الكاظم مايرد طلاب
تگضي الكلفه يم بابه
••••••__________________••••••

يبو طلبه اسد بغداد
اجيت لحضرتك گصاد
هذا الكاظم ابن اجواد
هامت روحي بأعتابه
•••••_____________________•••••

اجيتك والدمع سالي
نخيتك عاين لحالي
تلهب نار دلالي
يمه العين سچابه
•••••_____________________•••••

جاي ومعتني ديارك
مترد الذي زارك
طبيب تسولف اخبارك
يلما عايف احبابه
•••••_____________________•••••
ابو طلبه نخيته اليوم
عليل وگلبي مهموم
گلبي لشوفته ملجوم
جينه أنعزي بمصابه
•••••____________________•••••

ماخاب لگصد داره
اجينه اليوم خطاره
لكاظم يحمي زواره
طاهر هو وانسابه

~~~~~~~~~~~~~~~~~~~

باقر جبار الشويلي





#مولاتﮰ_زينب (ام باقر الشويلي)
https://www.tg-me.com/lAfiteamoun

اكصد للكاظم هل الليله
نوح ابدمعاتك واشكيله
*
يازاير اكصد للكاظم
وبجيتك تتحده الظالم
شوف اشسوت بيه العالم
زواره وطلعت تشكيله
*
ميهمنه الارهاب وجينه
الآلاف الشبان انطينه
وياك اولنه وتالينه
نتعنه لدربك نمشيله
*
تفداك المهجه والعين
ونجاهدلك ع الصوبين
نزورك يالكاظم ماشين
بس انته تعدلها الميله
*
بلمجلس نادينه ادخيل
دمعتنه تجري واتسيل
عشنه وشفنه بس الويل
يجري المدمع هاي الليله

يالكاظم نندب مهدينه
ونكله وعدك جا وينه
ملينه وجدك ملينه
ننتظره بدمعه وننعيله
*
باقر جبار الشويلي


https://www.tg-me.com/lAfiteamoun

يالكاظم يمسموم… يالكاظم يمظلوم
*گضه عمره بلسجن… شيعته ضلت تون*
يالكاظم يمسموم… يالكاظم يمظلوم
____

گضه كل عمره بسجون الطاغيه
نحل جسمه ومابقت بيه عافيه
بالسجن ظلمه وشمسنه طافيه
بكل صلاته يدعي رب الغاشيه
*الشيعه غطاها الحزن… للجسر كلها تحن*
يالكاظم يمسموم… يالكاظم يمظلوم
_

علجسر شفنه الجنازه مدده
ينعي ناعيها وبصوته ويمجده
هذا ابن جعفر واسمه يردده
ياأسد بغداد جثته هامده
*احنه اذانه الزمن….جور حكام ومحن*
يالكاظم يمسموم... يالكاظم يمظلوم
_

بالمحن موسئ گظاها ايامه
ساجد وقائم اتم صيامه
يدعي ربه للفرج بقيامه
ينتضر مولانه يوم اعدامه
*غمض مولانه لجفن… ياغريب بلاكفن*
يالكاظم يمسموم… يالكاظم يمظلوم
_

ياغريب بلا وطن وبلا اهل
الشيعه اجت تصيح ياخير العمل
تلطم اعله راس وتواسي الاجل
هايه اجت مشايه وتنادي العجل
*والسجن اصبح وطن.. هي ايام الفتن*
يالكاظم يمسموم… يالكاظم يامظلوم

باقر جبار الشويلي

https://www.tg-me.com/lAfiteamoun

