#Yangiliklar

"Ko‘kaldosh" o‘rta maxsus bilim yurti talabalari o‘rtasidagi futbol musobaqasining taqdirlash marosimi bo‘lib o‘tdi.

"Ko‘kaldosh" o‘rta maxsus bilim yurti talabalari o‘rtasida o‘tkazilgan futbol musobaqasi nihoyasiga yetdi. G‘olib va faol ishtirokchilar tantanali tarzda taqdirlandi.

Taqdirlash marosimi ko‘tarinki ruhda boshlandi. Tadbirda bilim yurti mudiri, islomshunoslik fanlari bo‘yicha falsafa doktori (PhD) Ma’murjon domla Erkayev so‘zga chiqib, musobaqa ishtirokchilarini samimiy tabrikladi. U o‘z nutqida sportning yoshlar hayotidagi o‘rni, jamoviylik, birdamlik va o‘zaro hurmat kabi qadriyatlarni mustahkamlashdagi ahamiyati haqida to‘xtalib o‘tdi.

Musobaqa yakuniga ko‘ra:

401-guruh talabalari yuksak mahorat namoyon etib, faxrli birinchi o‘rinni egalladi. Ular birinchi darajali diplom va kubok bilan taqdirlanib, kubokni boshlar uzra baland ko‘tarib nishonladilar.

403-guruh esa munosib o‘yin namoyish etib, ikkinchi o‘rinni egalladi va ikkinchi darajali diplom hamda esdalik sovg‘alari bilan taqdirlandi.

Shuningdek, musobaqa davomida faol ishtirok etgan, jamoalarga munosib hissa qo‘shgan talabalar ham esdalik sovg‘alari bilan rag‘batlantirildi.

Bunday sport musobaqalari talabalarning jismoniy chiniqishi, sog‘lom turmush tarzini shakllantirishi, bir jamoa bo‘lib harakat qilishni o‘rganishlari hamda bo‘sh vaqtlarini mazmunli o‘tkazishlari uchun juda katta ahamiyatga ega. Musobaqa davomida talabalar o‘z iste’dodlarini namoyon etish barobarida, do‘stlik va birdamlik ruhini ham his qilishdi. Kelgusida bu kabi tadbirlar yanada ko‘proq va kengroq miqyosda tashkil etilishiga ishonamiz.

Saytda o'qish: https://kukaldosh.uz/09/10/2025/15590

✍️ Saidazimxon Saidakramov
Ko‘kaldosh o‘rta maxsus islom bilim yurti o‘qituvchisi

🔵  @kukaldoshuz – diniy-ma'rifiy kanal!
📲  Rasmiy sahifalarimiz:
taplink.cc/kukaldoshuz

#Имом_Мотуридий #Давра_суҳбати

💬  Имом Мотуридий меросига бағишланган давра суҳбати ташкил этилди

▫️ Тошкент ислом институти 3-курс талабалари иштрокида буюк мутакаллим ва ислом олами алломаси Имом Абу Мансур ал-Мотуридий илмий меросига бағишланган давра суҳбати бўлиб ўтди. Тадбирда у зотнинг “Таъвилот ал-Қуръон” ҳамда “Китоб ат-Тавҳид” асарларининг илмий ва маънавий аҳамияти кенг ёритилди.

▪️Суҳбат давомида иштирокчилар Имом Мотуридий томонидан асос солинган ақидавий мактабнинг ўрни, Қуръон оятларини тафсир қилишдаги ўзига хос услуби, шунингдек, “Китоб ат-Тавҳид” асарининг исломий эътиқод ва мантиқий тафаккур ривожидаги ўрни ҳақида фикр алмашдилар.

▫️Тадбирда Кўкалдош ўрта махсус ислом таьлим муассасаси мудири, исломшунослик фанлари бўйича фалсафа доктори Маъмуржон домла Эркаев, Ёшлар билан ишлаш маьнавият ва маьрифат бўлими бошлиғи Баҳриддин Парпиев ва бўлим ходимлари  фаол иштирок этиб, Имом Мотуридий меросининг бугунги кунда ёшлар тарбиясида тутган ўрни ҳақида ўз мулоҳазаларини билдирдилар...

@kukaldoshuz – диний-маърифий канал!

Kukaldosh.uz | YouTube | Facebook | Instagram | Mundarija