#Yangiliklar

“Ko‘kaldosh” o‘rta maxsus islom bilim yurti mudiri va bitiruvchi talabalar bilan ochiq muloqot tashkil etildi

Bugun, “Ko‘kaldosh” o‘rta maxsus islom bilim yurtida yuqori kursda tahsil olayotgan talabalar bilan ochiq muloqot bo‘lib o‘tdi. Ushbu tadbirda bilim yurti rahbariyati, ustozlar hamda bitiruvchi kurs talabalari ishtirok etdi.

Tadbirning asosiy maqsadi – bitiruvchi talabalarni ilmiy va ma’naviy jihatdan yanada rivojlantirish, ularning bilim olishdagi mas’uliyatini oshirish, shuningdek, mustaqil hayotga yo‘naltirishdan iborat bo‘ldi.

Bilim yurti mudiri, islomshunoslik fanlari bo‘yicha falsafa doktori (PhD) M. Erkayev ilm olishning fazilati, vaqtni g‘animat bilish zarurligi hamda talabalar hayotidagi ushbu palla eng mas’uliyatli bosqichlardan biri ekanini eslatib o'tdi. Mudir domla o'z nutqida: “Ilm yo‘li sabr va bardavomlikni talab qiladi. Bugungi tahsil — ertangi faoliyatga zamin bo‘ladi. Sizlardan nafaqat bilimda, balki odobda ham boshqalarga o‘rnak bo‘lish kutilyapti. Har biringiz ertangi kunda yurtimiz ravnaqi, millatimiz farovonligi yo‘lida xizmat qiluvchi munosib shaxs bo‘lishingiz kerak,” — deya ta’kidlab o‘tdi.

Shuningdek, u talabalarni ilmiy izlanishlarda faol bo‘lishga, o‘z sohasida chuqur bilim olishga, shaxsiy kamolotga intilishga va jamiyatda o‘z o‘rnini topishga chaqirdi.

Muloqot erkin va iliq muhitda, savol-javoblar asosida davom etdi. Talabalar ustozlarga o‘z minnatdorchiliklarini bildirib, bilim yurtida o‘tkazgan yillar ular uchun bebaho hayot saboqlari maktabi bo‘lganini alohida ta’kidladilar.

Tadbir yakunida bitiruvchi talabalar va butun yurtimizning farovonligi, tinchligi uchun duoi xayrlar qilindi.

©️ Saidakramov Saidazimxon
“Ko’kaldosh” O’MIBY Yoshlar bilan ishlash, ma’naviyat va ma’rifat bo’limi uslubchisi

🔵  @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz

#xabar
🟢Мусобақа кўтаринки руҳда бошланди

🗣“Муфтий соврини – 2025” мини-футбол мусобақаси Республика босқичи финал ўйинлари бошланди. Очилиш маросимида Ўзбекистон мусулмонлари идораси ва Дин ишлари бўйича қўмита раҳбарияти, Ўзбекистон футбол ассоциацияси масъул ходимлари, ҳакамлар, вилоят бош имом-хатиблари, мутасадди вакиллари, футбол фахрийлари ва шайдолари иштирок этди.

🇺🇿Мусобақа аввалида Ўзбекистон Республикаси Давлат мадҳияси янгради. Барча иштирокчилар қўлларини кўксига қўйиб, унга жўр бўлишди.

🌙 Очилиш маросимида Ўзбекистон мусулмонлари идораси раиси, муфтий Шайх Нуриддин Холиқназар ҳазратлари иштирокчиларни финал учрашувларига чиққанлари билан муборакбод этиб, давлатимиз Раҳбари ташаббуслари билан спортга берилаётган эътибор, эришилган натижалар ва ўтказилаётган мазкур мусобақа диний соҳа ходимлари ўртасидаги ҳамжиҳатликни мустаҳкамлаши, дўстлик ва меҳр-муҳаббат туйғуларини янада юксалтиришга хизмат қилишини алоҳида таъкидладилар.

⚽️ Шундан сўнг Самарқанд ва Сурхондарё жамоаларининг учинчи ўрин учун уйинларига старт берилди. Ундан кейин Наманган ва Қорақалпоғистон жамоалари биринчи ўрин учун кураш олиб боришади.

💬Мусобақа тафсилотларини каналимизда кузатиб боринг.

✅ Ўзбекистон мусулмонлари идораси
Матбуот хизмати

😄 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook