م مجبورة 🤷‍♀️اعمل حاجات مستحيلة عشان اكون ف نظرك اني انسانة رائعة💁🏻‍♂️

خواطر manasik

في قانوني

م نستثنى اي زول واتوقعو
اي شي من اي زول


خواطر manasik

كل شئ بمر بيك وعجبك دونو على الورقة ذاكرتك م تثق فيها✋🏼

خواطر manasik 😊

.
‏عركي قال للحبيبة:
"أي حاجة تزعلك حالًا أسيبا
عندي زيك كم أميرة؟ و كم حبيبة؟"💜

#صباح_الخير.

#الاسكندر

" على هذه الأرض ما يستحقّ الحياة "
دا القاله محمود درويش . .

بطبيعي الحال كلنا بنفتش على الحاجة البنخلينا نؤمن بالاستمرارية
و كمان كلنا بنخاف القنوط رغم انه بنستسلم ليه من أوّل فشلٍ ومن دون مكابرة

وموقنة تماماً أنه درويش لما ذكرَ ذلك كان بأكثرِ
حالاته النّفسيّة استقراراً ، إذ محالة أنه
يكونَ غير كدا.


انا. م ح أطاولُ على اللي قاله بحرفٍ واحد ،
و لا أ ح نكر حتّى ؛
( و آمل أنّكم كذلك أيضاً )

ولانه انا مؤمنة تمااما أنّ على هذه الأرض ما يستحق
أن يُعاش ، أو بالأحرى ما يستحقّ البقاء كمان.

الكلام ده جا نتاج عن تجارب حتى ولو كانت قليلة جدّاً جدّاً
أصبحت متأكدة أنّه مشكلتنا
الوحيدة هي مع من يقاسمنا الحياة ،
ما الحياة بعينها . . .

في اشخاص بيكونو عبءٌ على القلب والنفس ليس إلّا
وَ خوفنا من التّخلي منهم ب يجبرنا على
الاستمرار وَ التّعايش معاهم على حسابنا
نحن.
وعلى الرغم من أنّه في منهم خسارتهم مكسب
بالنسبة لينا و البعد عنهم راحة كمان.


حقو الناس تطلع من هالةِ الفقدِ و التّخلي
العايشين فيها.
ومنها انا متأكدة انه عيونها حتتفتح على الحاجة البنستحقها وتستحقنا.

اتفقنا يا أصدقاء ؟!
•
#Alaa_Adam
#الهبهاآاانةة. 💜 💜 💜

_لمن تنعدم رغبتك تجاه حاجة انت كنت مجنون بيها وم شايف غيرها ده برااو انتصار_😌😌
بقلم
Manno Bit Mohammed 💛 💛 ✨

اجري ورا أهدافك وحقق
احلامك م تستسلم للظروف واليأس



سلامات ي شباب😘😘😘

#manasik#

.
#الى_احدهم😉
هنيئا للعيون التي تراك وحظ اوفر لعيناي..😎
#صباح_الخير

#الاسكندر

.

راقد في سريري لسة ماقمت ضربت لي حبيبتي
صباح الخير حبيبي
اهليييين صبااااح النور عمري
مشتااااقين ياعمري
كتيييير والله بس قدر شنو مشتاقة لي
مشتااااقة ليك قدر "الكون كلو😂" حبيبي
ياسلاااااام وانا كمان مشتاق ليك كتير حبيبتي
صحي ياحبيبي اها مشتاق لي قدر شنوو
مشتاق ليك قدر "النيل والمحيطات 😂"

عايشين قمة الرومانسية انا وحبيبتي ومبسوطيين اخر انبساااطة
ويوم ضربت لي
اسكندر انا عايزة استاذنك طالعة
طالعة وين
مش قلتا طلعة ماااف

والله جانا قريبنا اسمو خالد كان في السعودية وجاء قال داير يفسح بطة اختي(4سنة)
وامي قالت لي امشـي معاهم عشان بطة ماتتعب ود الناس دة

والزول دة قريبكم من متين اول مرة اسمع بيهو
اي كان في السعودية ببقي لي جيرانة ودخالتهم وبعرف حبوبة سمع بيها قبل كدة

وكان في السعودية يعني "مغترب"
انتي ماعارفة الناس ديل ختافين بعرسوا اي زول بلقوهو قداااامهم
مابراعو لي اي شئ جنهم عرس كان سمعو بي بنت ساي قالو سمحة بعرسوها يااااااخ ماتمشي بختفك مني الزول دة لا لا خلي يسوق بطة براااها انتي ماتمشي

