Uchrashuvning asosiy maqsadi talabalar bilan o‘tgan o‘quv yilidagi fanlar kesimidagi o‘qish natijalarini tahlil qilish, ularning yutuq va kamchiliklarini muhokama etish, shuningdek, joriy o‘quv yilida kutilayotgan natijalar yuzasidan rejalar belgilashdan iborat bo‘ldi.

Suhbat davomida mudir Ma’murjon domla Erkayev talabalarga ilm yo‘lida tirishqoqlik, vaqtni to‘g‘ri taqsimlash, sabr va intizom bilan harakat qilish zarurligini ta’kidladi. Shuningdek, har bir talaba o‘z oldiga aniq maqsad qo‘yib, o‘qishdagi mas’uliyatni yanada oshirishi, darslarda faol ishtirok etishi lozimligi haqida so‘z yuritildi.

Tadbir yakunida yurtimiz istiqboli, xalqimiz ravnaqi va millatimiz ma’naviy yuksalishiga munosib hissa qo‘shadigan, ilmli va yetuk kadrlar bo‘lib yetishishlari haqida ezgu tilaklar bildirildi hamda talabalar uchun xayr-duolar qilindi.