قصيدة شالو نعش

شالو نعش للدين..يمكن ولد لحسين
خلص حياته هموم ..هارون سمه اليوم

موسى بن جعفر يشيعه ع الجسر اموسدينه
جثه محموله وثجيله واربعه هل شايلينه
لمن ينادي المنادي رافضي و مسممينه
الموعد الجمعه يدجله ع الجتف هل حاملينه

بين اثر بالايد… من سنسله ومن قيد
خلص حياته دوم..هارون سمه اليوم

يانعش حامل همومه خلي ننهل من علومه
مدرسه بكل شي وتمييز بالحلم ويه خصومه
ما شفت بالدنيا مثله ولاشبه يحمل رسومه
الجسد ناحل وضمه وحطله بالتمره سمومه

دمعه نزل صوبين ..شايل اصول الدين
بالسندي ظل مضموم...هارون سمه اليوم

بالسجن ظلمه وسناسل والعمل كله تقيه
موسى كظاها حياته بالزهد عاش البقيه
ولايفيد الكرسي حاكم العمل هو الوصيه
ينسجن موسى بن جعفر بالغياهب والوطيه
يمته يصيح الثار ...وينادي ياجبار
يگضي العمر بالصوم..هارون سمه اليوم

هايه ثارات الخلافه والحروب الهاشميه
من فجر نورك محمد والسلاله الفاطميه
هذا عنوان الجهاله من الحقد والجاهليه
يبقه رسك انته اميه ويبقه اصلي الزينبيه

يبقى الحقد اصلاب..من فاطمه والباب
مارحمته هالكوم..هارون سمه اليوم


لاعهد عنده الخليفه ولاضمير الباقي عنده
من اصل يوم السقيفه بايعوا شيخه وجده
هذا عهد الخان حيدر هسه ايسمم له ولده
منهم الحزوا وريده منهم المگطوع زنده

خان العهد ايزيد...كل يوم اله صنديد
شو باقي بس اهدوم..هارون سمه اليوم
**
ش/جبار عبد الزهره الشويلي

عله الكاظم تره الدمعات.. صبن
الك جمرات وسط الگلب.. صبن
اجيتك معتني مشاي… ..صبن
اموت واعتني للكاظميه
باقر جبار الشويلي

امشونه نشيع لمسموم
والدمعات نجريها
**
امشونه انشيع الكاظم
اويلي اعله الجسر نايم
غريب وسمه هل ظالم
اعيوني اعليك لعميها



الابو طلبه تعنينه
ويمشي ويانه مهدينه
تلطم حيل جفينه
اقرايه اليوم نحييها

ندري حاضره الزهره
تبجي وبالگلب جمره
ويلي عالگضه عمره
مانشفت بواجيها

نمشي ونطلب الليله
واحدنه نهدم حيله
نريد مراد نحجيله
ومعصوصه نعازيها

والله ومايرد كلفه
بظلع الطاهره نحلفه
بشباجه كتب وصفه
ندري اليوم يگضيها

✍باقر جبار الشويلي


للتواصل والاستفسارللقصائد
@MolatyzeenabBBB1_bot
https://www.tg-me.com/lAfiteamoun

بصلاة اعله النبي لساني. ترطب
لمريض بحضرة الكاظم. ترى يطيب
بخشوع ولو دخل زاير. ترى يطب
بيت ال النبي ولزهره الزجيه

باقر جبار الشويلي

وبحمده تتم الصالحات..