لا لا يا اسكندر مامفكر في عرس اصـلا هو جاي زيارة وراجع ومستحيل اعرسو انا بنتظرك انت حبيبي
اي صاح انت عاطل بس حاتشتغل
والفلس ماعيب حبيبي الكلام الاخلاق وانك بتحبني ودة المهم

المهم اكلت راسي اقتنعت ليها وقلت ليها
خلاص خير امشي وماتتاخري وماتخليهو يجيب سيرة العرس نهائي في خشمو وكان جابها زوقي من الموضوع

جدا بس دايرة منك طلب ماتتصل علي الا ارجع
عشان مايقول علي انا بتاعت اولاد
جدا حبيبتي

اليوم دة انتهي بي خيرو وشرو
بعد تلاتة يوم ضربتا ليها يابنت انا الليلة
عازمك بيتزا في "نوبيان"
معليش يا اسكندر مابقدر الليلة جايننا ضيوف
ضيوووف من وين

معليش كنت دايرة اكلمك خالد دة جايب اهلو وجاين يطلبو ايدي
شنووووووو انتي جادة
اي والله كلمني ابوي
لكن الموضوع بسيط
بشوفهم وبعدين بقول ليهم مادايراهو عشان ابوي مايزعل بس
هسي بس دايراك ماتخاف انت الموضوع عاااااادي
اتفقنا حبيبي
اتفقنا حبيبتي بس ع شرط انك حاتشوفيهو وماحاتوافقي
جدا حبيبي
اسكندر بارك لي عقدو طوالي ابوي قال ماف خطوبة
انتي جادة وانا
انت الله يوفقك يارب وبتلقي البتحبك وتشيلك في راسها الاحسن مني زاتو

شنوووو وحبنا وريدتنا حاتنسيهيها بالساهل

اسكندر انا ماصدقت اني ارتحت منك ومن مشاويرك
حوامة في الفاضي مشيتني بي رجليني بعد اتشققو
واقول ليك نركب ركشة لا لا قربنا نوصل
وداير اتونس معاك وانا قلبي مقطوع من المشي وياكافي البلاء غير "منتزه الباديه" مابتوديني مكان لمن ناس الباب حفظونا
وزاتها ماجيك الباديه لمن زادو التذكرة من تلاتين ج لي خمسميه جنيه خليتها
شووووف يا اسكندر حب من غير قروش دة ارهاق ذهني ليك بس امشي الله يعدل عليك ولوسمحتا ولوبتتذكر لي شئ حلو تاني ماتتصل علي
تيييييت تييييييت تيييييييت
وانتهت اروع قصة حب شهدها التاريخ
المغترب خالد عرس حبيبة اسكندر
و اسكندر بدا قصة جديدة مع مزة اخري بنفس التفاصيل ويستمر مسلسل اضاعة الزمن من الشاب السوداني

#ملاحظه
الحبيبة في السودان زي ضل الضحي مابتقعد مهما تجتهد معاها
#حاجه_اخيره
عزيزي
المغترب قبل ان تضع راسك تحسس وسادتك

#الاسكندر

سلامات

نظرتك لنفسك ليها علاقة كبيرة بجودة مشاعرك وبمستوى طموحك💖
عشان كدة اهتم بقناعاتك عن نفسك😊

خواطر manno Bit Mohammed

مهما وثقت
في الناس
اسرارك خليهااا لنفسك✋


خواطر manno Bit Mohammed

.

🔴ما تفتشو تلفوناتنا....🙂🙂🙂🙂🙂

🔴ما تهبشو ورانا....

🔴ما تراقبونا.....

🔴ما تقعدو لينا على الهبشه....

🔴ما تاخدو موقف من راسكم مالم تجو تسالونا...وتسمعو مننا...

🔴نحن واضحين في محبتنا ليكم..انتو بس تعالو اسالو..

🔴لقيتونا اون لاين...وما ردينا... امكن (متنا)...(نمنا)..(انشغلنا)....

🔴تعالو اسمعو مننا...ف اكيد ما حنكون امس معاكم كويسين..ونججي تاني يوم نقلب ...ختو لينا العُذر....ارجوكم...

🔴ماتدقو لينا بي تلفونات غريبة..لو ما ردينا ليكم....واياكم تقولو لي غيركم...دق ليهو انت امكن يرد عليك...

🔴الخساسة خلوها.... خلوها الخساسة....

🔴الكلام الحلو اللي بتقولوهو في وشنا ..وبعد نمشي تقولو غيرو..ده خلوهو..اخير عدمو...

🔴النفاق ما حبابو....

ا🔴لابتسامة لو ما حقيقية..بتعمل شلل في الشلاليف والكضيمات...والنخرين... احسن عدمها....

🔴نحن ما كاملين...ولا روبوتات....

🔴مجبورين نبرر ليكم...بس مرررة واحدة....

🔴دقيتو مرة..... ومرتين..وتلات.. ما ردينا عليكم....

🔴ختو لينا عذر اننا متنا عديل...

لو لقيتونا حيين..ختو لينا عذر اننا رهاين..فتشو عذر...

🔴اتعلمو تفتشو اعذار....

🔴ما تحكمو من راسكم ساي...مالم تسمعو عديل....مننا نحن...

🔴عشان والله الدنيا ما بتستاهل...

🔴اما بالنسبة لي فهمكم اللي بتتخطو بيهو التبرير لي زاوية نظركم وبس..ده فهم بجيب مشاكل....

النية السليمة زاملة سيدها...

🔴اريتكم تفهمو واريتو يطمر فيكم... وتفهمو انو الحاجات دي ككل بتندرج تحت مسمى العنف الرقمي....

البنريدو بنقولها ليهو عديل...وواضحين في ده...

🔴والما بندورو..برضو بنقولها ليهو... فما تخلو ظنونكم تسوقكم لي فهمكم انتو وبس....

🔴اسمعو مننا..ووقفو ظنون الله يهدينا ويهديكم...

بسسسسسسسسسس عليكم....

🔴ده كلو شان صحتكم النفسية....

وشان ما تجيبو لينا نفسيات...وتهيجو علينا الفشفاش🙂🙂🙂


#الاسكندر

سلام☺️

.

مع تزامن انتشار الاخبار المتداوله على منصات التواصل الاجتماعي بشأن  الخدمه الالزاميه والرجوع لزمن الكشات...
شطحت بفكري طويلا وتخيلت ومع ازدياد عدد البنات مقارنة مع الأولاد في سوداني الجوه وجداني، تخيلت انه في إحدى المرات يجتمع الرجال وتعقد اللجان وتنبثق منها لجان واللجان التي انبثقت من اللجان ذاتا تنبثق منها لجان ويقرروا لحل المشكلة ان تكون هناك كشات وسط الرجال لزواج إلزامي، ولابد لأي رجل ان يكمل الشرع ويتزوج بأربعة نساء، وتخرج الدفارات إلى الشارع العام وكل من يتم رفعه في الدفار توضع له فوراً ضريرة على رأسه "أسوة بصلعة التجنيد"، وعليه ستتباين المواقف لحظة هذه الكشات وسنجد ان امرأة صاحت في زوجها وهو يتأهب للخروج يوم العطلة للسوق "ماشي وين يا راجل وخضار شنو الماشي تجيبو حنفطر فول ونتغدى فول ونتعشى فول وبنجيبو من ابكر بتاع الدكان ومالو الفول كدي عيبو لي.." وفي مكان آخر ستجد ان رجلاً يقف في منتصف شارع الظلط ويديه في جيب الجلابية وهو يطنطن.. والله ناس الدفار ديل ما شايفين شغلهم هسع أنا واقف لي ساعتين ماجو عشان يكشوني ارتاح من الولية الفقرية دي.. اما رحاب وسوسن في ذاك الحي فسيشاهدن بالشباك دفار الكشة الملئ بالرجال فتقول رحاب.. يا سلام يا سوسن شوفي سموأل في الدفار والله عجبني لي مرتو عشان متفلسفه وعاملة فيها يا دنيا ما فيك غيري ويا ربي مع قروشو الكتار ديل حيكون من نصيب منو ومنو ومنو.. وسنجد ايضاً ان نساء الحي اجتمعن في منزل حياة لترافقهن في الذهاب إلى فتحية لان زوجها كشوه وترفض حياة مرافقتهن قائله "ليه امشي ليها ود أختي لمن قبضوه ناس البنك في السلفية ما جات كفرت ليهو، ومالي مقصرة معاها في شنو بتها لمن طلقوها مشيت ليها وولدا لمن قبضوهو في الكشة التانية ديك مشيت ليها".
وقد تذهب إحدى النساء إلى زيارة زوجها في المعسكر حيث ينتظر المأذون وتضع يديها على السلك الشائك الذي يقف زوجها خلفه وهي تقول "مالك ما جريت مع الرجال الجرو عارفاك غتيت والعرس اصلو في بالك.. والله سفنجة الرشيد الخلاها وجرى من جنب دكان عبد الرحيم جات مرتو شالتا ليهو وهي تقدل كدي ذي الشايله كأس الدوري الممتاز".. وسيقف دفار الكشه في شارع الزلط ويقوم بإيقاف إحدى حافلات المواصلات ويصيح فيهم احد رجال الكشه.. قسايمكم وكل من لا يبرز أربعة قسايم يتم إنزاله من الحافلة ورفعه في الدفار، ونجد ان احد الشباب يخرج قسيمتين فيصيحون فيه انزل اركب الدفار ده فيرد بسرعة "يا ناس لكن أنا طالب ودي بطاقتي والطالب بنص القيمة .

#صباح_الخير.

#الاسكندر

.

ﻣﺮﺓ ﺳﺎﻓﺮﺕ دنقلا لمناسبة تخرج مشيت نزلت مع اصحابي كان مؤجرين ف التالته .. وصلته ﺑﺎﻟﻠﻴﻞ ﻭبيت معاهم ،، ﺗﺎﻧﻲ ﻳﻮﻡ ﺍﻟﺼﺒﺎﺡ ﺟﺎﺑﻮﺍ
لي ﺷﺎﻱ ﺑﻲ ﺭﻏﻴﻒ ﺣﺎﺭ ..
ﺑﻌﺪ ﺭﺑﻊ ﺳﺎﻋﻪ ﺗﺎﺍﺍﺍﺍﺍﻧﻲ ﺟﺎﺑﻮﺍ لي ﺷﺎﻱ ! ..
ﻗﻠﺖ ﻟﻴﻬﻢ : ﺩﻩ ﺷﻨﻮ ؟ ﻣﺎﺷﺮﺑﻨﺎ ﻫﺴﻲ
ﻗﺎﻟﻮﺍ ﻟﻲ : ﺩﺍﻙ ﺍﻟﻔﻄﻮﺭ ﻟﭑﻧﻮ ﻛﺎﻥ ﺑﻲ ﻋﻴﺶ،، وﺩﻩ ﺷﺎﻱ ﺑﻌﺪ ﺍﻟﻔﻄﻮﺭ
ﻳﻼ ﺣﻮﺍﻟﻲ ﺍﻟﺴﺎﻋﻪ 2 ﻇﻬﺮ ﻣﺸﻴﺖ ﻟﻠﻤﻜﻮﺟﻲ ﻟﻘﻴﺘﻮﺍ ﺧﺎﺗﻲ ﺣﻠّﻪ ﻣﻼﺡ
ﺑﻄﺎﻃﺲ ﻣﺴﺒّﻚ ﺳﺒﻴﻜﺔ ﺍﻟﺬﻳﻦ ﺗﺴﺒﻜﻮﺍ .. ﻭﺃﻧﺎ ﻓﺎﻃﺮ ﺑﻲ ﺷﺎﻱ ﺑﻲ ﺭﻏﻴﻒ
ﻗﺎﻟﻲ : ﺍﺗﻔﻀﻞ ﺍﺗﻐﺪﺍ ﻣﻌﺎﻧﺎ ﻗﻠﺖ ﻟﻴﻬﻮ ﺷﻜﺮﺍ
ﺛﻢ ﺗﻮﻟﻴﺖ ﻭﺃﻋﻴﻨﻲ ﺗﻔﻴﺾ ﻣﻦ ﺍﻟﺪﻣﻌﻪ
ﺭﺟﻌﺖ ﺣﻜﻴﺖ ﻟﻴﻬﻢ .. ﻭ ﺍﻗﺘﺮﺣﻮﺍ ﻳﻌﻤﻠﻮﺍ ‏( ﺣﻠّﻪ‏) .. ﻭﻟﻜﻦ ﺍﻟﺴﺆﺍﻝ ؟ ﻣﻦ
ﺳﻴﻘﻮﻡ ﺑﺄﻋﺪﺍﺩ ﺍﻟﻄﻌﺎﻡ
ﺍﺣﺪﻫﻢ ﻭﻳُﺪﻋﻲ ﺃحمد ﻗﺎﻝ ﺑﻌﺮﻑ ﻳﻄﺒﺦ ... ﻓﺪﺍﺭ ﻫﺬﺍ ﺍﻟﺤﻮﺍﺭ -:
عمر : ﻋﻠﻴﻚ ﺍﻟﻠﻪ ﻳﺎ ﺃحمد ﺑﺘﻌﺮﻑ ﻭﺍﻻ ﺑﺘﺄﻛﻠﻨﺎ ﻧﻴﻢ ﺑﻌﺪﻳن
ﺃحمد : ﻳﺎﺥ ﺃﻧﺎ ﻋﺰﺍﺑﻲ قديم ﻣﺤﺘﺮﻡ ﻟﺪﺭﺟﺔ ﻛﺎﻥ ﻋﻨﺪﻱ
ﺯﻳﺖ ﺗﺤﻤﻴﺮ ﻋﺪﻳﻴﻴﻞ ﺧﺎﺗﻴﻬﻮ ﺗﺤﺖ ﺍﻟﺤﻮﺽ
عمر: ﻃﻴﺐ ﺗﻤﺎﻡ
ﺑﻌﺪ ﻗﻠﻴﻞ :
ﺃحمد ﺟﺎﺀ ﻣﻦ ﺍﻟﻤﻄﺒﺦ : ﺃﻧﺖ ﻳﺎ عمر ﺃﻭﻝ ﺷﻲ ﺑﺨﺘﻮﺍ ﺍﻟﺰﻳﺖ ﻭﺍﻟﺒﺼﻞ ﻣﻊ
ﺑﻌﺾ ،، ﻭﺍﻻ ﺍﻟﺼﻠﺼﻪ ﻭﺍﻟﻤﻮﻳﻪ
عمر : ﻭﺍﻟﻠﻪ ﻣﺎﻋﺎﺭﻑ .. ﻛﺪﻱ ﺃﺿﺮﺏ ﻟﻲ ﺳﺎﺭﺓ
ﺃحمد : ﻣﺘﺸﺎﻛﻞ ﻣﻌﺎﻫﺎ ﻭﺍﻟﻠﻪ
عمر : ﻭﺍﻟﻠﻪ ﺍﻧﺖ ﺣﻴﻮﺍﻥ ﺧﻼﺹ ﻣﺸﺎﻛﻠﻬﺎ ﻣﺎﻟﻚ ﻫﺴﻲ
ﺃﻧﺎ : ﻃﻴﺐ ﻳﺎ ﺃﺧﻮﺍﻧﺎ ﻣﺎ ﺣﻘﻮ ﻧﻤﺸﻲ ﻧﺴﺄﻝ ﺍﻟﻤﻜﻮﺟﻲ ﺭﺍﻳﻜﻢ ﺷﻨﻮ
ﺃﺑﺘﺴﻢ ﺍﻟﺠﻤﻴﻊ ﻟﻬﺬﺍ ﺍﻻﻗﺘﺮﺍﺡ ﺍﻟﺮﺍﺋﻊ ﺧﺼﻮﺻﺎ ﻭﺃﻥ ﺍﻟﺠﻮﻉ ﻛﺎﻥ ﻗﺪ ﺑﺪﺃ
ﻳﺴﺘﺨﺪﻡ ﺃﻧﻴﺎﺑﻪ ﺑﺪﻻ ﻋﻦ ﺃﻇﺎﻓﺮﻩ ﻓﻘﺎﻝ ﺃحمد: ﻓﻜﺮﺓ ﺗﻤﺎﺍﻡ ,, ﻳﻼ ﻧﻤﺸﻲ
ﺳﻮﻱ
ﺍﻟﻤﻜﻮﺟﻲ ﺣﻠﻒ ﺑﺎﻟﺘﻘﻄﻌﻮﺍ ﺍﻻ ﻧﺄﻛﻞ ﻣﻌﺎﻫﻮ .. ﻗﻠﻨﺎ ﻟﻴﻬﻮ ﺷﻜﺮﺍ ﻭﺍﺍﺍﺣﺪﻩ ﺑﺲ
.. ﻣﺎ ﺣﻨﺴﻨﺎ ...
ﻭﺃﺑﺘﺪﺃ ﻳﺸﺮﺡ ﺍﻟﻄﺮﻳﻘﺔ ﻭﺃحمد ﻳﺴﺘﻤﻊ ﺑﺄﻫﺘﻤﺎﻡ ﻭﺃﻧﺎ ﺃﻧﻈﺮ ﺃﻟﻲ ﺣﻠّﺔ
ﺍﻟﺒﻄﺎﻃﺲ ﺍﻟﺮﺍﺋﻌﻪ ﻭﺃﻏﻨﻲ ‏( ﺍﻧﺖ ﺍﻟﺴﻤﺎﺀ ﺑﺪﺕ ﻟﻨﺎ .. ﻭﺃﺳﺘﻌﺼﻤﺖ ﺑﺎﻟﺒﻌﺪ ﻋﻨّﺎ ‏)
ﻗﻄﻊ ﺣﺒﻞ ﺃﻓﻜﺎﺭﻱ ﺃحمد ﻭﻫﻮ ﻳﻘﻮﻝ ‏( ﻳﻌﻨﻲ ﺍﻟﺼﻠﺼﺔ ﺩﻱ ﺍﺧﺮ ﺷﻲ ‏) ﺃﻧﺎ ﻓﻲ
ﺳﺮّﻱ : ﺻﻠﺼﺔ ﻓﻲ ﻋﻴﻨﻚ ﻳﺎ ﺧﻲ ﻣﺎﻛﺎﻥ ﺗﺨﻠﻴﻨﺎ ﻧﺘﻐﺪﺍ !
ﻭﺍﺗﺤﺮﻛﻨﺎ ﺗﺠﺎﻩ ﺍﻟﺒﻴﺖ .. ﻭﻷﺃﻧﻨﻲ ﺣﺪﻳﺚ ﺍﻟﺘﻌﺮّﻑ ﺑﺎﻟﻤﺪﻋﻮ ﺃحمد ﻓﺒﺎﻟﻄﺒﻊ
ﻟﻢ ﺃﺳﺘﻄﻊ ﻣﻌﺎﺗﺒﺘﻪ . ﻭﻛﺎﻥ ﻳﺪﻭﺭ ﻓﻲ ﺫﻫﻨﻲ ﺳﺆﺍﻝ :
ﻟﻤﺎﺫﺍ ﺃﻋﺘﺬﺭ ﺃحمد !
ﺻﺪﻗﻮﻧﻲ ﻳﺎﺳﺎﺩﻩ ،، ﺍﻟﺒﻄﺎﻃﺲ ﻛﺎﻧﺖ ﺗﻌﻮﻡ ﻛﻘﻄﻴﻊ ﺃﻭﺯ ﺑﺮّﻱ ﻭﺟﺪ ﻟﺘﻮﻩ ﺑﺤﻴﺮﺓ
ﺳﺎﻛﻨﺔ ﻓﺄﻗﺘﺤﻤﻬﺎ ﺑﻬﺪﻭﺀ ... ﺑﻖ ﺑﻖ ﺑﻖ ... ﺭﺃﻳﺘﻬﺎ ﺑﻌﻴﻨﻲ .. ﻛﺎﻧﺖ ﺗﺘﻼﺻﻖ
ﻭﺗﺘﻔﺮّﻕ ﻛﻤﺎ ﻳﺤﻠﻮ ﻟﻬﺎ .. ﺑﻖ ﺑﻖ ﺑﻖ … ﻗﻄﻌﺔ ﺍﻟﻠﺤﻤﺔ ﺗﻘﺒﻊ ﺑﺄﻧﻮﺛﺔ ﺗﺎﻣﺔ
ﻛﻤﻠﻜﺔ ﻣﺘﻮﺟﻪ ﻓﻲ ﻣﻨﺘﺼﻒ ﺍﻟﻤﻜﺎﻥ .. ﻛﺎﻧﺖ ﺍﻟﺤﻠﻪ ﻗﺪ ﺍﺳﺘﻮﺕ ،، ﻭﺍﻟﻨﺎﺭ
ﻫﺎﺍﺍﺍﺩﺋﻪ ،،، ﻭﻛﺎﻧﺖ ﺗﺒﻘﺒﻖ ﺑﻬﺪﻭﺀ
ﺑﻖ ﺑﻖ … . ﺑﻖ ﺑﻖ … ﺑﻖ ﺑﻖ … . ﻭﺍﻧﺎ ﻗﻠﺒﻲ ﻳﻘﻮﻝ
ﻟﺐ ﺩﺏ … ﻟﺐ ﺩﺏ
ﺍﻟﻤﻬﻢ ..
ﻋّﺪﻧﺎ ﻣﻦ ﺍﻟﻤﻜﻮﺟﻲ ﻋﻠﻲ ﺃﻣﻞ ﺃﻥ ﻧﻘﻮﻡ ﺑﺄﻋﺪﺍﺩ ﺍﻟﺤﻠّﺔ ﺍﻟﻤﺰﻋﻮﻣﺔ
ﻗﺎﻡ ﺃحمد ﺑﺄﻋﺪﺍﺩ ﺣﻠّﺔ ﻣﻮﺍﺯﻳﻪ ﻟﺤﻠّﺔ ﺍﻟﻤﻜﻮﺟﻲ ﺗﺘﻔﻖ ﻣﻌﻬﺎ ﻓﻘﻂ ﻓﻲ ﺍﻟﺸﻜﻞ
ﻭﻟﻜﻨﻬﺎ ﺗﺨﺘﻠﻒ ﻋﻨﻬﺎ ﺗﻤﺎﻣﺎ ﻓﻲ ﺍﻟﻤﻀﺎﻣﻴﻦ ﺍﻟﺪﺍﺧﻠﻴﻪ ..
ﺑﻌﺪ ﻗﻠﻴﻞ ﺟﺎﺀﺕ ﺍﻟﺤﻠّﺔ ﻛﻌﺮﻭﺱ ﺗﺘﻬﻴﺄ ﻟﻠﺬﻫﺎﺏ ﻟﺒﻴﺖ ﺯﻭﺟﻬﺎ .. ﻛﺎﻧﺖ ﺗﻠﻚ
ﺍﻟﻌﺮﻭﺱ ﺗﻔﻮﺡ ﻣﻨﻬﺎ
ﺭﺍﺋﺤﺔ ﻋﻄﺮ ﺫﻛﻲ ..
ﺃﺗﻀﺢ ﻻﺣﻘﺎً ﺃﻥ ﺃحمد ﺃﺳﺘﺨﺪﻡ ﺯﻳﺖ ‏( ﻛﺮﻛﺎﺭ ‏) ﻛﺎﻧﺖ ﻗﺪ ﺗﺮﻛﺘﻪ ﺻﺎﺣﺒﺔ
ﺍﻟﻤﻨﺰﻝ ﺗﺤﺖ ﺍﻟﺤﻮﺽ ،،ﻭ ﻗﺎﻳﻠﻮ ﺯﻳﺖ ﺗﺤﻤﻴﺮ !
# ﺯﻗﻠﻨﺎﻫﺎ_ ﭐﻱ _ ﺭميناها
ﻭﻣﻦ ﺍﻟﻴﻮﻡ ﺩﻩ ﺑﻘﻲ ﻋﻨﺪﻱ ﻗﻨﺎﻋﻪ ﺛﺎﺑﺘﻪ ،، ﺃﻧّﻮ ﺍﻟﻠﻪ ﺳﺒﺤﺎﻧﻪ ﻭ ﺗﻌﺎﻟﻲ ﻛﺎﻥ ما كاتب ليك ﺗﺎﻛﻞ ﺑﻄﺎﻃﺲ ﻣﺎﺑﺘﺎﻛﻠﻬﺎ ﻛﺎﻥ ﺑﻘﻴﺖ ﭐﺧﻮ ﺍﻟﻤﻜﻮﺟﻲ.

#ملاحظه
منشوراتي مسليه ولا اكسر الحنك😂🤔

#حاجه_اخيره

دعمونا ولو بجنيه حديد اقصد ولو تعليق نظام التشجيع والحاجات دي 😂😂😂

#الاسكندر

.

مساء الخير

للذين تمنّوا الخير للناس كما تمنّوه لأنفسهُم أولئك الذين سيؤتيهُم الله من فضلهِ.

#الاسكندر

‏(ولا تَمُدَّنَّ عَيْنَيْك)
الحسد سوء أدب مع الله...
لا ترهق نفسك بالمقارنات ، لأنه كلما اتسعت عيناك ضاق صدرك و ارض بما قسمه الله لك تكن أغنى الناس.

#الاسكندر

.

حلم السفر..

.....
هُناك بعض الرغبات والأمنياتِ والأحلام تهفو علي الخاطر وتتغلب عليه_نهوى التفكير بها مراراً وبشكل مُلِح _ولا شك ان مرورها بخواطِرُنا لـ هو أمرٌ شيق وآسر بدرجة تجعلنا نعجز عن كبح جماح خيالنا واحاسيسنا #حينها . ولا نجد سوى ان نُطلق العنان لتلك الأمنيات لتحلق في تلك الفضاءات الرحبة التي تمثل لها نافذة سياحة وتطواف جميل عبر الخيال.
من منا لم يمنّي نفسه بأخذ جولة حول العالم؟؟ لإكتشاف عوالم آخري وثقافات، ان يشبع ناظِريه الحالمين ببعض المعالم_أثرية كانت ام حديثة ان يتعرف أكثر علي البلدان التي أحّرزت تقدماً وإزدهاراً وتطوراً في شتّى ضروب الحياة ، أن يستمتع بالمناظر الطبيعية والمشاهد الرائعة . ان ينخرط ضمن مجتمعات راقية تقدّر الوقت ولا تعبث بإهداره ً، ان يحتك بأشخاص يتطلعون الي التميّز والإنعتاق من تلك القيود البائسة : (القبليات_الإثنيات_العرقيات_التفرقات العنصرية) .
ليزداد خبرة ورصيداً معرفياً .
فليس الامر متعلقاً بمبارحة أرض الوطن خارجاً فقط لإجل الخروج دون عودة !! او الهجرة لهذه الأسباب !! فهناك ايضا ما لن اجده الإ في موطني! وما إعتدت عليه منذ نشأتي وحداثتي من عادات وتقاليد ، من كرم وجود _سماحة وتميّزُ ُ أهلي الذين : (#يؤثِرون_علي_أنفسهم_ولو_كان_بهم_خصاصة). مقارنة بتلك الشعوب التي تعتمد الرسمية ، وعدم المرونة والغِلظة في مثل هذه المعاملات_ويعتمدون مثلاً مبدأ (سلم تستلم تسلم) لا يوجد هناك (جوديات_تسويات اهالية_التوافق الذي يعتمد الصلاة علي النبي أساساً للتعامل ، التراضي الذي يسير بالبركة...ووالخ)
فالوطن دوماً سيظل هو الملاذ الآمن والمأوى الحقيقى والقالب الذي أخرجني وإن ضاقت سُبل العيش فيه و ان شاءالله الاحوال سترجع لسابق عهدها و افضل _
#بلادي_وان_جارت_علي_عزيزة_واهلي_وان_ضنّوا_علي_كِرامُ".😭

#فما أعنيه هو تلك "الرغبات والأماني"و.#مرامي النفس التي لا تنّفك عن إلحاحها المستمر ممنيةً ذاتها بالسفر والسياحة .! وكما اسلفت قد لا يكون لأسباب معينة احياناً ! بل بطبيعة الحال او من باب ان الحياة دوماً تفرض #واقع_التغيير وتكون متطلبات النفس ومراميها وفقاً لهذه التغييرات. لذلك كان مباحاً للنفس ان تحلم وتتطلع للأفضل وترغب في رؤية أشياء ِجميلة ولو كان ذلك علي سبيل الخيال ..
أشياء بذكرها وورودها بخيالك تُشعِرُك بأن هناك عالم مُنفصل تماما ! عالمٌ يعيشونه أُناسُ مختلفون. بواقعهم الذي صنعوه و ارتضوه ليكون هكذا مميزاً متفرداً ودقيق.
فكم تغمرني السعادة عندما أرى ترتيب الاماكن والأشياء في بعض الدول كترتيب البيئة_ الطرقات _ الحدائق الغناء المزدانةُ بالأزاهير والأضواء _المؤسسات _الأبراج_التصاميم _ ودقة التفاصيل_أماكن الترفيه_دُورُ العبادة _عشاق الموسيقى المنُشدون في النواصي الذين ينثرون موسيقى الجاز علي المارة بغية حصولهم علي حفنة من الدنانير(عبقرية التسوّل) ،
الإثارة والحراك المجتمعي الواسع ، ووفرةُ الإمكانيات _الخيارات المتاحة_سهولة التواصل_ القطارات السريعة ومحطات المترو التي تُقِل الناس الي اماكنهم_المقاهي النيلية والمطاعم والفنادق _الملاهي _الكازينوهات🙈🙊 _والشُرفات المُطِّلة علي المياه _ الأبنية الشاهقة _ ناطحات السحاب _السيارات الفارهة التي تصّطف بترتيب _ الشواطئ (البيتش😍❤) البحار _ الشلالات _الهضـاب _ القمم _المراعى _ واسطبلات الخيل _ والغابات ........الخ)
افراد الشرطة وعمال البلدية المتفانون في آداء مهامهم (الـFBI #دا الورم هنا😍) افراد الجيش(#ناسي😍) بكل قطاعاته البرية ، البحرية، الجوية _أماكن الرياضة _ صالات الجيم _البيسبول _ الغولف باراضيه الواسعة ومباريات كرة القدم ونمط التشجيع الراقي وأدب المشاهدة _ ركوب الأمواج _ الرمال الفيروزية _ الكهوف التي تمتاز بالبساطة _ الجزر النائية _ السفن _ الزوارق _ والمركبات _روتين الحياة الرائع _ الإهتمام بالنظام العام والنظافة _ سلّات المهملات التي توجد في كل ركن ووووووووو وغيرها)
......
#عالمٌ_آخر
فلا يسعني المجال لحصر كل هذه الأشياء _ولكن ما راق لي أكثر وفقاً لمشاهداتى هو انه ليست هناك فوضى عارمة او ما يدع مجالا ً لإنفلات الأمور المتعلقة بالنسق والروتين الحياتي .فكل شيئ منظمٌ بإحكام _ومقيدُ بقوانين تسيطر عليه..
..
#كل هذه الأشياء تجعلك تتمنى لو كان بإمكانك معايشتها وتلمُّسها و رؤيتها عن كثب .
#ويبقى_الحلم👌🏽
#دمتم

#الاسكندر