساعه كلهم راحـو أهلي
بس عباتي تغطي متني** تالي بالطف ضيعتني
*


ليلي چلچل وآني حرمه أبــلا خيام أو لاستر
وين أخت عباس ينشد عني يــاحيف الشمر
بدليلي** كون السيوف بصدرك التدگ
بدليلي**دبچ الحوافــر ريته والسحگ
بدليلي** شــم النفس بالــريه مختنگ

بياكتر خويه أعتنيلك
بـيدي إلمنّك وأشــيلك
من وصلتك شيبتني ** تالي بالطف ضيعتني
**




حافي أركض من وصلتك أنته لومو أنته أخوي
أمغيره أرسومك شفتها ويــن ذاكه الچنه أبوي
وسافه*أمطشر لگيتك مرمي عالنهر
وسافه*أشــفار الهنادي ســوّتك وذر
وسافه* بطين ودمايـه أملطخ الگمر
بحرگه للشاطي أجـــيتك
أمسلبه أهــدومك لگيتك
وي غرب وادم عفتني** تالي بالطف ضيعتني

***


شنهو ظل منك وأحظنه من الظهر مشتاگه ليك
غافيه أسهام أبوريدك وبس زنــد چاوين أديك

يروحي** ياهو الأطلعه گلي ياسهم
يروحي** دليني أريدن أعرف الألم
يروحي*بمصيبتك حيل أختك أنهدم

هظمه بعدك ياذخرنه
غربــه حـدايت ضعّنه
سهام فگدك صوبتني** تالي بالطف ضيعتني
****

خويه دنگت أرد أشــمك وأمسح الدم بـالعباه
السهام أشبيك سووت من الصدروصلت گفاه

شگولن**حـــاچيني كلمــه گلبي منگطع
شگولن**ماترضه خويه صوتي ينسمع
شگولن** لاعــظم ســـالم منه لاضــلع
عالنهر عمري تركته
جدمي أعثرلو نگلته
لاتگول اختي النستني** تالي بالطف ضيعتني
****
لخادم آل البيت(ع)
الشاعرالحسيني كريم العطواني ونسألكم الدعاء1444هـ