🔳▪️القصيدة-6-▪️🔳
🔳للعليلة ع
🔳 قصيدة حدي
🔳 نعي مجردات
🔳 أبوذية
هٰذي الديار ُ وهٰذه ِ ذِكرآها
فيها العليلة ُأفرَغَت شكوآها
لمّا سرَىٰ ظعنُ الحُسينِ بِـهَيبَةٍ
نحو َالشهادة ِحيثُ كربُ بلاها
شَعَرَت بأنَّ فراقَهُم لنْ ينقَضي
إذ خاب َ مما شاهَدَتهُ رجآها
واستيقَنَت أنْ لا رجُوعَ لأهلِها
واستسلَمَت لِدُموعِها وبُكاها
في الدار ِ تندبُ يالَها من نُدبة ٍ
والنعيُ في ليل ِ الأسىٰ سلوآها
حتىٰ حماماتُ المدينةِ أُدهِشَت
وتعلّمَت من نَعيِها وشَجآها
والفاقـِدُون َ استأنَسُوا بنَواحِها
فتهيجُ أَحزانٌ لهُم برِثآها

#سمير_الصالحي
#النجف_الأشرف
https://www.tg-me.com/ShaikhSameerAlSsalehi

🏴القصيدة

يابويه لاتمشي بعجل
وَّگف الظعن تانيني
لا وين ناوي بهالسفر
ابحگ فاطمه حاچيني

بت وعليله لوحدي
دَخذوني بويه وياكم
مو صعبه أبقى بهالبلد
وما أصبر بلياكم
هيچ وصدگ ترحل وانه
تعوفوني أترجاكم !
صدگني طبت من المرض
وماريدك تباريني

هذي خواتي حَمِِّلَن
يرحن وياكم كلهن
من دونهن آني أظل
وبس هنه اشو تاخذهن !
شنهو السبب حتى افتهم !
عود آني گلت اسألهن
مامش جواب ولا عذر
ولوحدي تخليني

ولمن حده الحادي وطلع
وآنه اتفكر ليهم
سالت دمعتي من القهر
وبحرگه صحت عليهم
بتكم أنه ومحد سمع
والحادي مسرع بيهم
وچن موتي گرب ياخلگ
وضاع العمر وسنيني

مجبوره اعاتب دارُهم
أبچي وتهيج العبره
شچم دوب اظل مساهره
ليلي وأظل منتظره
والفرگه تكتلني كتل
وبصدري تچوي جمره
شوغات تخلص ليلتي
اشهگ واجر ونيني

اويه النوح صارت صحبتي
أبچي ويزيد عتابي
چا ليش غابوا كل هلي
ولا خبر من احبابي
واتمنه اشوف طروشُهُم
امن اگعد بعتبة بابي
ولمن أأيس اختنگ
وتسيل دمعة عيني

#سمير_الصالحي
#النجف_الأشرف
https://www.tg-me.com/ShaikhSameerAlSsalehi

🏴نعي مجردات
لسان حالها
لاوين نيتكم تحَملون
وتمشون بويه بهاي الظعون
وچنكم بعد ما تردون
چا گلي بويه وآني شلون !
بس لا تخلوني وترحلون !
گلبي انعصر وتغير اللون

ولكن بويه :-
من توصلون وتستراحون
طارش هنا ليه تودون
عنكم يخَبرني شتسوون
بلچن تبطل تبچي العيون

🏴 أبوذية

أنه بعيني أشوفنهه واراهه
حمول الأهل صرت اركض وراهه
ذبح خلصوا ولا واحد وراهه
ثلث تيام ظلت عل الوطيه

#سمير_الصالحي
#النجف_الأشرف
https://www.tg-me.com/ShaikhSameerAlSsalehi

💥 القصيدة والنعي كلها تحكي عن موضوع واحد … دقق وتَذَوَق ..
في لقآءها مع العقيلة زينب ع
🔳نعي مجردات
🔳نعي نصاري
🔳مجرشة
🔳أبوذية
🔳قصيدة تجليبة
🔳القصيدة لأم البنين ع

أتيتُ إليكِ #زينبُ فاعذُريني
لعلَّ البعض َقصر َّمن بَنيني
عَلِمتُ بأنَهُم قُتِلوا جميعاً
أمامَ #السبطِ #مولايَ #الحُسين ِ
#وعباس ٌمَضىٰ نحوَ الفرات ِ
لـمَلئ ِ الجُود ِ بالمآء ِ المَعين ِ
فلَم يشرَبْ وقلبُ أخيهِ ظامٍ
وكانَ فُراتُـه ُ بَين َ اليَدَيّن ِ
وكَـرَّ عليهِمُ والغدر ُ أودىٰ
بقَطعِ شِمالـِه ِوكذا اليمين ِ
وسهمٌ جآءَ قِربَتَـهُ فسالَت
وسهمُ العين ِليتَ أصاب َعيني
وهامَتَه ُ عمودٌ قد أتاها
وصارَ البدر ُ مفضوخ َالجبين ِ
أنا يا زينَب ٌ أم ّ ٌ تَمَنَت
ترىٰ أبنآءَها في كل ِِّحين ِ ..
…فدآءً يذهبون َلكُم وألآ
يَرَوا #سبطَ #النبيِّ بلا مُعين ِ
فَياابنةَ#حيدرٍ هـلاّ سمَحتي
بأن ْ أبكي الأحبة َ في أنيني
وأنعىٰ فِلذةَ #الزهرآء ِ حتىٰ
أُواسيكُم بفاضِلِها سنيّني

#سمير_الصالحي
#النجف_الأشرف
https://www.tg-me.com/ShaikhSameerAlSsalehi

أم البنين ع
أنشد اجيتچ جاوبيني
بس كون ماگصروا بنيني
زينب واخاف تعاتبيني
وتنشف دمعتي بوسط عيني

زينب ع
ماگصّروا خُوّاني لحيود
وعباس ابَشرچ وَفـه لوعود
من ترس ماي وجابه بالجود
لاچن وسف مالَـحّگ يعود
طفّوا عيونه وگطعوا زنود


#سمير_الصالحي
#النجف_الأشرف

🏴 لقاؤها مع زينب ع

إجيتچ يالوديعه ألطم الراس
واعينچ وانشد على الشهم عباس
بس لا تشمتت بيكم الناس ؟
دحاچيني يزينب شنهو الأخبار ؟

تگلله أخيي وفّـه الوعود
لَحد ما گطّعوا من عنده الزنود
كل همه يوَصَلِ الماي بالجود
وسافه انچتل هذا الصار والدار

أبو فاضل كلف يشهد حنانه
يحره وداعتچ لا ما نسانه
بنص الماي اهو ويابس لسانه
خاف يضوگ گطره وتنحسب عار

حليبچ طاهر ولمن ترضعيه
بحسين وهله چنتي توصيه
وعلامه بيوم قدّم گطعة ايديه
مارد للخيم چيف انه محتار

#سمير_الصالحي
#البصرة_الفيحاء
🏴 ولما أراد الركب المسير
حضرت ع لتؤكد وصيتها لأبنآءها

جيتك يبن حيدر علي
مشدوهه دمعاتي تهلي
آنه وبنيني وكل هلي
فدوه لحياتك ياحسين

هذا آخر وداع وسفر
واشبيدي لوعني الدهر
عگبك أظل بلا نظر
ربيت الك هاي البنين

خليني اَوَصي هالوِلِد
حتى عليهم تعتمد
عباس اخافن ماترد
بالك عله گرة العين

چفوفك تقدمهن فده
لاجله ولاتهاب العده
لتعوف اخييك وحده
لحد مايفرگكم البين

وزينب تصيرلهه حِمى
ومحملهه هم تتوزمه
تفديهه لو سال الدمه
من عينك وليدي الحنين

🏴 الأبوذية
نظر عيني أبوسكينه وارى بيه
وتعرفوني وفيه الكم وربي
علي يشهد أبوفاضل و اربيه
واعلمه يطيح گبل ابن الزچيه

#سمير_الصالحي
#البصرة_الفيحاء

🔳عن اولادي أنشدچ جيت الچ أسعه
🔳أخافن گصروا ياريحة البضعه

خفت لاچني أدري اولادي ميگصرون
وانه الربيتهم خدام الچ يـَم عون
كلشي يصير تالي وعني شتگولون !
ماأملك فقط حبكم وهالسُمعه

حبكم غايتي وخدمتكم تمنيت
وعلمت البنين الطاعه لاهل البيت
والله وداعتچ حقكم فلا وفيّت
روحي بحب ابو السجاد متولعه

صدگ يا زينب احچيلي اشجره وشصار!
بالطف گالوا النزلوا گبل لانصار
گلت بس لا يجيني من بنيني العار !
عله الموت الانصار اشعجب متسرعه!

إذا عباس ما وَفـّه فلا أبريه
الذمه وأبد يا زينب ولا أبچيه
بس اعرف ابو فاضل سبع وادريه
گالوا بالحرب زندينه متگطعه

تگلهه ام الخدر يم البنين أرجوچ
شتگولين ! اخوتي حيود ما خذلوچ
بوگفتهم خلدتي وبالسمه خلوچ
كفوا منهم ومنچ والله ياشمعه

كفوا من جعفر وعبدالله وعثمان
نزلوا چن أسود لخطة الميدان
بيهم يالوفيه حارت العدوان
راحوا چتل والأجساد متوزعه

أسولفلچ يحره اعله البطل عباس
بافعاله ووگفته تحچي كل الناس
أخو وماله مثيل الهبه رفعة راس
حسين ولبو فاضل منحني ضلعه

وحگ هو الشهم خلاهم يرجفون
يسموهم زلم بس منه يشردون
خوف ورعب قاده وجيش يتوسلون
غضب نازل وضاگت بيهم الوسعه

ما ضاع الربه أم وثلث تنعام
تـظل بيهم وبيچ تسولف الأيام
بس جرح ابو فاضل أبد مايلتام
تعاي ويه الحرم نبچي وعليه ننعه

نبچي ونلطم وما نگطع الونه
ونجيم النوح وبحرگه اعله چافلنه
حسافه عليه راح وأيست منه
لظل عمري حزينه واهمل الدمعه


#سمير_الصالحي
#البصرة_الفيحاء
https://www.tg-me.com/ShaikhSameerAlSsalehi

⬛️◼️القصيدة-2-◼️⬛️

لم أنسَ توديعَهُم والرَكبُ مُرتحِل ُ
نحوَ الطُفوفِ ودمعُ العينِ مُنهمل ُ
أحسَستُ ساعَتهَا رُِزءَاً يُلاحِقُني
والقلبُ مُعتصِرٌ ينتابُهُ الوَجل ُ
وحلّ ماخِفتُ مُذ غابَت ظعونُهُمُ
عن ناظرِي حينَما في كربلا نَزلوا
وصارَ ما صارَ من جَورٍ بعَسكرِهِم
وكانَ ماكانَ والأبناءُ قد قُتِلوا
وقصَّ لي بشرُ أوجاعاً تؤرقُني
مِنها رؤوسَهُمُ أعداؤهُم حَملوا
وقد بقيتُ أُعاني من فِراقِهمُ
وهكذا الحالُ حتى جآءَني الأجل ُ
ذكرى بَني ّبعيني لا تُفارقُني
أمٌ أنا بعدَهُم لم يبقَ لي أمل ُ
عندَ الصباحاتِ أنعىٰ ثمَّ أندُبُهُم
وفي المَساءاتِ أدعُو علّهُم يَصِلوا
هذي حياتي انقضَتْ نَوحاً وفي كدَرٍ
ونكبةُ السِبط خَطبٌ فادحٌ جَلل ُ
أما الفؤادُ عليهِم ظلَّ مُنفَطِراً
والروحُ بالنارِ والآهاتِ تَشتعل ُ

#سمير_الصالحي
#النجف_الأشرف
https://www.tg-me.com/ShaikhSameerAlSsalehi

⬛️◾️القصيدة-3-◾️⬛️

لم تسألِ الناعي عنِ الأولاد ٍ
سألت أجبني عن حبيب ِفؤادي
لا تذكُر ِ #العباس َ لي أو #جعفراً
و تجَنَبِ التفصيل َ عن أولادي
لا شُغلَ لي إلا #الحسينَ ألآ فهلْ
أخبَرتَني يا #بشرُ دونَ عناد ِ!
إني أنا #أمُ_البنينَ حسيرة ٌ
مُٰذ سارَ ظعنُهُم جَفَوتُ رقادي
وبَقيِـتُ في وَجدٍ بُعَيّدَ رحيلِهِم
أُمنىٰ بأيام ٍ عليَّ شداد ِ
فالماءُ عندي نُدبَتي لأحبتي
أما البكاءُ علٰى #الحسينِ فزادي
حتىٰ البقيعُ يئِـِنُ حينَ أنوحُهُم
ورياحُهُ تسفي عليَّ غواد ِ
وترابُهُ منهُ اصطَنَعتُ قبورَهُم
أنعاهُمُ في حُرقة ٍ وأنادي
(كانت إليَّ بنونَ إذ أُدعىٰ بِهِم)
فتهيجُ كلُّ حَمامة ٍ وجماد ِ
يا #بشرُ آمآلي انتَهَت وفراقُهُم
نارٌ أحالَت فرحَتي لـِرماد ِ

#سمير_الصالحي
#النجف_الأشرف
https://www.tg-me.com/ShaikhSameerAlSsalehi
—————————
🏴 نغي - مجردات

ظليت اتاني تعود الاولاد
وگلبي عليهم ساعه ماهاد
محتامه روحي والألم زاد
يمته وصدگ لمتنه تنعاد
ياحيف ماكو عليه نشّـاد
———————————
🏴 حوار الحب والحنين مع ناعي
الحسين ع…

سمعت رجع ناعي المصايب
ومشدوهه اجت والگلب ذايب
گالت يبن حذلم شجايب !
من اخبار عن ابن الأطايب

يگلهه شاگولن يم البنين
ماجوره بولادچ النشمين
عباس صابه السهم بالعين
وجعفر وعبدالله مطاعين
وانچتل عون وياه سبعين

گالت نشدتك عن ضوه العين
لهفان گلبي عليه كل حين
گلهه يـحره زيد الونين
وسفه تراهو انذبح الحسين

#سمير_الصالحي
#النجف_الأشرف
https://www.tg-me.com/ShaikhSameerAlSsalehi

•{لولا محرم}•

١/ أعدّ الليالي بطريق الظعون
و اريد بدمعتي ألاگي اليجون
من الصادق أطلب لمحرم دموع
فلولا محرم أنا من أكون

أتاني و أعد أحسب
أريد انصب الموكب...و اسهر

أرد آدمي بدمعي
أنا ازكه من أدگ ضلعي...و أطهر

شنو عمري من دونه
بلا مجلس جنونه...شگدر

في محرم عمري ألگاه...من أصيحن واحسيناه
بگلبي يطهر ويّه كل آه...من أصيحن واحسيناه

-بأبي أنت و أمي يا أبا عبد الله-

٢/ أتاني الضعينه بقلق و اشتياق
مخطره الصحاري و درب جيته شاق
أعلگله رايه و احضّرله ماي
هلا يبو الأكبر تشرف العراق

هلا بآل أبو طالب
تحط يمتى و نراقب...رحلك

نتاني يطل نورك
هلا بصحبك و سورك...و اهلك

هلا بريحة الزهرة
أنا برايته الخضره...اتبرك

عمري كلّه مو مواسم...آنه لضعون الهواشم
عمري كلّه أبقى خادم...آنه لضعون الهواشم

-بأبي أنت و أمي يا أبا عبد الله-

٣/ الحياة مو حياة بدون العزاء
الوطن مو وطن بلا كربلاء
بغير الحسين أنا لا أكون
أنا من أنا بغير البكاء

لطم دمعه و اقرايه
و إله أمشي مشاية...عمري

ثواب امي و انذوره
و حطب نار الجدورة...ذخري

علگ صحنه و امراده
و عطر راية السادة...عطري

غيري لأهل الدنيه داخل...و آنه يمك يبو فاضل
وكتي يعدل وكتي مايل...و آنه يمك يبو فاضل

-بأبي أنت و أمي يا أبا عبد الله-

٤/ عليل البواچي محرم دواه
يضيعني وكتي و أظلن معاه
و إذا گلبي صاير حجر أبقى انوح
عذر مالي كون الحجر هم بچاه

يفت الحجر حاله
بقت عينه لعياله...حاير

و لا غالي للغالي
وحيد الظهر خالي...شصاير

توسد رمل هيمه
و طرف عينه للخيمه...داير

لرقية بقه مهموم...واغريباه وامظلوم
بعياله غفه مهضوم...‌‌‌‌‌واغريباه وامظلوم

-بأبي أنت و أمي يا أبا عبد الله-


*الشاعر الموفق مصطفى صادق اللامي*


رابط قصيدة "لولا محرم":
https://youtu.be/8CEKuMcv4YA?si=G5h7c2JJCalAqzVa
_
قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://www.tg-me.com/MSudane
_
القناة الرسمية للملا مصطفى السوداني على telegram :
https://www.tg-me.com/Mustafa_Sudane
_

الخروج من مكه . حوار بين
العباس والعقيله زينب عليهما السلام 

*قومي يازينب عزمنا اعلى الرحيل*
*واسـتـعـدي للـبـكـا وحزن الطويل*

قـومـي يا زيـنـــب نــروح الـكـربـــلا
قـومـي يا زيـنـب يا بــت عـقـد الولا
لـلـبــلا قــومــي اسـتــعـــدي لـلـبــلا
*ابـيـشـيـل الـظـعـن زيـنـب ابيشيل*

كــم مـصـاب اتقاسـي يا بـت فاطمه
وحـق أمچ والـوصي حـامـي الحمى
تشوفي يا زيـنـب مـصـايــب مـؤلمه
*ويرتفـع مـنـچ يزيـنــب كـل عـويل*

تشوفـي يـازيـنـب چفوفي امقطعـه
والـشـهـيـد حـسـيـن يفجع مصرعـه
بـثـنـعـش ضـربـه كـريـمـه يـقـطـعـه
*تشاهدي كـل منا يازيـنـب جديـل*

تمشي مسبيه وغـريـبـه ابكـل محـل
عــالـهــزل والله تـركـبــي عـالــهــزل
كـربــلا تـخـلـي دمــوعــچ كـم تـهـل
*واليتـامى امـقـيـده او ذاك العليل* 

صوتـت عــبـاس والـضـلـع انـحـنـى
حـجـنـا يــاعـبـاس فـي هـذي السنه
ومـــكــــه الـنـه والله هـيـى الامـنـه
*وصاح يختي والدمـع مـنـه يسيل*

لـلشـهـيـد حـسـيـن مــكــه اصبحت
غــدت غـيـر امـأمـنـه  زيـنـب غدت
صـفـقـت الـراحـات ويلي وعــولـت
*اجل خلنا انروح يا حامي الدخيل*

نـطـلـع ابـهـيـبـه يا زيـنــب بالضعن
كـربـلا الـنــا وطــن وارض الـمـحـن
بـيـهـا بـنـلاقـي المصايـب والشجن
*اعليچ وزينب الحزن صايـر ثقيل*

تمت بحمد الله ومنّه
في 1440/12/7 هـ

*لخادم اهل البيت عليهم السلام*
*المُلا محمد سامي المرعي* الأحسائي

قناة الواتساب
https://whatsapp.com/channel/0029Vaj9onhGpLHKWa9lHU3d
قناة التلگرام
https://www.tg-me.com/mohmadsami20

إني دخيلك يا حسين ( الحب أنت )

✍️ للشاعر علي عسيلي العاملي
🔴 مجالس شهر محرم الحرام 1446هـ
🔻موكب غريب طوس (عليه السلام)
▪️البصرة
👐اللهم عجل لوليك الفرج
https://www.tg-me.com/MajalesAlKhaqani

رابط المشاهدة على اليوتيوب ⬇️
https://youtu.be/FEzdt7x8mjs

⬆️نزل گلبي على اعتابك
🎤الملا محمد باقر الخاقاني
✍🏻الشاعر كرار المحمداوي

موكب غريب طوس "ع" البصرة
اللهم عجل لوليك الفرج
@MajalesAlKhaqani

قصائد الليلة
بصوت الشيخ عبدالله روماني

#اللهم_عجل_لوليك_الفرج

#مجلس_الاربعين
#في_خدمة_الخطباء

طور المسوبع [شعبي]


وركضت للگمر عباس .. مثل ما ركضت بعاشور
بس متغيّرة زينبْ .. ومتِنها من الضّربْ مكسور

١/ يم العلقمي نادتْ .. يا كافل ما هوَّ عْتاب
ادري بالجرى بعينك .. وادري سابِحِ بْلِخضابْ
وادري مقطعة كفوفك .. وادري موذّرِ بْلِترابْ

جيت اشكي الك همي
واولها يعين أمّي
كان أم الخدرْ إسمي

وصار اسمي أمْ لِمصاب .. واخت الخارجي المنحورْ

٢/ صعدت الناقة يا خويه .. گبال اليقطّعِ الكفينْ
وگبال لضرب راسك .. وفطّر هامتك نصفين
وسلبوا منّيِ خماري .. واستبدلته بالايدينْ

ودخلنا لمجلس الملعونْ
وْنُظرَتْ بالشّماتةْ عيون
مثل سيوفْ بِيْجَرحونْ

واذا وحدة بكتْ تضربْ .. وعَلينا بالحبل مأسورْ

#اللهم_عجل_لوليك_الفرج
https://www.tg-me.com/ali_almortada5

القارئ الشيخ عبدالله روماني 🏴
مجلس اليوم الأول

قصيدة [يمه اودعك] بصوت الشيخ عبدالله روماني

#اللهم_عجل_لوليك_الفرج

#مجلس_الليلة_الثانية_محرم_١٤٤٢
#بصوت_الشيخ_عبدالله_روماني
#خطباء_المنبر_الحسيني
@manbarhoysayne1

السلام عليكم ورحمة الله وبركاته
خدام الحسين ع ارجو منكم نشر رابط القناة حتى يوصل لجميع خدام الحسين اكون ممنون  احبتي
https://www.tg-me.com/raadghurikhi