#Yangiliklar2025

📣Bilim yurtda kitob taqdimoti bo’lib o’tdi

✍️“Ko’kaldosh” o’rta maxsus islom bilim yurtida arab tili (sarf) faniga oid — “TASRIF” nomli yangi va qulay qo‘llanma hamda “Sarf ilmidan amaliy mashg‘ulotlar daftari” taqdimoti bo‘lib o‘tdi. Tadbir davomida mazkur adabiyotlar 1-kurs talabalari uchun bebaho sovg‘a sifatida hadya qilindi.

🌐 Batafsil o'qish uchun: https://kukaldosh.uz/26/09/2025/15505

✍️ SaidAzimxon Saidakramov
Ko‘kaldosh o‘rta maxsus islom bilim yurti o‘qituvchisi

🔵 @kukaldoshuz – diniy-ma'rifiy kanal!
📲 Rasmiy sahifalarimiz:
taplink.cc/kukaldoshuz

#xabar #muftiy
🌙 МУФТИЙ ҲАЗРАТЛАРИ: “КИМ УСТОЗИНИ РАНЖИТСА, ИЛМНИНГ БАРАКАСИДАН МАҲРУМ БЎЛАДИ”

🗣 Хабар берганимиздек, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бугунги жума намозини пойтахимизнинг Олмазор туманидаги "Исломобод" жоме масжидида адо этдилар.

⏺Жума намозидан олдин муфтий ҳазратлари жамоатга устоз ва муаллимларнинг мақоми, қадр-қиммати, жамиятдаги ўрни қандай бўлиши ҳақида манфаатли суҳбат қилиб бердилар.

🌙 Дарҳақиқат, динимизда ҳам устознинг қадри, фазли жуда улуғланган. Чунки айнан муаллимлар келажак авлоднинг эътиқоди ва тафаккури тўғри шаклланишида муҳим ўрин тутади.

🗣Шайх Нуриддин Холиқназар ҳазратлари ўз маърузаларида ана шу муҳим нуқтага эътибор қаратиб, оят ва ҳадислар асосида устоз ва мураббий бўлган зотларга юксак эҳтиромда бўлиш лозимлигини эслатиб ўтдилар. Зеро, Қуръони каримнинг бир ўрнида: "Аллоҳ сизлардан имон келтирган ва илм ато этилган зотларни (баланд) даража (мартаба)ларга кўтарур” (Мужодала сураси, 11-оят) дейилган бўлса, яна бир ўринда: "Биладиганлар билан билмайдиганлар баробар бўлурми?" (Зумар сураси, 9-оят) дея илм аҳли бўлганларнинг даражалари жуда юқори экани баён этилган.

Ҳадиси шарифда эса: "Албатта, уламолар пайғамбарларнинг меросхўрларидир. Пайғамбарлар динор ва дирҳам (мол-дунё) мерос қолдирмаган. Балки илм мерос қолдиришган. Ким бу илмдан насибадор бўлган бўлса, улкан бахтга муяссар бўлибди" деб келтирилади (Имом Термизий ривояти).

🌙 Муфтий ҳазратлари таълим-тарбиядек шарафли иш пайғамбарларнинг вазифаларидан бири экани, ўқитувчи ва мураббийларнинг машаққатли меҳнатлари эвазига ёш авлоднинг илмига илм, одобига одоб қўшилишини таъкидлар эканлар, “Ким устозини ранжитса илмнинг баракасидан маҳрум бўлади”, дея уқтирдилар.

🤲 Манфаатли маъруза давомида кейинги йилларда юртимизда устозлар мақоми, уларга бўлган эътибор юқори бўлаётгани эътироф этилиб, муаллим ва мураббийлар ҳақига хайрли дуолар қилинди.

✅ Ўзбекистон мусулмонлари идораси Матбуот хизмати

🌐 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook