#Yangiliklar

“Qur’oni karim va tajvid” o‘quv kursining navbatdagi 64-davra mashg‘ulotlari boshlandi

«Qur’oni karim va tajvid» o‘quv kursining navbatdagi 64-davra mashg‘ulotlarini boshladi.

Yig‘ilishda “Ko‘kaldosh” o‘rta maxsus islom bilim yurti «Ma’naviy ishlar bo‘yicha» mudir o‘rinbosari Abdulvosi G‘aniyev,“Qur’oni karim va tajvid” o‘quv kursi ustozlari Bolbekov Botir va Jamalov Lutfullo qatnashdi.

«Ma’naviy ishlar bo‘yicha» mudir o‘rinbosari Abdulvosi G‘aniyev so‘zga chiqib noqonuniy diniy ta’lim olish va berishning qonun tomonidan taqiqlanganligi va qanday oqibatlarga olib kelishi, bugungi kunda O‘zbekistonda davlat va din munosabatlari, diniy islohotlarning jadal sur’atlarda rivojlanayotgani va boshqa masalalarga alohida to‘xtalib o‘tdi.

🖋 J. Ismatov, «Ko‘kaldosh» o‘rta maxsus islom bilim yurti «Qur’on karim va tajvid» o‘quv kursi uslubchisi


🌐 BATAFSIL O'QISH UCHUN: https://kukaldosh.uz/07/10/2025/15577

🔵 @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz

"Bir jamoa – bir maqsad, g‘alaba sari harakat!"

Kecha, 6-oktyabr kuni "Ko‘kaldosh" o‘rta maxsus islom bilim yurtida talabalar o‘rtasida "Bir jamoa – bir maqsad, g‘alaba sari harakat!" shiori ostida futbol bo‘yicha guruhlararo musobaqa boshlandi. Ushbu sport tadbiri bilim yurtidagi talabalarning jismoniy faolligini oshirish va o‘zaro do‘stona munosabatlarni kuchaytirish maqsadida tashkil etilgan.

Musobaqa ilk kunidanoq talabalar va ustozlar e’tiborini tortib, bugunga kelib qizg‘in pallaga kirdi. Har bir jamoa g‘alaba uchun kurashar ekan, maydonda nafaqat sport texnikasi, balki jamoaviy ruh, hurmat va birdamlik kabi qadriyatlar ham namoyon bo‘lmoqda.

©️ Abdusattoriy Abdulloh
"Ko‘kaldosh" O‘MIBY Yoshlar bilan ishlash, ma’naviyat va ma’rifat bo‘limi xodimi

🔵 @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz

"Bir jamoa – bir maqsad, g‘alaba sari harakat!"

Xabaringiz bor, 2025-yil 6–7-oktyabr kunlari “Ko‘kaldosh” o‘rta maxsus islom bilim yurtida talabalar o‘rtasida “Bir jamoa – bir maqsad, g‘alaba sari harakat!” shiori ostida futbol bo‘yicha guruhlararo musobaqa bo‘lib o‘tdi.

Bellashuvlar nihoyatda qizg‘in, shiddatli va murosasiz tarzda kechdi. Uchrashuvlar davomida talabalar o‘zlarining sportga bo‘lgan qiziqishi, fidoyiligi va jamoaviy harakatga bo‘lgan intilishini yaqqol namoyon qildilar. Har bir jamoada birdamlik, o‘zaro hurmat, iroda va g‘alabaga bo‘lgan ishtiyoq ko‘zga tashlandi.

Final bosqichida 401-guruh va 403-guruh jamoalari o‘zaro kuch sinashdi. Juda yuqori saviyada, murosasiz ruhda kechgan mazkur bahsda 401-guruh ustunlikka erishib, faxrli 1-o‘rinni egalladi. 403-guruh esa munosib o‘yin ko‘rsatib, 2-o‘ringa sazovor bo‘ldi.
Musobaqa barcha talabalar uchun unutilmas taassurotlar bag‘ishladi. Sport maydonidagi har bir lahza ularda jamoaviylikni his qilish, o‘zaro do‘stlikni mustahkamlash, sog‘lom raqobat va sport madaniyatini yanada chuqurroq anglashlariga sabab bo‘ldi. Tomoshabinlar esa har bir harakat, gol va g‘alabani jo‘shqin olqishlar bilan kutib olishdi.

Taqdirlash marosimi 9-oktyabr kuni bo‘lib o‘tishi rejalashtirilgan.

©️ Abdusattoriy Abdulloh
"Ko‘kaldosh" O‘MIBY Yoshlar bilan ishlash, ma’naviyat va ma’rifat bo‘limi xodimi

🔵 @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz