#Davlat_va_din_munosabati

“Кўкалдош” ўрта махсус ислом билим юртининг 1-курс талабалари “Давлат ва дин муносабатлари” фанидан олиб борилаётган дарс машғулотларида фаол иштирок этмоқда.

Дарс жараёнларида талабалар мамлакатимизда давлат ва дин муносабатларининг тарихий ривожланиш босқичлари, бугунги кундаги амалий кўринишлари ҳамда уларни тартибга солувчи ҳуқуқий асослар билан чуқур танишмоқдалар.

Семинар машғулотларда мамлакатимизда сўнгги йилларда амалга оширилаётган бунёдкорлик сиёсати, дин ва миллатлараро тотувликни мустаҳкамлаш, конструктив мулоқот тамойиллари, ижтимоий барқарорлик, минтақавий тинчликни таъминлаш ва маънавий муҳитни янада соғломлаштириш борасидаги давлат сиёсатини таҳлил қилмоқдалар.

Шунингдек, ўзлари тайёрлаган тақдимотлар асосида долзарб мавзуларда чиқишлар қилмоқдалар. Бу жараён уларнинг дунёқарашини бойитиш, замонавий медия технологияларидан фойдаланиш, нутқ маданиятини ошириш ва фаол фуқаролик позициясини шакллантиришга хизмат қилмоқда.

Умуман олганда, ижтимоий-гуманитар фанларга жалб қилинган тажрибали ўқитувчиларнинг ижодий ёндашувлари ва замонавий таълим технологияларидан унумли фойдаланиши таълим жараёни самарадорлигини янада оширмоқда. Натижада талабалар нафақат назарий билимларни, балки амалдаги ислоҳотларнинг мазмун-моҳиятини ҳам англаб, миллий ва умуминсоний қадриятларга ҳурмат руҳида тарбияланмоқда.

Абдусатторий Абдуллоҳ
"Кўкалдош" ЎМИБЙ Ёшлар билан ишлаш, маънавият ва маърифат бўлими ходими

🔵  @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz

#Yangiliklar

Bilim yurti talabasi rag'batlantirildi

“Ko‘kaldosh” o‘rta maxsus islom bilim yurtida 22 oktyabr kuni arab tilini puxta egallab “C1” sertifikatiga ega bo‘lgan 4-kurs talabasi Xoshimxonov Roshid bir martalik pul mukofoti bilan taqdirlandi.

Tadbirda bilim yurti mudiri, islomshunoslik fanlari bo‘yicha falsafa doktori (PhD) M. Erkayev, O‘quv ishlari bo‘yicha mudir o‘rinbosari Nodir Jalolov, hamda o‘qituvchi va talabalar qatnashdi.

Tadbirda so‘zga chiqqan bilim yurti mudiri Ma’murjon domla Erkayev mazkur talabani muborakbod etib, ta’lim bergan ustozlarni bu borada qo‘shgan hissalarini ta’kidladi. Hamda talabalar shunday yutuqlarga ega bo‘lishlari uchun ta’lim berishda yanada ko‘proq g‘ayrat qilishlari hamda zamonaviy pedagogik texnologiyalardan foydalanish haqida tavsiyalar berib o‘tdi. O‘z navbatida talabalarga ham chet tilidan sertifikatni qo‘lga kiritish hozirgi kunda Oliy ta’lim muassasalariga kirish uchun qo‘shimcha imtiyoz berishini hamda kelajakda magistratura va doktoranturada ilmiy faoliyatni davom etish uchun zarur ekanini aytib o‘tdilar va shu yo‘lda ularga muvaffaqiyat tiladilar.

Tadbir so‘nggida “Ko‘kaldosh” o‘rta maxsus islom bilim yurti tomonidan “C1” sertifikatiga ega bo‘lgan bilim yurti 4-kurs talabasi Xoshimxonov Roshidga “3 million” so‘mlik pul sertifikatlari topshirildi va xayrli duolar bilan tadbir o‘z yakuniga yetdi.

Eslatib o‘tamiz, o‘tgan o‘quv yili avvalida yuqori kurs talabalari bilan bo‘lib o‘tgan ochiq muloqotda bilim yurti mudiri Ma’murjon domla Erkayev tomonidan 2024-2025 o‘quv yilidan boshlab talabalarning bilim saviyasini oshirish va ularni rag‘batlarnitirish maqsadida xorijiy til (arab tili)dan milliy yoki xorijiy sertifikat B2 yoki C1 darajasini qo‘lga kiritgan yuqori kurs talabalarining imtihon xarajatlari bilim yurti tomonidan qoplanishi va bunga ko‘ra xorijiy til (arab tili)dan C1 darajasini qo‘lga kiritgan talabalarga imtihon xarajatlari bilan birga yana shuncha miqdorda pul mukofoti, B2 darajasini qo‘lga kiritgan talabalarga esa faqat imtihon xarajatlari qoplab berilishi e’lon qilingan edi.

©️ Farhod Asatullayev
“Ko’kaldosh” O’MIBY O'quv-uslubiy bo'lim boshlig'i

🔵  @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz

#Yangiliklar #ARM

"Фиқҳ фани ойлиги" китоблар кўргазмаси

“Кўкалдош” ўрта махсус ислом билим юртида Фиқҳи фани ойлиги муносабати билан Ахборот-ресурс марказига олиб келинган янги китоблар кўргазмаси бўлиб ўтди.

Кўргазмада фиқҳ фанидан ўқитиладиган асосий ва қўшимча адабиётлар тақдим этилди. Кўргазма нафақат билим юрти устозлари ва талабалари, балки билим юртида фаолият юритаётган Қуръон ва тажвид курси тингловчилари ҳамда мадрасага ташриф буюрган сайёҳларнинг ҳам эътиборини тортди.

Ҳусусан, мадрасага сайёҳ сифатида ташриф буюрган Малазия диний таълим муассасаси мударрис ва талабалари ҳам бу кўргазмада иштирок этдилар. Улар билим юрти мударрислари билан таълим жараёнлари борасида илиқ суҳбат қуришди.

Суҳбат сўнгида Ўзбекитон мусулмонлари идораси ва идора тизимида ишлаётган устоз-ходимларнинг динимиз равнақи йўлида олиб бораётган ишларига омадлар тилашди.

Сайтда ўқиш: https://kukaldosh.uz/23/10/2025/15609

И. Комилов
«Кўкалдош» ЎМИБЮ Ахборот-кутубхона ресурслари билан хизмат кўрсатиш бўлими бош мутахассиси

🔵  @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz