★•• لفقد الأحباب بالشهر الفضيل ••★
#تقرأ (فزاعية مع هوسات أو لطمية بألحان ثقيلة أو وسط)

شهر رمضان اجانة و عدنة غّياب
ميردون صاروا حدر لتراب
------------------------------------

فگدنة اعزاز چانوا سلوة الروح
عگبهم مابرت لا والله لجروح
عليهم كل گلب يتحسر ينوح
تناطرهم عيون الدگة الباب

((والبيت اظلم//عگب اعزازه))

✍🏻#ولائـية_وافتـخر (دعاء العامري)
❉≈≈≈≈≈≈≈≈≈❉≈≈≈≈≈≈≈≈≈❉

اجه رمضان عنه غربو بعيد
اهلنه ابعاد المن جاينه العيد
ياناس العتب للمات شيفيد
جوه الرمل صارو كل الاحباب

((لاتگبل ياعيد//علينـه))

✍🏻خـادمـة الزهـراءام احمد
العبوديه زبير
❉≈≈≈≈≈≈≈≈≈❉≈≈≈≈≈≈≈≈≈❉

يهل رمضان واحنه نهل الدموع
تون كبارنه وجاهلنه ليلوع
العمر عگب النحبهم مثل لشموع
ولمفارگ اعزاز بگلبه ينصاب

((تبچي الحيطان//اعله احبابي))

✍ام محمد الشويلي
❉≈≈≈≈≈≈≈≈≈❉≈≈≈≈≈≈≈≈≈❉

اجه رمضان واحبابي بعيدين
اذكرهم واهل دمعه العينين
عليهم كل مسه اجهر بالونين
من يوم المشو جرحي ولاطاب

((والروح اعليهم//محتامه))

✍️الخادمه ام زيد الشمري
❉≈≈≈≈≈≈≈≈≈❉≈≈≈≈≈≈≈≈≈❉

وبوكت الغروب انريد ليهم
نشتاگ السمرهم والحچيهم
بعد ماظن زماني يعود بيهم
لا تعتب يگلبي وگف الاعتاب

((شيعود الراح//وماجانه))

✍️ام مهدي الفرطوسيه
❉≈≈≈≈≈≈≈≈≈❉≈≈≈≈≈≈≈≈≈❉

#تمت_✍🏻_
_بأقـــلام#شــاعـرات_
#خــادمــات-الــزهـراء_ع_
#من_رابطة_جمـعـتنه_حســينـيه_

#قصيدة_عن_لسان_السيدة_زينب(ع)
#تكلم_والدها_امير_المؤمنين


بويه اخذني اوياك وارحم حالي
مالي عين انظر مكانك خالي

بويه اخذني وياك انته سلوتي
انه من عكبك يتيمه بدنيتي
عله فراك الوالي تهمل دمعتي
بويه دمعي بغيبتك ظل سالي
«««»»»
بويه بغيابك حزينه وبس اون
يابوزينب حيل ذلاني الزمن
ضل مچانك خالي وعيوني عمن
ريت ميته بويه انه اشوالي
«««»»»
الحسن وحسين صاحوا ياعلي
نزلت الدمعات بااسمك يلولي
ارد انشدك انت ياباقي هلي
شلون عفتوني وادور والي
«««»»»

انهدمت اركان السمه وكت الصبح
ياابو زينب هايج اليوم الجرح
هاك شريان الگلب ضل منذبح
والبواچي والحزن عالغالي
«««»»»

ياعلي المحراب موحش والصلاة
خالي مامش شخصك ومابي حياة
ريت لاطر الفجر صار الممات
يبچي الحسين ومرد دلالي

✍باقر جبار الشويلي


للاستفسار والتواصل
@MolatyzeenabbbB_bot
https://www.tg-me.com/lAfiteamoun

اجاني العيد ونته بعيد عني
شِيسلي الروح يلكثرت وني

غريبه انه بلياك
مو سهله تره انساك

اجاني العيد والحيره بزماني
اعيش بحسرتي بويه واعاني
اظل جندوب انه انطر وأتاني
يريت الموت وياكم خذاني

ولاظلن للهموم
بحيره وگلبي ملجوم
وياوكتي بعد عينك هضمني

ابو سلام الجابري✍
------------------------------

هضمني فراكه وحيلي يهدمه
ودعيت الباري لو ليه يسلمه
الابو لو شال بعده البيت ضلمه
كون الكَلب مو كبره يضمه
تون الروح متهيد
علي لا ترحل بعيد
وعماني حيدره بعده وهدمني

نور الولایه الفاطمیه✍
-------------------------------

زمانی اشراد من عندی و رمانی
صواب الصوب بعيني وعماني
اخذ منی ابوی وکل حناني
إبداله احزان ومصایب نطاني

شیصبرني عالهموم
راسه ابعمد مجسوم
واني اعله مصایب هااا بعدني

علي ابوفاطمه تویرات✍
---------------------------

الاگي العيد بالحسرات والاه
ابوي المات ماينحمل فرگاه
لايجبل علينه الفطر والله
وعلي ثوب الحزن تفصال الگاه
مشه عنج يروحي
وعگبه كثر نوحي
بعد هيهات بويه وخاب ضني

✍باقر جبار الشويلي

اجاني العيد ونته بعيد عني
شيسلي الروح يالكثرت وني

#لسان_حال_السيدة_زينب_ودار_والدها

ولج يادار شايل وين ابونه
مغرب للنجف دايرهه اعيونه

نص.....
صدك يادار شال اليوم راعيچ
ومن هاليوم ويه الحزن خليچ
لاطارش بعد لا والي يلفيچ
وبثوب السواد اليوم غطونه

نص.....
اون وياچ مو وحدچ تونين
كل ركن لغيابه حيل تبچين
يدار اذكر سوالف وي الحسين
ومن امس الصبح بالخبر فجعونه

نص.....
اون وياج مو وحدج تونين
كل ركن لغيابه حيل تبچين
يدار اذكر سوالف وي الحسين
ومن امس العصر بالخبر فجعونه

نص.....
حاربني زماني وسهمه چتال
عله فراگك يبويه تغيير الحال
وعمود البيت بويه بروحتك مال
حسافه يشيل هيبتنه ويشيعونه

نص.....
اهيل العين بويه عليك نوبات
وتضل حسرة بدليلي واجر ونات
انه وياك بويه بگبرك نبات
مثل ليل الشته تبچي المحزونه

نص.....
يبو الحسنين عگبك موحش الدار
تحاچيني يزينب شالوا كبار
تظل حسرة بدليلي ودمعي من نار
انه الفاگده وياحالي اشلونه

✍باقر جبار الشويلي

للاستفسار والتواصل
@MolatyzeenabbbB_bot
https://www.tg-me.com/lAfiteamoun

#فقرة_الأوزان_الشعرية
وزن الميمر


عشرة عمر هسه انكَضت وياكم
وايتام بعدي هل زمن راداكم

*المستهل للشاعر محمد حسن ضيغم *
.....
بفراشه حماي الحمه بدمعاته
بجّت عيون ام الخدر كلماته
اولاده يمّه ويمّه ابنيّاته
ادري مصابي يل ولد اذّاكم

🚩الشاعر محمد حسن ضيغم
.....
خويه الطبيب شگال عن والدنه
ايطيب لو رايح علي من عدنه
بالنوح والهم والحزن عيدنه
شايل اشوفه خويه سور احماكم

🚩ام محمد الحجاج
......

لو ماهو راكع سيف مَنْ يوصلله
عاشگ وهايم بالعشگ وي الله
يدرون فرصتهم علي لوصلله
چا هسه بخته من شرد خلاكم

🚩ام محمد الحجاج / العبادي
.......
ايتام بعدي والحزن مايرحم
وصعبه الولد من الابو يتيتّم
والدكم الامر الله حالا سلّم
گلبي بنحيبه يل ولد ناداكم

🚩الشاعر المهاجر
..........

عشرتنه خلصت والوكت فارگنه
تشتت شملنه والحزن لاحگنه
لو من دمه نجري المدامع حگنه
تجرح دليلي ياهلي فرگاكم

🚩ام محمد الحجاج / العبادي

.........

گلبي بنحيبه والدمع صاير نار
بوصيتي زينب تره عدهم ثار
ياباالفظل عهد الزلم يالمغوار
وگلبي يحير بكربله وصاكم

🚩باقر جبار الشويلي
.......

عشرة عمر واشلون گلي انساها
واجفوف حماي الحمه وادْفاها
ملعون وابارض وسما إلآذاها
للموت عيناي وتظل برجاكم

🚩 بنت الشمري



للاستفسار والتواصل
@MolatyzeenabbbB_bot
https://www.tg-me.com/lAfiteamoun

قصيدة ياعلينه

ياعلينه.. شمس بالدنيا وطفت
ياعلينه.. سيفه وبراسك نبت
ياعلينه.. امسكت بس ماصمت ..ياعلينه
*
قالع الباب بيمينه مسرفن ايده
صعبه موتك ياعلي وانته الصميده
مثل رمشة عين لوجانت بعيده
ووسفة بسيف المرادي دم وريده

..وسفة طايح ..وانه اصرخ ياحسين
..وسفة طايح.. والدمع تارسلي عين
..وسفة طايح .. زينب انه اتيتمت
..ياعلينه...ياعلينه..
*
الدنيا وحشه بلا ابو يسمع حجينه
وانه ويه النفس هل اسمع ونينه
البيت يتنفس حنانك من تجينه
والله مايسوه اعيش اخلاف عينه

..بويه وينك..بيتنه يصرخ علي
..بويه وينك..ظلمه اخلاف الولي
..بويه وينك..وسفه والله اتصوبت
..ياعلينه...
*
جان يشبع من يمر طاري اليتامه
خبزه ياكلهه وملح راعي الامامه
يصيح زينب لوجعت شدي العمامه
بطني مخسوفه ولزك ظهري بعظامه
..ياابو زينب.. باجر ايتامك تجي
..ياابو زينب..بعد بيمن ترتجي
..ياابو زينب..واليتامه اطبرت ..ياعلينه
*
بويه شو دامي الوجه والوجنه حمره
سوربن جنهن عيوني و يجري نحره
جنت اضنه حسين انه وشفت ثغره
لجن ثغره من العطش وضح لي امره

..جنت اضنن..ابد ميذلني الزمن
..جنت أضنن.. اعبر وياك المحن
..جنت اضنن..بيك انه اتحزمت
..ياعلينه
*
روح الله وياك سلملي اعله امي
كلهه زينب بالاثر موتهه همي
جني اشوفن اخوتي لحمي ودمي
ع الشريعه بكربله اموذره يمي

.. بويه ويلي ..الموت مافارك خيال
.. بويه ويلي..ايدي تنشد بحبال
..بويه ويلي ..ع الجمر رجلي مشت ..ياعلينه
*
من شفت دمك شفت دم الشريعه
وبخيالي اتصورت موتهه الفظيعه
هالشجر واغصانه يابس وبربيعه
يانهر عطشان والميت رضيعه

..ياحسافه..ابقه بالغربه عمر
..ياحسافه..شفت هل المنظر عبر
ياحسافه..ادري والله مانمت ..ياعلينه
*
✍جبار عبد الزهرة الشويلي
@Gabar_Alshoule

الدماء تنتصر.... والسيوف تنكسر
https://www.tg-me.com/ALshoely12

قصيدة ياعلي طايح (نزله نجفيه)

ياعلي بوكت الصلاه غدرونه
ياعلي ايتامك تره وهجرونه
****
ياعلي اترجاك طولت السجود
ياعلي بيمناك مفتاح الخلود
ياعلي هليوم وفيت العهود
وانته مفتاح الجنان عيونه

ياعلي اشلون طبره طبرتك
ياعلي مفتوحه كلهه هامتك
ياعلي ودماك غطه كَصتك
وانته راعيه الامامه ابونه

ياعلي يوميه تحسب بالايتام
ياعلي ماعونك ايكفي الصيام
ياعلي الجود شيمة من الكرام
وانته صوت الله اكبر لونه

ياعلي جبريل ناده بالسما
تهدمت وآلله أركان الهدا
ياعلي يتمونه اهل الردا
مانعوفه ونبتعد عن دينه

ياعلي كوفان صرخت بالغدر
ياعلي متروس كَلبي بس قهر
ياعلي حافر ابراسك جم نهر
وانته يافيض الدمه من عينه

ياعلي قرآن ناطق ماسكت
ياعلي رافضي تبقه ومانمت
ياعلي صيام كلنه وماصمت
وانته بصيامك علي وونينه

✍جبار عبد الزهرة الشويلي

@Gabar_Alshoule

الدماء تنتصر.... والسيوف تنكسر
https://www.tg-me.com/ALshoely12

ولج يادار شايل وين ابونه
مغرب للنجف دايرهه اعيونه

يابالحسن رايح وين
دمعاتي نزلن صوبين
وينك يحيدر....وينك يحيدر
نص...
دمعاتي عالوجن تهلي
غيرك يبويه منهو للي
زينب يتيمه يااا علي.. بچفاك
من هامتك ينزف دمه
لمصيبتك تبجي لسمه
حتى الحجر ناح بضمه.....ونعاك
شبسرعه من ايدي تروح
وبگلبي خلييت جرووح
وينك يحيدر....وينك يحيدر
نص...
حسين وحسن ليه دنوا
بحركة گلب لنهم بچوا
من والدي چن ايسوا.....ياويل
زينب ينادوني بحزن
لفاطم وحيدرمن نون
ودموعهم كت المزن.....وتسيل
باليتم خلانه وشال
لاامنه لاعدنه خال
وينك يحيدر....وينك يحيدر
نص....
ياوالدي جار الدهر
يافركتك تسوه العمر
مكسور گلبي منالقهر...ياناااس

مظلم البيت بلاعمد
بنيتك ابعازة سند
يافرگتك تمرد گلب... العباااس

الايتام تبچي بالدار
روحي تشب بيها النار
وينك يحيدر....وينك يحيدر
نص...
هالعيد اجانه بالدمع
واذكرت يوم الظلع
لا ابو لا ام ينسمع.....يحسين

عيد المواجع والجرح
وي راس ابوي المنذبح
بالنايبه ومامش فرح... صوبين

من لفرگه اندب يحسين
خويه هلي راحوا وووين
وينك يحيدر ...وينك يحيدر
نص...
من فرگتك ياابالحسن
بياحال وعيوني لعمن
ولصخر بچيته ويحن...وينوووح

يالوالي بيت بلا اهل
شيسوه بعد بيه الامل
ياموت مرني بالعجل ...ونروووح

كون اندفن بالكووفه
يلفني علي بچفوفه
وينك يحيدر....وينك يحيدر

✍باقر جبار الشويلي


للاستفسار والتواصل
@MolatyzeenabbbB_bot
https://www.tg-me.com/lAfiteamoun

يابالحسن رايح وين
دمعاتي نزلن صوبين

اللهم اجعل هذا العيد بدايه الجبر والعوض لقلوبنا، واجعله بداية خير وبشرنا فيه بما يسرنا، اللهم اجعله عيداً مليئًا بالأفراح والتوفيق ، اللهم اجعله عيد تحقق فيه كل الأمنيات، اللهم إنا ننتظر منك فرحة تغير مجرى أيامنا فبشرنا بها يا كريم.

بسمه تعالى

قريباً في الأسواق ولأول مرة... 📢📢📢📢📢

كتاب محاضرات راقية

جئناكم بكتاب محاضرات باللغة الدارجة(يسهل عليكم الكثييير)
يتناول الكتاب محاضرات لمشاكل هذا العصر بطريقة حكيمة ذكية تشد انتباه السامع، استعمل الكاتب
ربط الاحداث بين العصور السابقة والعصر الحديث بطريقة ملفته للمتلقي.



"مميزات الكتاب"

-اللغة الدارجة.
-قصة في كل محاضرة.
-كتاب عاشوري.
-محاضراته سهلة الحفظ.

🏄🏿‍♂لا يفوتكم شراء الكتاب فالعدد محدود.

🗯سارعووووووو، وسترون

التغيير في مجالسكم🗯

السلام عليكم... نطلب من كافة المؤمنين والمؤمنات ان يشملون ورود عبدالهادي بدعائهم وقراءة سورة المزمل بنية الشفاء لأنها تمر بحاله حرجه جدا جدااًوحاليا راقده في الأنعاش القلبي الرئوي💔 لأصابتها بعجز القلب التاام 😭😭ولديها 6 أطفال واحدهم من ذوي الاحتياجات الخاصة..😓جعلها الله في ميزان اعمالكم ودفع عنكم كل مكروه.