الحمد لله الذي من علينا حافظة القرآن..معصومه علي

#ابوذيات_للولادات_المباركه_
🌸🌸🌸🌸🌸🌸

هلا بالجاي لينه وهلا ..شعبان
ينور الشمس بي واضح . ..يشع بان
الگلب بفراحكم هلهل .. يشعبان
شعاع من السمه بنور الزجيه

★★★🌸🌸🌸🌸★★★

الحوائج سيدي بابك .. نسلها
يبن الطاهره الطيب .. نسلها
بهذا المعتقد احنه… نسلها
ونسل كبارهم زمرة اميه
★★★🌸🌸🌸🌸★★★

حسين بجيته للكون ..منهاج
الگلب تابع ذليل وياك ..منهاج
بسم حسين صاح البحر ..منهاج
الجبال تزول من ابن الزجيه
★★★🌸🌸🌸🌸★★★

#متباركين_بمولد_الغيره_العباسيه_
✍باقر جبار الشويلي

https://www.tg-me.com/lAfiteamoun

##هوسات_للامام_العباس_ع
★★🌸🌸🌸🌸🌸🌸★★




اذا تصعب الحاجه ويصعب المنوال
يم باب الحوايج نشكي الاحوال
مطلعها القصيده يغرد المهوال

★★والحاجه االكافل يكضيها★★

🌸🌸🌸🌸🌸🌸🌸🌸
وكفوا من ام البنين لجابت العباس
ومن اذكر اسمها احني ليها الراس
يامنبع وفة بغيرتها دگ الساس

★★ والهوسه باسمه شمحلاهه★★

🌸🌸🌸🌸🌸🌸🌸
هلا بجيتك ضوانه ومنبع الغيره
يمتعب العده وما وصل تفسيره
يتمرجل عليهم حطهم بحيره

★★فرحانه الدنيا بجيته★★
🌸🌸🌸🌸🌸🌸🌸🌸


#متباركين_بمولد_الغيره_العباسيه_
✍ باقر جبار الشويلي

عباس**** ياعباس
★★★------🌸🌸-------★★★

بميلادك احنه نبارك
بالحفل كلنا نشارك
عباس حامي جارك
تشهدجميع الناس
★★★-------🌸🌸-----★★★
ام البنين ام الوفه
طلگت وجابت عاصفه
يلخذت من حيدر صفه
يا سبع هز الارجاس
★★★------🌸🌸-----★★★

فاطمه جابت مفخره
عباس سبع الكنطره
بالسيف ظالم شاطره
للخوه دگ الساس
★★★------🌸🌸-------★★★

بميلاده سوره نازله
للغيره هو الزلزله
نمشي مسيره راجله
للگمر اسمه عباس
★★★------🌸🌸-------★★★

نورت ياغيرة علي
يلبيك همي ينجلي
تفداك ناسي وكل هلي
العباس يا رفعة راس

★★★---------🌸🌸------★★★

✍باقر جبار الشويلي
https://www.tg-me.com/lAfiteamoun

#مولد_العباس
🌸🌸ع🌸🌸


اليوم زينب ياخلك فرحانه
الكمر صار ونورت دنيانه
🌸🌸🌸🌸🌸
فرحت الحوراء بنتك ياعلي
كالت بهل يوم مولد كافلي
بمولد العباس كل هم ينجلي
والدي مخلي الگمر بااحظانه

✍نور الولاية الفاطمية
🌸🌸🌸🌸🌸
والدي هاليوم فرحان ابتشر
رحمة العباس عمت عالبشر
واسم اخو زينب عالكون انتشر
نولدت الغيره ويحي من جانه
✍باقرجبار الشويلي
🌸🌸🌸🌸🌸
بالمهد وانطاني عباس العهد
انه كافل زينب وهذا وعد
الكافل وبكماطه احس گلبه رتعد
ابد زينب ماتظل حيرانه
✍باقرجبار الشويلي
🌸🌸🌸🌸🌸
هلا بعباس يراعي المرجله
بغيرته وبزود خدري مدلله
هذا ابن فاطم وابن عقد الوله
هالشجاعه والفخر عنوانه
✍نور الولاية الفاطمية
🌸🌸🌸🌸🌸
واجب نهنيها بنتك حيدرة
انولد هاليوم سبع الگنطرة
مثلة لاماصار لاجابت مرة
بالمهد حي زينب بذرعانه
✍نور الولاية الفاطمية
🌸🌸🌸🌸🌸

https://www.tg-me.com/lAfiteamoun

#ابوذيات_مهدوية

قسم بالروح غيرك… ماهوينه
يمهدي وينه وجهك.. ماهوينه
نكول الهوه ابعدك.. ماهوينه
يمهدي بطلعتك تزهي البريه

تراه الحال من بعدك .. ترده
وباب الجور ننتضرك… ترده
يمته الثاريامهدي .. ترده
نصير سيوف بيد ابن الزجيه

طالت غيبتك احسب… وعدلك
انه لجندي واحاربهم ... وعدلك
تعيشني تحت ظلك.. وعدلك
شوكت تضهر يغايب للبريه

___
✍باقر جبار الشويلي


https://www.tg-me.com/lAfiteamoun

يفرح بي أنس والجان
يوم 15 شعبان

بهاي الليله محتفله الملائك
انولد محبوبنه الغالي بسمائك
انس واجان مبتشره بجزائك
نرتل بالعشگ والله لولائك

بولادة منقذ الاكوان
يوم  15 شعبان


الليله العسكري فرحانها الليله
ويم نرجس اجه وقران يهديله
مضغته الفاتحة وقران ترتيله
مثل لون الفجر شعت قناديله

نولد ويرتل القران
يوم15شعبان

المهدي ابن الحسن ماكو بحلاته
ابن المرتضى وارث صفاته
عند الزهره ياناس شغلاته
بحلات المحسن الماشم حياته

اصبح للفرح عنوان
يوم 15 شعبان

مثل حسين هيج المهدي قدسيته
ورد وبعطره كلها اشم اهل بيته
انقبلت بالمهد فطرس عبوديته
     گلبي الليله فرحان
يوم 15 شعبان

✍باقر جبار الشويلي

#قصيدة_توبة_لشهر_رمضان

توبه...•…قبل لايبدي الشهر انه اعلنت
توبه...•…جرحي ينزف وانه بيه توسدت
ياالاله العالمين.....الك مديت الاديين
•••توبه•••• تووبه••••
الدنيا يبنادم زوال وانت تدري
سودت وجهي الذنوب وضاع عمري
وين اديره وجهي وين وشنو عذري
ياالاله الرحمه لك سلمت امري

نادم …•… والعمر خلص لعب تدريني
نادم…•… فرصه منك ربي لي تنطيني
يادليل الحائريين....الك مديت الاديين

•••توبه••••توبه

حيل غرتني دنيتي وهسه نادم
شاب حتى الراس مني اه يوادم
والعمر صار اربعيني چني نايم
انه يوميه اتوبن واصحى ظالم

باچر…•…ينفتح دفتر سجل اعمالي
باجر…•…وبس لطمتي اعله الصدر امالي
سيدي بجاه الحسين حسين...الك مديت الاديين
•••توبه•••تووبه

اهواي عندي ذنوب انه وحسرة بيه
والله كاتلني الخجل كله من اديه
والذنب كلش ثگل عمري الضحيه
بيگ الوذن سيدي يبن الزجيه

وسفه…•…اصبحت چني الشمرشوفوني
وسفه…•…راح ثلثين العمر بعيوني
راح عمري والسنين...الك مديت الادين
،•••توبه•••توبة

جاي نادم وانه خادم مغطي وچهي
يم حسن فدوه رحتلج عيني تبچي
امقصر وياج اعترافي لساني يحچي
بخيمة حسين وبنينچ امشي وارچي

حاير…•… يم حسن منهو ليجي ويايه
حاير…•… وعله حسين ابنچ بچيت هوايه

بدمع حسرات وانين....الك مديت الاديين
••••توبه••••توبه

خايف انه انطرد من خدمة ابنچ
ولو طردني حسين روحي شنهي فكرچ
احسين مايطرد بشر چاشنهو عذرچ
لايذ بدفتر خدمتي ويه خدرچ

خايف…•…ابو اليمه منالخدم يعفيني
خايف…•…ومن اموت بكبري مايلفيني
صرخه وبگلبي حنين...الك مديت اديين
••••توبه••••توبه•••••

✍باقر جبار الشويلي
ملا عمار الديباجي الحسيني